قرار بالانسحاب

[storm2000]

السلام عليكم
اخواني قررت الانسحاب وعدم الاسنئناف لقرار المحلف بعد انتظار دام اكثر من سنة  ودعواتي للجميع الموفقية
والنجاح 

[عاشق تراب العراق]

ليش اخوية مو هسة يكولون اكو حركة بخصوص المرفوضين و بعدين ليش تضيع كل التعب و الوقت و الانتظار و لو انت اعرف بظروفك مني بس و الله حرامات و ارجع فكر بيهة مرةو مرة و احسبهة زين 

تحياتي اخوك ابو نور

[Safaa Alkhrkhy]

اخي العزيز مع احترامي الشديد لقرارك لكن.............
((خوية احنهة شعلينة قابل احنة الDHS))!!!!!!!!!!
لاتزعل ارجوك
ارجوك ان تعدل عن قرارك
هذا انا اخوك قبطت سنة وثمانية اشهر امباطح وياهم وليهسة لاخبر لا جفية لا حامض حلو لاشربت لاسفر!!!!!!!!!!
الرجاء من الاخوان في المنتدى ان يتعاونوا معي كي (انعقلهة الstorm2000 شوية!!!!!))

الكرخي

[MAGGIC]

يا ابن الحلال اذكر الله

يمعود لاتيئس من رحمه الله صحيح الانسان يوصل مرحله ياس بس بين دقيقه والثانيه اكو فرج

وبعدين كلي اذا تبطل وين تروح عندك خيارات ؟؟؟؟؟؟؟؟ لو تكدر تحول على دوله ثانيه

اخوي العزيز احسبها عدل بس من تحسبها كون انت هادئ مو عصبي حتى قرارك يكون سليم


اتمنالك الموفقيه

تحياتي

[أ.ج.ت]

اخي العزيز اكيد انت حر بقرارك بس انت بنفس الوكت اتخذت قرار بلحظة غضب ويأس ومع كل احترامي لشخصك الكريم اكولك انوا اي قرار يتخذ تحت هيج نوع من الضغوط النفسية حيكون مية بالمية غلط حاول تشغل نفسك باي ش اليوم ولتفكر الموضو واجر عيد النظر وحتشوف نفسك غيرت قرارك واكو شي لاخ انت تكول راح انسحب ومااستانف زين وبعدين اذا ما عندك خطة بديلة للسفر شنو حتسوي اني رايي واسمحلي ان انطيك رايي كاخ ان شاء الله انو تقدم استئناف اذا اجت النتيجة زينة فانت حتكون سعيد واذا لاسامح الله نفس قرار الحلف فانت مخسران شي لان اصلا انت مردت تستأنف.
تقبل مروري . 

[storm2000]

 الاخوان  الاعزاء
  عاشق تراب العراق -  Safaa Alkhrkhy  -    birj  -  MAGGIC  -  أ.ج.ت
 المشكلة انو جوابهم ايكول باني  ماعندي اثبات رغم الادلة على التهديد  واني بالعراق  صارلي اكثر من سنة  لا محصل ارض ولا سماء  متعلق بالنص لا اني مسافر  ولا اني  باقي  بالعراق  انتظر الشهادة  حالي حال باقي  العراقيين الشهداء  يعني  ( متبهذل ) وغريب بوطني  ومهجر بغير محافظة  على كل شكري العظيم للمنتدى الغالي  ولاخواني الاعزاء كـــــــــــــــــافة  وبدون استثناء  واخوكم  مستمر بالمنتدى  ومساندكم من ارض الوطن
تحياتي

[عكعك التطوى]

اخويه ستورم الاخوه مقصرو بالاجوبه والقرار قرارك بالاخير ومرح اضيف اكثر بس اكولك شراح تخسر اذا قدمت على استئناف ؟ اخويه قدم استئناف ومارس حياتك بشكل طبيعي ولا تخليها تاثر عليك وبين ساعه وساعه فرج والله يسهل امرك ان شاءالله واتمنالك التوفيق باذن الله

[Safaa Alkhrkhy]

اخوية شنو ماعندك اثبات انتة متهدد
لعد هاي البشر اللي جاي تطلع من العراق شنو كلهة متهددة وعدهة اثباتات؟؟!!
اجيبوني يرحمكم الله

[abo abo]

السلام عليكم

اخويه شوف هيه شغلت وقت واني اريد اكلك شي مو كل السافرو مهدددين وعدهم اثباتات انو همه مهديين بس انت حاول تطلع تنقل فايلك بدوله عربيه اذا تكدر طبعا لان العراقيين البدول العربيه مثل لبنان والاردن وسوريا ومصر تمشي اموهم احسن لان همه من يقدمون يكونون جاييين من العراق ويكولون بل مقابلات احنه بعد منرجع لان تعرضنه للتهجير او سياره مفخخه قريبه من العمل او البيت لا سامح الله او تعرضنه لغتيال فهذا الحجي يمشي اكثر لان انت بل عراق يعني يكولون هوة تحمل الايام الاصعب يكدر يتحمل هاي الايام فيا اخي اكو هوايه طرق تكدر تحاول عليه احسن من قرارك الماخذه وانت اصلا عايش بل عراق والله يساعدكم انتو العايشين هناك لازم قراراتكم هيجي تكون من الحياة الصعبه العايشيه بس شوف الله موجود وتوكل عله الله ودورلك حل ثاني هاي نصيح اخ الاخو والله يفرجه عليك لان ماكو احن من رب العالمين عل بشر

اخوك ابو علي

[violin]

اخوية العزيز اصبر ان الله مع الصابرين.
الله يوفقك انشاءالله.

[angie-dawood]

واللة ياخي من قريت موضوعك الانسحاب كلت ياستار شكو هم صايرة عركة بس من دخلت وقريت موضوعك بصراحة يااخي طبعا القرار هو قرارك بس هم نصيحة اخت لاخوها اصبر لبعد شهر الواحد ما تعرف شنو  يصير يجوز يمشون كل المعاملات لعد اني شكول هاي خمس سنوات اخواني بسوريا ينتظرون رحمة اللة ورغم اني املك الجنسية كلها بلا فائدة مال يو ان لو امسوي من البداية لم الشمل كان هسى وصلوا بس هم الحمداللة نكول وانت هم يااخي انتظرت انتظرت انتظر هم هل شهر شهرين ماكو غير حل غير الصبر وربي هو يصبركم وينطيكم الي تتمنوا يارب تكون السنة الجديدة سنة الخير والبركة للجميع وانشاءللة نسمع منك عن قريب موعد سفرك ربي يوفقك اخي العزيز الصبر ثم  الصبر

[نهاد احمد]

اخوية العزيز اصبر ان الله مع الصابرين.
الله يوفقك انشاءالله. ومثل ما كالو الاخوان انت ما خسران شي قدم والله كريم
والموفقيه للجميع

نهاد ابو علي

[hopeforall]

الاخ العزيز

مع شديد الاحترام لقرارك بس شنو النتيجه من تنسحب! يعني شايفلك فد درب ثاني تطلع بيه من العراق ومتاكد منه فخير  على خير واذا لا فليش اخي تضيع تعبك ابلاش انته مشيت بالطريق فكمله للاخر.
اخي  هوايه ناس كاعده تنتظر واملهم بالله عزوجل فتوكل عليه لان هوه احسن الكل .

وبالتوفيق باي قرار تشوف مصلحتك بيه.

[ثلاثي الابعاد]

الرب معك وبجنبك لاتيئس ارجوك جرب مرة ثانية.

[MONSTER]

اخويه العزيز...اذا دتريد ترجع لبغداد ارجع عادي اني صارت بيه نفس الحاله ونقلت قضيتي لبغداد


احسن من ما تلغيهة

[ابو عبد الله التكساسي]

عمي كول يالله
ام يلدا ضلت 5 سنين وهسه هيا بامريكا

[storm2000]

الاخوة  عكعك التطوى -  Safaa Alkhrkhy  -  ✿AnGie -   نهاد احمد  - hopeforall  - ثلاثي الابعاد -  Moster  --  shawqi shumran 
عز الله  ماكو  احن  على العراقي  غير العراقي  ياشهماء  كل اعضاء المنتدى بمساعدتهم  للاخرين  يثبت بأن  العراقي  بكرمه  وجوده  واخلاقه  يستاهل  ايكون  سيد كرة الارضية  .
الاخ صفــــــا ء  الكرخي  ياوردة   اني عرفت من المقابلة  الثانية  مراح انجح لان  المحلف  طول ويايه  6 ساعات وملكه عليه اي ثغره  عرفت مراح انحج .
عكعك الروعة  مال منتدانا مراح اخسر شي بس اني تعبت جاك الذيب وجاك الواوي  اخاف حتى اطلع لسوريا للعلاج  حتى  لايكولون  اكو   إن بالموضوع .
  انجي مجبوبة المنتدى والاخت الغالية  على الكل  دوووووم  اشكر مشاركتج وافكر موضوع  الاستئناف
نهاد اشكرك اخوية  الله ايسهل عليك ان شاء الله
hope for all اسمك حلو  ان شاء الله اكو امل على المرة الجاية  واني ماشايفلي  شوفة غير جزر القمر صراحة lol
قلاثي الابعاد ان شاء الله
monster  ياوحش  اني اصلا بالعراق  اشكر مشاركتك  الله ايسهل امرك ان شاء الله
شوقي اخونا الغالي  كلنا  يالله  وما كو غيره  الي كاتبة رب العالمين ايصير 

[echo 9]

اخي العزيز storm انا والله ما الومك اذا ما قررت الانسحاب فهذا قرار راجع لك اولا واخيرا بس احنا صار لنا كم شهر بهالمنتدى الرائع وصار بيناتنا اخذ ورد واسداء نصائح من قبلكم للآخرين ومن باب انه العشرة هاي ما لازم تهون على واحد من عدنا فانا ردت بس اقدم لك هالنصيحة الاخوية الصادقة انه تصبر وتطول بالك وخلقك عليهم شوية والاخوان الباقين اعرف مني بمواضيع الهجرة وكللولك على موضوع الاستئناف فيا ريت وحبا لله انه تستانف قضيتك وبلكي والله لنها صايبة هالمرة والله ما يهون علينا واحد من اخوتنا واخواتنا يضوج ويتخذ قرار سريع من غير دراسة وتاني وصبر بس اذا شايف لك طريق آخر للخروج من هاي جهنم الحمرا ومضمون لا بالعكس نكيف لك ونشد من ازرك ونكول لك توكل على الله ومو بس تنسحب لا تذب وراهم سبع حجارات بعد .
بس اذا ماكو طريق اخر اخوية العزيز انت صبرت كل هالمدة فياريت تصبر بعد شوية وتسوي الاستئناف
اتمنى لك الموفقية بكل خطوة تخطيها يا رب
اخوكم
Echo 9

[ام فائز]

اخونا ستورم
لا مو هاي المرجوه منك انت لازم ما قاري قصة العزيزه ام يلدا يمعود طلعوها ارهابيه وهي اصرت ما دام كانت على حق والحمدلله الله يسرها وياها وهي هناك الان
 كول يا رب وقدم الاستئناف
تحياتي
ام فائز
عمان

[storm2000]

الاخوة  echo 9  -  شمعة   -  ام فائز 
اشكركم على  مساندتكم  ومساندة  كل اعضاء المنتدى بدون استثناء  وعز الله  ونعم الاخوة  والاخوات بهذا  المنتدى  الرائع  قررت الغاء الانسحاب  وتقديم الاستئتلف   ودعائي بستهيل امركم  والسفر  والمسافر ان شاء الله  الموفقية   والنجاح
اخـــــــــــوكم

[Safaa Alkhrkhy]

أها هاي هية شفتو شلون عقلناه الstorm2000 !!!!!
بوية اكلك شي ترة هذولة ايريدلهم خلك يابو خلك انتة توكل على الله وصفي نيتك واستأنف
خويي لاتزعل منا ترة والله العظيم احنهة رايدين مصلحتك ويعز علينهة انه انشوفك بهاي الحالة
تقبل تحياتي وارق امنياتي ودعائي لك بالموفقية

الكرخي

[storm2000]

احوبة صفاء اشكر مشاعرك  وكل الاخوة لمساندتهم ليه  وقت  المحنة  ان شاء الله وياكم عالحلوة والمرة
اخوك

[storm2000]

 اخوبة  شمعة وانت شمعة المنتدى شكرا بس سؤاااااااااااال شلون اقدم  استئناف ؟؟