تركيا الاخوان الي منتظرين موافقة المحلف تحديث اليو ان اليوم , وسؤال لاصحاب الخبرة

[أ.ج.ت]

السلام عليكم اخواني اليوم نزل التحديث الجديد على موقع اليو ان .
سؤالي هو مذكور انو اني انقبلت القضية مالتي بس بتاريخ البارحة واني الموافقة استلمتها شهر ال 11 وكملت الفحوصات والدورة الاسبوع الماضي فسؤالي هو هل هذا معناه الامنية وصلت لو ماكو علاقة.
تحياتي

[أ.ج.ت]

شكرا على كل الاجوبة الي مداالحك اقراها.

[eboo]

السلام عليكم اخي العزيز اني الي اعرفه انو من تجي موافقتك راح يحددون موعد سفر وبسرعه انته اصور اجتي موافقتك الامنيه وانتظر هاي الايام راح يتصلون بيك وربي يوفقك ويوفق الجميع بس تعرف هاي الايام اشوي مشغولين لان نهاية سنه وصدكني انته بالشهر الواحد من السنه الجديده راح اسافر بعون الله هاي اذا مو هاي اليومين راح يتصلون بيك ويحددون موعد سفر الك
                         


                                     اشكرك وتقبل مروري

[أ.ج.ت]

الف شكر اخي العزيز الله يفرجها على الجميع .
بس لحد الان متصليين بالكفيل .

[eboo]

اي ماكو مشكله يتصلون عليه وينطوك موعد يعني مو شرط يتصلون بالكفيل ولازم تنتظر فد شهرين عادي يتصلون وانته صدك موعدك يجي بشهر الواحد لان اهوايه من اصدقائنا صار وياهم هذا الشي انتظر تلفون هل يومين من الاي او ام حتى ينطوك موعد سفر وبشرني بعد من يتصلون وان شاء الله بالقريب العاجل تفرج علينه وعليك وعلى الكل

[أ.ج.ت]

الله يسمع  منك اخي الغالي.
وان شاء الله تفرج عليك وانت اكيد من الي حيقابلون اول شي باللجنة الجاية ولتهتم واي سؤال على المقابلة اني حاضر.

[eboo]

اشكرك اخويه الغالي واني ما مهتم ابد يرفضون يقبلون لان صدك وصلت حدها سنه وشهرين هنا وكل شي ماكو الحد الان ياله مسوي مقابلة الثانيه اي سي ام سي وانتظر محلف وان شاء الله على السنه الجديده وانشوف شنو تاليتها هيه قسمه اذا ربي قاسملي شي فما راح يغيره انسان ابد كل شي بيد رب العالمين اني اتمنى ربي يوفق الجميع لان صدك بهذله يا خويه الغربه وهنا بعد اكثر هسه غير يفضونه خلي انشوف دربنه انشوف مستقبلنه الله كريم تفرج واشكرك على كلامك الطيب هذا من اصلك

[tiger-ALtlkefy]

اخي العزيز أ.ج.ت

اخي العزيز الي اعرفه انه    انت وياك كلشي كامل وانشاء الله باقرب وجبه طير بس يبقى على حصول الموافقة من الامنيات بتركيا وبالمنطقة الي انت بيه اظن انت تعرف هذا الاجراء

اتمنالك الموفقية وانشاء الله تفرحنا بموعد سفرك

تحياتي

[أ.ج.ت]

ممنون اخي العزيز تايكر بشرك الله بالخير.
اخي ايبو الله يساعدك بس صدكني هانت وتصير سوالف اعرف شعورك اخي الكريم لان الانتظار يموت بس شنسوي هذا قدرنا العراقي لازم يتعذب يلة يحصل ابسط حق من حقوقة كأنسان الله يوفقك اخي الكريم وترة بعدني انتظر بشارة الفحوصات مو تغلس .
تحياتي

[eboo]

ان شاء اللهيوم اتفرحنه بموعد سفرك يمعود العمر يخلص بقت على هاي تفرج وداعتك وربي يسهل امر الجميع ان شاء الله

[كرم كوكو]

السلام عليكم 
اشونك اخوية العزيز  أ.ح.ت  بالنسبة الى التحديث مال اليون الي صار الكل تم القبول في تاريخ  في 15 من هذا الشهر ليش شنو السبب محد مايعرف  فااطمئن الكل نفس الشي من هاي الناحية     سلام

[أ.ج.ت]

الله يسلمك اخي كرم
ان شاء الله مرتاح اني اشكرك هواية والله يفرجها على الجميع.