ماذا تعرف عن مونتري كالفورنيا

[lawrence2008]

السلام عليكم

اخوة الاعزاء اني شفت هذا المنتدى عن طريق  صديق دلاني علي. كنت دائما عندي اسالة بس ما اعرف المن اسال وين اروح بس لله سبحانه وتعالى. بس من دخلت اليوم وشفت ماشاء الله الله ايوفق كل من ساهم وساعد واسس. ما اريد اطولهة عليكم. بس اني ابامريكا وقريبا اوصل  الى مكان الاقامة وهي في مونتيري كاليفورنيا واني الله وكيلكم كلشي ما اعرف عن هاي المنطقة. بس اعتمد على الله وعليكم. بس دلوني على الاسعار مال الشقق و الاقامة الله ايخليكم. الله ايوفق الجميع
 اخوكم لورنس2008

[firaspeter]

اخي العزيز
اني سمعت من هوايه ناس وخاصه من الأمريكان بأنه هاي مو بس من اجمل مناطق بأمريكا يكولون من اجمل المناطق بالعالم

[ابو عبد الله التكساسي]

الله يسهل امرك ويفرج همك

ما املك لك الا الدعاء

وياريت الاخوان الي يعرفون يجاوبوك

[Ross son of iraq]

اخي لورنس اني هسة بكاليفورنيا بسان هوسيه واني رايح لمونتري اكثر من مرة ولو مصارلي هواية هنا بس اكلك ليش رحت هناك لان اكو هنا جماعة امريكان اتعرفت عليهم واتصور اخذوني هناك ديشوفوني الجمال مال المنطقة واشكد المنطقة جميلة الى ابعد متتصور واكثر من رائعة ولكن ما احجيلك الاسعااااار يابة ايكلك همة الامريكان ميعيشون هناك لان تعتبر منطقة سياحية بس اني متأكد هية مو اغلى من سان هوسيه ولكن الله موجود واكيد انت سبع وراح اتكون كدهة وكدود
ملاحظة : لك يابة بيهة فد شاطئ عل محيط ما احجيلك احلى منظر شايفة بحياتي كلهة يارب تتونس وتتوفق هناك واي شي تحتاج اني موجود وادلل
اخوك روس ابن العراق

[SARA CALIFORNIA]

هاذي المنطقة حلوة كلش بس غالية جدا,,,مثل ما كال الاخ روس,,,نصيحتي تحول سان هوسيه او سانتا كلارا لان الاسعار و الاجار نوعا معقول مقارنة بمونتري.....بالتوفيق ان شاء الله

[لوس أنجلس]

سلام عليكم
انشاء الله الكل  بخير
اخوان اني طلعلي لجوء بولايه

GLENDALE
CA
يارت لو تعرفون شي عن المنطقه تفيدوني
والكم جزيل الشكر

[SARA CALIFORNIA]

الحمد لله على السلامة اخي,,,شوف هاذه اللنك يجوز يفيدك
http://www.ci.glendale.ca.us/
بالتوفيق...