ايهما أفضل ال IOM او ال SIV ??

[ابو هبه]

أخوان أني مقدم على ال IOM و ال SIV
IOM خلصت فحص طبي ومقابلة المحلفين يوم 9-7-2009
SIV اليوم وصلت المعامله الى مركز التأشيره القومي قادمه من نبراسكا
عندما وصلني الCOM أخبروني في حالة التقديم على IOM فيجب ان أخبرهم ليسحبوا المعامله لغرض أفساح المجال للاخرين!!!!
لكني في الحقيقه لاأريد ان اضيع فرصه من يدي فلم اكتب لهم لحد الان والسبب أني لا أعلم اي البرنامجين أفضل فالرجاء من الاخوه اللذين وصلوا لامريكا وللبرنامجين ان يكتبوا لي بعض التوضيحات ولكم جزيل الشكر

[Revolver]

أبو هبة عيوني,

راح اجاوبك بس بلي يُخص سحب الافراد الي اتريد تسحبهُم وياك اذا اتسافر بأذن الله و بلنسبة للكرين كارت .

أذا على برنامج الـ SIV فيحقلك تسحب الزوجة والاطفال فقط .
اذا على برنامج الـ IOM فألك حق تسحب الزوجة والاطفال بلأظافة الى الاهل, الاب والام والأخوة .

و اذا على برنامج الـ SIV , راح تستلم الكرين كارت بعد تقريباً اقل من شهرين
وأذا على برنامج الـ IOM , راح تستلم الكرين كارت بعد سنة كاملة اتقضيها بأميركا .

واذا اكو شغلات بعد ياريت الاخوة يذكروهة.

ريفولفر

[ابو عبد الله التكساسي]

اخي ابو هبه
ريفولفر حجالك شغلات ايجايبيه واريد اضيف السلبيه
طبعا الي حجاه مضبوط وما بي اي خطا

البرنامجين هم مزرف مالفلوس
ابو الاس اي في يريدون منه عدم محكوميه والحكومه مدا اتزود المواطنين بهاي الوثيقه هسه
ابو الاي م ام يواجه خطر مقابله المحلفين
ابو الاس اي في شغلته وره الكوم ابروفل هوايه اسرع
ابو الي او ام مساعداته  فترتهه  اطول (( في بعض الولايات))

والله كريم
تحياتي اخي الفاضل وبالموفقيه في اختيار البرنامج المناسب

[ريم عبد]

اخويه العزيز ابو هبه
ميحتاج تذكرلهم انت مقدم على الحالتين وتكدر تحتفظ بالاثنين الى ان اتشوف ياهو الي تمشي اسرع
وهسه انت واصل بمرحلة التجييك الامني بالنسبه لل IOM يعني بالمراحل الاخيره ان شاء الله
وبما انه هسه التعليمات الجديده مالت المساعدات غير مجزيه بالنسبه للاخوان على برنامج ال SIV
فانتضر الى ان تتاكد من ايهما الانفع الك
واذا انت ايهمك تاخذ الكرين كارت بسرعه او بعد اكثر من سنه
هذا القرار يرجع تقديره الك
وياربي ايسهل امرك

[السومري]

كلام الاخوة كله صحيح ولكني مع كلام الاخت ريم ..وعصفور باليد خير من عشرة على الشجرة وانته شغلتك بال iom تقريبا خلصانه ومحد يظمن ذيج الثانية وطبعا القرار قرارك