عاجل...عاجل وهم عاجل.. الحمدلله وقع الكفيل على اوراقي

[بصراوي عينه مكحله]

يا جمعة يا اهل الخبرة البارحة خابرني كفيلي وبلغني انو اتصلو وكالولة تعال وقع الكفالة علما اني مستلم الظرف الموافقة من يوم 14 _9_2009 واني متابع هذا المنتدى صار فترة كلش طويلة ودائما اقره كتابات عكعك التطوى وعماد ابونا وانجي فياريت تكولولي شنو راح يصير يعني قرب موعد سفري لو شنو امانة تطمنوني لأن الحجي عندي بالبيت يخاف لايموت قبل ما يوصل لأمريكا

                      اخوكم بصراوي عينه مكحلة

[angie-dawood]

نعم قريبة باذن الرب الف الف مبروك وانشاءللة السفر القريب والاستقرار ربي يوفقك يارب ويارب طولت العمر للحجي انشاءللة يوصل بالسلامة للولايات المتحدة ويرجع شباب 

[ريم عبد]

اخويه اطمن وان شاء الله مادام عندك موافقه يعني مبقالك شي
ان شاء الله بنهاية الواحد انت على موعد السفر
وياربي ايوفقك وينطيه الصحه والعافيه للحجي

[بصراوي عينه مكحله]

اخويه اطمن وان شاء الله مادام عندك موافقه يعني مبقالك شي
ان شاء الله بنهاية الواحد انت على موعد السفر
وياربي ايوفقك وينطيه الصحه والعافيه للحجي

شكرا الك يعني اني صارلي شهرين من انطيت عنوان الكفيل واسمه وكلشي وهسه يله خابروه وقيب كم يوم اتصلت عليهم وكالولي انو لسه في اجراءات عليك ما خلصت واني كلش حاير ودا اصبر لأن ما عدنا غير الصبر

[ابو خالد]

اهلا بيك اخوي بصراوي عينه مكحله اطمئن انشالله ماطول الكفيل وقع اوراقك امورك جاي تسير بالشكل الصحيح وانشالله من بعد توقيع الكفيل شغلتك ماتطول اكثر من شهرين فكول للحجي خلي يتلهى هاي الايام ويروح للكهوى ويلعب دومنه حتى تطير الايام بسرعه

وبالتوفيق انشالله

[بصراوي عينه مكحله]

نعم قريبة باذن الرب الف الف مبروك وانشاءللة السفر القريب والاستقرار ربي يوفقك يارب ويارب طولت العمر للحجي انشاءللة يوصل بالسلامة للولايات المتحدة ويرجع شباب 

تسلمين مدان انجي وانشاء الله يسمع منج ربي ويسهل امورنا لأن هواي تعبنا من الانتظار بس شنسوي الله كريم انزين تتوقعين يمته يخابرونا حسب خبرتك بهذا الموضوع

[بصراوي عينه مكحله]

اهلا بيك اخوي بصراوي عينه مكحله اطمئن انشالله ماطول الكفيل وقع اوراقك امورك جاي تسير بالشكل الصحيح وانشالله من بعد توقيع الكفيل شغلتك ماتطول اكثر من شهرين فكول للحجي خلي يتلهى هاي الايام ويروح للكهوى ويلعب دومنه حتى تطير الايام بسرعه

وبالتوفيق انشالله

تسلم ابو خالد الله يخليك وتوصل بالسلامة انته وعماد ابونا بنفس اليوم

[мαяyαи]

الف مبروك الاخ البصراوي وان شاء الله توصلون بالسلامة انت والحجي ونتمنالك الموفقية يارب

[ابو عبد الله التكساسي]

خويه مبروك والف مبروك
بس بروح اهلك ليش مفاول عالحجي مو خطيه ؟؟

تحياتي
اخوك ابو عبد الله التكساسي

[نهاد احمد]

الف مبروك الاخ بصراوي  عينه مكحله وان شاء الله توصلون بالسلامة انت والحجي ونتمنالك الموفقية يارب

نهاد ابو علي

[عكعك التطوى]

حبيبي البصراوي وتحيا واموت عالبصره ايباااااااااااااااااااااااااااااااااااااااااااه رجعتني كم سنه ليوره

طولت العمر للحجي وان شاء الله يوصل لمريكا وضارب الكابوي وواكف بالركن اخوي البصراوي الاتصال بالكفيل مؤشر على ان تحديد الولايه كمل ولكن هذا الاجراء ماله علاقه بالموافقه الامنيه والي هي تكون سبب التاخير دائما ولكن ان شاء الله الامنيه ممتاخر بحيل الله ونلكاك هناك انته والحجي الله ينطي طولت العمر

تحياتي واتمنالك التوفيق

[عماد ابونا]

اخى البصراوى مثل ما كالو الاخوان انشاء الله الامور دتمشى وما بقى شى لان توقيع الكفيل مؤشر جيد بان الملف ديمشى بالشكل الصحيح واتمنى من كل كلبى ان يوفقك والسفر السريع وانى اتوقهع والعلم عند الله انه خلال شهرين راح يتصلون ويحددون موعد السفر مع تمنياتى للحجى بطول العمر

[عراقي وافتخر 4]

اخونا البصرواي اني مراح اكدر اضيف شي بعد لان اخواني الاعضاء المبدعين ماقصروابس احب اكلك الف مبروك ابموعد السفر القريب ان شاءالله تروحون بالسلامة مع تمنياتنا لكم بالاستقرار والحياة السعيدة وقبلاتنا الى جبين الحجي

[violin]

هلا بأخونة البصراوي وبأهل البصرة الطيبين الف الف مبروك وشايف كل الخير.وانشاءالله تسافرون عن قريب.
وتحياتي لاهل البصرة الغالين .

[اين انا 2]

بيها الخير اخونا البصراوي على سير معاملتك بشكل صحيح ومبقى الة القليل...وانشالله مو اكثر من شهرين يطلع موعد السفر ..وسلامنا للحجي وانشالله يكون وياك ...امين.

اين انا

عمان

[الله...محبة]

هلا بابن ديرتي البصراوي
يمعود اشكر الهنا الحي على المستجدات
وطولة عمر وصحة وعافية للحجي ويبقيه ستر الكم

بس معليك بكلام عكعك عن البنطرون الكابوي... الحجي اذا يلبس جفية وعكال فلا يتنازل عنها لان العكال مفيد هناك... يكتل بيه ابو المنظمة اذا لوص وياكم

سفر قريب ان شاء الله

الله محبة

[وطني العراق]

هلا ابن ولايتيي البصره والله شكد مشتاقلها

احب اقلك الف مبروك لان انشاء الله ماراح اطول شغلتك وتروح الارض الاحلام

وادعيلك انشاء الله توصل بالسلامه وتتوفق بحياتك الجديده

سلم على بصرتنا الله يوفق الجميع

وانشاء الله نلتقي بامريكا لان انا مثلك انتضر السفر انشاء الله قريب

[بصراوي عينه مكحله]

اني اشكر كل الاخاون الي دخلو على موضوعي وفرحو قلبي واتنمالكم الموفقية ولمنتداكم المتميز وفعلا انتو بمثابة عائلتي الثانية والحجي من هسه حضر العكال والجفية والعودجية مالته وعنده اربع قوط وداهم غسل وكوي حتى يتكشخ هناك بلكي يلكه بنت الحلال بس ترى مو كابوي تسمع عكعك لو لا  
اخواني اهل ديرتي والله احبكم واحب كل العراقيين اخواني ويارب نسمع خبر حلو عن قريب


تحياتي الكم يا طيبين

[ابو هبه]

مبروك حبيبي بس أذا ممكن أتكلي هذا الكفيل يعني اسم الشخص اللي قدمت اسمه وعنوانه في الاوراق اللي قدمتها؟؟؟

السؤال الثاني عزيزي شنو موضوع هذا الظرف وفي اي مرحله راح أستلمه ؟؟؟علما اني مخلص محلفي وفحص طبي

[دانةزيونة]

الف مبروك اخ بصراوي وان شاء الله السفر القريب باذن الله                                                                                                                                                           اختك دانة

[بصراوي عينه مكحله]

مبروك حبيبي بس أذا ممكن أتكلي هذا الكفيل يعني اسم الشخص اللي قدمت اسمه وعنوانه في الاوراق اللي قدمتها؟؟؟

السؤال الثاني عزيزي شنو موضوع هذا الظرف وفي اي مرحله راح أستلمه ؟؟؟علما اني مخلص محلفي وفحص طبي

اخوية ابو هبة اني بالبداية من قابلت كلتلهم ما عندي كفيل ووره ما استلمت ظرف القبول يعني موافقة المحلف وديتلهم عنوان كفيلي الي هي كام صديقي بكاليفورنيا وكالو احنا انشاء الله نحاول نرتب موضوعك هاي الحجي من يوم20 _9 وهسه يله دزو عالكفيل وكلوله تعال وقع اوراق صاحبك

وانته ما كلتلي شنو حصلت موافقة المحلف لو لا يعني استلمت ظرف القبول لو بعدك؟؟

ارجو ان تكون استفاديت من المعلومات
بصراوي

[بصراوي عينه مكحله]

الف مبروك اخ بصراوي وان شاء الله السفر القريب باذن الله                                                                                                                                                           اختك دانة

شكرا اختي داني وانشاء الله يوفق جميع العراقيين ويجدون بر الامان وتقبلي اعتزازي وتحياتي وشكرا لمرورج

بصراوي