اخوكم ماكو احد يساعدة ويوكف وياه؟؟؟؟؟؟؟؟؟؟؟؟

[worldgold]

اصدقائي الحلوين سلام حار الكم وعام سعيد والله يفتحها بوجه الكل
 اني انشاء الله راح  اروح ياجماعة لكاليفورنيا اسم المنطقة هي  Travertine -elcagon
CA 92019 ,U. S.   اللي اريدة هو اسماء منظمات اللي تساعد اللاجئين بالمنطقة نفسها وشنو لازم اللي اسويه من اوصل واكو شغل لو لا وشلون هناك العيشة وناسها شلونهم
ورجاء من اللي ساكنين بهاي المنطقة يدزولي معلوماتهم لانه اني ما اعرف اي شي بالانكليزي
وحتى اهل البيت همينه ميعرفون ولا طكه ... وشنو هي الامور اللي لازم اسويها وهي بيها فايدة اللي وتساعدني بالعيشه هناك و اي شي اخواني تشوفه زين ولمصلحتي ارجوكم كولولياهالله يوفقكم كلكم آمين

[abo abo]

الف مبروك اخويه وانشالله توصل بالف سلامه وتوكل عله الله هيه تسهل واكثر السافرو ميعرفون لغه وانت اول متوصل بل سلامه يدخلوكم مدارس تعليم لغه والاخوه هسه ميقصرون وياك ويساعدوك بكل الاسئله اتمنالك سفره ميسره بأذن الله


اخوك ابو علي عمان وياريت تذكرنه بايوم السفر انشالله وانت باي دوله هسه الله يوفقك ويسهل امرك انشالله

[أ.ج.ت]

اخي العزيز ياريت لو اكدر اساعد بس اني بانتظار الامنية المهم من موضوع منزلة انت قبل شكم يوم على الفحوصات مال تركيا عرفت انو انت فحوصاتك والدورة التثقيفية يوم 7 اكدر اكلك الدورة التثقيفية هواية راح تفيدك ومعلومات كاملة عن كيفية البدء بحياتك بالولايات المتحدة اني مسوي فحوصات يوم 7/12 وشفت الدورة كلش كانت مفيدة.
تقبل مروري

[violin]

الف الف مبروك اخوية وانشاءالله توصل بالسلامة .
هسة الاخوة الاعضاء مايقصرون وياك . رح ينطوك المعلومات اللي تريدهة ومايصير خاطرك الة طيب.

[ابو عبد الله التكساسي]

اخي الله يساعدك
والله يعينك على متاعب السفر ولا تخاف العراقيين بكل مكان وانت ان شاء الله ما تدوخ بالتفاصيل

الله الرزاق واكيد انت راح تكون غريب وما يكطع بيك رب العباد

دعائي الى الله العلي القدير الك بالموفقيه

[angie-dawood]

عندك كفيل هو راح يساعدك ما عندك كفيل المنظمة هي كل الامور عليها انت معليك بكلشي واذا تحتاج اي شي غير هاي الاشياء اكلهون مليانه عراقيين من يمينك الى يسارك يعني ما تحتار ابدا والكل هناك يساعدك والف مبروك ونشاءللة توصل بالسلامة وتشوف كل الخير

[Baghdady73]

اخي العزيز

مبروك وانشاءالله توصل بالسلامة وتشوف الخير..بالنسبة لسؤالك فمنطقتك تقع ضمن دائرة تواجد اغلب العراقيين وهي منطقة الكهون فانشاءالله لن تحتار لان الكل قريب من عندك بالاضافة الى انك لن تاتي بدون مساعدة منظمة توطين واغلب الظن ستكون مع الكاثوليك جارتي كونها هي المتنفذة في اطار مدينة سان دييغو اما بالنسبة للغة فلله الحمد لن تحتاج اللغة في اول ايامك كون هناك الكثير من المحلات العراقية حتى الموظفين في الدوائر الرسمية "مع ان هذا الشيء سيؤثر على تعلمك للغة" ولكن كبداية اطمئن لن تشعر بالغربة واذا تحتاج شي نخدمك ومنقصر..
تحياتي

بغدادي

[eboo]

الله يسهل امرك لا تحتار الف مبروك

[ريم عبد]

اخويه العزيز
لتخاف ولا تحتار ما شاء الله المنطقه من احلى المناطق وبيها عراقين ماشاء الله زد وبارك
وراح انطيك اسماء اخوانا بالمنتدى الموجودين بكاليفورنيا وانت اختار اي احد منهم واتصل بي ايساعدك باي معلومه تحتاجها
غسان الاشقر               سانت دييغو          داخل امريكا  
         ناردين                سانت دييغو          داخل امريكا                                                    
nana90                      سانت دييغو          داخل امريكا                                                              
Birj                            سانت دييغو          داخل امريكا                                                        

ماجلان                       سانت دييغو          داخل امريكا  
 iraqiboy
  
Al 7age                     سانت دييغو           خارج امريكا                  


يوجد امل                    سانت دييغو           داخل امريكا                                                        
الصفار الحسيني           سانت دييغو           داخل امريكا                                                        
حديدوز                      سانت دييغو            داخل امريكا                                                        
fady azir                  لوس انجلوس          داخل امريكا  
  lawrence2008         مونتيري                 داخل امريكا  
  
                                          

سوسن كليانة            مودستو                
 
موناليزا701                سانتا كلارا            

شلعوا كلبي             اوكلاند                    
Haider 67               كلنديل                    


 
Solid Snake                                        
وان شاء الله ميقصرون وياك

[ســـرى]

الله يسهل اموركم اخونا وسفرة مريحة ان شاء الله والله ماكو احد من الاخوان يقصر وتقبل مروري

[أبو ألامر]

بارك الله بكم وجزاكم الله خير جزاء

[لوس أنجلس]

هلو اخت ريم شلونج
ريم ليش اسمي منازل ويه الاعلان مال كاليفورنيا هههههه
ليييييييش شسامعه
اني شغلتي بله شي واكفه بله سبب

[ريم عبد]

اخويه لوس انجلس اسمك موجود بالجدول على مدينه كلنديل
واذا اتحب تتاكد تلكي بموضوع كاليفورنيا
بس الاخ راد يعرف الموجودين حاليا في امريكا فنقلته بس الي بالداخل
حتى يستفاد من مساعدتهم
وان شاء الله شغلتك ماشيه وقانونيه وماعليك اي غرامات
وكل شي تمام ان شاء الله يوم الي تطلع بالسلامه