★AbN✰BaGhDaD★
عضو مميز جدا
غير متصل
رسائل: 4574
★☠❶☠★
اون لاين من ولاية فرجينيا
« في: مايو 28, 2009, 09:34:37 pm »
--------------------------------------------------------------------------------
شلونكم حبايب قلبي كولش مشتاقلكم...
البارحة بليل وصلت فرجينيا من مطار عمان _دايركت مطار نيويورك الرحلة كانت 12 ساعة ...وبقينة بمطار نيويورك 12 ساعة في مطار جون كنيدي ..ومن بعدها الى مطر جارلوتس فيل...حيث المدينة مالتي ...والمطار يبعد عن السكن ربع ساعة تقريبا بالسيارة...الشقة كلش حلوة مرتبة كلش طابق ارضي غرفتين وصالة ...مثل السويتات مقسمة اني الوحيد العراقي بالمجمع ..كلهم امريكان ...
وسئلت المنظمة IRC كلي هنا العراقيين كلهم يطلع بيهم 300 نسمة فقط من اصل 40000 سكان المدينة الاصليين...
بصراحة الطريق كان متعب جدا ..واللي تعبني اكثر هو بقيت وية عائلة عراقية بعد ما المنظمة طلبت مني ابقى وياهم لغرض الترجمة ..لان ما يعرفون انكليزي ...وطلبوا مني اساعدهم في حال اذا احتاجوا الى ترجمة ...لان (ولا موظف يتكلم اللغة العربية)...ولا شفت اي احد عربي الحد الان ..وظليت افكر (كلت لعد هاي لو جاي احد هنا وميعرف انكليزي جان شسوة ؟؟؟؟) فعلا شي غريب ..المهم
الموظفين بالمنظمة كلش خدومين وحبابين ..واستقبالهم كلش حلو جان ومتعاونيين بشكل واجوي وياية للشقة فرجتهم بعض الصور على الاب توب ...
وكملت اجرءات السوشل والفود ستام والمديكير...ووانطوني صك بملبغ 45 دولار كل اسبوع وراهة رحنة للمول ...تسوكت اكل ..وكان اكو اكل بالثلاجة (دجاجة مشوية..عصير تفاح 3 ليتر ..بيض..حليب 3 لتر..تفاح..برتقال ...بطاطا..
معطر جسم ..خاوليات..تيبلمب...شامبو ..صوابين...وكلة جديد حتى الجرباية جديدة الفراش جديد كلشي يعني...
المدينة كلش كلش حلوة ..مدينة طبيعة واغلب الامريكان يجون هنا حتى يقضون اوقات شهر العسل...
يعني اني ودا امشي بالسيارة اشوف سناجب وغزلان ..وطيور بالالوان ...
وهم المنظمة خطية ما قصورا فرجوني عل مدينة كلهة اربع ساعات تقريبا نفتر ...مولات ستورات.. كلشي يعني ...
جارلس فيل مدينة بصراحة كلش راقية لذلك الاسعار بيهة شوية مرتفعة ..وتبعد عن مدينة صديقي زيد نازكول 40 دقيقة ...
يعني الاسعار مثلا
ما شفت بنطرون جينز اقل من 15 دولار وصاعدا
التيشيرتات اقل شي 15 دولار
الايجارت الشقة مالتي 850 دولار بالشهر بس وية الكهرباء والماء ..اتصور زينة لان هي بالمعدل بدون كهرباء او ماء 650 ..
واذا غرفة وصالة وية الماء والكهرباء 600
واذا ستوديو 400
الاكل ..هنا بالمول اكو غالي واكو رخيص ..مثلا يعني كيس فخاذ كنتاكي كيلوين ونص تقريبا 6 دولارات
دجاجة مشوية حجم كبير ..وية المقبلات 5 دولارات فقط...
عصير تفاح 2 ليتر دولار ونص ...
معطرات جسم 4 دولار
اسعار عادية يعني ...وبنفس الوقت ماركة ومتنوعة
الشغل بالولاية متوفر وحسب الكفاءات
المساعدات 3 اشهر ..واذا مشتغلت تستمر
نسيت اكلكم شي...بالنسبة للجنط من عمان لنيويورك الهاند باك مالتي ما انفتحت اصلا
بس بالوزن بعمان كيلو زايد يحاسبوه ويدفع عليه 150 دولار
وبمطار نيويورك الحقائب الكبيرة ما انفتحت اصلا ...بس الهاند باك انخلت نخل..وتفتيش (بودي جيك) كلش كلش قوي ...
معلومة زغيرة...كثير من العوائل شفت شايلين بيديهم 2 هاند باك ولا احد حجة وياهم
نعم اكرر.. 2 هاند باك هواي شفت محد كللهم على عينكم حاجب ...
ولا احد سائلني شكد شايل فلوس ...
هواي امور مثل جنة نتصور كلش سهلة وبسيطة ...والناس هنا طيبين وكل واحد بحالة ..لو شمسوي محد يكلك شدتسوي ...
وما شفت الحد هاي اللحظة شكل سيارة الشرطة مال المدينة شلونهة ...
هنا معدل الجرائم كلش قليل...
وشفت هواي امريكان بالعمارة مالتي من تكساس من كالفورنيا جايين الهاي المدينة ...
من مساؤى هذه المدينة الرطوبة العاليةةةةةةة
كانت وياية عائلة عراقية اللي رحت وياهم للترجمة ..بصراحة انطوهم شقة كلش موزينة ..بالاضافة هم مديكير القضية مالتهم ...وما قبلوا يسكنون بيهة
وودوهم للفندق وهذا الحجي كلة وياهم اني بكل خطوة للترجمة ..
وكلولهم منكدر نسوي اي شي الة ورة شهر ...نغير الشقة مالتكم ..بصراحة العائلة حقهم لان شقتهم شفتهة كلش تعبانة وبمجمع قديم ..يعني اصعد علدرج وخايف اكول هسة راح يخسف بية ...
بس هو شنو الوضعية هنا موظفين المنظمة متساهلين كلش ...
موظف امريكي ..كلش حباب وابن عشاير بس اسالة على حاجة يكلي هسة اوديك افرجك الاسعار مثلا..
موظف تايلندي ..بصراحة كلش خدوم وكلش حباب الجنط مالتي مخلاني اشيلهة كلهة همة ..
موظفة امريكية اسمهة سوزان دنوفان ...مساعدة بشكل
موظفة امريكية اسمهة سارة ..كلش حبابة هية من استقبلتنة ...
وانطوني بطايق باص ...ووخريطة ..للطرق
الباص ستيشن تبعد عني خمس دقايق
والمواصلات هنا متوفرة ..يعني ما تحتاجون تكسي ..
سئلت الموظف الامريكي عن اسعار السيارات هنا ...
سوبارو 2009 سيارتة كانت 20000 دولار
نيسان 2009 24 الف دولار
بس ما عندة علم بالسيارات موديلات التسعين
وانشالله اي معلومة جديدة اكللكم عليهة
وانشالله اول ما احصل السوشل سكيورتي نمبر ...واي احد يحتاج الكفالة هنا ..اني حاضر وبرسم الخدمة
ابن بغداد الحبيبة
