قرار جديد من الاردن

[ph_noora]

شباب اريد اسألكم سامعين بهيج شي

صار اكثر من اسبوع اكو حجاية انو العراقي اليسافر من الاردن عن طريق الامم المتحدة و الاي او ام تنسحب اقامتة بالمطار اذا كان مقيم وميكدر يدخل الاردن 5 سنوات والماعندة اقامة هم ميكدر يدخل 5 سنوات . طبعا ما سمعنا الحجي وكلنة اشاعه بس اليوم اجانة تلفون الصبح من جماعه اصدقاء كرايبهم مسافرين هالايام وصاير وياهم بالمطار نفس الشي وكايليلهم احنة عدنا املاك بالاردن مجاوبيهم بالمطار (اذا تريدون سوو وكالة لاي شخص يبيعولكم املاكم). زين شغلة الاقامة ممكن ويجوز صحيحة وملازم خلي تنسحب الاقامة بس شنو منع 5 سنوات يعني كل انسان وضروفة اكو ناس عدهم اهل ضلو بالاردن اكو ناس يردون يرجعون يكملون دراستهم معقولة اذا واحد عندة كرين كارد ميدخلوه؟؟

[eboo]

السلام عليكم اخي العزيز بس هيه الشغله ناخذها من وجة نظر واقعيه يعني هو اليسافر قابل مسوي شي مشكله وباعدينه بس هذول الاردنيين هم هاي نفسيتهم تعبانه ومن يسافر العراقي ما ودهم ويحاولون يتعبون نفسيته اشلون مكان ماكو ما يكدر يرجع اذا يروح امريكا ويريد يجي للاردن زياره ياخذ فيزا من امريكا من السفاره الاردنيه ويجي وغصبآ عنهم وعن اهلهم يدخلوه لان هو ما عنده منع ومحاكمه حتى ما يدخل خمس سنوات هذا حجي بس لتاخذ بيه تقبل مروري
اخوك كريم

[ph_noora]

هوا اذا حطلك منع بالجواز 5 سنوات يا سفارة بعد تفيد ومن منو يخاف حتى لو الشغلى مو منطقية بس يطلع منهم هالشي

[eboo]

خلاص شنو بيدنا خلي شنو يريد يسوي خلي يسوي بس المهم اطلع من يمهم واخلص يمعود هسه قابل فد شي هيه حتى الواحد يرجع بس الي عنده شغل واملاك اي راح يأثر عليه هل شي والله كريم ان شاء الله تفرج على الجميع وعليك
مصير الهم جاره ابد

[اريد وطن]

اخويه واخوانا الاعزاء

اذا الخبر سمعته من ناس ثقه مثل بالمطار المافرين عن طريق يوان او IOM  والكل ختموا منع خمس سنوات وهذا من واحد ثقه او من قبل وزاره الداخليه فصحيح 100%

حبي قبل يومين سمعت الاردن بصدد اصدار قرار اعفاء من غرامات وهنا التناقض

اخويه هيه مامستبعده عن الاردنيين بس اخي اخذها من المنطق هسى واني مسؤول عن كلامي الفيزه للعراقيين اسهل يعني انا الشركه كنت اعمل بيها في عمان موضفين من بغداد هوايه كاموا يجون بس يحجزون عن طريق الملكيه و 3 ايام تطلع الفيزه

يعني اكوا هوايه تسهيلات وماطول متاكدين منك جاي تصرف وتاجر مو كاعد تعصه ماعدهم مشكله ومن خبرتي بالاردن من 20 سنه ماطول واي حكومه عراقيه تطيهم نفط وتسهيلات لاتخاف اهم شي المصاري يعني الفلوس ومصلحتهم

واذا حقيقي هذا الوضع وصار هم كاعد ينتظر ويريد بس يسافر هو انسان مجبر مامخير يعني اذا طلعوا هجي قرار يعني باجر عكب يطردون العراقيين كلهم والعنده اقامه من اي منطق يلغي اقامته بالمطار زين الحاط 25 الف شنو ياكلوها خويه الرجاء الواحد يتاكد من اي معلومع وينشرها

وانا بدوري اسئل ال يو ان واداخليه الاردنيه وباجر اجيب الخبر طبعا من الداخليه عندي صديق استفسر منه واردلكم خبر .

اريد وطن - عمان انتضار اتصال من سفاره السلحفات ( الكنديه) سفاره الصبر والقهر و طول البال

[ph_noora]

والله ياريت تسألنة واني اولا سألت هل هذا الشي صحيح لو لا مو نشرت الخبر واني متأكد منه وثاني شي سألت لان قبل ايام قليلة صارت بالمطار هذا الشي من ناس نعرفهم يجوز همة عدهم مشاكل وطلعت بيهم بالمطار يجوز هاي تصرفات فردية من الحدود وانتو تعرفون عدهم هيج سوالف ومو غريبة عليهم اني بس داستفسر واريد اعرف

[ali.cooom]

هية ناقصة علمود اسمع هيج خبر

الله يخليكم اتاكدوا لانو اريد لمن اسافر واخذ الكرين كارد ارجع اكمل الباقيلي بالجامعة للتخرج(سنة ونص اوكي بس مو انتظر خمس سنوات ها كارثة اذا هيج )

باي يحق تنسحب الاقامة و بأي حق يدكوون  منع على شخص ما متجاوز وما عليه غرامات  و عنده اقامة ؟؟؟!!!؟؟؟اوكي خلي يسحبون الاقامة مو فد مشكلة هاي بس منع  ليش !!!!!!

زين لعد شنو فائدة الاقامة اذا تنسحب من الي يسافر !!!!

عجبي

[sad-doctor]

خوووش سالفة يعني اني سامع يسحبون الاقامة بس كلت شائعات بس هلي مال منع شنو؟؟؟؟ مو ماناقصين دوخة

[حمودي ابن زيونه]

اشاعات كلها

[عبدالوهاب الدوري]

بعد احسن خلي نطلع بله رجعه

[salah-eng]

السلام عليكم اخواني
الي اعرفه انه القانون الاردني الي يسفر او يبعد او يسافر من غير دفع الغرامات هذا ينختم اله خمس سنوات منع وبسنة 2001 صارت بصديق الي انه كان مبعد بسبب الغرامات بالتسعينات ولمن رجع بعد خمس سنوات واكثر ما دخلوه من الحدود ؟
وقالوله انك مبعد مدى الحياة ماكو خمس سنوات ------- تايهة
والمصيبة صديق ثاني الي نفس الشي مبعد بالتسعينات بسبب الغرامات ورجع للاردن بعد خمس سنوات دخلوه رغم ما انه سلوه هاي اول مرة جاي قال الهم نعم بس ها بنفس الاسم وبنفس كل الرسميات السابقة
والله احتارينة هوة قانون لو مزاج والله يا اخوان اشوفها مزاج الي قاعد يختم الجوازات بالاستقبال
وسالت موضف بالداخلية صفن بوجهي على الموضوع اعلاه وقال ما سامع بهيج شي  واحتارينة
وعلى قولت اخونا الدوري - -- طلعة بلا رجعه

اخوكم صلاح

[Shehrazade]

       هذا القرار موجود بس ما ادري بس الاردن لو بقية الدول همينه...انا اخذت لجوء من الاردن لبريطانيا وبالمطار استلمت رسالة القبول بي كلاجئه ومذكور بيها باني ما اكدر ادخل بلدي او البلد الثالث وهو بلد اللجوء اللي قدمت بيه اللجوء بالامم المتحده ولمدة خمس سنوات.


      بس المشكله هي مثل ما كال الاخوان شغلة مزاجيات والله اني اعرف ناس اجو هنا لبريطانيا قبل 3 اشهر وجايين من الاردن مثلي وهسا استلموا الترافل دكيومنت وسافروا للاردن وهسا هم هناك ودخلوا عادي.

  بس اكول لاخواني انه بالمطار لا تذكرون انكم ماخذين لجوء من الاردن...واحجي وياهم انكليزي لان بس تحجي عربي راح يصير التحقيق ويشتغل المزاج وتصعد غيرة النشامى على بلدهم...

[الحديقه]

أخوان ماكو هيج حجي أذا واحد عنده أقامه بعمان يكدر يطلع ويرجع بس لازم مدة طلعته متكون اكثر من ست أشهر وهذي قوانين الاقامات بكل دول العالم واذا تاخر أكثر من ست أشهر بيوم ميكدر يدخل اله فيزا.
وأريد أكول أنه أي واحد حيرجع من أميركا وعنده الكرين كارت او أي اقامه بدوله ثانيه يكدر يدخل الاردن وبدون مياخذ فيزا من السفاره الاردنيه بالخارج ياخذه من المعابر الحدوديه.

أكيد اكو معلومات من الناس الي حيسافرون بالسلامه من عمان لاميركا بهذي الايام الرجاء يتاكدون من صحة هذا الكلام (المنع) ومن يوصلون بالسلامه لاميركا او اي دوله وهمه طالعين من خلال الامم المتحده ان يكتبولنه صار وياهم بمطار عمان وشكتبو على جوازهم من طلعو ونكون شاكرين الهم ........

تقبلو مروري.....

أخوكم
الحديقه-عمان