بخصوص الجرين كارد

[GBU79]

انا لاجئ دخلت لامريكا قبل 10 شهر تقريبا , بالبداية وصلت الى كاليفورنيا لانه كفيلي بيها ...ضليت تقريبا اسبوعين وماعجبني المكان وانتقلت الى ولاية اوريغون وضليت هاي الفترة اللي فاتت كلها في اوريغون والان ناوي ارجع لكاليفورنيا مرة ثانية خلال هذه الايام ...طبعا اني بعدني مامقدم على الكرين كارد لحد الان لانه اللي اعرفه لازم يصير سنة يله اكدر اقدم معناها اني بعد الي شهرين يله اقدر اقدم ...سوالي هو اذا انا انتقلت بهاي الايام الى كاليفورنيا واقدم مناك على الكرين كارد هل تغيير الولاية هذا راح يأخر او يأثر بشكل سلبي على معاملة الكرين كارد ...وربي يسهل الامور للجميع اني اعرف انتوا ماتقصرون بردودكم اذا تعرفون وشكرا للجميع .

[ابو عبد الله التكساسي]

لا اخي ما ياثر اطلاقا 
تغيير العنوان مو من شروط التقديم على الكرين كارد

[GBU79]

shawqi shumran  شكرا الك اخي العزيز على الرد ويارب تسهل كل امورك

[omar_642]

عن تجربة ان تغيير الولاية قد يسبب التأخير احيانا
وبما انه لم يتبقى لك مدة كثيرة على التقديم للكرين كارت  نصيحة تاخذة اول وبعدين غير المكان اذا كنت غير مضطر
تحياتي

[MAGGIC]

اخي العزيز

انا اؤيد كلام الاخ omar_642

لي صديق في ميزوري وهو ينتضر الكرين كارت بالشهر الرابع سنه 2010 ويريد ان ينتقل الى ولايه اخرى ووجد اذا انتقل هذة الايام سيتاخر الكرين كارت مابين شهرين الى اربعه اشهر لذا اصبر وحصل على الكرين كارت ثم انتقل براحتك


تحياتي الك

[hussein5582]

احويه اذا تريد تنتقل انتقل قبل ما ادز اوراقك لدائرة الهجره,, يعني اذا انته كنت مقدم من الممكن ان ياخر مع العلم انوا عدهم طريقة للتغير عن طريق الاون لاين و الفورم رقمه
A-11
اما اذا بعدك ممقدم فانتقل و بعده قدم وما بيه اي تاثير. المهم تبقى بعنوانك و متغيره خلال المعامله

[ابو عبد الله التكساسي]

اخوان انتبهوا للي كاتبه الاخ

هو اصلا ما مقدم ولا منطي عنوان

هو راح ايفدم بعد فتره


طبعا اني بعدني مامقدم على الكرين كارد لحد الان لانه اللي اعرفه لازم يصير سنة يله اكدر اقدم معناها اني بعد الي شهرين يله اقدر اقدم ...سوالي هو اذا انا انتقلت بهاي الايام الى كاليفورنيا واقدم مناك على الكرين كارد هل تغيير الولاية هذا راح يأخر او يأثر بشكل سلبي على معاملة الكرين كارد

هذا سؤاله واقروا علكيفكم وركزوا بي قبل لا تجاوبون يصير وميصير
الي دتكولو ماله علاقه بالسؤال
لو شتكولون ؟؟؟؟؟؟؟؟؟؟؟؟؟؟؟؟

[ثلاثي الابعاد]

باركك الرب اخي

مثل ما ذكروا الاخوان
انت وكل واحد يفكير في تغيير الولاية قبل الكرين كارت  فتأكد انك ستتأخر اقل شي شهرين اضافيين ,,,,على اعتبار  انه التجييك عنك سيكون في مكانين وهذا يأخذ وقت  وبتجربة الكثير من الاصدقاء والاحبة

باركك الرب

[GBU79]

كل عام والجميع بالف خير...من احلى المنتديات وتهتمون لامر غيركم وهذا شئ رائع اشكركم واحد واحد على ردودكم واهتمامكم ...شكرا الكم .

[SARA CALIFORNIA]

رايي الشخصي,,,انتظر شهرين و قدم على الكرين كارد من اوريكون لان بكاليفورنيا يتاخر شوية,,و القرار يعود الك....بالتوفيق ان شاء الله