حاير وحيرني زماني منو اللي يدليني عالدرب

[سـيد الخواتم]

صبحكم الله بالخير ومساكم الله بالخير
وين ماجنتو ياهلي الطيبين

هسه نجي للسالفة

ردت عونتكم وهمتكم وهي مو غريبة عليكم ابد ابد مو شفت تعاونكم وشمحلا من تعاون

هاي شنو بدت اللواكة من هسه

خواتي واخوتي الله ايخليكم
اني ساكن بولاية لويزيانا وصارلي جم شهر وهسه اريد اشيل واتحول لغير ولاية يعني اغير سكني والاسباب شخصية خاصة مو غير شي خاف الواحد يفسرها بتفسير اخر ونسيت اكللكم اني وياي زوجتي وطفلين واريد اتحول لولاية نيوهامبشير وسؤالي او مجموعة الاسئلة اذا اتقبلون بيهه هي
1  اشلون انسافر الهاي الولاية بالقطار بالباص بالطيارة واشلون وابيش
2  شسوي قبل ما اسافر يعني اكو مراجعات او فد سوالف لخ اكملها اهنا قبل السفر وشنو هي عفية
3  اشلون انقل واشحن الجنط مالتنا بايا شركة وسعرهه اشكد واشلون فهموني
4  هم امر على المنظمة اللي اهنا واخذ من عدهم اوراقنا لو هذا هو بس
5  شنو اللي اتعرفو وما ذكرته الكم هم كللولي بي الله ايخليكم

وينهم اهل الخبرة ووينهم اهل المعرفة بهاي السوالف ووينهم اللي يرشدوني للطريق الصحيح ولو كل طريق بي طسات حتى الطريق بامريكا بي طسات وطولت عليكم بس شسوي هسه اني كاعد بنص اهلي واحجي وياكم لان انتم اهلي واللي اتضيج عليه الدنيا الله ايسهلهه عليه ومعونة الطيبين اهل النخوة

ايابااااا هاي اشكد اني كاتب ولا ادري هلكد كتبت بس شسوي مضنوك وسلامي الكم كلكم بس ها لاتنسون عونكم وترشدوني باللي اتعرفو والله وياكم



""""""

[الحياوي]

انشالله  اخواني وخواتي ميقصرون وياك
وتسهل الامور
اتمنئ لك التوفيق

[angie-dawood]

مواقع الخدمات:

1- مواقع البريد وشركات الشحن
http://www.usps.com
http://www.fedex.com
http://www.ups.com

[سـيد الخواتم]

شكرا ياحياوي وبارك الله بيك والله وسريع بالرد ماشاء الله

وانتظر الطيبين

[angie-dawood]

راجعه الك اكمل باقي المعلومات الي طلبتها وكل الهلا بيك اخي

[سـيد الخواتم]

شكرا يا انجي والله وحياج على هاي العونة بس كون ربي يساعدني وافتهم هاي المواقع مو اني بالانكليزية اخو الصفر لا شوية اعلى من الصفر وحياج الله ام نخوة وعونة

[angie-dawood]

شركة طيبة لشحن البضاعة تلفون بدالة 1313 هاتف 8510007
او 1888 هاي بدالة
تلفون 5810001
ايميل teebatravel66@yahoo.com
هاي سهلتها عليك يحجون عربي تفضل اخي هم الي رجعه

[angie-dawood]

اخي العزيز قبل ما تغير ولايتك لازم تروح الى البريد تاخذ من عدهم ورقة مال تغير العنوان تكتب بيها عنوانك الحالي وتكتب بعدين عنوانك الى انشاءللة تنقل عليه باي ولايه كانت وترجعها الى مكتب البريد حتى لا يضيع بريدك من تنقل لغير ولاية وحتى لو كنت نفس الولاية هم نفس الحالة لازم تسوي تغير السكن من منطقة الى منطقة او من ولاية الى ولاية لازم هذا الشي تسويه اولا وثانيا لازم تبلغ المنظمة بقرار التحويل حتى هما يسون الك اوراق النقل وبنسبة شون النقل اكو باصات اذا المكان ما يحتاج طيارة واكو قطار هم حسب المسافة بين ولاية وولاية واي سؤال تحتاج تدلل اخي

[سـيد الخواتم]

حياج الله يا اخت انجي وشكرا والله والنعم منك ومن تربيتك الصالحة اللي اتحب الخير واتعاون الناس وحياج الله

صدك سهلتيهه مال المكتب العربي

بس الله ايخليج عفية اشلون املي استمارة البريد واني راح اروح لمكان وما اعرف بالضبط وين اسكن لان راح بالبداية اسكن بالفندق وبعدين ادور على سكن واشلون املي استمارة البريد وما اعرف العنوان الجديد

ربي يبارك بجهودج صدك انت شمعة بالظلام ومنورة الطريق النا ومن يروحلج فدوة كل عذول حياج الله انجي الطيبة

بس وين بقية الطيبين وشرحهم المفيد

[angie-dawood]

الاستمارة كلشي ما يريدلها روح جيبها من البريد ودزها على الخاص مالتي واني امليها الك والعنوان اذا تعرف شخص من نفس الولاية الي تروح الها اكتب عنوانه بالبداية وبعدين تكدر تغيره واذا هم ما عندك اكتب عنوان شخص تعرفه نفس الولاية الي بيها حاليا وبعدين هو يرسلها الك او هو يروح ينطيهم العنوان الي راح تسكن بيه الي بغير ولاية الي راح تنتقل الها

[سـيد الخواتم]

يابا الف رحمة على والديج وعلى هاي التربية اللي ربوج عليها يا ام النخوة انجي
مشكورة والله مشكورة
عندي عنوان صديق بالولاية اللي راح اروحلهه وراح اكتب عنوانه مادام ايصير هيج والله وما اعرف شكول من حجي بسوالفج هاي اتخلين كل الشكر قليل بحقج وحياج الله يا ام النخوة والعونة ما شاء الله من كتبت الموضوع ليهسه وأنجي ملتزمتني التزام واكول اشكد انت رائعة انجي على وزن اغنية "" اشكد انت رائع سيدي ""
حياج الله وانتظر بقية التفاصيل من الطيبين

[ســـرى]

والله اخوية احنا بعدنا بالعراق والمشكلة انت تريد تفاصيل مال واحد بأمريكا وان شاء الله انجي ماقصرت وياك وتمنياتي بالموفقية

[ريم عبد]

الله ايسهل امرك اخونا العزيز وياربي ليحير عبده
انت بس ابقى على الخط ابوتيسير وهسه تجيك الردود من كل مكان
واي سؤال تحتاجه راح يجيك رده
وان شاء الله ايسهل امركم وايوفقكم بولايتكم الجديده

[أميرة بكلمتي]

اخي العزيز اني عايشه بسويد اي شي تحتاجه اني بخدمتك وبخدمة كل اعضاء المنتدى

[سـيد الخواتم]

szsz
ان شاء الله توصلين لامريكا وبساع وسؤالي مابي مشكلة هسه الطيبين يهبون ويجاوبون وهذا املي بيهم والنعم من انجي ام نخوة وماقصرت بس اني اطمع بعد للتفاصيل والله ايخليج وشكرا


ريم عبد
الله اشكد ضحكتيني وبنفس الوقت قهرتيني من ذكرتي انت بس ابقى على الخط ابو تيسير تدرين هذا المقطع من مسرحية المحطة لطالب الفراتي وعماد بدن وعبدالجبار الله شسويتي اوين وديتيني ورجعتيني الله وربي يوفقج ويرسم البسمة على الوجه شكرا


أميرة بكلمتي
يابا والله الف رحمة على والديج على مد ايد العون والمساعدة النا وتبقين اميرة والنعم منج يا اميرة وربي يسوي السويد الج ساحة رياحين وزهور فواحة شكرا


---------------

[angie-dawood]

اخي العزيز بالنسبة لسفر داخل الولايات ما تحتاج غير ايجازة سياقة لو هوية مال ولاية مثل هواية  شخصية  الي كان عدنا بالعراق بس حبيت اذكرك خاف ما كنت تعرف

[سـيد الخواتم]

فدوة انجي خمطتي قلبي بهذا التذكير يمعودة دخيل الله
اني عندي اجازة سوق وهوية الولاية بس زوجتي واطفالي ماعدهم بس I-94 والسوشيل وهوية العمل وبس يعني ايكدرون يسافرون بذني لو لا يمعودة عفية الحكيلي

عفية ام نخوة انتظر مثل الامزوهر بالمي



----------

[tiger-ALtlkefy]

اخي سيد الخواتم  انت كلت انك صاحب عائلة  وعندك كم شهر مثل ما وضحت الاخت انجي الك بعض الامور وراح احاول ان اقدملك الجاوب بما اكدر عليه
1 الولاية الي انت هسه بيه louisiana هي بجنوب امريكا والولاية الي تريد تنقل الها new hampshire  هي بشمال شرقي فالسفر بالباص او القطار ممكن يكون صعب عليك فالافضل ان تستخدم الطيران

2 مثل ما وضحت الاخت انجي مشكورة  تبلغ البريد والمنظمة ايضا عليك تبليغ دائرة الولفر وان تاخذ اوراق من المنظمة على الامور الي دفعوها الك وكذلك اوراق من الولفر الى جانب غلق ملفك هناك لان هاي الاوراق راح تحتاجه من سجل بالولاية الجديدة

3 وضحته الك الاخت انجي

4  و 5  هي مثل ما كتبنا الك عليك تبليغهم
الى جانب ذلك لازم تحاول ان ترتب وضعيتك بعد وصولك وتراجع الدوائر المعنية والي هي الولفر وتاجر حتى ترتب امورك واذا مثل ما تفضلت الانكليزية مالك اخت الصفر لو اعلى بشويه فاتمنى ان يكون عندك شخص يساعدك هناك بالمراجعات

اتمنالك الموفقية  ولعائلتك الكريمة
كل عام وانت بخير

تحياتي واحترامي

تايكر

[angie-dawood]

نعم اخي يكدرون يسافرون بالشوسل نمبر والوايت كارت وهوية العمل لانه هي هم تعتبر مثل ايجازة سوق لانه بيها الصورة الشخصية   اطمئن من هاي الناحية واي سؤال يخطر ببالك اسال اختك  موجودة

[سـيد الخواتم]

تايكر التلكيفي
كمت اباوع على نفسي بعين الحسد وراح ادك عالخشب اخاف احسد نفسي بنفسي على هيج اهتمام وسرعة اجابة وربي ايخليك العائلتك صدك لو خليت قلبت ومادام اكو هيج ناس والله لعد الخير موجود وغصبا على الشر ينهزم والله اللي هسه شفته منكم ومن انجي ام نخوة ومن بقية الطيبين واللي راح اشوفه يخليني اراجع نفسي على نسبة الخير الموجود بالدنيا
تايكر التلكيفي ربي يوفقك بحياتك وهاي شنو من هبة مساعدة حلوة لاخوك وما اعرف شكلك بعد بس اتمنالك اللي تتمناه والنعم منك وشكرا


ام نخوة انجي
لا عاب حلكه اللي كال عليج ملاك المنتدى وراح اكلج كل بنية يجي يوم وتصير ام واسمحيلي اكلج ام نخوة ولو الاسم مو حلو ايجوز بس معناه رائع والنخوة مو كل من هب ودب يسويهه بس اخو اخيته والمربي ومتعلم من الدنيا ومأسيها هو اللي ينتخي بي انت روعة وهسه ارتاحيت على وثائق السفر والنعم من اختي


------------

[hussein5582]

اخويه انته بيا مدينه بنيوهامشر راح تروح بالضبط بلكي اكدر اخدمك

[violin]

اخوية العزيز سيد الخواتم والله لو بيدي اخدمك جان خدمتك بس كلشي مااعرف هب بياض.
بس الاخت العزيزة انجي ام الوكفات ماقصرت الله يوفقهه .

[سـيد الخواتم]

اسووود 2000
ماشاء الله عليج من كندا وتهبين لمساعدتي ماشاء الله ربي ايخليج دوم بسعادة وعافية والله وما قصرتي طبتج هاي كافي وتزود من الكرم والطيبين ما قصرو ولا راح ايقصرون اني اشكرج هواية ما شاء الله عليج محروسة من عين البشر


hussein5582
خادم ربك اخوي وتسلم على هاي النجدة بس اني اريد شنو الاجراءات اللي اسويها قبل السفر اهنا ومن اوصل لهناك عندي صديق ولا اخيره عليك يتكفل بالمطلوب مني والنعم منك ومن ردك ونجدتك الاخوية وتسلم


Violin
لا والله وماتقصر وتسلم وهذا الهب بياض بمرور الايام يصير دو شش خبرة السنين وويلات الزمن راح تتراكم عندك وها نسيت والخبرة اللي تكتسبها اهنا من المنتدى راح اتروح الهب بياض اشكرك على هاي النجدة وكلامك شكرا والنعم من ام نخوة انجي ومن بقية الاخوة الطيبين


------------------------