الجواز الجديد A غير مقبول في تركيا وسوريا

[osama5477]

السلام عليكم ،

اخواني احد اقاربي البارحة رجعوه من تركيا ومادخلوه والسبب هوة جوازه ال A وكالوله هذا الجواز غير مقبول ، واكو معلومات عن نفس الموضوع في سوريا ، السبب انه ميقبلون الجواز بسبب وجود اللغة الكردية بيه ، بالنسبة لموضوع تركيا اني متأكد منه 100% بس سوريا ما اعرف

[عكعك التطوى]

والله زين يسون حتى الحكومه العراقيه متجتهد يوميه طالعه بشغله جديده (اجتهادات شخصيه)

وكل جوازات العالم تنكتب بلغه البلد الرسميه فضلا للغه الانكليزيه ومن حق كل دوله تتصرف وفق ما يناسبها بقبول الجواز او لا مع احترامي واعتزازي لجميع اللغات

[جاك جيك جكجكه]

مو صرنا فضاحة والله     حتى الدول ملت من عدنا  يوميا جواز جديد
M
N
H
ورقة التحالف
S
A
عيب والله   ولا عبالك عدنا دولة     

تحياتي

جاك جيك جكجكه - الاردن

[دنفش]

تدرون شنو السالفة تغيير اسم او نوعية الجواز يعني مناقصة جديدة يعني لفط ولغف وبوك     تحياتي

[Revolver]

بعدكم شايفين شي ؟ هسة راح تجي الانتخابات و شلة مال مزعطة حشاكم جديدة راح تجي, وراح اتسوي جوازات جديدة بحُكم ( التغيير ) . هية اكو دولة بلعالم اتصدر 3 جوازات ؟ (G - A - R) .
وكل نفر يدفعلة اقل شي $400 على الجواز ... وانتوا حسبوا شكد دينهزمون من هل البلد .

حسبي الله ونعم الوكيل .

ريفولفر

[migrant]

 
حتى الدول ملت من عدنا  يوميا جواز جديد 
M
N
H
ورقة التحالف
S
A
و ال
G
 

يعني تقريبا خلال 15 سنه 7 اصدارات تره مصايره بكل مكان؟؟؟

[2B or not 2 B]

يعني حتى تنحل كل المشاكل بالعراق بعيداً عن الطائفية والمذهبية والأقلية الافضل ان يكو نالجواز مكتوب بلغة واحدة فقط لاغير وهي اللغة المتداولة الإنكليزية وماكو واحد بالعالم يكدر يعترض على اللغة الإنكليزية واحنا بلد واحد نعترض على اللغة الموجودة المتداولة بالجواز العراقي. تخيل غداً يصدر جواز جديد بيه اللغة التركية (لعيون التركمان) واللغة السريانية مع احترامي لكافة اللغات وان كانت اللغة الرسمسة لمتعارف عليها في العراق بعد التحرير هية العربية والكوردية لكن هذا للداخل فقط اما جواز السفر فهو للعالم كلة مو للعراق فقط. اعتقد ان جواز السفر A ينقع للسفر في الولايات المتفرقة العراقية فقط اي في داخل العراق ولا حول ولا قوة الا بالله. واعتقد ان الحكومة تريد تعلم العراقيين الحروف الابجدية حسب تسلس انواع الجوازات الصادرة

ابن بطوطة حامل جواز ا ب ت ث ج ح خ د ذ ر ز س ش الخ وهو الجواز المعمول به لانه يشمل جميع الحروف الابجدية

ابن بطوطة

[eboo]

اخوان هيه مسرحيه  عيش وشوف بعد راح يخلون العراقي ابد محد يدخله الغير بلد من اسوالفهم التعبانه طبعآ ابو سوريا ميريد يدخل مواطن عنده جواز بلغه كرديه لان يعتبر ان هذا المواطن جاي من دوله كرديه وما كو هجيه شي الاكراد مواطنون حالهم حال اي مواطن عادي يعني باجر ابو تركيا الاكراد العنده يريدون جواز كردي وابو سوريا نفس الشي وغيرهم من الدول التي يتواجد فيها الاكراد الاكراد هم مواطنون عاديون لماذا يكون في الجواز اللغه الكرديه ؟اترك الاجابه لكم هل معناه انو الدوله صارت كرديه مو عربيه ام ماذا السيطرات الكرديه ميحجون عربي ويردون يسهلون عليهم يعني باجر راح يسوون الهويات وكل المستمسكات بالغه  الكرديه الله يعين هل بلد وهذا الشعب اشكد مسكين وماكو من يادفع عنه سلمو امركم لله هو نعم الوكيل

[الحياوي]

اه
الله كريم 

[Iraqibird]

جاك جيك جكجكه  يابه بعد G

[Anwar Al-ardiny]

صفعة جديدة
و تستاهل حكومة الخردة الطائفية

[silver_d]

الله يرحم ذاك الرجال جان دافنهوم ومن راح جوي الايرانيين الي يدعون هم عراقين وطلعت الحشرات من سباتها والعاقل يفهمها
تحياتي

[جاك جيك جكجكه]

يابه يا اخوان يا اعزاء والله اني اعتذر جدا جدا 

سقط سهوا بالطباعه حرف ال G 

اعذروني  ههههههههههههههههههه

بس انشاالله من يطلع جواز بحرف B  اوعدكم ما انساه وادخل كل الاحرف  هههههههههههه

ديمقراطية وتعددية وحرية وشفافية 

اضربو شتريدون بعد اكثر من هذا  ههههههههه

تحياتي للكل

جاك جيك جكجكه - الاردن

[ســـرى]

 اخواني وقبل ماتتسرعون بالاحكام على واحد ما دخلوه لتركيا ترة اني اخوية كان قبل شهر بالضبط بتركيا وهو جوازه A ودخل مثل الورد وماكو احد كاله انت ماتدخل او ليش جوازك A وترة احنا بالمنتدى كلنا مانحجي بالسياسة مو صحيح؟ فماكو داعي نكول (ذاك الرجال الله يرحمه)!!!!  المهم اني اكوللكم معلومة اكيدة ورجاء اتأكدوا من الخبر قبل ماتنشروه اخ اسامة اني اخوية (يعني مو جيراني لو معرفة سطحية)دخل لتركيا بجواز الA وأزيدك علم انه اخت زوجي همين راحت قبل اسبوعين لتركيا وهي ايضا جوازها A وأصلا سوت الA لان كالولها اخاف ماتكدر تدخل بالS

لاتزعلون اخواني بس ترة قبل ما نعلق على اي خبر لازم نتأكد صح لو غلط اللي دا اكوله؟

تقبلوا مروري واعتذر من صاحب الموضوع على المداخلة اذا سببت اي ازعاج

اختكمSZSZ

[sabahy12]

ياجماعة لاتتهمون الحكومة بالباطل ...والقضية ومابيه الدولة اتريد الي يسافر خارج العراق يعرف الحروف الهجائية الانكليزية كله حتى لايكولون الشعب العراقي متخلف لغويا عن الشعوب الاخرى ههههههههه

[help]

هههههههههههه ترقبو ايها العراقيين جواز جديد من فئة  日本語

[ابو عبد الله التكساسي]

شكرا لناقل الخبر

شكرا لاختنا SZSZ على نقل الخبر الاخر

علساس احنا بالجزيره
الاتجاه المعاكس 

[alen franso]

مهزلة واللة العضيم مهزلة يوميا فد قرار يوميا فد جواز زين اللغة الفارسية ماتنزل  بالجواز العراق الي لح يصدر 2011 مو هما من اهل البلد هم حزبي اللة ونعم الوكيل اللة يكون بعون الشعب العراقي

[القرش]

                                    السلام عليكم

هههههههههههههههههههههههههههههههههههههههههههههههههههههههه والله مهزله

هههههههههههههههههههههههههههههههههههههههههههههههههههههههههههههههههههههه

ابو انس
شيكاغو