اميركااااااااااا

[ام توته]

السلام وعليكم


اشلونكم


اني عندي كومه اسالهه ومااعرف اشلون ابديهه على اميركا

المهم احنه دزو علينه قبل يومين iom  بمصر وكلون اميركا  طلعتلكم


وبعد عدكم مقابله ويه المحلفين زين      بعدين شنو رح يصير ؟؟؟


واذا رحنه اميركا شنو المساعدات اهناك ؟؟؟؟

والمساعدات تكفي وكم شهر تستمر؟؟؟؟

وواحنه منعرف لغه زين اشلون نشتغل ؟؟؟؟؟

زين زوجي يكدر يلكي شغل واني هم اكدر اشتغل ؟؟؟؟


هذي الاسئله الي اجتي ابالي هسه ولمن اذكر اسالكم


وضوجتكم  باسالتي وشكرا

[ابو عبد الله التكساسي]

السلام وعليكم
عليكم السلام ورحمه الله وبركاته

اشلونكم
زينين الحمد لله انت شلونج

اني عندي كومه اسالهه ومااعرف اشلون ابديهه على اميركا
على راحتج منين ما تريدين

المهم احنه دزو علينه قبل يومين iom  بمصر وكلون اميركا  طلعتلكم
اي زين الحمد لله الف مره احسن من مصر لو شتكولين ؟؟

وبعد عدكم مقابله ويه المحلفين زين      بعدين شنو رح يصير ؟؟؟
وراها يقبل المحلف عالتوطين وراها ختم الملف موعد سفر ودوره تثقيفيه وراها سفر الى امريكا

واذا رحنه اميركا شنو المساعدات اهناك ؟؟؟؟
كل ولايه شكل بس عموما اربعه اشهر اقل شي

والمساعدات تكفي وكم شهر تستمر؟؟؟؟
المساعدات الي تجي تكفي و زياده ومثل ما كتلج كل ولايه شكل

وواحنه منعرف لغه زين اشلون نشتغل ؟؟؟؟؟
عادي يدخلوكم دورات ويشوفولكم شغله سهله بالبدايه من ناحيه اللغه

زين زوجي يكدر يلكي شغل واني هم اكدر اشتغل ؟؟؟؟
نعم اذا تريدون بالتاكيد الله الرزاق

هذي الاسئله الي اجتي ابالي هسه ولمن اذكر اسالكم
برسم الخدمه


تحياتي وبالتوفيق
اخوج ابو عبد الله

[عراقي وافتخر 4]

ماشاء الله عليك اخي shawqi shumran بارك الله بيك والله يوفقك على مسعاك للخير وكل التوفيق لاختنا ام توتة

[القرش]

                                   السلام عليكم

اختنا الكريمه .
اخي ابو عبد الله اعطاك كل الاجوبه على سؤالك ..واذا احتجت اي سؤال ثاني من الممكن ان تتصفح المنتدى وسوف تستفادون جدآ من المواضيع به واحنا سبق ان كتبنا كل شيئ عن امريكا والمنظمات والمساعدات ...واذا لم تتوصلوا الى شئ وعندكم اي سؤال ثاني انا واخواني برسم الخدمه وحاضرين الى اي استفسارات ...وان شاء الله تقابلون الوفد هيئة المحلفين وتنقبلون وتصلون الينا بألف سلامه .

ابو انس
شيكاغو

[المهاجر الجديد]

اختي العزيزه ام توته الاخوان ابو عبد الله وابو انس  جاوبوج وماقصرو واعتقد كل الاخوان هنا مايقصرون بتقديم الخدمه والنصح  والعون ومايبخلون باي معلومه يعرفوها وحتى اذا ميعرفوها يتعنون ويسالون ويستفسرون وينطون  جواب  بارك  الله بيكم اخواني ابو عبد الله  الطيب  وابو انس  الورد  مشكوره  جهودكم                                                                                                                                                                                                                                                                                                                                                                                                                                                                                                                                                                                                                                                     ابو حارث

[ســـرى]

والله ما ادري شبيه هذا السيرفر صارلي شكد ادز بهالرد ومايوصل

المهم اهلا بيج اختنا العزيزة اني اختكszsz شوفي هاي المواضيع اللي بمنتدانا الغالي


 http://www.ankawa.com/forum/index.php/topic,294296.0.html



http://www.ankawa.com/forum/index.php/topic,340051.0.html



وتحياتي بلكي يوصللك الرد هالمرة

[ســـرى]

وهذا هم بعد موضوع اخر بالمنتدى

http://www.ankawa.com/forum/index.php/topic,293082.0.html

[سامسونغ]

اختي الله بالخير هذا قرار انتم وحدكم تتحملون نتيجته بالسلب والأيجاب والظروف تختلف من واحد للآخر كذلك الولايات وطبيعة نفسيات موظفي المنظمات بكل ولايه فهو قرار فردي ولايحتمل المشوره لأن كثير من اللي وصلوا انخدعوا بانبهارهم بالتطور وبعد ماخلصت المساعدات محد بين والقسم الآخر ماخذ وياه فلوس ومامهتم واخرين يدزولهم اهلهم فلوس ورضوا يكونون عاله على غيرهم بحجة الكرين كارد والجنسيه واخرين عدهم الجنسيه وحصلوها  قبل هذا الركود والأزمه الأقتصاديه وكلام اللي مستقر مو مثل اللي جاي جديد والشغل هناك يعتمد على كثير عوامل منها اللغه وتزكية من احد العاملين الموثوقين لدى صاحب العمل ويفضل المواطن الأمريكي على اللاجئ لأن امريكا توفر للاجئ بلد امن وليس بيئة عمل وكلمن يكول اقتصاد امريكا يرجع مثل قبل فهو واهم ويمشي باتجاه سراب والعاقل من اتعظ بتجارب غيره وطبيعة البشر لاتاخذ بتجارب الآخرين.

[ام توته]

مااعرف اشلون اشكركم


الف شكر


ولو رح اضوجكم بس عندي جم سؤال


 شنو احسن ولايه وشنو احسن منظمه ونكدر احنه نختار المنظمه والولايه

[متت من الانتضار]

السلام عليكم طبعا مشكورين الاخوان بل منتدى انو جوبو على اسالتك وهذي كلهة ميزان حسناتهم المهم اختي ام توتة الولاية مو انتي الي تحدديهة ورة مقابلة المحلفين همة الي يحددولج الولاية واذا ردتي تختارين انتي ولاية معينة يجب ان يكون عندك كفيل  واشرحلج الكفيل يعني شنو  الكفيل اي شخص يكفلك كفالة معنوية يعني مجرد يجيبج للولاية الي هوة بيهة ويدليج على المنضمات الي بيهة وبعض الشغلات يعلمج عليهة طبعا الكفيل اي شخص حته اذا مو اقربج يعني اي صديق انتو تعرفو متواجد بل ولايات المتحدة وطبعا حبيت اكلج الحجي الي حجيتي بل مقبلة الاولى والثانية نفسة بل ضبط تحجي بمقابلة المحلف من تواريخ من تهديدات و لاتكذبون ولتكولين احنة انطينة فدية دير بالج لان احتمال لاسمح الله لو ترفضون لوينطوكم قيد الدراسة واي شي اني حاضر اخوكم    متت من الانتضار

[ريم عبد]

الله ايساعدج اختي ام توته
واكيد هسه حايره بزمانج بس لدوخين هسه بس خلي تخلص وتجي الامنيه مالتكم
ومنا لذاك الوكت انتي اقري بالمنتدى وراح تلكين اجوبه على كل اسئلتج وبعد اكثر هم
وان شاء الله ياربي ايسهل عليكم

[SARA CALIFORNIA]

اختي الله بالخير هذا قرار انتم وحدكم تتحملون نتيجته بالسلب والأيجاب والظروف تختلف من واحد للآخر كذلك الولايات وطبيعة نفسيات موظفي المنظمات بكل ولايه فهو قرار فردي ولايحتمل المشوره لأن كثير من اللي وصلوا انخدعوا بانبهارهم بالتطور وبعد ماخلصت المساعدات محد بين والقسم الآخر ماخذ وياه فلوس ومامهتم واخرين يدزولهم اهلهم فلوس ورضوا يكونون عاله على غيرهم بحجة الكرين كارد والجنسيه واخرين عدهم الجنسيه وحصلوها  قبل هذا الركود والأزمه الأقتصاديه وكلام اللي مستقر مو مثل اللي جاي جديد والشغل هناك يعتمد على كثير عوامل منها اللغه وتزكية من احد العاملين الموثوقين لدى صاحب العمل ويفضل المواطن الأمريكي على اللاجئ لأن امريكا توفر للاجئ بلد امن وليس بيئة عمل وكلمن يكول اقتصاد امريكا يرجع مثل قبل فهو واهم ويمشي باتجاه سراب والعاقل من اتعظ بتجارب غيره وطبيعة البشر لاتاخذ بتجارب الآخرين.

  كلام سليم مية بالمية

[ام توته]

مشكورين وماقصرتوا


بس شنو احسن منظمه ونكدر احنه انحدده للمنظمه

[يلمز]

يابة لا اكو شغل ولا عمل بامريكا يا مريكا سويتها فد مندلة شو جينا رجعنا ليورة يوم عن يوم شنو شغل ماكو صارلي سنة اشتغلت شهر وطلعوني كالوا بعد ماكو شنو هالبلد مدكوليلي من ساعة السودة ادفع بل ادفع ايجار ادفع ادفع كله ادفع وين الانسانية بالموضوع مدكوليلي مو كلبنا انشك شو محد يحجي عل المعناة ليش مدافتهم