ابو عبدالله حبي كلامك على راسي بس احنه مثلا عدنه هدوم كومه شلون يعني انعوفها ونشتري مناك لو شنو السالفه اي قابل نجي ابطرك الهدوم الي علينه غير انجيب غراظنه ويانه لو انت شنو قصدك ابكلشي لجيبون وياكم ممكن توظيح الكل الاغراظ الي انجيبها والي منجيبها وتسلم للعلم اني ان شاء الله جاي اوستن تكساس
اخوك (العگيلي)
اولا من رخصه اخويه الزغير دنفش دا اجاوب بموضوعه ولكن هو للفائده العامه
اخويه العكيلي تحيه طيبه
حبييب مثل ما كال دنفش جيب وياك الملابس الي كلش زينه والي فلوسهه غاليه
طبعا تكساس حاره عموما فراح ما تستفاد من القماصل الثكيله والكوتات الطويله الا لفتره محدوده
جيب وياك الاحذه الغاليه
جيب وياك السيديات مالتك
جيب وياك الجكاير اذا اتدخن ومحد يحاسبك اشكد ما تجيب
بعد جيب شطافه مال حمام العفو لان مفيده وغاليه اهنا جيب وياك الادويه الي تحتاجها بالبدايه من ما يكون عندك مديكيت (( براسيتول , بندول , وبروفين وهاي السوالف )) جيب وياك سجاده مال صلاه وقران كريم بالتاكيد - ميحتاج انجيل اذا تريد موجود اهنا وبلاش من اي كنيسه - جيب وياك الاشياء الي تحتاجها بالبدايه فقط يعني ممكن راديو زغير يسليك الا ان تجيبلك تلفزيون اعتيادي الحاسبه اللابتوب وايرات مال حاسبه مثل اليو اس بي والواير الي يتشكل من الحاسبه للتلفزيون وبعض الفيش الثلاثيه مثل مال التلفزيون للرسيفر مال الستلايت (( الثلاثيه)) وبعد
جيب وياك فلوس اشكد متريد لان كلش اتفيدك ولا تخاف محد يكلبك بس دير بالك عليهن بغداد او بعمان لا ينباكن (( لان هوايه قفاصه ))
هاي الاشياء الي ابالي وممكن اذا عندك سؤال عن شي معين اجاوبك عليه
وتحياتي الك ولدنفوش الورد
كل التفاصيل الي ذكرتلكياها موجوده بموضوع القلاقيل الي تاخذها وياك باهم مواضيع المنتدى لاخونا شبح بغداد
اخوكم ابو عبد الله
