مقترح يستفيد به بعض الاخوة والاخوات

[freeman2]

اخواني اخواتي السلام عليكم ورحمه الله وبركاته
هناك الكثير من الاخوة والاخوات وخصوصا بالعراق من الذين يطلبون الاتصال بمنظمة الاي او ام  وكما تعلمون الاتصالات صعبة للغاية اضافة لكثرة المحاولات واضافة للكلفة .
اقترح نحن مثلا الموجودين بمصر وانا اولهم او العراقيين الموجودين بالاردن لمساعدة اخواننا بالعراق بالاتصال بالمنظمة بجلا عنهم واعلامهم فيما بعد بنتيجة اي سؤال من اسئلتهم على الخاص طبعا ..

وبأنتظار اي اضافات او افكار اخرى من اخوتنا لكي نسهل لاخوتنا بالعراق بعض المعاناة بالاتصال

اخوكم
ابوهدى-مصر
بأنتظار الامنية

[عكعك التطوى]

اخي العزيز ابو هدى

من تعليمات المنظمه انها لا تجيب على اي شخص يحاول الاستفسار عن كيس يخص شخص اخر
حتى وان كان اخيك في بعض الاحيان واشكر حرصك ونيتك وحبك على تقديم المساعده للاخرين

تحياتي لك

[freeman2]

والله اخوية العزيز ابواحمد اني دائما من اتصل بس يسالوني عن رقم الكيس والاسم وهذا ممكن اي شخص يكلف اي احد ان يتصل بدلا عنه ومراح يعرفون هذا منو الي يتصل
وعلى العموم هي اهم شي للاشخاص الي يحتاجون المساعدة وانشالله كل الاخوة ما يقصرون
وخصوصا الناس الي يريدون استفسارات من المكتب الاقليمي بالاردن

[ابو عبد الله التكساسي]

شكرا اخويه ابو هدى على  المشوضوع وبارك الله بيك لهاي الروح الطيبه

[angie-dawood]

مشكور اخي الغالي انشاءللة محد يقصر اذا يصير الاتصال والسؤال ليش لا هي مساعدة للاخوان انشاءللة الكل على السنة الجديدة ينطوهم مواعيد السفر حتى يخلصون من الاتصال والانتظار ربي يبارك بك اخي العزيز على هاي الروح وحب المساعدة بالتوفيق انشاءللة

[freemann]

اخوان للعلم والمعلومات تره اي او ام بغداد دتجاوب على الايميلات بشكل طبيعي بسالتاخير يكون اسبوعين فالي عنده صبر خلي يراسلهمويجيله الرد اني شخصيا دا اراسلهم واستفسر منهم ودتجيني الردود

[ســـرى]

بارك الله بيك اخونا عالموضوع والله يسهل امر الجميع تحياتي وتقبلوا مروري

[ريم عبد]

اخي العزيز شكرا على مبادرتك الانسانيه واكيد هيه بقصد المساعده لاغير
ومثل مكال الاخ عكعك لايجوز اعطاء معلومات الا تنطيهم اسم ورقم الكيس
والشي الثاني اذا همه مدينطون معلومات على كيسات الدول الاخرى
معناها اكو مركزيه بالموضوع ومن راح يفتحون الملف ايعرفون هذا  مو من مصر
وقد تكون الملفات لكل دوله تفتح من قبل منظمتها فقط
لان همه ميسالون انت وين ساكن  حاليا وانما انت منين مقدم
وجازاك الله الف خير على روح المساعده