الاعمال المتوفره للنساء في الولايات المتحده

[عسولة2]

اخواتي واخواني الكرام....احبت ان افتح هذا الموضوع لكي يكون مرجع لنا جميعا بموضوع اعتقد لم يتطرق له احد سابقا...فهناك العديد والعديد من مواضيع الاخوه الاعضاء مشكورين يتطرقون به لموضوع الاعمال وطرق البحث عنها وانواعها.... وانا هنا اريد ان اطلب من كل الاخوات والاخوه ممن لديه اي معلومات عن موضوع انواع الاعمال وطرق البحث عنها وانواعها وحسب الولايات بالنسبه للنساء وياريت ان تكون من تجارب شخصيه واكيده حتى يتسنى للجميع الاستفاده
وللجميع كل الشكر والتقدير

[ابو راشد]

شكرا اخي الكريم على الموضوع وفعلا انه مفيد للغاية
انا زوجتي مدرسة لغة عربية ... هل تستطيع ان تعمل في اميركا و ماهو نوع العمل المتوفر علما انها محجبة

ارجوا من جميع الاخوة اللذين لديهم معلومات ان يساعدونا

[Baghdady73]

رايي الشخصي لا اعتقد بان هناك تمييز في العمل بين الرجال والنساء في امريكا بصورة عامة..ربما هناك بعض الاستثناءات ولكن صفحات البحث ونوع الاعمال وعدد ساعات العمل كلها متساوية بالنسبة لكلا الجنسين..بالامكان مشاهدة المراة كسائقة باص..توصيل طلبات..سلك الشرطة والجيش ناهيك عن الاعمال المعتادة والمتعارف عليها في مجتمعاتنا كما ان بامكان الرجل العمل كجليس اطفال وحسب نوع الخبرة المتوفرة..
الفرق الوحيد الذي لاحظته وخلال فترة تواجدي القصيرة نسبيا هو بالنسبة للسكن فصاحب البيت بامكانه تحديد نوع جنس المستاجر الذي يود السكن خصوصا اذا كان مشترك مع عائلة او مجموعة اشخاص..
تحياتي

بغدادي

[queen777]

فرصة العمل متساوية للرجل او المراة اعتمادا على اللغة الانكليزية لديك و لكن فرصة المحجبة تكون قليلة جدا بالعمل لانهم لا يتقبلون المحجبة رغم انهم لا يبلغوك بسبب الرفض

و طبعا الله الرزاق يعني مو شرط و التوفيق من الله

اخوكم مصطفى

[ابو عبد الله التكساسي]

عسوله شلونج
مشتاقين خيتي
وصلتوا تكساس لو بعد؟؟

المهم الشغل بامريكا يعتمد على العرف والواصطات واي شخص يكلج غير شي يجذب عليج
هاي بالنسبه للنساء
لان سوق العمل يعتمد على النساء اكثر بالاداريات والاشغال الاخرى امترتبه عليهه

[ســـرى]

اختنا الاعمال في امريكا بيها فرص متساوية للجميع تقريبا واكو الرابط التالي للعراقيين المهاجرين واللاجئين ان شاء الله يفيدج

http://iraqijobnetwork.org/jobs.aspx

وبيه مواق عمل مفيدة جدا وتقبلي تحياتي

اختكszsz

[الذكي]

اختي العزيزة مثل مكال الاخ ابو عبد الله انه الواسطات تلعب دور كلش كبير بالشغل بس للطرفين يعني للرجال والنساء ومرات حتى توريق يدخل بالموضوع المهم عن تجربة شخصية اذا ماعندج واسطة تضلين تملين استماير وترجعين ليورة والعشة خباز بس اذا عندج واسطة وعرف بالمكان اللي تريديه راح تشتغلين من ثاني يوم اني كان عندي اصدقاء بمحل سوبر ماركت اسمة plaid pantry والاعضاء اللي بامريكا كلش زين يعرفوه قدمت عليه حتى مقابلة عمل مسويت هاي المقابلة من توصلين يخبصوج عليها وهية كلها كلاوات بكلاوات وثاني يوم اشتغلت بس ورة كم يوم بطلت لانه شغلة كان خطر وبالليل وبيه مشروب لازم نبيع يعني خطر وعفتة اشتغلت بغير مكان علة العموم الشغل ميفرق للنساء والرجال كلهم سواسية بس الواسطة ثم الواسطة ثم الواسطة وما دام انسان العالم الثالث دخل لامريكا لازم تتغير النفوس مو بكيف الامريكان هو بكيف الزمن والحاجة واتمنة انه جاوبت علة سوالج مع الشكر

[angie-dawood]

صح كلام اخي الغالي الذكي اني من رائه صح كل ما قال

[cricket]

الاخت الكريمه
من خلال ملاحظتي الشخصيه فانا اتفق مع الاخ البغدادي73

[angie-dawood]

شوف اخي هنا وخصوصا بالوقت الحالي الشغل كلش قليل يعني اذا ما تعرف احد يشتغل ويشغلك ماكو هاي من تروح تملي استمارة ويشغلوك هنا كلمن يشغل الناس الي يعرفها لو اقربائة وبالنسبة لنوع العمل هنا كلهم يشتغلون اي عمل كان مثلا اني اشتغلت بشركة اول ما اجيت لامريكا اشتغلت شركة مال لحيم الحديد قطع السيارات يعني مثل البواري والقفايص الي يخلون بيه براغي جنت باليوم الحم بالالاف قطعة وكان اسمها الشركة باور لاين كلها كانت لحيم الحدايد يعني اقصد هنا اي عمل كان يقوم بيه الرجل هنا هم المراءة نفس العمل تقوم بيه ماكو اي فرق