اخوكم محتاج نصيحة ومساعدة

[عوكل]

اخواتي واخواني انا عملت كمقاول مع القوات الامريكية في بناء احد قواعدهم (جزء من القاعدة) هل يحق لي التقديم للهجرة وماهي المنظمة الانسب برايكم وطريقة التقديم ونسب النجاح لموضوعي اني اعرف دا ازحمكم بس اخوتي لاتقصرون وياي وادري كلكم جود وكرم

[y.a.r.a]

اخويه اذا اتريد اتقدم من بغداد هيه ماكو غير منظمة هجره وحده هيه iom وهيه بخصوص اللجوء الى امريكا
اما عن سؤالك اذا تشملك لانك مقاول اعتقد مشمول بس الاخوان ايجاوبوك عن هذا الموضوع لان مااعرف شنو نوع هذا الارتباط مع القوات الامريكيه

[ســـرى]

اخي انت اكيد مشمول ببرنامج اعادة التوطين الIOM واذا انت تعاقدت وية الامريكان واشتغلت لمدة 12 شهر (سنة) او اكثر فانت مشمول ايضا بالهجرة الخاصة وهو برنامج الSIV(SPECIAL IMMIGRANTS VISA) فكلي انت شنو وضعك؟

[ريم عبد]

http://www.ankawa.com/forum/index.php/topic,294296.0.html
اخويه شوف هذا الرابط تلكي بي كل المعلومات الي تحتاجها
والعنوان الايميل الي اتراسله
وياربي ايوفقك وايسهل امرك

[ابو الحسن]

عمي الله يساعدهم
سؤالك اي او ام وعليه ماعليك سوى تاج راسي ريم عبد لو المفتى عكعك واكيد ماراح يقصرون
واشوف تاج راسي ريم ردت عليك وماتقصر كالعادة ام الشهامة
الله يسهل عليك
ابو الحسن - ماليزيا

[y.a.r.a]

اخويه العزيز عوكل الجواب وصلك من اختنا ريم
واذا عندك اي استفسار احنا حاضرين ولتخلي موضوعك ايصير مسرح لغير مواضيع
وان شاء الله من تبدي بالتقديم احنا وياك اول باول
وياربي ايسهل عليك
اختك يارا

[ســـرى]

اخونا ما كلتلنا انت شكد مشتغل وياهم؟ سنة لو اقل؟

[ابو عبد الله التكساسي]

عمي عوكل الله يساعدك بالموفقيه ان شاء الله
وسلمنا على اللمبي وياك 

[عوكل]

انت تاج على راسي ياعمي ابو عبد الله التكساسي وسلمنا على كل عراقي دالاسي