اخوية العزيز
مثل مكالت الأخت ريم ال يو أن منظمة أنسانية وحسب تجربتي ومعرفتي بناس أهنا وبحالتي وحالتي صعبة متعرض لخطف وتهديدات وعالكه عليه بالعراق يعني كيسي قوي وطولت معاملتي يم ال يو أن شوية أطول الشغلة يمهم واني داحجي بالأردن
ومرات تصير سريعة حسب الحالة مالتك وقبلها قسمة الله الك واني أعرف ناس طولوا 3اشهر وطلعوا
أما منظمة الهجرة تفيدك أذا جنت مشتغل ويه الأمريكان أو عندك أحد من أقاربك أو اصدقائك بأمريكا يكدر يكفلك معنوي أو مادي تصير المعاملة أسهل وأسرع بس هذا الحجي بس لأمريكا تفيدك وهذا الحجي همين أهنا بالأردن ما اعرف بغير دول شنو نظامهم يعني المعاملة
وبالأردن الي مقدم على ال يو ان وتطلعه هجرة وجان ماعنده أقامة فعليه غرامات هي ال يو ان تدفعها اله
أما منظمة الهجرة أذا طلع الواحد عن طريقها وكان ماعنده أقامة وعليه غرامات فألشخص نفسه يدفعها وأذا ميدفعها يسووله ابعاد عن الأردن أما مدة5سنين أو مدى الحياة
