سؤال بخصوص الذهب بامريكا

[الدوسرية]

السلام عليكم يااخواتي واخواني الطيبين اريد اخذ مشورتكم بشي شايلتله هم وهو الذهب مالتي خايفة اخذه وياي لامريكا وينسرق فشتكولون ابيعه واخذفلوسه لواخذه وياي وماعليه شي واذا ابيعه بامريكا يجي سعره زين لوكسر هو ذهب أصفر،،،، والله يخليكم ويسهل اموركم

[violin]

مرحبا اختي الدوسرية.
اني حسب ماسمعت الذهب مايستخدموه في امريكا لان همة يستخدمون الالماض والمجوهرات .واذا تكدرين اتبيعين الذهب وتحوليهن فلوس يمكن احسن الج.
واخوانة واخواتنة ماراح يقصرون وياج بالأجابة.
تحياتي الج بالموفقية.

[john simon]

اختي العزيزة الدوسرية
تحية طيبة
اني ازؤيد اقتراح الاخ اذا بعتي اهناك اشويا ترتاحين اكثر لانه الفلوس تكدرين تتصرفين بيها وكت الحاجة, بس الذهب اشويا صعبة, او اكو خوات اهنا هم جابو ذهب بس خسرو بي لانه اغلب الناس اهنا ما يهتمون بالذهب مثل جماعتنا, حاولي تسألين الاصغير والجير او ترجعين على فكرج او اتمنى اليج محاولة ناجحة وتقبلي احر التحيات
اخوج
جوسي البغدادي

[y.a.r.a]

اختي الدوسريه
الذهب في امريكا قليل التعامل بيه سواء باللبس او بالبيع
فهناك الحياة عمليه وقلما يتباهون بلبس الذهب
فاذا اخذتيه تكدرين اتضميه بصندوق بالبنك اما البيع فهناك ماله سوق قوي
وايضا تعتمد على الولايات فهناك ولايات بيها نسبه كثيره من تجمع العراقيين وخصوصا الاكراد
وهاي بيها تعامل جيد للذهب وبيها صياغ وسعره مقارب لاسعارنا
بقت انتي الشغله يمج اذا محتاجه اتسويها فلوس
 او اذا معتزه بيه واتريدين اتبقيه عسى تستفادين منه بالمستقبل بغير مجالات
فانتي اوزني الموضوع لان احيانا اتكون الشغلات الها قيمه اكثر من ثمنها
واحيانا اتكون الفلوس اهم
وهذا يبقى تقديره يمج

[angie-dawood]

نفس رائي الاخوة

[MAGGIC]

احتي العزيزة

كلام الاخوان بديع وصحيح 100%

والرائ بقى يمك


تحياتي

[الدوسرية]

والله اعجز عن شكركم الله يجزيكم كل خير والله ردودكم ريحتني والله والنعم بيكم ،،
ومشكورين يالطيبين

[alen franso]

اختي العزيزة اولا اهنا بامريكا مايستعملون الذهب الاصفر بس الابيض وثاني شي الذهب مامرغوب مثل ما بالدول العربية الاحسن تبيعي لين اهنا تحتاجين فلوس اكثر من الذهب مع الموفقية للجميع

[مازولا]

السلام عليكم اخواني و اخواتي الاعزاء ... اختي العزيزة ... اذا ما محتاجه فلوسه لا تبيعيه ... الذهب سعره صعد من 800 الى 1200 دولار للاونسه خلال الست سبع تشهر الفاتت ... و اما بخصوص ما اله سوك بامريكا ... فاني الي رايي الخاص بيهه ... الصايغ باي مكان ... مو بس بامريكا ... من يشتري ذهب يشتريه على الوزن ... و ما يحسب الصياغه ... هاي تره حته بالعراق ... الا اذا بعتيه لناس يريدوه يعني مو الى صايغ ... و اعتيادي همينه السعر اللي راح يشتريه الصايغ هوه اقل من السعر اللي يبيع بيه ... و من هاي يطلع الفرق الجبير بالسعر ... فرق الصياغة و فرق سعر البيع ... مثل ما نصحتج ... اذا ما تحتاجين فلوسه لا تبيعيه ... مع التحيه ... اخوكم مازولا

[ام فائز]

اختنا العزيزه
هي حيره وكل اراء الاخوان جيده وكل واحد حسب وجهة نظره المشكله انو الذهب ديصعد صحيح ويقال ان الهدف ان تصعد الاونسه الى 4000دولار خلال السنتين القادمه بس هناك سؤال هو وين اتضميه اتخليه بالبنك وهم تدفعين عليه فلوس هي حيرههههههههههههههه
تحياتي
ام فائز عمان

[eng.a7med]

رائيي بيعي و اخذي فلوسة لان الذهب هناك ثقيل بالبيع

تحياتي