اعادة الفحص الطبي ثالث مرة

[myiraq]

مرحبـــــــــــــــــــا ...

لو سمحتوا  هل هناك من مر بتجربة  اعادة الفحص الطبي للمرة الثالثة ؟

لكم مني جزيل الشكر

[ام فائز]

اصدقائنا كانو اليوم عدهم فحص طبي للمره الثانيه وسالو الدكتوره بمستشفى الخالدي كلتلهم من النادر ان نفحص ثلاث مرات
فاحنا انكول يا الله
ام فائز
عمان

[ريم عبد]

اختيmyiraq
اني عدت الفحص الطبي للمره الثالثه بس اني بالعراق
مااعرف انت باي بلد ؟؟؟

[myiraq]

شكرا" جزيلا" ام فائز على سرعة الاجابة واتمنى يكون هذا الكلام دقيق .

شكرا" ريم انا في عمان .

اختــــــــــــــــــــــــــــــــــــــــــــــكم myiraq

[أبن خير]

الله يكون بالعون .. حالة غريبة
تحياتي

[ali.cooom]

اخي الكريم اني بعمان و قبل 3 اسابيع اعدت الفحوصات للمرة الثالثة
لانو اتاخرت الامنية مالتي سنتين يلة اجتي

تحياتي

[abo abo]

السلام عليكم انشالله اخت ريم واخ علي كوم انشالله ختامه مسك وتكون هاي الفحوصات الاخيره بيه الفرج السريع لكم والله يسهل امركم وسفركم عن قريب باذن الله



اخوكم ابو علي عمان

[myiraq]

شكرا" اخي ابن خير على تضامنك معي بس الحمد لله انا لحد الان بس اعادة الفحص للمرة الثانية وتكدر تكول جاي استبق الاحداث اريد اشوف احتمالية الاعادة للمرة الثالثة واردة (الله لا يكولها ) او لا.

اخوية علي الله يتمم عليك وتسافر بالسلامة وباقرب وقت طبعا لما عرفت انك صارلك سنتين ندمت على فعلتي واني نزلت مثل هيج موضوع " يا أيها الذين آمنوا لا تسألوا عن أشياء إن تبد لكم تسؤكم ".   

اخوية abo abo  شكرا" لمرورك الكريم .

اختـــــــــــــــــــــــــــــــــــــــــكم myiraq

[نهاد احمد]

الله يكون بالعون
وان شاء الله خير وقرب السفر
والموفقيه للجميع

نهاد احمد

[السومري]

الله يسهل ويقرب سفركم

[myiraq]

مساء الخير ....

شكرا" اخي نهاد احمد وشكرا" للاخ السومري على الاماني الحلوة


 

[عاشـق الصمت]

السلام عليكم
الاخت ريم عبد
ممكن بس تكوليلي انو خلال اعادة الفحص هل هو نفس اجراءات الفحص الاول ؟ يعني همينه مرحلتين الاولى بابن البيطار وبعدين الاشعه بالحارثيه ؟ لو يختلف الفحص الثاني عن الاول؟
لاني يوم 31-12 عندي اعادة فحص

تحياتي

[ريم عبد]

اخويه عاشق الصمت
الاعاده بالضبط مثل اول مره
نفس الاجراءات وهم ابن البيطار والحارثيه وابن البيطار حفظنا للتسلسل
بس اخويه اكو شي واحد
انت الفحص صار اكسباير بعد 6 اشهر
 لو عندك تجييك على الفحص( يعني شاكين بالفحص مالتك ومحوليك على ابن البيطار)
لان اكو فرق
اذا اكسباير بعد 6 اشهر ينعاد نفس مراحل الاولى
اما اذا بس شاكين بالاشعه ايحولوك على ابن البيطار بس ياخذون عينه من الصدر وهم يومين اتروح
اخي عاشق الصمت انت باي ولايه متحول لان عندي مسجل الك مكانين ومااعرف ياهو الصحيح
ياريت اتصححلنياها

[ابو عبد الله التكساسي]

الله يسهل ويقرب سفركم

[عاشـق الصمت]

اختي ريم
اولا احب اشكرج على ردج اللطيف وهذا يدل على نيتج بمساعدة كل من يطلب شي وادعو من ربي ان يوفقج ويسهل امرج
اني الفحص صار اكسباير بعد 6 اشهر يعني نفس المراحل الاولى راح امر بيهه بالفحص الثاني

بالنسبه للولايهخ اني محول على واشنطن دي سي - ماريلاند - مدينة سلفر سبرنك

تحياتي القلبيه الصادقه

[ريم عبد]

اخويه العزيز عاشق الصمت تدلل اخويه وممنونه
وعدلت الجدول على نيويورك دي سي
وان شاء الله اتكمل الفحص ويجيك موعد سفر قريب باذن الله