سؤال عن المبلغ المسموح تحويله

[Maroon]

اخواني السلام عليكم اريد استفسر عن مقدار المبلغ اللي يمكن ان آخذه وياية الى امريكا ويصير كل شخص من افراد العائلة يشيل مبلغ معين
مع التقدير


اخوكم مارون
مصر

[ريم عبد]

اخي العزيز Maroon
بالنسبه للمبلغ الرسمي المسموح بيه 10000دولار
ولكن من خلال ممارسة الاخوان في السفر ان يمكن حمل اكثر من هذا المبلغ بدون ان يصرح به
يعني اخفائه وعدم التعرض للمسائله

[eboo]

السلام عليكم اخواني
اخويه اني حسب ما شفت عندي صديقي اخذ وياه 40000 الف دولار وقسمهن بينه وبين زوجته وبناته اثنين واخذهن وماكو كل مشكله وكلهم ما عندي بعد من وصل هذا عن تجربه صارت حقيقيه وكان سفره يوم 30\9\2009 وهو حاليآ موجود في امريكا ولا احد عرف عنده افلوس لو جايب وياه هذا المبلغ قسم الفلوس كل خمس الاف دولار وحدهن وضمهن ومشه الحال بعد انته وشطارتك اني هذا الي صار كدام عيني حجيته الك وربي يوفق الجميع
تقبل مروري

[عراقي1995]

10 الاف دولار؟ قليل جدا
زين واللي ايريد يبيع بيته ؟
وين يودي فولسه ؟؟

[Abo Andrew]

اني اللي اعرفة كل شخص 10000 وليس للعائلة

وبصراحة مسمعت احد فد يوم سئلو على الفلوس

بس سؤال يرحم والديكم وللاخ اللي كال اكو ولد صديقة مطلع 40000

زين بمطار بغداد الي ايطلع هيج مبلغ ميحجون علية ؟؟؟؟؟؟؟؟؟؟؟؟؟

[عكعك التطوى]

اخويه مارون هو حسب التعليمات مثل ما قال الاخوه 10000$ ولكن من خلال التجارب ممكن ان تاخذ اكثر من هذا المبلغ ولم نسمع  من احد انه تحاسب على المبالغ الي شايله ويا

بس الي اعرفه بمطار بغداد والي نوه عليها الاخ ابو اندرو ميسمحون اكثر من $10000 وتبقه انته وشطارتك اذا كدرت اطلع اكثر

[اين انا 2]

اخونا مارون مثل  ماكال الاخ العزيز علينا عكعك المنظمة تبلغك تودي وياك 10 الف دولار مع كل شخص ..واهلي طلعو من بغداد وكانو حاملين وياهم كل واحد هل المبلغ مقسمي بينهم ... وسالتهم محت مكايل بمطار بغداد شنو هل المبلغ..؟؟ كالو لا محت لاسال ولاكال.....

تقبل مروري

اين انا

عمان

[ســـرى]

هو الواحد يطلع لسوريا سياحة يكولولة شكد شايل وياك ويسألون البنات شكد لابسة ذهب وشايلة وياج بالجنط ذهب غير هذا؟ والله ما ادري شلون ممكن الواحد يطلع فلوس وياه!!!!!

[ريم عبد]

حبيبتي szsz
هيه صح في مطار بغداد ايسالون عن الذهب وشكد فلوس شايل
بس ممكن تعبر يعني ماكو تفتيش دقيق بهاي المواضيع
والذهب ممكن ينلبس جوه الهدوم ومحد راح ايحاسب عليه
والفلوس هم تنضم لان محد يحسب ولا احد يكتب
لتقلقين هوايه على هاي المواضيع لان تعبر بسهوله