موضوعي لاهل سوريا او للي عنده اي معلومه

[susu2u]

اولا مرحبا بيكم ياهل سوريا ويااهل امريكيا وكل دول العالم
وثانيا والاهل سنه جديده وياربي تكون ع الجميع سنه خير ومفرحه للكل ومليئه بالصحه والعافيه وراحه البال وتحقيق الامنيات...

هسه نجي ع الموضوع
اريد اعرف هل من اخبار عن اليون بسوريا وهل اكو اخبار جديده من ناحيه التوطين وهل لازال اكو مخابرات ومقابلات لو شنو؟؟ وشنو مصير الي بعده موجود وممخابريه والي صارله سنين هل من ريحه خبر جديد؟؟

ارجو ان تجاوبوني وطبعا اجوبتكم الحلوه راح تكون من القالب الثلج عل كلبي راح تسيل


وشكرا الكم مقدما

مريم الاشوريه من امريكا

[عيني بغداد]

السلام عليكم
الاخت العزيزة مريم الاشورية

كل عام وانتي بخير وان شاء الله عام سعيد على كل اعضاء منتدانا الرائع.

اني سجلت باليو ان عام 2007 وخلال اخر مراجع علمود اسال على وضع الملف مالتي اللي تصير كل يوم ثلاثاء بكفر سوسه كالوا ان الملف حاليا خلص من الدراسة وانرفع للتوطين وانتظر سنة ويتصلون بيك.

تقبلي ردي
عيني بغداد

[بصراوي عينه مكحله]

الى الاخت العزيزة مريم

اني بسوريا وحاليا واصل موضوعي لتحديد دورة الطيران ومن يوم 14 _9_2009 مستلم ظرف الموافقة ومنتظر رحمة الله حتى نشلع  لأرض الاحلام

بالنسبة للتوطين هواية ناس ديخابروهم حسب ما سمعت وعندي صديق منتظر بس مقابلة وفد صارله شهر ينتظر

واكو ناس اعرفهم قبل اسبوع كانت مقابلتهم الاولى
اذن الامور ماشية طبيعي والله يوفق الجميع
تقبلي مروري

[راهب الحب]

عزيزتي الأخت سوسو :::
كلشي على ما يـُرام مقابلات وتحويل للتوطين بس بُقت شغلة مـُهمّــــة ولازم تميزون بيها بإنه مو شرط كل المسّجلين باليو إن معناه مستحقين توطيــــــــــن وسبق وكررت هاي الشغلة اكثر من مرة  وثاني شيء التوطين ما إله علاقة بالقديم والجديد  الشغلة شغلة منو اكثر ضرر وقصته تستحق أن يتحول لقسم التوطين ومن هذا القبيـــــــــــل ...


تمنياتي للجميع بالتوفيق ويا رب يفتحها بوجوه الكل وبالتوفيق والإستقرار ودُمتِ بألف الف خيـــر ..... †





                                  أخــوكــُم / وسـام بهنـام داؤد الخابـــوري 

[ابو محسد]

السلام عليكم  يالنسبه اللي اني قدمت من 2007 الشهر السابع وتحديدا يوم25\10\2009اتصلوابينا وهسه قابلت مقايلتين ودا انتظر مجي الوفود الامريكي واني موجود حاليا في سوريا وللعلم ان جميع الملفات تاخذ رقم تقديري من وجهه نظر اللجان مال التوطين للعلم ولا تقنطوا من رحمه الله ففي كل ساعه فرج                 اخوكم ابو محسد

[ابو عبد الله التكساسي]

كل عام وانتي بخير وان شاء الله عام سعيد على كل اعضاء منتدانا الرائع.

[الله...محبة]

خيتي مريم
كل عام وانتي بخير وميلاد مجيد وسنة حلوة عليكم

انا في سوريا... والامور ماشية مثل قبل بلا اختلاف... القدامى اللي كانت نايمة على ملفاتهم طابوكة جاي يمشون بيهم (حسب بعض المعارف والجوارين هنا) والجدد اللي اجو بالـ 2009 بعضهم حولوا ملفاتهم الى قسم التوطين وهذا متأكد منه... ومعظم اللي ينتظرون الوفد يكولون ان الوفد يجي بداية 2010
هذا اللي اعرفه
ودمتي يالاشورية