ضروري الى المسافرين من مطار القاهرة

[بغداد1975]

صباح ومساء الخير جميعا
ارجو من اللي رح انشاءالله يسافر من مطار القاهرة الجوي ان يكون حذر جدا من ناحيتين
اولا ان ضرورررررررررييييييييييييي ان يخلي قفاله (قفل) على الجنط مالته ولا يستهزء بالموضوع لان اختنا مريمانه تعرضت لسرقه بعض اغراضها رغم نصيحتي الها بس تعرفون دوخه السفروعائله اني لان تجزأت نصفين فأمي (اريد أميييييييييييي ) بقت تذكرني بالاقفاله فارجو يااخوان ان تخلوها من اولياتكم وحتى عنوان الكفيل او المنظمة يطبع وينلزك على الجنط
الشغله الثانية عند وزن الجنط بمطار القاهرة الموظفه اللي توزن هي اللي رح تحجزلكم مقاعد على الطيارة فتاكدو من الحجز ان تكونو كعائله مع بعض غير متفرقين مثل ماحدث مع الاخت ناردين واذا اي احد عنده أم مسنه او اب مسن اكدو عليها بالحجز اي يكون عند باب الخروج للطائرة لان يكون المكان فسيح الهم ومتضايقون وتكون حركتهم اسهل
واتمنى اي شخص عنده ملاحظة مو الا من مطار القاهرة ان يقولها لان تفيد اخواننا واخواتنا
مع جزيل الشكر اختكم عبير بغداد1975

[ابو خالد]

اهلابيك اختنا عبير ونشكرك على هذه النصيحه والله يوفقك انشالله

[ابو عبد الله التكساسي]

والله عمي رحم الله والديج
معلومه زغيره ومفيده وبوكتهه

[angie-dawood]

عاشت الايادي حبي عبير معلومات ونصائح مفيدة بارك اللة بك وانشاءللة السفر القريب للوالدة يوم توصل يمك بالسلامة وتفرحين بيه ربي يخليها الكم

[صابرين]

تسلمي اختنا العزيزة على هذه المعلومة ... ويارب الوالدة توصل بأقرب وقت
بس سؤال يعني هم مراح يعترضون على الاقفال الموجودة على الشنطة

صابرين

[نور68]

اختي العزيزه
جزاك الله الف خير .. الله يوفقك وان شاء الله تجي الوالده يمك وتكمل فرحتك

تحياتي

[Baguncero]

أخوان ولا تنسون تاخذون وياكم خردة خمسات جنيهات فد10 آلاف جنيه ..... يادوب تكفي للرشاوي والأكراميات والبراطيل
لأن تدرون مصر أم الدنيا بهاي السوالف ... والجماعة بالمطار ترة عدهم كرامة أبد مياخذون رشاوي

أسألو أخوكم المجررب ولا تسألون الحكيــــــــــــــــم

Baguncero

[نهاد احمد]

اشكرج  اخت عبير على هاي المعلومات
وبارك الله بيج على هذه النصائح
والموفقيه للجميع

نهاد ابو علي
من مصر

[بغداد1975]

مساءوصباح الخير جميعا
شكرا على الردود واتمنى اي احد اذا كانت عنده تجربه يقولها
اختي العزيزة صابرين محد رح يسالج ليش مخليا قفاله او شنو الغاية منها وسأليني اني لان من سافرت قفلت الجنط كلها ورقمت كل مفتاح بالقفل مالته علمود ماادوخ من اوصل واريد افتح الجنط وعلى فكرة الجنط كلها فحص سونار ومحد يقولك افتحها وشنو بيها
بالنسبة لاخوية علمود الرشاوي تعرف شنو معنى التغليس هيجي سوينا غلسناااااااااااااااااااااااااا
لان احنا طالعين طالعين شيريد يسوي احنا غلسنا وسوينا نفسنا مفهم شنو يحجون ليش هو اللي اخذوه منا من سنة 2006 ليهسة قليل الحمدالله الله خلصنا منهم بقت بس اميييييييييييييييييييييييي
اشوكت تجي هي واخوي واختي يارب يسهل على الجميع
اختكم عبير بغداد1975

[ethan texas]

 مشكورة اختي العزيزة عبير وبارك الله بيج على المعلومات ووفقج يارب

ويوم الي اتكحليين عينج بشوفة امج واخوج يارب ويوصلون سالميين غانميين


اختي العزيزة على كولتج  والله اني ابو الجنط ذبح نفسة مرغلهة على جنية سويت نفسي اطرش ولا كانو حتى الجنط مسحهة

ومطلعت فلس احمر وكلهة سويتهة دولار كلت اخاف ايحن كلبي حتى ماعندي وسيلة

شنو انطية 100 دولار ليش شنو شايل الجنط على راسة لا امريكا 

بس الله طلعها بيهة بمطار نيويوك ماكو عربانات واشتريت عربانة اب 10 دولارات 

[صابرين]

شكرا اختي العزيزة بغداد 1975 حلو هاي نصيحة التطنيش عجبتني
اخي العزيز جوزيف احسن شئ عملته ... ولا تنقهر على 10 دولارات المهم مراحت بجيبهم تروح اي مكان بس لا بجيبهم كل هذه السنين استغلوا العراقيين ابشع استغلال ونحن على نياتنا نصدق كلشي
المهم ان يوفقكم الله وتنفتح بوجهكم وتحققون امنياتكم
اخت بغداد 1975 ان اتصلتي بناردين سلميلي عليها لاني لحد الان لم اراها اون لايف
صابرين

[Baguncero]

بغداد1975 وجوزيف
عاشت أيديكم
أشتري العربانة ب 1000 دولار بنيويورك ولا أنطي بعد جنيـــــــــــــــــــــــــــه لمصري

بالتوفيق أخواني

Baguncero