اول مرحلة للمطار مال عمان كعدنا شوية بين ماجة مندوب من iomوانطانة الكيس مالتنا بية جواز والتاشيرة واتوجهنا للفحص قصدي تفتيش وبعدها ودينا جنطنا للميزان احنا الحمد لله طلع جنطنا اقل من الوزن بس اكو ناس طلع اكثر مشوهم يعني غلسو عليهن وبعدها ركبنا بطيارة وكانت خدمة الطيارة زينة والناس تعبو ويانة لان اغلب الي طلع ويانة مرضة وكان دكتور مرافق ويانة بعد ماوصلنا للنيويورك اخذونه للغرفة كلنا واخذو ختم بالسبابة واخذو ورقة من الكيس وانطونة بطاقة بيضة مكتوب عليها 995 هاي البطاقة مهمة جدا حيث تعتبر جوازك الثاني او البطاقة البيضاء مثل الكرين كارت وطلعنا لكينا جنطنا منتظرتنا اخذناها واجة مندوب ويانة طلعنا من مطار الي احنا بية الى مطار ولايات الي هو مطارالي اروح بية للشيكاغو وانطانة تذكرة وانطانة تذاكر من شيكاغو للولاية الي احنا رايحين الها لان بعد منوصل شيكاغو تنتهي مهمة المنوبين وصعدنا طيارة شيكاغو وطرة مايقارب ربع ساعة وصلنا الشيكاغو وبعد ماجة دورنا لطيارة وسكنسن صعدنا بيها وصلنا وسكنسن وبعد ماوصلنا كالو النا المضيفات اخذو الحقائب من تحت ونزلنا واخذنا الحقائب وانتضرنا شوية ولكينا الكفيل وياه واحد مندوب من iomوصلونا للشقة الي حاجزيها النا وكالو ارتاحو وبعد اسبوع نبلش بالمعاملات وثاني يوم اجتي مندوبة عن المنظمة جايبة النا مسواك وكالت اي شي تحتاجون احنا بالخدمة وكانو لطيفين ويانة وحاليا احنا استلمنا انشورز الي هو تامين الصحيونتابع في مايلي
