كل ظهرية تدري الشمس فوقك ليش؟؟
لان خدك شمس وتريد تتشمس
وكل الشاف طولك تدري ليش يموت ؟؟
لان ينشغل ينظر , ينسى يتنفس
يالشايل جمال العرب كله بطول
وملامح كل مسيحي بوجهك تلبّس
سبحان المقسم جسمك مرايات
شما اوصف بحسنك اظل مثل اخرس
من جنب البحر طولك خطف وشاف
حور البحر كله على الجرف سيّس
صاحب فضل كفك عالاساور هاي
واصبعك والله صاحب فل على المحبس
تجذب كل حزين وما يهم للشوق
يبو جلد الترف يالشفتك ملبس
الحديد هو جماد وفاقد الاحساس
بنعومة كف ايديك تمسكه يتحسس
اذا يضرب عليك الهوى من اتمر
عيوني تيّه من واظل اتحمس
يمعود ولك ما نريد ناكل بيك
ولو بس بالاصابع خلي نتلمّس
حبايبي احب اقرا ردودكم....
