الاخوة خبراء الIOM ...بشكل عام وجماعة بغداد بشكل خاص!!!

[Safaa Alkhrkhy]

السلام عليكم وكل عام وانتم بالف خير
اليوم وصلني ايميل من صديق عزيز علي من البصرة وهو مقدم على IOM بغداد يسـألني فيه اذا ما كان يستطيع ان يرسل لهم رسالة مكتوبة باللغة العربية بدلا من الانكليزية حول موضوع معين يتعلق بملفه والسبب هو ضعف لغته الانكليزية ولأنني لم اتعامل معهم من قبل الا باللغة الانكليزية فقررت ان اطرح السؤال بدوري عليكم لعلي اجد جوابا منكم وسأكون شاكرا لكم المساعدة... وكل عام وانتم بالف خير مرة اخرى    اخوكم الكرخي

[ريم عبد]

اخي صفاء
لايجوز التخاطب معهم باللغه العربيه
صح همه ايدزون الايميل مترجم لكن لايجوز التخاطب معهم الا باللغه الانكليزيه
وهذا الحجي منهم مباشرة مو من عندي

[ابو عبد الله التكساسي]

اخت ريم اعتقد الموضوع هذا اتعدل قبل فتره
نعم ممكن مخاطبتهم بالعربي حاليا

[ريم عبد]

اخي ابو عبدالله هذا جوابهم مؤخرا
صح همه ايردن على الي يكتب عربي يعني ميهمل سؤاله
لكن همه ذكروا هاي الملاحظه لايجوز مخاطبتنا غير باللغه الانكليزيه

[ابو عبد الله التكساسي]

الله اعلم بعد
بس مقترح ابو اندرو هم افضل من كل التوقعات

صفاء خلي صاحبك يرد على الاي او ام بالعربي ويكلنا اشصار وياه وتنفض الشغله  !!

تحياتي وكل عام وانتو بخير

[مهند هادي]

اخوية العزيز

حسب اللي صار ويايه اني ادزلهم كله انكليزي ويراسلوني لكن صاحبي دزلهم عربي وعادي بس جاوبوة باللغة الانكليزية


مهند هادي بغداد

[ســـرى]

اخونا هذا جواب احد الاخوان في موضوع سابق

اختي العزيزة
ممكن تستخدمين اللغة العربية عند ارسالك ايميل لمنظمة الهجرة الدولية واني متاكد انه المنظمة تستقبل الايميلات المكتوبة باللغة العربية لانه اني عندي تجربة بهذا الخصوص .وان شاء الله بالتوفيق.
وتقبلي تحياتي
baghdadi02

والسائلة كانت الاخت عبلة من عمان وان شاء الله يفيدك الجواب

تحياتي

[ســـرى]

وهذا موقعهم الاليكتروني بيه تصفح بالعربي وحتى بيه ايميلات لمشرفي الموقع الرابط ادناه قد يكون مفيدا

http://www.iom-iraq.net/contactUs_ar.html

[ِAli S. Ahmed]

اخي ممكن صاحبك يدزلهم ايميل بالعربي (اني عندي  ولد صديقي ميعرف انكليزي و ديخاطبهم بالعربي وهما هم يرجعوله جواب بالعربي وبالانكليزي) وشكراا

[Safaa Alkhrkhy]

الاخوان جميعا .... بدون استثناء
اولا كل عام وانتم بالف الف خير وسنة ميلادية سعيدة ومباركة على الكل ... يارب
ثانيا اشكركم على الردود وهذا هو عهدي بكم...
ثالثا نقلت ردودكم الى صديقي في البصرة وطلبت منه ان يعلمني ماذا سيحصل عنده بأي حال من الاحوال...
رابعا ((وهذه خاصة للاخ شوقي)) : ابو عبدالله شنو السالفة اشو ماكو ؟؟ يمعود اقلقتني!!!!

[ابو عبد الله التكساسي]

والله صفاء موجود
بس بين   البيت وبين المنتدى وبين الجايين هسه لامريكا وبين جماعتي الي كلساع جايبيلي رساله (( هاي شنو الرساله)) وبين عبودي وبين التلفونات
وانت قسم واجمع وانطيني الناتج !!

تحياتي

[storm2000]

اخويه صفاء ولا يهمك هذا رابط مل ترجكة مباشر هوه يكتب عربي ويطله عنده جوه انكليزي وفضت
يتدلل الحلو
http://nicetranslator.com/
اخــــــــــــــــــوك

[vincenzo]

الاس اي في ميصير عربي بس الاي او ام عدهم مترجمين ولو ومع ذلك يفضل الانكليزي لان ما نضمن دقة المترجمين مالتهم
فكلام شوقي هو اللي اني اعرفه بس يجوز اختي ريم عندج UPDATE احنا ما سامعين بيه وهو مستبعد لان همه وسعوا مكاتبهم وعدد موضفيهم من انتقلوا بصف ساحة النسور

خويي صفاء شأخبارك؟؟ انشاء الله بخير انت والعائلة وحتى النسابة المناضلين 

[ريم عبد]

والله اخي فينجنزو انطرح قبل هذا الموضوع واني كلت مو مشكله بكتابة العربي لان كل موظفيهم لو مصريين لو اردنيين وهم اصلا ديترجمون الرسائل الي ايدزوها
واني هم جربت مره كتبتلهم بالعربي جاوبوني مقصروا
بس سالتهم بجواز مخاطبتهم بالعربي
كالو لايجوز المخاطبه الا باللغه الانكليزيه وهذا الي كالوا نقلته اني مثل ماهو

ومع ذلك الي يكتبلهم ايجاوبوا ميهملون رسالته

[ال رداد]

السلام عليكم الاخوه الاعزاء انا اكتب لهم بلعربي  والجواب بلانكليزي  من قدمت والا هاي الحضه  ولا مره كتبت بلانكلش  همه يريدون السيره الذاتيه بلانكليزي فقط وانا مسؤل عن كلامي هاذا ماحدث معي علما اني في العراق  وقدمت لاخي نفس الطريقه عادي اكتب يجاوبوك بلانكليزي  مع احترامي للاخوه وردودهم فقط للتوضيح  تقبلو مروري اخوكم ابو علاء

[ابو عبد الله التكساسي]

ها صفاء اشصار ويا صاحبك

[Safaa Alkhrkhy]

ها عفية ابو عبدالله ذكرتني!!!
طبعا صاحبي كتبلهم بالعربي واجاه الجواب بعد يوم واحد فقط!!!!! وشلون جواب !!!!!! ماراح اتصدكون!!!











ابدا ماراح اتصدكون!!!!





















خاف اكلكم وماتصدكون؟؟!!!!







































بس راح اكلكم وبقت يمكم!!!


























الجواب مالتهم كان:























































مكتوب باللغة




























الانكليزية يقولون له فيه








































نأسف لعدم أستطاعتنا فهم الرسالة من الممكن ان تكتب لنا باللغة










































الانكليزية أو اللغة......





















الكردية!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ها شتكولون هسة؟؟!!! موكتلكم ماتصدكون؟؟!!!!!!!

[vincenzo]

هاي شنو خويي صفاء هاي شدتسوي ههههههههه
عود مرلي ورة الدوام اصرفلك هوية مال تحشيش ههههههههههههههه
بس مو هم تزعل من الحجاية ويذبوني انفرادي من جديد

[ريم عبد]

هههههههههههههههههههههههههههههههههههههههههههههههههه

بدووووووووووووووووووووون تعلييييييييييييييييييق





حتى مره لخ من ريماوي ادكول شي اتصدكوني

[ابو عبد الله التكساسي]

عمي ريم اعتذر واسحب كلامي
والج مني باقه ورد

واعذريني بس هاي عندي

تحياتي

[ريم عبد]

عيوني ابو عبودي
انت الورد بعد اتوزع حديقه كامله هم مو بس بوكي ورد
اخويه الغالي ماكو داعي للاعتذار هيه معلومات نتناقلها بيناتنا لما نوصل للصحيح بس اني ضحكت على الانكليزي والكردي
يعني الكردي يفتهموا بس العربي ميفتهوا
سبحان الله

[ســـرى]

مو يجوز المترجم مالتهم كردي يعرف انكليزي وكردي والله ما دا اتشاقه بس صدك شغلة مامتوقعة!!!!!!!!!

[ريم عبد]

حبيبتي szsz
مو احنا رحنا يمهم بالمقابلات وشفنا الاشخاص الموضفين مالتهم المسؤلين عن كيساتنا همه كلهم مصريين واردنيين  يعني كلهم عرب مشفنا ولا اثر لواحد عراقي بعد منين لكوا الكردي حتى ايترجملهم
واذاعلى العراقيين الي يشتغلون هناك مالهم علاقه بالكيسات والا جان من باب اولى ايكون يعرف عربي على الاقل حتى لوجان بالاصل كردي
على كل ربما سياستهم بالمنظمه ايدخلون لغه كرديه لان شفنا من المقدمين ويانه جان اكو اكراد من الشمال وميعرفون ابد عربي ايجوز جايبيلهم مترجم علودهم

[Safaa Alkhrkhy]

الاخ vincenzo
أأكد لك وللجميع بأن هذا ليس تحشيشا وانما هو واقع حال مية مية!!!
طبعا اني همين من شفت الايميل مال صديقي لم اصدق الى ان اتصلت به واكد لي الموضوع !!!
ها بعدكم مامصدكين؟؟!!

[vincenzo]

لا حبيبي اني اقصد تحشيش على ترتيبك للرد والفراغات مال واحد حييييل اله واهس

انت بس دجيب مستمسماتك وشوية دهن زردوم واني ارتبلك هوية مال حشاش اقدم