ممكن توضيح

[Haider Naem]

السلام عليكم
اشكر لقائمين على هالموقع الرائع سعة صدرهم وللاخوه المشركين طرحهم الموضوعي للمشاكل ان شاء الله كلهه تهون.
حقيقة الامر سؤالي يتضمن مجموعة اسأله بآن واحد
بالنسبه الي انهيت مقابلة المحلفين ببغداد يوم 5/11/2009 ووعدوني انهم يتصلون بيه خلال 45 يوم وينطوني النتيجه , البارحه اتصل بيه ابن خالتي بامريكا واللي آني مسبقاً محدده ككفيل وكال انهم استدعوه وراح يروح الهم اليوم .
آسف للاطاله بس هل هذا يدل على انه آني مقبول؟
والشي الثاني آني عندي شلل,امشي بس بعرج واضح وعندي اطفال بنفس شغلتي , قصدي العوق . فهل ممكن انه يساعدوني بعلاج اطفالي ؟ وشنو مجالات العمل بالنسبه الي علماً انه آني بكالوريوس ىداب لغه انكليزيه وشتغل بالامارات مع اجانب ,افيدونا مشكورين

[angie-dawood]

اخي العزيز اولا اهلا وسهلا بك بين اخوانك واخواتك مليون مرحبا
اخي العزيز ما دام استدعوا الكفيل لتوقيع اوراق الكفالة معناها انشاءللة سفرك سيكون قريب باذن الرب
وبنسبة لعلاجك انت واولادك انشاءللة بعد وصولك بخير وسلامة للولايات المتحدة راح يكون كل العلاج على التامين الصحي بامر الطبيب طبعا وبنسبة للعمل حسب الولاية الي تروح الها اذا اكو متوفر العمل بيها انشاءللة تشوف عمل باختصاصك وانشاءللة نسمع سفرك عن قريب ربي يوفقك ويرزقك بالولاية الي راح تروح الها وكل الهلا بك مرة اخرى واي استفسار اخر احنا بالخدمة     تقبل مروري

[Haider Naem]

جزيل الشكر ANGIE على المرور الكريم وندعو الرب انه يسهل على كل اخوانه
آسف عالاطاله بس شي ثاني انه الكفيل وقع  اوراقي الحمد لله واليوم كملن ال 45 يوم اكو حاجه انه اراسلهم واستفسر؟ اللي يخليني متردد انه اكو رد اوتماتيكي عالرسائل يكول انه اقرب وقت للرد هو 3 اسابيع
يحفظكم الرب وموفقين جميعاً

[AbU.SaRa]

 أخوية العزيز مثل ما تفضلت الأخت أنجي أنشاء الله تسافر والله يسهلها عليك وتتعالج هناك ....بس أصبر والله كريم ...بالتوفيق

[الحياوي]

الف مبروك
انشالله السفر القريب
الصبر طيب

[نهاد احمد]

الف مبروك اخي العزيز
وان شاء الله السفر القريب
والموفقيه للجميع

نهاد ابو علي

[ريم عبد]

اخونا العزيز Haider Naem
اذا مرجعلك جواب المحلفين ارسللهم ايميل وهمه هسه ايجاوبوك وايدزولك الرد
وهذا الاوتوربلاي عمومي للكل لكن في الحالات المستعجله ايردون  بسرعه
وان شاء الله موفق

[Haider Naem]

الف شكر اخواني الكرام , الله ينطيكم الصحه والعافيه
اليوم استلمت رساله منهم وهي كالتالي :
Please note that your case is in the final stage and your security checks were cleared.

 

As soon as there are any updates you will be contacted and informed.

 

نسأل الله انه يتممها بتمامه وسهل النا ولكل الاخوه
الف شكر مرة ثانيه وموفقين

[ســـرى]

الله يوفقكم يارب ويسهل امركم

اختكszsz

[ريم عبد]

اخي حيدر
هسه روح حضر الجنطه
والف مبرووووووووووك موعد سفرك ان شاء الله قريب
وانتضر موعد سفر على نهاية شهر الواحد
وياربي ايوفقك وايسهل امرك وياريت تذكرنا تواريخ معاملتك
 والولايه الي اتحولت الها حتى انضيف بياناتك للجدول

[Haider Naem]

جزيل الشكر اختي الغاليه ريم
اشكركم عدد الرمل والحصى والشكر لله وارجو الموفقيه للجميع