مساعده وخاص الى جماعه الاردن ولبنان

[برشلوني كرادي]

السلام عليكم

شلونكم اولا عظم الله اجوركم بوفاة الامام الحسين عليه السلام  وكل عام واخواننا المسيحين بالف خير

اني حاليا بعمان وطكت روحي منه افكر اروح الى لبنان بس خايف من شغلتين وهيه الاولى ملف اللجوء شنو 

الاجراءات بالاردن ولبنان اذا انتقل الى لبنان وشلونه المفوضيه هناك اسرع ابطئ او نفس الشي

يعني هل الفتره رح تنحسب بعمان خايف شويه من هل الشغله افكر واكول يمكن رح اعيد من جديد والخ

الثانية اكو شغل هناك وشلون بالنسبه للاقامه اذا بقيت هم غرامات لو شلون وشلون اقدم الفيزه من عمان

وشنو الاجراءات يعني ملخص هل الحجي سفره عراقي لاجئ من الاردن الى لبنان شنو خطواته وشكرا الكم

[ام فائز]

اخونا العزيز
الضاهر انت ما عندك صبر يمعود على كيفك وكول يا الله هي شنو بيها لبنان اكثر من عمان انت مادام ماعندك اقامه امورك اتصير صعبه وين ماكان
وثم شلون اتروح من عمان الى لبنان لازم تسال مكاتب السفر احسن لان فيزا ما اتحصل مدام انت مو مقيم ابعمان بس اعتقدددددد ان اللبنانين يدخلون بفيزه على الحدود بس اتاكد من الموضوع قبل الاقدام عليه واكيد الاخوان الي عندهم معلومات مراح يقصرون وياك
وكل عام وانت بخير
ام فائز
عمان

[sad-doctor]

الفيزا مباشرة من المطار بس يكون وياك 2000 دولار وبعده حسب مافتهمت انه ممكن يجددولك 3 اشهر بسسسس بعدهه تحتاج عذر رسمي كدراسة او شغل للبقاء ويمكن الاخوان هناك ايفيدوك واتصور ماكو داعي تنقل الملف لان الموبايل يغطي هناك وانت اصلا لازم سرة بالاردن يعني بلبنان راح يكون مثل الواحد المقدم من جديد
انشاءالله الاخوة اللي هناك يجاوبوك