اخوية المقابلة الاولى
طبعا هاي المقابلة اسويهة وياك موظف اي او ام ويكون عرب يعني مصري لبناني وتكون هاي النقابلة من جزئين
الجزء الاول يكون كل العائلة وياخذون منكم معلومات عن كشي بحياتك يعني مال جمع الموعلومات وابسئلوك اسئلة ما تخطر على بالك حتة على المدرسة الابتادئية والثانوية المهم ياخذون منك ومعلومات عامة ومنك ومن كل واحد من افراد العائلة وطبعا مثل ما كتلك انتوا اتكونن سوية
والجزئ الثاني ايسموا الجز الامني وايكون كل واحد وحدة واسئلوك انتة ليش اتريد تطلع من العراق شنوا التهديد الي اجاك واني انصحك انتة اذا ما عندك تهديد سويلك فد سالفة وحفظهة لاهلك كلهم بس اهم شي انوا ايكون حجيكم متتطابق يعني مو كل واحد يحجي شكل بهاي الحالة راح اتصير خربطة وانوا الحجي الي اتكولة لازم تبقة تذكرة واتسجلة انتة لان لازم اتعيدة نفسة بل المقابلة مال المحلفين المقابلة الثانية يعني نفس الحجي اهنا وهنا
واكوا بعد شي انتة اذا اتقابل من بغداد اكيد تندل العنوان معسكر الازداهر الي هوة قصر السام مال صدام سابقا لا تجي بل السيارة لان ماكو اهناك كراج تعال تكسي وانزل بساحة النسور واتجه على جنك جاي اتروح لساعة بغداد وتمشي بمحاذات الصبات وبعدين راح اتشوف اكوا جنود عراقين واكفين يحمون البوابة انتة بس كلهم عندي مقابلة همة راح ايكولك منا
وانصحك نصيحة اذا عندك جهال اخذ وياك اكل لان احتمال تتاخر اني رحت امن 8 الصبح الساعة بل الستة العصر يالة قابلت واني وحدي ما ادري ليش وشفت الناس الي وياة خطية الي عدهم جهال خطية اتبهذلوا فانتة اخذ اكل وياك
وهاي كل المعلومات الي عندي اخوية اني بل الخدمة لاي استفسار
