خبر جديد جديد عاجل عاجل عاجل عاجل ومفرح جداجدا

[الفراتي]

السلام عليكم

الخبر :ازالة الغرامات عن العراقيين في عمان الاردن 

المصدر : جريدة الدستور يوم السبت صفحة سبعة

تقرر ازالة الغرامات عن العراقيين المتواجدين في الاردن كاملة وتم العمل به من اليوم ولكن بشرط ان يقوم المقدم على المكرمة بالتقديم على الداخلية واخذ فيزا ذهاب وعودة يعني تصويب وضع وبعدين الواحد يشد حيله على الاقامة ولو مؤقتا منا لما الله يفرجها علينا ونطلع مننا وهسه التقديم جاري على ساق وقدم والله يفرجها علينا جميعا وعلى ذمة جريدة الدستور حبيت افرحكم بهالخبر واشاركم بيه وتقبلوا مروري 

[MAGGIC]

تسلم وبارك الله بيك

وان شاء الله يسهل امور العراقيين



تحياتي

[عكعك التطوى]

والله يا خويه الفراتي من قريت الخبر كلت يمكن الامنيه مالتي طلعت ولو مالها علاقه بس كلت على هذا العنوان لغو الامنيه بعد وبدون مقابلات

عمي مشكور على الخبر المفرح والله يفرحكم جماعه عمان بالهمكرمه

تحياتي

[جاك جيك جكجكه]

والله خبر مفرح  عاشت ايدك 

بس اسمعوها مني واخذوها من هاي اللحيه  ولو ما اربي لحية هههههههه ولا احب اهل اللحايا 

اذا طلعتو تحلمون اتشوفون الرجعه مرة ثانية     

تحياتي للجميع

اخوكم

جاك جيك جكجكه - الاردن

[حمودي ابن زيونه]

اذا اطلع منا حتى عشيرتي يمنعوها تدخل بعد ... زوج اللي يطلع

[الحياوي]

اشكرك جدا صديقي
لكن  ما راح اتحرك خطوه
ماكو امان خوش خبر مفرح

[osama5477]

ايجوز تطلع وتحلم ترجع بعد ، ولو اني صديقي قبل ايام اخذ فيزا ذهاب وعودة وراح اسبوع ورجع بدون مشكلة وهوة ما عليه اي عرامات ، يعني جاي جديد قبل ثلاث اسابيع ، والله ان شاء الله الخبر يكون صحيح بس الاردن على ساعة يغيرون كلشي ميخلون احد يدخل

[النسيم المهاجر]

[hحلو الخبر

بس ممكن واحد يكلنه شون نستفاد منه يعني الواحد لازم يروح ويرجع لو يكدر بس يلغي غراماته وياخذ فيزة بس لايروح ولا يرجع
ارجو من الاخوان اذا عرفو شي يفيدنه خلي ينورنه ومشكورين للكل



           النسيم الجاثم بسبب الامنيهr]

[violin]

اخي العزيز شايف كل الخير عالهذا الخبر.
بس ارجو منك التوضيح عالهذا الخبر وشنو راح يستافدون منة .
يعني تريدهم يرجعون للعراق وشيسون راجعن اشو لا اكو امان ولا خدمات خليهم كاعدين بالاردن احسن واستر الهم .وين يرجعون للمفخخات.
سلامي للجميع.

[عاشق تراب العراق]

منين طلعت الشمس هاي معقولة الاردن تسوي هيجي شي و الله اذا مو وراهة مصيبة !!!!!!!!!!!!!

[الفراتي]

اخواني  هذا الخبر يفيدنا احنا اهل  عمان مو على مود نرجع للعراق لاسمح الله بس الواحد يكون قاعد بصورة سليمه وهنا بعمان بعد هيج خبر راح يشدون علينا قايش وتصير متابعة الوافدين على فلس يعني الواحد يكظ روحه لان يقولون الك احنا انطيناك فرصه تصويب وضع وانته ماستغليتها فصير يشددون على اللي ما شالوا الغرامات وعلى العموم موانا نقلت الكم الخبر هم من يمي زوج اللي يطلع لماتصير رسمية واشوف كم واحد جرئ قلب سواها يالله افكر انا اسويها عود وعسى الله تجينا السفره قبل لانحتاج لهاي الكلاوات ولو بعدني بالتوطين صار لي سنة ونص والله كريم

[windy]

الاخ الفراتي المحترم يعني هذا الخبر يخص اللي عدهم توطين لو لا لان المفوضية دافعتنا الغرامات ( طبعا من جيسنا على اقساط)

[Revolver]

اخوان جماعة الاردن,

الف مبروك اخواني وربي نسمع منكم كل الاخبار الحلوة والبشارات, وربي يفرجها عليكم وعلى جميع العراقييين, مضلومين والله احنة . وماعدنا غير رب العالمين . والف الحمدلله والشُكر على كلشي .

مشكور اخوية العزيز على هذا الخبر واتمنالك كل الموفقية .

ريفولفر

[اين انا 2]

 
مقصرت اخونا الفراتي الله يبشرك بلخير خوش خبر حلو انشالله يستفاد ااخواني العراقين من هذا القرار ...
 ولو اني اقامتي تنهي بعد شهر بس وين الله يجددولي ...مقصرت عاشت ايدك.


اين اانا

عمان