المحرر موضوع: تجربتي منذوا خروجي من العراق الى هذة اللحظة تاريخ خروجي من سنة 1991  (زيارة 79454 مرات)

0 الأعضاء و 1 ضيف يشاهدون هذا الموضوع.

angie-dawood

  • زائر
تجربتي منذوا خروجي من العراق الى هذة اللحظة تاريخ خروجي من سنة 1991

تحية وسلام لكل الاخوة والاخوات الغالين اليوم راح اكتب ولاول مرة تجربتي من تاريخ خروجي من العراق الى هذا التاريخ حتى الكل يعرف التاريخ الي وصلت بيه الى امريكا شون كانت المعيشة والحياة وشون هسى صارت وشلون اني  اشتغلت وكل المعانات الي شفتها بامريكا الى هذا اليوم واليكم القصة

احبتي الغالين اني طلعت من العراق بعد حرب الخليج سافرت اولا الى الاردن بقيت بالاردن مدة 6 اشهر بمنطقة الفحيص يم دوار الدله منطقة شعبية جنت مأجره بيت مأثث غرفة وصالة ب 70 دينار اردني وجانت ام البيت كلش زينه ويايه هواي ساعدتني من كل النواحي جانت بمثابة الام  والاخت والصديقة والاهل وجان كل ما يروح شخص الى بغداد جانت  تنطيني غراض مثل مسواك او ملابس جديدة تكول دزيها لاهلج خاف ما عندج فلوس انت ادزين وجانت بكل مناسبة تشتريلي ملابس وهداية وهي الي شافتني شغل بمحل الخياطة للملابس النسائية اشتغلت فترة وبعدها خلص الشغل يعني خلصت الطلبيه وبطلوني وبقيت بدون شغل حجيت لام البيت الي جنت ساكنه يمها وضعي ضاجت على مودي وكالت بنتي  تريد وحدة تكعت يم جهالها اذا تريدين روحي انتي وتنطيج 100 دينار اردني لانه بنتها جانت معلمة وتريد وحدة تكعد يم جهالها التوم ...  المهم وافقت ورحت اشتغلت يم بنتها وطبعا بنتها جانت نفس امها نفس الطيبة  والحنيه وهم مثل امها تشتريلي كل شي من المسواك الى الملابس والهداية بالمناسبات ظليت يمها الى ان سافرت الى تركيا بقيت بتركيا مدة شهربن بالعاصمة اسطنبول هسى نرجع شون طلعت من تركيا
جان اكو واحد قجخجي اتقفنا احنا مجموعة من العوائل على انه هذا القجخجي يعبرنا الى يونان وكل نفرد يدفع 3000 دولار وطبعا هو يرتب  النا كل شي على مود يعبرنا الى جزر باليونان ومناك تجي خفر سواحل ينقلونا الى العاصمة ويوم الي احنا مرتبين نفسنا حتى نعبر لليونان جانت  الساعة 2 باليل وجناخمس عوائل 3 عزاب لحظة صعودنا الباخرة الكبيرة الي تنقلنا الى جزر اليونان من اسطنبول كان ناصبين النا كمين اربعين جندي وثلاث ضباط اثناء صعودنا الباخرة ما نسمع الا اطلاق نارية بالجو كل الجنود اطلقوا النار بالجو حتى احنا نخاف وننام على الارض وظلوا يصيحون بالسماعة الكل انبطاح طبعا احنا متنه من الخوف وكلنا كعدنا على الارض مع القجخجي وايدينا على راسنا هو مثل جبل عالي وهما كانوا مختفين فوك الجبل نزلوا علينا طوقونا كلهم معنا القجخجي وابو الباخرة انهزم نفس اللحظة طبعا الحجي كله صار باليل بعدين اخذوا القجخجي ووكعوا بالارض وخلوا المسدس على راسه وكالوا احجي وين تريد توديهم وهو ديرجف من الخوف واحنا طبعا اكثر منه دنخاف المهم اخذونا الى المركز للتحقيق من الساعة الرابع ليلا لغاية التاسعة مساء من اليوم الي بعده  بدون اكل ولا شرب ضابط يدخل  وضابط يطلع والتحقيق ويانا كلنا وجابوا واحد مترجم عربي يحجي ويانا فصحى جان يكول  تكلم لماذا خرجتم من العراق يعني كلامه كان معنا كله فصحى واحنا منعرف نبجي لو نضحك على كلامه المهم طول التحقيق معنا 20 ساعة والدنيا كلها انكلبت عبالك شنو  صار بعدين خلونا بالسجن السجن كان مثل فندق بصف السجن على اساس الحاكم على ما يحكم شنو يسون بينا طبعا المصاريف مال فندق على حسابنا وي الاكل ظلينا مدة اسبوع ننتظر قرار الحاكم  بعدين اجه ضابط الى الفندق كال كلكم تعالوا الى المركز نريد نحجي وياكم  رحنا للمركز كالوا النا الحاكم قرر انه كلنا راح يرجعونا الى بغداد اخذوا جوازاتنا من عدنا ورجعنا الى نفس الفندق وويانه الحارس على مود لا نفكر نهرب من الفندق وانطونا مدة يومين على ما يرتبون امورنا للسفر للعراق اوكي احنا ثاني يوم  اتفقنا مع بعضنا انه نهرب من الفندق قبل ما يسفرونا الى العراق طبعا القجخجي الي هربنا بالبداية طلع من السجن مااعرف شون المهم اجه قجخجي اخر واتفق ويانه  انه مرة اخرى يطلعنا يعني محاولة اخرى المهم احنا هربنا من الفندق بعز النهار والحارس كان ما موجود اخذنا القجخجي الى بيت مهجور مكان بعيد عن المدينة الى ان يرتب الامور مرة اخرى طبعا احنا نشروا اسمائنا وصورنا بالجريدة مال مليت وكانوا كاتبين وجبة عراقية تهرب من الفندق  الرجاء الي يعرف عنهم اي شي يبلغنا صرنا ارهابيين الحمد اللة المهم ورى ما بقينا بالبيت المهجور اسبوعين الاكل كل هاي الفترة كان بس صمون و سكر  كنا نخلي  شكر بالصمون وناكل لانه القجخجي ما كان يزورنا بس يوم واحد بالاسبوع كان يخاف  يجي يزورنا لا يكون متراقب فا كان يجي بالاسبوع ربع ساعة ويروح بس يجيب صحمون ذبحنا بالصمون والشكر    احسن ريجيم سوينا بهاي الفترة المهم مثل ما نكول بعدين اجه يوم الموعود والهروب مرة اخرى اجه باليل ساعة وحده كال يلى كلكم حضروا راح هسى نسفركم الى اليونان  كلنا حضرنا نفسنا  وكلنا يااللة هل مرة لو احنا باليونان لو احنا بالعراق اخذونا كلنا بالسيارة سودة عبالك مال ميتين عبالك ديودون جنازة اويلى شكد خفت من السيارة كلنا يلى شنسوي امرنا للة مجبورين نتحمل الى ان نوصل غايتنا صعدنا كلنا بالسيارة وحنا منعرف نبجي لو نضحك على حالنا وصلونا الى نفس المكان بس من غير جهة هم كان اكو قارب صغير ينتظرنا صعدت الوجبة الاولى وراح القارب الى مكان الباخرة الكبيرة ورجع القارب وصعدنا الوجبة الاخرى واثناء ما اني داصعد وكعت بالمي وصارت هوسة وعياط لانه القارب بنص البحر  المهم ساعدوني مرة لخ وصعدت الى القارب واني كلها ملابس مبلوله بعز الشتاء مال تركيا  ووصلنا الى الباخرة كلنا وراح القجخجي وعافنا مع البعض الي بالباخرة الكبيرة طبعا احنا منعرف شكو بس صعدوا منا نزلوا منا الى ان نزلونا بالجزيرة بس بصراحة مداتذكر شنو كان اسمها المهم عافونا هناك وراحوا  بقينا بالجزيرة ننتظر خفر سواحل الى ان يشوفونا وينقلونا الى يونان الجزيرة طبعا هي تابعه لليونان بقينا 16 ساعة ومحد اجه استعبرنا الحمداللة واحنا كاعدين بعز البرد  مرت ال 16 ساعة شفنا اجوا خفر سواحل كلنا فرحنا كلنا الحمداللة اللة فرجها اشو هما شافونا ورجعوا مرة لخ يافرحة ما تمت انوب كمنا نبجي على حالنا كلنا ما بيها مجال احنا راح نموت هنا بدون اكل ولا شرب والبرد موتنا طبعا والكل بذاك اليوم صار قديس الكل يصلي يارب افرجها علينا والصلاة بدون انقطاع حتى الي عمره ما كان يعرف يصلي بذاك اليوم صار يصلي والحمد اللة الصلاة مالنا جاب فائدة واجوا خفر السواحل واخذونا الى العاصمة للتحقيق هسى كافي تعبت جزء اخر احجي عن المعنانات الي شفتها باليونان وبعدها بامريكا وانتظروني مع اجزاء اخرى



غير متصل salah-eng

  • عضو فعال جدا
  • ***
  • مشاركة: 273
    • مشاهدة الملف الشخصي
    • البريد الالكتروني
اخت انجي يرحم والديج قطعتي قلوبنا
لهل اللحظة من القصة ما ادري شكول الحمدلله على سلامتك بس
وسلامة الي وياكم

غير متصل MAGGIC

  • عضو مميز
  • ****
  • مشاركة: 1555
    • مشاهدة الملف الشخصي



اختي العزيزة انجي

انتي صدك بطله من ناحيه الكفاح بالاردن والكفاح الاكبر بتركيا

الله يساعدك والله مايترك عبدة بعد العناء هذا حصلتي وان شاء الله تحصلين اكثر

ملاحظه : راح اسمي قصتك الايام الطويله  ;D ;D ;D

لاتزعلين اتشاقه

تحياتي الك

غير متصل mark_kirkuki

  • عضو فعال جدا
  • ***
  • مشاركة: 120
  • الجنس: ذكر
    • مشاهدة الملف الشخصي
الله يساعدج على الضيم ويساعد كل واحد يمر بهل الظروف الصعبة وياربي تفرجها بجه كل من ينتظر سفر.. ننتظر الجزء الثاني بس استعجلي بي لان دتبين القصة مشوقة

 :)

angie-dawood

  • زائر
ديلى اخي ماجك خلي نسويها فلم خوش فلوس احصل مو  ;D

غير متصل MAGGIC

  • عضو مميز
  • ****
  • مشاركة: 1555
    • مشاهدة الملف الشخصي


خوش فكرة وانا راح اون المهربجي هههههه

 ;D ;D ;D

غير متصل ghost rider

  • عضو فعال جدا
  • ***
  • مشاركة: 171
    • مشاهدة الملف الشخصي
    • يمكنكم مشاهده قنايتي على اليوتيوب من خلال الرابط
    • البريد الالكتروني
ننتظر season 2 ورجاءا لاتتاخرين علينا,لان نحب هاي القصص,..وانشالله الجزء الثاني ينزل للاسواق اليوم..الله يوفقج ...

غير متصل rafid82

  • عضو مميز
  • ****
  • مشاركة: 1514
  • There are no gains without pains
    • مشاهدة الملف الشخصي
الله الله طبعا كلامك اجه مثل الثلج على قلبي على الرغم من مرارة اللي شفتيه لان بصراحة اكو ناس اعرفهم هناك بغداد  بطرانيين يردون يجون لامريكا بدون تضحية ولا خسائر ومتمسكين بوظائفهم وبرواتبهم خلي أشوفون شلون اللي يريد شئ لازم يضحي  ويسعى بحياته  والف الحمد الله على الوصول بذاك الوقت فعلا كانت كلش صعبة واني اعرف جماعة ومن اقاربي راحوا لليونان عن طريق غابات تركيا واكلتهم بعض منهم الذئاب والاسود الحمد الله على كل حال

اخوك رافد

غير متصل tanea iraq

  • عضو فعال جدا
  • ***
  • مشاركة: 165
    • مشاهدة الملف الشخصي
شكرا على كتابة القصة علمود اتكون النة درس شما انشوف من معانات ومصاعب لازم نتحملهة ، واكيد معاناتج هاي مراحت ابلاش الحمدللة اللة سهل امرج وستركم ، ووصلتي للشي الي ردتي ، ونحن بانتظار الاجزاء المقبلة

غير متصل mark_kirkuki

  • عضو فعال جدا
  • ***
  • مشاركة: 120
  • الجنس: ذكر
    • مشاهدة الملف الشخصي
وين تريدين تصورين الفلم انجي؟ نخابر هوليود ؟ LOL

غير متصل ghost rider

  • عضو فعال جدا
  • ***
  • مشاركة: 171
    • مشاهدة الملف الشخصي
    • يمكنكم مشاهده قنايتي على اليوتيوب من خلال الرابط
    • البريد الالكتروني
اخوية رافد
ليش متحجيلنة علة قصتهم .. ,اشو من صارت ذيابة كلت الله اليستر

غير متصل ام فائز

  • عضو فعال جدا
  • ***
  • مشاركة: 345
    • مشاهدة الملف الشخصي
عزيزتنا انجي
عاشت ايدج على هالقصه  ها العفو هاي قصه لو صدك يابا الله يساعدج   هي المعاناة مثل ما يكولون اتسوي الابطال وانت من البدايه شفتي المعاناة
يلا تره دننتظر التكمله
على فكره قبل كم يوم رحنا للفحيص ويا عيني اتخبلللللللللللل طبعا امسوين شجره الميلاد عملاقه ابنص المدينه والبيوت والعمارات مال المدينه كلهاااااااااااااااااااا امزينه حتى الشوارع وحتى دائره البلديه والبريد
فد زينه مال الميلاد اتخبل ولو كنت ماخذه صور كان دزيتلجياها
تحياتي
ام فائز
عمان

غير متصل حظي حلو

  • عضو فعال جدا
  • ***
  • مشاركة: 82
  • الجنس: أنثى
    • مشاهدة الملف الشخصي
الاخت انجي                                                                                                                    اكول الله يساعدج والله انتي بطله وعفيه عليج عراقيه وتتحمل وتصبر بس قصتك المتني كثير بس شوقتيني اسمع النهايه ولو اني راح اسافر الى بغداد بعد يومين اشوف اهلي وارجع وماادري هل يؤتر ذهابي الى بغداد على معاملتي واني ملفي بلتوطين بس هو الملف باسم زوجي
اختكم ام ياسر عمان :(

غير متصل ROCK

  • عضو فعال جدا
  • ***
  • مشاركة: 449
    • مشاهدة الملف الشخصي
    • البريد الالكتروني
يااااااااااااااااااااااابه الله يساعدج وكلش كلش متحمس اقره الجزء الثاني ...

بالله انتي انسانة رائعة والله يساعد قلبك اني لو واكع بالمي بنص البحر وبذاك البرد ما احجيلج جان شصار بيه .. اني لحد هسه بردان ...

بس كولي الحمد لله انتي هسه مستقرة وكللها صارت سوالف .. بالمناسبة اني اذا تقبلين اشارك بالفلم مالتج اصير الضابط الي يلزمكم لان ما بيه حيل اجيت بالمي  ;D ;D

روك

غير متصل echo 9

  • عضو مميز جدا
  • *****
  • مشاركة: 2227
    • مشاهدة الملف الشخصي
الله يساعدكم اخت انجي على هالضيم الشفتوه بس اكول الف الحمد والشكر لله رب العالمين صبركم ومعاناتكم جابت نتيجة ووصلتوا لغايتكم وعلى فكرة انا كانت لي محاولة مع عائلتي ( زوجتي واطفالي كان عددهم 4 فقط سنة ال 95 ) هسه ربي يخليهم صاروا 8 بس الله ما كان كاتب لي اطلع بذاك الوكت وشفت الضيم الم احد شافه بالاردن وهسه والله لو مو العائلة لا اظل احاول الخروج لو يكطعوني وانا عمري هسه 43 سنة
القصة بيها حزن وتعب وخوف ومصير مجهول مثل باقي القصص النسمعها كل يوم عن غرق سفينة تحمل عدد كبير من المهاجرين واغلبهم عراقيين طبعا بالبحر كله على مود يوصلون لبلد يحترمهم ويحترم انسانيتهم
الله كريم ويفرج علينا ويخلصنا
تقبلي تحياتي اختي العزيزة
Echo 9
هذا الزمن يبغاله لسان دلاّل !
من يستحي هالوقت واعزتي له
وقت به الراعي غدى راعي دلال
كل على طاريه ينفض شليله
ومن كان ساسه للردى مضرب امثال
اليوم يحسب من كبار القبيله !
المال يابن حنيف ملعون أبو المال
ذل العزيز وعز ناسٍ ذليله !

http://www.youtube.com/watch?feature=player_embedded&v=e9pGCb5Kusw

angie-dawood

  • زائر
شكرا لكم اخوتي الغالين على مروركم وكلامكم الرائع ربي يفرجها عليكم كلكم يارب

غير متصل ابو ياسين

  • عضو فعال جدا
  • ***
  • مشاركة: 409
    • مشاهدة الملف الشخصي
    • البريد الالكتروني
اختي العزيزه والله قصتك كلش حلوه وبيهه اللام ومتاعب بس انتي لان طيبه وتحبين مساعدة الناس الله فرجهه عليج  وياربي دائما حياتك تمر بسعاده ورخاء والله يفتحهه عليك من كل ابوابه

اخوك ابو ياسين

غير متصل صابرين

  • عضو فعال جدا
  • ***
  • مشاركة: 455
    • مشاهدة الملف الشخصي
حبيبتي انجي الف شكر لمشاركتك تجربتك وعاشت ايدكي على الاسلوب في سرد تفاصيل الاحداث التي مررتي بها ونحن بأنتظار الجزء الثاني بس ياريت ما تتأخري

صابرين

غير متصل violin

  • عضو فعال جدا
  • ***
  • مشاركة: 372
    • مشاهدة الملف الشخصي
ياللـــــــــــــــــــــــــــــــــــــــــــــــه

هسة اني صدك ماأعرف ابجي ماأعرف اضحك . اختي العزيزة انجي ننتظر منج التكملة.



شوفوا الفرق بين هاي القصة وبين هسة  الامم المتحدة  يودوهم معززين امكرمين وهم مراضين يحجون على
التامين الصحي ميغطي . والله حلوة .

angie-dawood

  • زائر
الاخت انجي                                                                                                                    اكول الله يساعدج والله انتي بطله وعفيه عليج عراقيه وتتحمل وتصبر بس قصتك المتني كثير بس شوقتيني اسمع النهايه ولو اني راح اسافر الى بغداد بعد يومين اشوف اهلي وارجع وماادري هل يؤتر ذهابي الى بغداد على معاملتي واني ملفي بلتوطين بس هو الملف باسم زوجي
اختكم ام ياسر عمان :(

حياتي ام ياسر ما دام الفايل مو باسمك ما اعتقد يحجون بس لازم يكون عندج عذر قوي لسبب رجوعك الى العراق بس ما متاكد اذا تكدرين ترجعين او لا الي اعرفه اذا كان الفايل باسم الشخص الي يريد يرجع للعراق لقضاء شغلة لازم يكون اكو سبب قوي ومقتع هذا الي اعرفه لكن بحالتج ما اكدر اكول يصير او لا خلي نشوف الاخوة شنو رايهم

angie-dawood

  • زائر
هل يوم اكمل القصة والمعانات الي شفتها باليونان وبعدها اكمل الباقي الي بامريكا انتظروني مع الجزء الثاني من مسلسل معانات العراقي المهجر

غير متصل اين انا 2

  • عضو فعال جدا
  • ***
  • مشاركة: 219
    • مشاهدة الملف الشخصي



الاخت انجي الله يساعدج  واني كل ضني انتي هسة طالعة بل جديد من عمان لان اختلطت علية الاوراق ...المهم الحمدلله عل سلامة لان وصلتي لليونان ونتظر الجزء الثاني من مرحلة امريكااا....

وحاولي دزيها القصة لجميس كاميرون بلكي يسوي فلم اكيد ينجح مثل تاتنيك وافتور  ههه


تقبلي مروري

اااين ااانا

عمان

غير متصل جوهرة بغداد

  • عضو فعال
  • **
  • مشاركة: 43
    • مشاهدة الملف الشخصي
    • البريد الالكتروني
الحمداللهعلى سلامتج صدك جنا نتصور انتي هسة رايحة بس تدرين شكد عدنا قصص ويا جيش الوردي وربعة تبجي والله يساعد الكل ويسهل عليهم سلامة الوصول لان صارت هاي القصص وافلام علينا حتى بالخيال مجنا نتصورها وكملي باقي القصة لان كتبتيها بصورة مشوقة

غير متصل Tik Tak Tik Tak

  • عضو فعال
  • **
  • مشاركة: 67
    • مشاهدة الملف الشخصي
الي يشوف مصايب الناس اتهون عليه مصيبته ....بس بصراحه بالرغم عن المصايب و الصمون و مي البحر الي خلاني استبرد ....اسلوبك جدا ممتع و سرد القصه جدا جميله .....10\10

غير متصل Iraqi Christopher

  • عضو فعال جدا
  • ***
  • مشاركة: 509
  • الجنس: ذكر
  • كرستوفر العراقي
    • مشاهدة الملف الشخصي
    • البريد الالكتروني
اختي العزيزة  ما اكول بس شي واحد

"وما نيل المطالب بالتمني ولكن تؤخذ الدنيا غلابا"

كلنا شوق لسماع التكملة

ان شاء الله رب العلمين يعوضج عن كل هذا وتنسين كل معاناة شفتيهة

اخوك

كريستوفر العراقي

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
حبيبتي انجي
مااستغرب على هاي الانسانه شلون هيجي صارت الا من هيجي معاناة
وهاي وكفتج ويه العالم والمساعده الي دتطلع من كلبج هاي كلها توفيق من رب العالمين
زكاة هاي المصاعب الي اجتازيتيها بفضل الله وفضل الطيبين
حبيبتي فعلا المعاناة الي متموت اتقوي وان شاء الله قواج رب العالمين على ضروفج
شلون كتبتيها هاي القصه كل كلمه بغصه
وغصصتينا وياج ياربي ان شاء الله تتعوض كلها فرح

حبيبتي احنا عدنا احسن كاتب قصصيبالمنتدى ابن زيونه
 اني اكول انطي النص اله وهسه هوه يخرجها
واني عليه الانتاج
والتمثيل الممثله التركيه لميس
بس هم يطلع فلم هندي
احنا بانتضار الحلقه القادمه من مسلسل
رحلة لميسسسسس من الشرق الى الغرب

angie-dawood

  • زائر
شكرا لك اخي العزيز علي والف شكر لكم اخوتي واخواتي بكل الكلام الجميل وكل الردود الرائع ربي يحفضكم ويارب توصلون الى مبتغاكم بدون اي تعب ومشقة الطريق





طبعا الجزء الثاني من مرحلة تجربتي عن اليونان ومنها الى الولايات المتحدة ستكون هنا نفس الموضوع انشاءللة الليلة اكتب عن تجربتي في اليونان هاي دعاية للفلم والقصة  ;D

غير متصل أبوفاروق

  • عضو فعال
  • **
  • مشاركة: 62
    • مشاهدة الملف الشخصي
نشكرك أخت أنجي وحمد لله مضاع جهدك وخوفك والبرد
وحمد لله مرة ثأنيه وفقك تكتبين هاي سطور الي مرت عليكي باهات وونات مثل منكول
بس صارت سوالف وأن شاءالله مضيع عند رب العالمين في الدنيا يعوضك وفي الأخرة
وكلنا لهفة نعرف ونتنور عن تجربتك بأمريكا وتحياتي .
أبو فاروق

غير متصل queen777

  • عضو فعال جدا
  • ***
  • مشاركة: 201
    • مشاهدة الملف الشخصي
الحمد لله على السلامة اولا و ثانيا هذي المعانات الي شفتيهة سوت منك هذي الانسانة الراءعة الي تساعد من كل قلبها و يصلح ان تسمين القصة مالتج قصة كفاح

انتي وردة انجي

اخوج مصطفى

غير متصل أ.ج.ت

  • عضو فعال جدا
  • ***
  • مشاركة: 776
    • مشاهدة الملف الشخصي
بارك الله بيج اخت انجي وكل الشكر لان دتشاركينه بتجربتج والي حتكون بالفعل مفيدة لهواية ناس وحتكون حافز لليتملكة الياس او يمر بلحظة ضعف ويشوف اكو عالم شكد صدك عانت حتى توصل للي تريده.
تقبلي مروري
احمد طاهر

غير متصل روزماري

  • اداري منتديات
  • عضو مميز جدا
  • *
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
مشكورة أنجي على شجاعتك وأطلالتك بهل سرد القصصي وجداً ألمني وحمدلله على سلامتك

وصدقاً التجارب القاسية هيا من تصنع وتصقل نفوس جميلة وطاهرة

تحياتي
[/b]
كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

angie-dawood

  • زائر
والان اليكم تكملت المشوار من تركيا الى اليونان طبعا راح احجي بلغتنا العامية حتى تكون اسهل الي بالكتابة


الجزء الثانية

بعد ما اجوا خفر السواحل واخذونا الى قرية هناك اجت سيارة مال سجن مثل هاي الي نشوفها بالافلام المصرية سيارة جبيرة والشبابيك حديد  سيارة مال سجن الكل شايفها بس اني كعد بيها مو بس شايفتها
ما علينا اخذونا الى المركز الرئيسي مال مدينة للتحقيق مرة اخرى ويانا هاي احنا باليونان بس بعدنا بالمدينة الي كانت قريبة على الجزيرة الي اخذونا منها المهم بدوا يحققون مرة لخ ويانا وصارت هوسة الدنيا انكلبت بالمركز جوي المصورين يصورن النا صورة والصحفيين يسالون عبالك شافوا ممثليين مال هوليود الكل اجه واحنا ماشاءللة علينا بس نباوع عليهم شكو يمعودين اشصار ليش كل هل هوسة شنو لزمتوا بن لاذن طبعا احنا بس كاعدين والحدايد بيدينا حتى خشمنا ما نكدر نحكة بس كاعدين وهما مخبوصين واحد رايح واحد راجع والمصورين عبالك عدهم ديصورون حفلة عرس واني ابجي والنسون تبجي خوب احنا بلا شي دموعنا ماشاءللة بطرف عينة المهم اجه ضابط صاح واحد واحد طبعا بس بالاشارات كلشي منفتهم عليهم ياشرون علينا نعرف ديصيحونه ما ياشرون كاعدين وساكتين صاموت لاموت الي يحجي يموت  ;D  اوكي هسى وصلنا الى ان صاحونه واحد واحد احنا اتفقنا انه يكون كلامنا  كلنا نفس الكلام  حتى لا يلحون ويانا بالحجي والتحقيق المهم مااريد اطولها عليكم الكل تحققوا وياهم منو بقى اني وشخص اخر هم شاب عازب هو كان كلش خايف لا يرجعون لبغداد مرة لخ دخل اخينا واحنا كلنا امل انهو هو ما راح يغير اقواله حسب ما كنا متفقين دخل ورى ما دخل بعشر دقايق اشو  كبت العيطة بالغرفة مال تحقيق ها شكو اشصار يمعودين خاف ضربوا الولد هوسة صارت ورى نصف ساعة هم كالوا اعادة تحقيق ويانا طبعا المترجم جابوا بطيارة النا بس هذا ما كان يحجي فصحى هذا كان من اخوانا المصريين هو يسمع منهم ويشرح النا بالمصري يكول دتفتهمون عليه
كلنا طبعا نفتهم قابل شنو دتحجي هندي اشو هذا صار عصبي كال انتوا بيا حال وجان تضحكون كلنا يمعود على كيفك ويانا شبيك ماكافي هما والعذاب الي شفنا النوب انت على كيفك ويانا النسوان ما عدهم غير البجي والدردمه بس يدردمون على رياجيلهم كله صوجك وانت السبب اني هم كلت كافي هاي شبيكم خلي نشوف شراح يصير بينا سكتوا دخيل اللة المهم الكل سكت بقينا بالتحقيق هم 12 ساعة من بعد ما اخذون بالباخرة الى المدينة الي قريبة من الجزر الي جنا بيها وبعد ما خلص التحقيق والمصورين صوروا والصحفيين يجون يسالون واحنا ما نعرف اي شي بس كم كلمة انكليزي الي هي ( يس ) و ( نو ) الحمداللة نعرف هاي الكلمتين المهم خلص التحقيق وانطونا تصريح الدخول الى العاصمة بين هاي القرية وبين العاصمة 15 ساعة بالباخرة خلونا بالباخرة اخر شي بالسرداب يعني وي الامواج كلنا وويانه الشرطي يسلمونا الى مركز العاصمة  زين ليش خلوا شرطي ويانه قابل جنا راح ننهزم من الشباك بالبحر وتاكلنا الحيتان جان صار اسرع طريق للجوء  داخل بطن الحوت بدون تسجيل وبدون  مقابلات وبدون محلف والقبول مضمون 100 %   ;D  هسى نرجع للقصة ... ورى ما خلونا بالسرداب ومشت الباخرة بعدها  اني كلش تاذيت من هاي الباخرة ووكعت اغمى عليه واخذوني وصعدوني فوك اجه الطبيب مال باخرة كال لازم تبقى هنا وانطاني ابرة بالوريد وحبوب مال دوخه وصعت ويايا وحدة مره وبنتها وظلوا يمي الى ان وصلنا العاصمة اليونانية هنا هم مرة لخ تحقيق بس مو هواية مثل الي قبله وكالوا خابروا معارفكم خلي يجون ياخذوكم كل عائلة خابرت معارفة وجوي اخذوهم اني هم كان عندي معارف الوالدة خابرتهم اجوا اخذوني كان عائلة رجل وزوجتة وعدهم طفل المهم اخذوني يمهم بقيت اليوم الاول معززة مكرمة واليوم الثاني شوي قلت  اليوم الثالث كاموا يلمحون الي على انه نروح ندور الي مسكن هم خلفلى عليهم رحنا ندور على ايجار الايجار غالي بالنسبة لذاك الوقت غرفتين وصالة 150 دولار غالي كلش واني بعدني لا مشتغله ولا شي المهم اللة رزقني عائلة يونانية عدهم بيت مثل مشتمل صغير رحنا عليهم وحجى هو وياهم كالوا ميخالف ناجر الها ب 50 دولار على ما تشوف شغل عود نزيد الايجار هم كلت احسن ما ابقى كل يوم اسمع كلام هم ربي يبارك بيهم اخذوني وخلوني هل كم يوم عدهم المهم اخذت البيت واني ما عندي اي شي بيه بيت فارغ حتى فراش انام عليه ماكو ياربي شون هسى هما انطوني بطانية ودوشك خفيف كلش هم كلت الف حمد اللة المهم اني وصلت بالسلامة هنا وطبعا باليونان اليونانين يذبون اغراضهم  الي ما يريدوها  بجانب الحاويات  ;D
مثل طخم لو دواشك لو تلفزيون يعني بصورة عامة اغراض مالهم هما بطرانيين كل مدة يجددون اغراضهم
طبعا احنا العراقيين باليل شغلنا نلم هاي الاغراض ونخليها بالبيت وتكمل كل الاثاث مالتنا  منها ;D
عادي  :'( شنسوي من وين نجيب فلوس حتى نشتري اثاث قابل شعدنا المهم ما علينا اختكم كل اثاثها كانت من ارقى زبالة في اليوان   :'(  هم نكول حمداللة والشكر على اي حال المهم وصلنا  سلامات لليونان
هسى كلنا خلصنا تاثيث البيت شبقى لازم ادور على شغل بعدين من وين ادفع ايجار اذا ماكو شغل غير اشوف نفسي بمكان ما لميت الاثاث  ;D  كل يوم كنت امشي تقريبا اربع مناطق على مود ادور شغل دخلت محل الخياطة صاحبة المحل وحدة يونانية جان اسمها ماريا هما تقريبا كلهم اسمهم ماريا مااعرف ليش يتفائلون بيه مااعرف  :-\  دخلت للمحل طبعا كلت احجي بالاشارات وهاي الكلمة الي جنت اعرف بالانكليزي يس ونو  همزين اللة هم ما عافني جان اكوا ولد مغربي يشتغل هناك مااعرف جان هو بعد صاحبة المحل هو المسؤول المهم حجيت وياه وحجيت معاناتي انا يتيم  :'(  جان الولد كلبه يحن كلي تعالي باجر اشتغلي كام يفهمني على الشغل الخياطة كانت عبارة عن فساتين المعارض يعني شغلهم كان للمعارض مال ملابس النسائية الشغل كان حلو ما يتعب بس منو الي كان يتعبني اللغة يعني هو من ما كان موجود كانت صاحب المحل وهاي تعاي ياانجي احجي وياها يوناني وهي كل شوية تكول الي ( تكانيس كالا ) يعني شونج زينة طبعا اني مجنت اعرف معناها جنت اكول هاي شنو اشو هاي كل شوي تكول(  كالات )  شكو شبيها هاي واني اخنزر عليها وهي تباوع وتكول كالا يارب شون مشكلة هاي شراح يخلصة اليوم وي هاي العجوز طبعا هي كلش عصبية جانت اذا اني اغلط  بشي فستان صار اي غلط بيه تصير اعصاب وتظل تشمر ملابس بالكاع واني اكثر منها اصير اعصاب جنت اكول لهذا الولد بابا سكتها ترى اني كلشي مدافتهم عليها مااعرف دتسبني لو شنووو وهو كان يصير عصبي عليها بعدين تسكت ورى شوي تجي يمي واني دابجي من القهر والضيم تجي تبوس بيه وتكول تكانيس كالا  ;D  اباوع عليها مااعرف اكمل بجي لو اضحك المهم اشتغلت هناك الى ان قدمت اوراقي للهجرة  ومعانات المقابلات والانتظار وبعد ما تركت الشغل من هذا المعمل لانه ما كان عدهم طلبية بعد حسب الموسم كان شغلهم جانوا ينطوني بالاسبوع 50 دولار نعمة من اللة وراها بديت ادور شغل مرة لخ وكل يوم نفس الموال افتر على المحلات اسال الهم اذا يريدون عامل يشتغل يمهم طبعا باليونان اكو شهر وهو شهر الثامن نهائيا ما يكون اكو شغل الكل يسافر للسياحة وصعب الواحد يشوف شغل اوكي هسى وصلنا هم بعدي دادور شغل بعد ما تركت الشغل السابق الي مثل ما نكول خلص العقد مالهم
هسى ياربي شون اني ادبرها بالايجار وشغل ماكو ام البيت مالتي نزلت يمي العصر اويل يابه هاي شون راح احجي وياها المهم بالاشاراة افتهمت بانه اني دادور على شغل كامت شافتلي شغل بس شون شغل كلش متعب كان هو انه وحدة مراه مريضة ونايمة على الفراش واني الي اعتني بيها انطيها دواء واساعدها بكلشي اي شي تحتاج يعني الكل يفتهم المقصد بدون ما اوضح الكم وكالوا ينطوج 100 دولار بالاسبوع بس اديرين بال عليها هي كان عدها شلل كامل مو نصفي يعني بعيد عنكم شلل بالرجلين مو ايدية بس الرجلين صرت مجبورة وافقت وكلت احسن ما اكون بدون شغل والمكان امين خوش عائلة بس هاي المراة المريضة وزوجها كان يطلع عمرهم فوك السبعين كنت كل يوم اروح اقوم بواجبي واكثر من واجبي حتى اكل تعلمت اسوي الها بقيت يمهم الى ان كملت معاملتي وسفري الى الولايات المتحدة والي رجعه لتكملت باقي الجزء الاخير  

غير متصل ديما

  • عضو فعال جدا
  • ***
  • مشاركة: 587
    • مشاهدة الملف الشخصي
    • البريد الالكتروني
الملاك الطاهر انجي صدكيني بجيت من سمعت قصتج صدك انتي بطلة ورحااسمي معاناة وصولج الى اميركا ( رحلة الظلام الى النور) ااكدر اكمل بعد عذريني غصيت من البجي ديمااااااااااااا من شيكاغو

غير متصل ام منية

  • عضو فعال جدا
  • ***
  • مشاركة: 131
    • مشاهدة الملف الشخصي
الله يساعدج ويساعدنه احنة العراقيين مو مره الف مره
طبعا من دا اقره كلماتج اتذكرت اخويه وشصار بيه من ديسافر لهولندا وشلون همين من تركيا طلع لليونان بالبووت وشصار بينه بوقتنة

الله يوفقج ويفتحه بوجهج حبيبتي شكد ساعدتي عالم وناس

غير متصل cricket

  • عضو فعال جدا
  • ***
  • مشاركة: 296
    • مشاهدة الملف الشخصي
    • البريد الالكتروني
اسال الله القدير لك العافيه والصحه وجعل ايامك كلها افراح ومسرات
ان سردك الجميل والبسيط والمتواضع للاحداث لمس القلوب وهز المشاعر وهذا نتيجة كل كلام حقيقي صادر من القلب وبكل عفويه
بارك الله بيج اختي الكريمه
حكمة اليوم ...
ياحافر البير لاتغمج مسا حيها ............. خاف الفلك يندار وانت تكع بيها

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
اختي العزيزة انجي تعجز الكلمات عن وصف ما مررت به من اوقات صعبة جدا ولكن اقول الحمد لله الذي عوضك عنها خيرا وننتظر بقية القصة تحياتي

غير متصل الناسك

  • عضو مميز جدا
  • *****
  • مشاركة: 2231
  • الجنس: ذكر
  • الأخ من حزن لحزنك وفرح لفرحك
    • مشاهدة الملف الشخصي
    • البريد الالكتروني
الله يساعدكم اختي انجي والله العراقيين ابطال لأن صابرين ويعلمون الصبر شلون يصبر ...
الحمد لله على كلشي ... وربي يحفظكم من كل مكروه ويكتب الكم الخير والسلامة .
اخوكي النـــــــــــاسك

غير متصل baidaa11

  • عضو فعال جدا
  • ***
  • مشاركة: 80
  • الجنس: أنثى
    • مشاهدة الملف الشخصي
الله يساعدج اختي انجي والله احداث صدك مؤلمه .....المهم الحمدلله النتيجه اخر شي وصلتي

غير متصل ام فائز

  • عضو فعال جدا
  • ***
  • مشاركة: 345
    • مشاهدة الملف الشخصي
تره احنا دنضحك على انسوي فلم اكو افلام بيها معاناة اقل بهوايه من معاناتج هذي الحمدلله صارت سوالف وحافظتي على كرامتج بكل هاي المعانات حشاججججججججججج مو مثل هوايه  من الشابات العراقيات الي امتهنوا الاعمال الموزينه وخاصه في سوريا على مجبورين شلون انعيش

غير متصل 2B or not 2 B

  • عضو فعال
  • **
  • مشاركة: 70
  • الجنس: ذكر
  • إبن بطوطة
    • مشاهدة الملف الشخصي
الاخت إنجي
قصتي وقصتك فيها كثير من الشبه مع اختلاف بعض الدول فأنت ذكرت اليونان مثلاً في حين انا كنت في البانيا وكوسوفو. بعض الناس (خصوصاً الجيل الحالي) يريد الوصول بدون تضحيات في حين ان رعب اطلاق النار علينا لاينسى (تعرضت لنفس تلك المشاهد المرعبة وخطر الغرق في بحر الادرياتيك) الفاصل بين البانيا وايطاليا. لو ذكرت قصتي هنا وتعاونا انا وانت لانتجنا اقوى فلم رعب حقيقي. لكني بعد كل هذه السنوات وانا غادرت العراق عام 1993 وعدت اليه عام 2003 قررت ان امسح تلك الذكريات من ذاكرتي وان ابقي على ذكرياتي الحلوة فقط وكيف ان الغربة صنعت رجالاً. لم يكن يااخواني حلم الوصول بهذه السهولة (مقابلات ووثائق وهجرة ولجوء رسميين) بل كانت تحت كل خطوة لغماً مزروعا (ان صح التعبير). اكتفي اني واول ماقررت مغادرة مطار الملكة علياء في الاردن صفعني احد رجال الامن الاردنيين وقال لي هذا لاني احترم العراقيين فاهديك هذه الصفعة قبل ان تغادر. ثم منعني من السفر بدون سبب منطقي. بدايتي كانت بصفعة، ولكني حاولت بعدها وقلبي مملوء بالخوف لكنه ايضاً حاقد على كل الدول العربية وحكوماتها مما ولد عندي املا ودافعا للوصول. الان انا في اربيل كونت نفسي واعيش بهدوء وسلام بعد غربة السنين والتحديات. لن اتحدث عن اطلاق النار والابتزاز والقجغجي والرشاوى والاهانات ولحظات غضب البحار ووشوك الغرق والجروح في كاحلي الايمن. بل اكتفي انني في اللحظة التي وطئت بها قدمي ارض اوروبا قلت (الحمد لله على نعمته) الا بذكر الله تطمئن القلوب

الاخت انجي: انت وانا ابطال القارات
لا تشكِ للناس جرحاً انت صاحبه                    
لا يؤلم الجرح إلا من به ألم

غير متصل حمودي ابن زيونه

  • عضو مميز
  • ****
  • مشاركة: 1504
  • الجنس: ذكر
  • الحمد لله رب العالمين
    • مشاهدة الملف الشخصي
اني قاري قصتج انجي اكثر من مره بس كل مره تصير احلى :)
" افضل العبادة: انتظار الفرج "

" من اكثر الاستغفار جعل الله له من كل هم فرجاً، ومن كل ضيق مخرجاً "

### لا تحزن فان عمرك الحقيقي سعادتك وراحة بالك، فلا تنفق ايامك في الحزن، وتبذر لياليك في الهم، وتوزع ساعاتك على الغموم، ولاتسرف في اضاعة حياتك ###

غير متصل الاسد الجامح

  • عضو فعال جدا
  • ***
  • مشاركة: 807
  • الجنس: ذكر
    • مشاهدة الملف الشخصي
:'( :'( :'( :'( :'( :'( :'( :'( :'( :'( :'( :'( :'( :'( :'( :'( :'(
الله يساعدك فعلا رحلة كفاح


ابو سرمد ـــــ اريزونا

غير متصل الاسد الجامح

  • عضو فعال جدا
  • ***
  • مشاركة: 807
  • الجنس: ذكر
    • مشاهدة الملف الشخصي


ابو سرمد ـــــ اريزونا

غير متصل violin

  • عضو فعال جدا
  • ***
  • مشاركة: 372
    • مشاهدة الملف الشخصي
رفعة راس والله .
الله يحفظج من كل مكروه .ياربي يوفقكج ويجازيج على فعل الخير .

غير متصل دموع دجلة

  • عضو فعال جدا
  • ***
  • مشاركة: 134
    • مشاهدة الملف الشخصي
ما أعرف  شأكول الج... بس انت صدك عراقية اصيلة والله يبارك بيج ويوفقج بكل خطوة تخطيها

غير متصل platini

  • عضو فعال
  • **
  • مشاركة: 71
    • مشاهدة الملف الشخصي
انجي انتي انسانة رائعة وتستحقين كل التقدير والاحترام طبعا من دا اقرأ تفاصيل الرحلة مالتج اجة ابالي ابو الليثين المقبور من ايكول ما اهتزت الشوارب والعراقيات والعراقيون هذا حالهم الحمد لله الله انتقم منه وزين شواربه المزيفة على يد الامريكان وارسلوه الى مزبلة التاريخ حيث مكانه الحقيقي
تحية قلبية من الاعماق الج انجي وتخلين كل انسان شريف يتعاطف مع قصتج

غير متصل y.a.r.a

  • مبدع قسم الهجرة
  • عضو مميز جدا
  • *
  • مشاركة: 4817
  • الجنس: أنثى
  • سالت غروب الشمس؟؟ هل سيكون هناك شروق جديد
    • مشاهدة الملف الشخصي
حبيبتي انجي اوجعتي قلوبنا
بس الحمد لله الي جازى معاناتك بخير الجزاء
وهاي المعاناة افرزت مثل هذه القلوب الرحيمه والصافيه
مو مثل البعض الي اتسخت قلوبهم وملئها المرض والكره
ياربي ايجازي كل على قدر مايحمله قلبه من حب الغير ومساعدة الاخرين
وانت تستحقين الدرجات العاليه لعطائك المميز
[]
*النفوس بيوت أصحابها ;فإذا طرقتموها فاطرقوها برفق

غير متصل اينشتاين العراقي

  • مبدع قسم الهجرة
  • عضو مميز
  • *
  • مشاركة: 1158
  • الجنس: ذكر
    • مشاهدة الملف الشخصي
:'( :'( :'( :'( :'( :'( :'( :'(
انجي ملاكنه ملاك المنتدى هيج صاير بيهه؟؟؟
والله يا اختي ما اكلج غير انشالله الله يعوضج عن كل هذا التعب وانشالله ترتاحين طول حياتج
والله لا يعوزج لبشر انشالله
وفعلا انت يا اختي العزيزه انسانه مكافحه وعصاميه
وننتضر باقي القصه الي كلهه عبر ومعاني النه ولكل الي يتذمر من عيشته بامريكا او غير امريكا !!!
وتقبلي تحياتي
اخوك اينشتاين
أحب الصالحين ولست منهم لعلي أن أنال بهم شفاعة .... وأكره من تجارته المعاصي ولو كنا سواء في البضاعة

غير متصل روزماري

  • اداري منتديات
  • عضو مميز جدا
  • *
  • مشاركة: 3098
  • الجنس: أنثى
  • على الرب أتكالي وفيه رجائي
    • مشاهدة الملف الشخصي
يارب متشوفين أي شر بحياتج ولأألم  ,,ولأحزن,, ولاأي دمعة ,,لأنو الي شفتية كفا ووفى بهل مشوار الصعب صدقاً الي يشوف عذاب غيرة يهون عذابه  :'(

بكل شوق أنتضر قراءة نهاية مشوار الرحلة


كيف لي ان اشفى من حبك.... من يداوي جرح شوقي اليك... كيف لي ان اشفى من بحثي عنك ووجعي اليك ..من يوقف ادماني على عشقك .. من يوقف سكرتي في عينيك  ابسُط صلاتي اليك على الليل. ناراً لمجامير العاشقين نااااراً ناراً لمجامير العاشقين وانتظرمع الفجر وجهك ... انشد لك  مع القديسين اناشيد الوجد والحب يارب..

غير متصل نهاد احمد

  • عضو فعال جدا
  • ***
  • مشاركة: 659
  • الجنس: ذكر
    • مشاهدة الملف الشخصي
الله يساعدج اختي العزيزه انجي والله احداث صدك مؤلمه
المهم الحمدلله النتيجه اخر شي وصلتي
والموفقيه للجميع


نهاد احمد

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
حبيبتي انجي
تسلمين من كل شر ياربي
وايوكفلج ولد الحلال دائما والله ليعوزج على عبده
ياربي محوطه بملائكة الرحمان
ياربي يحفضج وايجنبج كل مكروه

غير متصل salah-eng

  • عضو فعال جدا
  • ***
  • مشاركة: 273
    • مشاهدة الملف الشخصي
    • البريد الالكتروني
والله يا اخت انجي انتي ربنا يحبج صدقيني يا ما سمعنا قصص ناس راحوا بيها وخصوصا البنات والحمدلله ربنا يسرلك وحفظك على نيتك الطيبة
بس لا تطولي علينا بالجزء الثالث ترى اكو ناس من صدق انعجبوا بهذي الواقعة ---

بس انتي  تكانيس كالا   ;D ;D ;D ;D ;D

غير متصل echo 9

  • عضو مميز جدا
  • *****
  • مشاركة: 2227
    • مشاهدة الملف الشخصي
ما اكدر اكول شي غير ان اقف اجلالا وتعظيما لك اخت انجي على هالكفاح الكافحتيه والتعب التعبتيه والمعانا العانيتيها من اجل الوصول لهدف انتي رسمتيه ببالج وجاهدتي وغامرتي وخاطلرتي بحياتج وبصراحة شديدة انا هسه استلمت الرسالة اللي من اجلها طرحتي الموضع هذا بالمنتدى وبهذا التوقيت بالذات واحب احتفظ بيها لنفسي يمكن اكون غلطان
تقبلي احترامي وتحياتي
Echo 9
هذا الزمن يبغاله لسان دلاّل !
من يستحي هالوقت واعزتي له
وقت به الراعي غدى راعي دلال
كل على طاريه ينفض شليله
ومن كان ساسه للردى مضرب امثال
اليوم يحسب من كبار القبيله !
المال يابن حنيف ملعون أبو المال
ذل العزيز وعز ناسٍ ذليله !

http://www.youtube.com/watch?feature=player_embedded&v=e9pGCb5Kusw

angie-dawood

  • زائر
والله يا اخت انجي انتي ربنا يحبج صدقيني يا ما سمعنا قصص ناس راحوا بيها وخصوصا البنات والحمدلله ربنا يسرلك وحفظك على نيتك الطيبة
بس لا تطولي علينا بالجزء الثالث ترى اكو ناس من صدق انعجبوا بهذي الواقعة ---

بس انتي  تكانيس كالا   ;D ;D ;D ;D ;D




كالا  افخارستوا  بارا بارا بولي

غير متصل salah-eng

  • عضو فعال جدا
  • ***
  • مشاركة: 273
    • مشاهدة الملف الشخصي
    • البريد الالكتروني
اخت انجي شوية شوية علينة هنة كلمتين اتعلمناهن منك والله ما سبيت عليك  :D :D :D :D
بس لا تسبين علي الله عليج  ??? ??? ???

angie-dawood

  • زائر
لا اخي هاي معناها اشكرك جدا جدا

انت كلت تكانيس كالا  اني رديت افخارستوا بارا بارا بولي يعني باليوناني اشكرك جدا جدا

داكسي يعني افتهمت

غير متصل haitham40

  • عضو فعال جدا
  • ***
  • مشاركة: 216
    • مشاهدة الملف الشخصي
تسلمين اخت انجي على الطرح الجميل للقصة المؤلمة والحمدلله الذي مَن عليكِ بالسلامة والصحة والعافية لي تطرحيها علينا اسأل الله ان يوفكِ ويبعد عنكِ كل سوء ومكروه .. وننتظر ما تبقى من القصة وشكرآً لكِ ودمتي اخت عزيزة على الجميع

angie-dawood

  • زائر
داكسي اخي ابو عبداللة هل يوم باليل اكملها داكسي باليوناني يعني اوكي  ;D بعد راح اعلمكم لغة يونانية شتريدون بعد  ;D

غير متصل الوطواط

  • عضو فعال
  • **
  • مشاركة: 36
    • مشاهدة الملف الشخصي
اختنا الكريمة انجي قبل كل شي اريد اكلج حمد الله على سلامتج ووصولج لبر الامان وفعلا رحلتج هاي حتى قسم من الرياجيل ميتحملوها لهذا فعلا انت مو بس بطلة وانما بطلة ونص وكوني على ثقة انت طيبتج وطيبة قلبج وحبج لمساعدة الغير هي اللي بفضلها الله وكفلج اهل الخير ويسر امورج صحيح اتشعوطتي بالبداية بس المهم الله وفقج بالنهاية وان شالله يارب تبقين طول حياتج موفقة ومرتاحة
وياريت الكل واني اولهم نتعلم من قصتج هاي الصبر وقوة الارادة والثقة بالله وما نبقى نتافاف ونتشكى علمود شوية اتاخر القبول او اتاخرت الامنية او او او وكل هاي واحنا كاعدين ببيوتنا معززين مكرمين لان فعلا راح نكون متبطرين على النعمة اللي احنا بيها
ونحن بانتظار تكملة قصتج
اخوج الوطواط

غير متصل السومري

  • عضو فعال جدا
  • ***
  • مشاركة: 214
  • الجنس: ذكر
  • حبي لكل اعضاء عنكاوا
    • ياهو مسنجر - kh6666kh@yahoo.com
    • مشاهدة الملف الشخصي
    • البريد الالكتروني
الله يكون في عونك اخت انجي طبعا انتي شفتي المر الله يساعدك ..طبعا هاي القصة تصلح سيناريو ممتاز لعمل فلم واذا وافقت خلي الباقي عليه .. ننتظر بفارغ الصبر باقي القصة
بالحب تفنى كل رموز الكراهية وتتسامى قيم الانسانية وترتقي عن حياة الغاب

غير متصل مُغترب

  • عضو فعال جدا
  • ***
  • مشاركة: 617
  • الجنس: ذكر
    • مشاهدة الملف الشخصي
وعليكم السلام آنجي

تحياتي لهذا القلم الرائع الذي خط هذه المعاناة المريرة

والله تألميت كثيرا

بدون مبالغة او مجاملة

القصة تحتاج الى توثيق تسجيلي لان فيها معاني كبيرة وتضحيات شجاعة

بانتظار التتمة اختي العزيزة

اسال الله لك ولكل من مثل حالك او اقل كل التوفيق والنجاح والسلامة والخير

حياكم الله

من يدري

قد اقوم بإخراجها يوما !!

جميل ان يكون اسمها

حلم مدفوع الثمن

او

اشواك تحت اقدام ناعمة

او

خطوات من حديد

حلو ؟

: )

غير متصل هنوة

  • مبدع قسم الهجرة
  • عضو مميز جدا
  • *
  • مشاركة: 4089
    • مشاهدة الملف الشخصي
 :'( :'( :'( :'( :'(
الله يساعدج شلون كدرتي تتحملين كل هاي المصاعب والله انتي بطلة  :-*
ننتظر الجزء الثالث بفارغ الصبر

غير متصل الخالدي الاصيل

  • عضو فعال جدا
  • ***
  • مشاركة: 484
    • مشاهدة الملف الشخصي
باقي الى نهاية القصه حتى لو للصبح انتظر

غير متصل good sniper

  • مبدع قسم الهجرة
  • عضو مميز جدا
  • *
  • مشاركة: 2707
  • الجنس: ذكر
  • القناص
    • مشاهدة الملف الشخصي
الله يكون بعونج اخت انجي احنا بانتظار الجزء الثالث




ابو فهمي
حب لأخيك مثل ما تحب لنفسك

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
الله يكون بعونج اختي انجي على هذه المعانات التي تحملتيها وتخطيتيها والله انك بطله ونفتخر بك كونك كافحتي لكي تصلي الى هدفك وانتي انسانه رائعه بدون مجامله وتستاهلين كل خير ونحن على نار وشوق ولهفه لكي تكملي لنا القصه المؤلمه والرحله الشاقه وعاشت ايدج على مارويتي لنا


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل كراميلا

  • عضو فعال
  • **
  • مشاركة: 40
    • مشاهدة الملف الشخصي
أووووووووويلي يابه  اشكد مشلوع قلبج , انا سامعه عن هيج قصص بس مو هالشكل هذا يعني انتي اعذريني ما اعرف شو الكلمات دا تطاير مني ويخوني التعبير وانتي حاولي تسويهن جمل بس الي اكدر اقوله الله يوفقج وينطيج وينطيج وينطيج على كد شلعان قلبج ونيتج .
اختك
كراميلا

غير متصل ethan texas

  • عضو مميز
  • ****
  • مشاركة: 1165
  • الجنس: ذكر
  • جوزيف العراقي الجزء 2 سابقا
    • مشاهدة الملف الشخصي
 الله ايساعدج  ويفرج عنج الهم اكثر واكثر

الله ينطي على النيات وانتي نيتج صافية والله ميسنى عبدة

يارب تتوفقين بحياتج بكد ماتعبتي بحياتج ومساعدتج للناس 

اخوج جوزيف

ميكانيكى بيسألوه مين مطربك المفضل رد وقال
همر دياب ودودج وسوف ومازدا الرومى وتاكسى عجرم

angie-dawood

  • زائر
تكملة الجزء الثالث من معانات لاجئة عراقية في المهجر
طبعا بالبداية اني غلطة بالتاريخ خروجي من العراق خروجي كان بعد حرب الخليج مباشرة  شهر السابع يوم 27 سنة 1991 - 6 اشهر بقيت بالاردن بمنطقة الفحيص وشهر وكم يوم بتركيا وسنة و8 اشهر باليونان  يعني وصلت الى الولايات المتحدة بتاريخ 15 / 12 / 1993 /  يعني قبل نهاية السنة وقبل الاعياد طبعا اجه اخو زوجة اخي هو وعائلتة استقبلوني بالمطار وطبعا كان اغلب المسافرين هم عراقيين الكل اهاليهم كانوا ديستقبلوهم بالمطار والهلاهل اشتغلت ماشاءللة احنا وما نعرف نهلهل المهم اخذوني الى بيتهم كانوا امسوين حفلة صغير للاستقبل اقربائهم واحنا دنرجع من المطار طبعا احنا طريقنا ديترويت يعني المناطق الشعبية اني داشوف كل المحلات مكتوب عليها قطع مطعم كباب اربيل مطعم علي شيش محل ابو فلان صدلية الجالية اني استغربت كتله احنا وين اني صدك جيت لامريكا كال لعد وين انتي كتله اشوف كلها المحلات عربية كال اي اغلب المحلات مال عراقيين يعني اني حسبت نفسي بعدني بالعراق ومحلات العراق ماعلينا رحنا للبيت دخلت شفت بيتهم كومه ناس تقريبا خمس عوائل البيت مكلوب هوسى متعرف هذا منو وذاك منو المهم عرفوني عليهم وتعاي انجي وزعي ابتسامات واني ميتة تعب من السفر كعد بينهم بدوا يسالون من وين اجيتي وشون الوضع جان من هل سوالف الي يسالوها لكل لاجئ من يوصل كلشي حلو جان بس الشي الي كان يزعجني انه ما جنت اعرف احجي انكليزي المشكلة انه هما من يشوفون لاجئ يجي الكل يحجي انكليزي على شنو احنا نعرف نحجي وانتوا بعدكم وعدهم شي ابد مو حلو كل ما كانوا يحجون يكولون كله هذولة الجدد هما مثلا دتصير مشاكل المرور منهم او هذولة الجدد هيجي يتصرفون اني بصراحة ما تحملت كتلها ليش انتوا مو جنتوا هم جدد مثلنا هم احنا نتعلم ونصير مثلكم ويمكن احسن كتلهم اشبيهم الجدد كل شوية حاجين عليهم المهم الكل سكت والشي الاخر هم معجبني بيهم انه كل ما كنت احجي واحد يباوع بالاخ ويضحك هذا الشي كلش كان يزعجني وهم صارت مناقشة على مود هاي التصرفات المهم مااريد اطولها عليكم بقيت يم اقربائنا الى ان قدمت كل اوراقي واخذت كل حقوقي بقيت يمهم اسبوعين  ربي يوفقكم عمري ما انسى فضلهم عليه لو اموت هم
بعدين رحنا ندور شقة الي كالوا ليش ما تشوفين بنت لخ وياج حتى تساعدج بالايجار كلت علوا اذا اكو خوش بنت ليش لا هم نكون سوية احسن ما اكون وحدي ولو هنا ماكو شي امان شفت بنت كانت قبلي جاية بكم سنة اتفقنا اني وهي على الايجار بالنص والمصاريف هم بالنص والمسواك هم بالنص بصراحة كانت كلش خوش بنت مؤدبة كلش من شغل الى البيت هم جانت وحدها بدون اهلها المهم بقيت وياها وهي جانت مخطوبة وراها راحت تزوجت و بقيت وحدي بالشقة ارجع لي ! ورى نسيت شغلة انه اني ورى ما خلصت المساعدات مالتي رحت قدمت مرة اخرى كتلهم ساعدوني اريد شغل وساعدوني تبقى المساعدات الى ان اشوف شغل الموظفة ما قبلت كتلها اريد اقابل المسؤال قابلت المسؤل ووافق ان تستمر المساعدات الى ان اشوف شغل
طبعا حتى سيارة اني ماعندي اتوسل بهاذا وذاك حتى يجي يوديني ويساعدني باللغة المهم اهل الرحم هواية اللة ما يترك عبده كان اكو مثل بانزين خانه تبعد عن شقتي اقل من منطقة مثل ما نكول احنا نكول هنا اقل من ربع مايل كل يوم كنت اروح يمها اخذ من عدها اشياء ضروري للبيت مثل صمون لو حليب لو جبن بس كان غالي كلش بس ماكو غير حل مجبور كنت لانه كنت استحي كل مرة اخابر الناس الي نزلت يمهم واكول الها  تعاي وديني للسوك عيب هي هم عندها مشاغلها المهم مرات جنت اروح لبانزين خانه اشتري الشي الضروري ومرات كان اكو مثل اسواق كلش بعيد عني تقريبا منطقة ونص يعني مايل ونص جنت اروح مناك اتسوك واشيل المسواك وكل خطوة اخليهم بالكاع ارتاح شوية وارجع اكمل الطريق طبعا على ما كنت اوصل كان يهدني التعب حتى بعد ما كان يعجبني اسوي اكل الي من تعب الطريق المهم كتلت وي نفسي هاي ماتصرف هيجي لازم اتعلم اولا السياقة وبعدين اروح ادور  الي شغل جنت اقضي طول النهار محبوسة بالشقة مثل سجن لا تلفزيون حتى اتفرج لا نت لا جوارين احجي وياهم كلهم جانوا امريكان طبعا روحي طلعت بالشقة ضوجة الى درجة فد يوم رحت الى هاي البانزين خانه جانت صاحبتها بيها مرية عراقية كلش خوش مره جانت المهم تعرفت عليها وصارت صداقة وياها وكل يوم جنت اروح يمها هي كالت تعاي هنا لا تبقين طول النهار وحدج بالشقة جنت اغلب وقتي ابقى يمها هواي اشياء علمتني وجانت هواية تساعدني كالت تعاي نروح للولفر نحجي وياهم حتى يساعدوج ينطوج فلوس حتى تشترين سيارة كتلها لا اني عندي فلوس اشتري سيارة بس اريد تساعديني ان اتعلم سياقة كالت ميخالف اني اعلمج واخر شي تطلعين وي مدرب السياقة اتفقنا كل يوم بعد ما كانت تخلص شغلها جانت تعلمني سياقة بساحة مال مدرسة اني خلال اسبوع تعلمت اسوق اخذت موعد من السائق  حتى يعلمني المرحلة الاخير قبل الامتحان طبعا اولا طلعت البرمد يعني الامتحان الاولي مااعرف شنو اسميها بالعربي هاي الورقة الي ينطوها النا من نروح نقدم على ايجازة السياقة المهم رحت وي السائق كال انتي كلش زينة ما تحتاجين بعد تدريب طبعا امتحان البرمد عندنا اكو بالعربي واكو بالانكليزي عادي خابرت واخذت موعد الامتحان النهائي حتى استلم رخصة السياقة صعت وي الموظف الي طلع معي طبعا بالبداية كل الامور ماشية عدل بس من كان يكول الي يمين ويسار اني مجنت اعرفها بالانكليزي( ليفت) او ( رايت ) هو صار عصبي ويكو داكول الج ليفت ديكولها بالانكليزي واني جنك مالك  علاقة بالموضوع مدافتهم عليه طبعا يمكن بذاك اليوم خطية نقص كم كيلو من ورى انجي المهم هو عرف اني كلش زين داسوق بس اللغة مجنت افتهم عليه اخذت ايجازة السياقة وهسى كمت ادور على سيارة هاي المره صاحبة البانزين خانه ربي يوفقها هي ابدا ما تركتني رغم الناس الي نزلت عدهم هم جانوا يسالون ويعرضون خدماتهم بس اني جنت اكول خطية هي كان عدها اطفال وصعب عليها وهم جنت استحي كل مرة اطلب شي منهم المهم شفت سيارة جانت بونياك سنة 89 وجانت ماشية تقريبا 70 مايل وجان سعرها ثلاث الالف و 800 دولار بس جانت نظيفة حسب ما شافها الميكانيك لانه اني كلشي مجنت افتهم بالسيارات وديتها للمكانيك قبل ما اشتريها كال خوش سيارة ومكينتها نظيفة المهم اشتريها وسويت تامين عليها فول كفر لانه اني بعدني جديدة بالسياقة خاف الطشها بفد حايط لو شجرة على الاقل عندي تامين يدفعلي التصليح مالها بس مداتذكر شكد كان بوقتها هاي كل الامور كانت تساعدني بيها صاحبة البانزين خانه ربي يخليها يارب ابدا ما انسى فضلها لاخر لحظة بعمري خلصت كلشي شنو بقى الشغل منا منا نسال اشتغلت بشركة لللحيم لحيم حدايد مال سيارات مثل بواري حديد جنا نلحم بيها مثل قفايص شغلات مال سيارة الشغل جان شوية بعيد عني بيتي تقريبا خلي نكول 7 مناطق كان دوامي من الساعة 3 الى الساعة 11 باليل اشتغلت انطوني بالساعة 6 دولارات و25 فلس بذالك الوكت جان اكو تقريبا 5 عراقيين يشتغلون ويايه  طبعا الصبح كنت اروح للمدرسة لتعلم اللغة من التاسعة صباحا الى الساعة 1 ظهرا لانه كنت هواية محتاجة ان اتعلم لغة كلش صعب هنا اذا ما تعرف تحجي اشتغلت بهاي الشركة مدة 2 الكل كان يحبني جنت كلش سريعة بشغلي يعني جانت الماكنة بيها رقم يكول لازم بالساعة العامل يخلص 500 قطعة واللة وربي شاهد على كلامي جنت اخلص بالساعة 1500قطعة الكل كان متعجب بشغلي المشكل الي كانت عندي انه المكان كان كلش بعيد واني جنت ارجع باليل جنت اوصل للبيت مرات بالوحدة لو اذا كنت اشتغل اوفر تايم لغاية 3 باليل لو لغاية 2 باليل كمت كلت للمسؤول علينا اني اريد اتحول دوامي صباحي كال لا مايصير لانه اكو عمال قبلك مقدمين على الدوام الصباحي اذا نريد دوام صباحي هما اقدم منج نختار الهم كتله لعد اني راح ابطل لانه كلش صعب عليه الدوام المسائي كال بكيفج الحجي كانت يوم الجمعة قبل انتهاء الدوام المسائي صاحوا اسمي بالادارة اني خفت كلت خير ياربي شنو صار اني شمسوي حتى يصيحوني بالادارة جان يكول المدير ليش تريدين تتركين العمل كتله بصراحة مشكلتي الطريق واني اخاف باليل سويتها حجة حتى يقتنع طبعا اني شغلي يعادل 3 عمال شون يستغنون عني كام كال المدير انجي من الشهر الجاي تعالي داومي صباحي اذا هاي هي مشكلتج بس طبعا اني كلش فرحت بس شنو العراقيين الي كانوا يشتغلون معي ضاجوا وصاروا اعصاب ودخلوا على المدير هو كال اني ما اريد اخسر عامل يعادل 3 عمال يعجبكم يعجبكم ما يعجبكم انتوا حرين الكل سكت بس طبعا تلميح الكلام ما خلص ذاك اليوم الى ان خلص الدوام طبعا اني من طلعت من الدوام كانت ساعة 11 باليل واني داسوق قبل ما اوصل سكة  القطار عبالك خفيت ونمت من التعب اثناء السياقة بصراحة يم سكة القطار كان اكو مثل اضوية دتشتعل وتنطفي يعني اخذ الحذر اكو قطار ديجي لازم نوكف بعض الاماكن يم سكة القطار يخلون مثل حدايد تسد الطريق حتى لا يعبرون السيارات من يمر القطار الكل يوكف اني بصراحة جنت شاعلة المسجل مال سيارة مو عالي وسط مسمعت انه اكو قطار ديجي ولا شفت الاضوية تشتعل للتنبية وهم حجي بيناتنا نمت واني داسوق من التعب وهم كان مطر ماشفت نفسي واني واكفه بسيارتي فوك السكة القطار اباوع صوت عالي مال قطار ديجي كلش مسافة قريبة بيني وبينه اويلي يابة شصار بيه مااعرف ادوس بانزين مااعرف ابقى بمكاني والسيارات الي من الجهة الاخرى الكل يدك هورن حتى انتبه انه اني راح يجي قطار يطيرني اني وسيارتي فوك باقي السيارت المهم دست بانزين بكل السرعة وعبرت السكة مرحلة الخطر وغمى عليه معرفت شنو صار خابرون الاسعاف كالوا خاف صار جلطة بيها من الخوف ميعرفون احنا العراقيين متعلمين على الصدمات المهم ربي ستر عليه ذاك اليوم بقيت اشتغل بهاي الشركة الى ان شفت شركة اخرى قريبة على بيتي اشتغلت بيها 13 سنة هم كان بيها هواية عراقيين اني المشاكل الي صادفتها هنا كلها مشاكل عادية ما كان عندي اي مشاكل وي ابو الشقة ولا وي الولفر ابو المنظمة لانه بذاك الوكت ما كان هواية عراقيين مثل هسى والمساعدات هم كانت تختلف حسب الزمان وحسب المعيشة لانه قبل جنت اخلي كاز بسيارتي ب 10 دولارات كله الاسبوع ما يخلص هسى تخلي 60 دولار ما يكفي لنهاية الاسبوع قبل جنت نروح للسوك عربانه مليانه مسواك من كل الانواع يادوب تدفع 40 دولار لو 60 دولار هسى نفس الكمية تدفع 140 دولار او اكثر كل شي هواي اختلف عن السابق المهم اني ورى ما اشتغلت بشركة اخرى لانه السبب كانت بعيد عني اشتغلت بهاي الشركة هم جنه نسوي قطع السيارات شركة كلايسر كلش خوش شركة جانت بس الشغل كلش كلش متعب  وخصوصا كان اكو علينا واحد مسؤل عربي ابد ما كان يرحم اني وين ما كان اكو مكينة سريعة يخليني عليها خلال اسبوع كان يخليني على نفس الماكنة الكل جانوا يكولوا ليش تبقيها نفس الماكنة من تعبت هاي اسبوع يكول هذا موشغلكم شغلي مااعرف ليش جان لازم عداوه ويايه هو جان يريد يبين للادارة انه اثناء ما يكون هو مستلم الشفت انه طلع انتاج اكثر من الباقين وجان يزيد سرعة الماكنة على مود يكون انتاج اعلى من الدوام المسائي ومنو ياكلها احنا العمال ينكسر ظهرنا بالشغل ومن كان يسون ويانه اجتماع جنت اكول رجاء المكائن سرعة هواي احنا ما نلحك نشوف الشغل شون ديطلع لانه ما يكون اكو وقت نفحص القطع الي تذبها الماكنة وكم مرة كالوا اله بس ما كان يفيد جان عندنا عمال سود يكولون ليش تتعبون نفسكم اشتغلوا على كد الفلوس الي ينطوها المن كاتلين روحكم واللة محد ماكان يمشي الشغل غير العراقيين الامريكان ما يشتغلون ربع العراقيين فد يوم مسوؤل علينا جان امريكي اني الماكنة مالتي عطلت اشو اجه صار عصبي جان يكول انتوا كلشي ما تفتهمون انتوا جمال يعني جمل اهل الجمل يعني حشى  الكل مانفتهم اغبياء كتله منو احنا كال اي كتله اوكي اني مااشتغل اسوي اضراب عن العمل اشو شون تكول علينا هيجي طبعا كلنا العراقيين سوينا اضراب عن العمل اجه المدير كال شنو القصة كتله هيجي هيجي الموضوع احنا جمال منو ديمشي شغلكم مو احنا شون تقبلوا يكول علينا هيجي احنا ما نشتغل الا يجي يعتذر من عدنا واحد واحد اولهم اني لانه الي كال
طبعا صاحوا وحجوا وياه وطلع اعتذر من عندنا واحد واحد ورى اسبوع سووو فاير يعني طردوه على مودنا وهو امريكا هاي المشاكل الي صادفتني بالشغل وما عدى مشاكل وي شرطي المرور كل يوم موكفني لوناسيه اشعل الاضوية مال سيارة لو مرة كانت سيارت بيها مثل كمبيوتر ما تشتغل بالمفتاح بس تشتغل بالدكم مثل جهاز بيها كل مرة جانت تشكل ويجي البوليس يسويها فديوم كال هاي صارلي 10 سنوات مسؤول على هاي المنطقة محد شعل كلبي غير سيارتج تروحين تشيلين الجهاز منها واذا مرة لاخ اشوفج انطيج تكت طبعا ثاني يوم رحت شلت الجهاز منها وسويتها تشتغل على مفتاح ومرة دعمت 2 بنات جانو ديعبرون بس واللة صوجهم مو صوجي جان هما عبروا من غير مكان مال عبور وهم الجو كان مطر والدنيا ظلمة كلش ودمعتهم وحده منهم كلشي ماصار بيها بس الاخرى حمداللة كسر بالحوض  ;D خطية بس واللة مو صوجي جان صوجهم هما حتى رادوا يسون سوءما استحقوا لانه ما كان صوجي هما صوجهم ذبوا نفسهم على سيارتي مااعرف جانوا شاربين شي اني اول ما اجه البوليس سوو اختبار مال شرب الي كتله اني بحياتي مشارب جان يكول هسى يبين بالجهاز والحمداللة عرفوا انه موصوجي كان سبب الحادث وماكدروا يسون عليه سوء هليوم تعبت عندي بعد تجارب بعدين اكتبها الكم بالجزء الرابع  انتظروني

غير متصل wasu 81

  • عضو
  • *
  • مشاركة: 15
    • مشاهدة الملف الشخصي
    • البريد الالكتروني
الله واكبر اشايله قلب ربي يوفقك وينطيك على قدر نيتك
وفعلا هاي قصه نجاح وتنطينا امل للي بعدنه ننتظر رحمه ال i o m

غير متصل Haider 67

  • عضو فعال جدا
  • ***
  • مشاركة: 339
  • الجنس: ذكر
    • مشاهدة الملف الشخصي
    • البريد الالكتروني
ما راح اعلق بانتظار ان استمتع بالجزء الرابع

angie-dawood

  • زائر
حبي مونليزا تفاصيل الرحلة قدمت على اليوان واخذت لجوء وجيت بالطيارة عادي

غير متصل مهندس ضياء الشم

  • عضو فعال
  • **
  • مشاركة: 53
    • مشاهدة الملف الشخصي
الاخت انجي المحترمه
والله قصتك جدا مؤثره  ومؤلمه ونتمنى ان تكمليها لكي تكون درسا لنا جميعا نحن الراغبين بالهجره الى امريكا حيث كانت القصة تشير الى ان فكرة الهجره الى امريكا ليست بالامر  السهل اذ ان بعض الناس يتصور انها  نزهه او تغييير جو

تحياتي للجميع
اخوكم ضياء 


غير متصل اريد وطن

  • عضو فعال جدا
  • ***
  • مشاركة: 378
    • مشاهدة الملف الشخصي
اخت انجي

الحياه كفاح وتعب بس الشخص الينجح بالاخر يعتبر انتصار وانتي اذا برئيج حققتي طموحاتجت المخططه لها فهاذا هو النجاح
اتمنى اسمع تكوني بعمل مريح وتشترين بيت وتحقيق الاماني جميعها وياتي اخوانج من سوريا ويجمع شملكم

بالمناسبه اني طالعه من العراق ب 27/7/1991  اني طلعت بنفس التاريخ والساعه 2 فجرا كنت بطريبيل طبعن جانت ازدحام وهوسه ذكرتيني بايام اتمنى لاتنعاد

اخوج اريد وطن / عمان انتضار اتصال من سفاره الكنديه بسوريا

غير متصل sinan_1988

  • عضو فعال جدا
  • ***
  • مشاركة: 88
    • مشاهدة الملف الشخصي
    • البريد الالكتروني
اخت انجي يعني ماعرف شكلج من صدك دمعتي نزلت من قريت موضوعج بصراحه انتي انسانه رائعه وكلامج هذا انطالي حافز قوي انو اتحمل الصعوبات اهنا صدكيني انتي فخر النا وللعراق وفخر لاامريكا كلها انتي رفعة راس تقبلي مني مروري

غير متصل Shebo

  • مبدع قسم الهجرة
  • عضو مميز جدا
  • *
  • مشاركة: 2466
  • الجنس: ذكر
  • خاشوكة خاشوكة تنترس البستوكة
    • مشاهدة الملف الشخصي
اختي الغالية انجي تكانيس كالا؟؟ اخبارج؟
اشكرج جزيلا على سردك تجربتك وبصراحه تأثرت بمعاناتك الي شفتيها ويه القجغ ولبهذله ربي لا يشوفها لاحد وجدا استفاديت من لمراحل لخضتيها بامريكا وخاصتا بعض الامور حسيت مثل مراحلي ولمعانات لاني بيها خصوصا سالفه لمشي ما اسولفلج قبل اسبوع ماكو باص بنص ليل ورجعت مشي من لداون تاون للشقه شمال شرق اوستن ولهوا عالي ولبرد ولدنيا تمطر تقريبا ساعتين مشيت يلا وصلت لسياره جدا ضروريه هنا ولباجر انشاء الله حيكون عندي اختبار للعملي
لمهم اتمنى من لطلعله لجوء ومتردد واحنا  همنحمد ربنا ونشكره انو اجينه لامريكا بصورة شرعيه ومتعذبنه مثلكم ولحمد لله ربي رحم بحالكم وخلصكم وكدرتو تهربون من الفندق والا جان رجعوكم شي اكيد مشكوره مره ثانية اختي ربي يوفقج لفعل لخير.....
غيمه الحزن وتعدي عنك سهام الغدر كلهن خطنك
عراقي الاسم وأبيض ضميرك ولدنيا كلها يفيض خيرك
جف الفتن لا مايديرك يلي أنت منا وأحنه منك
باجر ترد كل العصافير تمله السما لو رادت تطير

غير متصل علي الحلي

  • عضو فعال جدا
  • ***
  • مشاركة: 147
    • مشاهدة الملف الشخصي
    • البريد الالكتروني
انجي اني والله متلهف ان اقره هذه نوضوعج بس اريد اعرف يمته صار عندج مرض سكر

غير متصل ROCK

  • عضو فعال جدا
  • ***
  • مشاركة: 449
    • مشاهدة الملف الشخصي
    • البريد الالكتروني
هدية للاخوان بشكل عام

وللاخت انجي بشكل خاص

صورة من اختياري مع مقاطع شعرية

بأنتظار الجزء الرابع

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
حبيبتي انجي
لاتوجد كلماااات تعبر ولا لغه تترجم معاناة حقيقيه
قصص نراها في الافلام قد نتعاطف معها
لكن عندم تكون لانسانه حقيقه تعيش معنا كل يوم
بهذه الروح الجميله والقلب الكبير
والسرد بهذه العفويه الجميله
فهي السهل الممتنع
عاشت الايادي حبي لان شاركتينا بهاي المعاناة
وافتدينا بكثير من العبر
الحمد لله اننا نعرف النهايه بوجودك كعنا اليوم
والا كانت خطفت قولبنا

غير متصل MAGGIC

  • عضو مميز
  • ****
  • مشاركة: 1555
    • مشاهدة الملف الشخصي

الاخت العزيزة انجي

الصراحه الكلمات تعجز ان تصفك بالاوصاف لان درجه التحمل والاصرار لديك عاليه بالمقارنه مع النساء وكذلك بعض الرجال مع احترامي للجميع ارجو ان لا يزعل احد عليه لان قوة التحمل لايملكها كل انسان
لقد ابهرتني باصرارك لخوض هذة التجربه المريرة التي اثمرت في نهايه المطاف

اود ان ابدي بعض الملاحظات

بالنسبه لكثرة اسم ماريا فالسبب وحسب ماعرفته من صديق لي في احدى الدول الاوربيه وهو ليس بعراقي يقول انهم يتباركون بهذا الاسم لانه اسم مريم العذراء عليها السلام واكثر الاسماء تكون مركبه حيث ان الوالدان يسميان اسم للمولود الجديد و godfather يسمي اسم اخر فيتكون احد الاسماء من اسم ماريا بالنسبه للاناث للتبرك هذا حسب ماقاله لي

بالنسبه لماذكرته  (  الشي الي كان يزعجني انه ما جنت اعرف احجي انكليزي المشكلة انه هما من يشوفون لاجئ يجي الكل يحجي انكليزي على شنو احنا نعرف نحجي وانتوا بعدكم وعدهم شي ابد مو حلو كل ما كانوا يحجون يكولون كله هذولة الجدد هما مثلا دتصير مشاكل المرور منهم او هذولة الجدد هيجي يتصرفون اني بصراحة ما تحملت ) هذا يطلق عليه الغرور وتسمحيلي اذا اكول شاف وخترع اريد يثبت انه احسن الناس وهذا الشخص غير متواضع ولن يكون له اي مبادئ

الشئ الاخر هو  (صاحبة البانزين خانه ربي يخليها يارب ابدا ما انسى فضلها لاخر لحظة بعمري ) اختي العزيزة اكثر الاوقات الغريب اكون احسن من الاخ او الاهل وهناك مثل اخ ام تلدة والدة
الله سبحانه وتعالى ابد ميعوف احد لازم يسخر له احد ايساعدة

الحياة دين كل ماقدمتي افضل ومساعدة لاي شخص غريب او قريب في يوم ما سوف يسخر لكي احد يساعدك هذة سنه الحياة

المهم بالموضوع هو كفاحك وصبرك واصرارك وادعو من الله عز وجل ان يوفقك لما فيه الخير وان لاتواجهيمتاعب مستقبلا

وياريت الاخوان المطلهين على الموضوع ان يعرفو المعنى والمغزى منه والاصرار للوصول الى هدف وليس التشائم (تفائلو بالخير تجدوة )

تحياتي الك اختي العزيزة والله يوفقك دائما



تحياتي الك

غير متصل salah-eng

  • عضو فعال جدا
  • ***
  • مشاركة: 273
    • مشاهدة الملف الشخصي
    • البريد الالكتروني
مرحبا اخت انجي
صدقيني ما جاي اللاقي كلمات نعبر بيها الك على هاي الواقع الي مريتي بيه بس اكول انشالله الي صبر نال وانشالله تنالين الي يوفقك بحياتك يارب
ولازم نطلق عليها قصة كفاح انجي او كفاحي
بس راح نترك التعليقات لمن تنتهين من كتابة الاجزاء
وبالتوفيق انشالله


اخوك صلاح
 

غير متصل sonmaz

  • عضو فعال جدا
  • ***
  • مشاركة: 449
  • الهم زدمن يحبني جنونابي وامنح من يكرهني نعمه العقل
    • مشاهدة الملف الشخصي
السلام عليكم
والله انجي اني ما ردت اعلق على الموضوع الا بعد ان تكملين قصتج بس مكدرت  :'(
الله ايساعدج بس اكلج احنا اغلب العراقيين اتعلمنا على المصاعب وتربالنا قلب فوك اقلوبنا  وصدكيني لوما هاي المصاعب الي شفناها جانت هوايه امور صارت صعبه علينا  ولهذا تلكين العراقي يبدع من يشتغل بواهس

ما اكلج غير(  وعسى ان تكرهو شيئا وهو خير لكم  ) :-*

اختج سونمز
سونمز


سامحتك من غير علمك .. فسامحني حتى لو لم تعرفني .. سامحني حتى لو انك تعتقد بأنه ليس هناك داع للتسامح .. فقط سامحني .. اريد منك الدعاء الخالص من القلب

غير متصل eng.a7med

  • عضو فعال جدا
  • ***
  • مشاركة: 269
    • مشاهدة الملف الشخصي
الله  ايساعد قلبج على الي شفتي ما اريد اعلق هسة

بانتظار الجزء الرابع

غير متصل fddd

  • عضو فعال جدا
  • ***
  • مشاركة: 360
    • مشاهدة الملف الشخصي
عزيزتى انجى فعلا انتى صبورة ومعاناتج اطتنا دفعة من الامل والصبر واطلب من الله ان يوفقج ويسعدج
اختك من مصر

angie-dawood

  • زائر
نسيت اذكر شغلة انه القجخجي من ودانا بذاك البيت البعيد عن اسطنبول من هربنا من السجن اخذوا جنطنة وكالوا خلوها بغرفة من ضمن غرف البيت وقفلوا الباب وانطونا المفتاح على اساس الجنط مالنا مكانها امين والمفتاح عدنا بس هما شنو سوو عافوا شباك الغرفة مفتوح باليل باكوا جنطنة كلها واني كان عندي جنطة دبلوماسية بيها كل اوراقي والف دولار كلها باكوها طبعا تعاركنا وياهم اقصد وي القجخجي نكر وكال بس تحجون ابقيكم هنا واحنا ماكو بيدينا شي غير نسلم امرنا للة هذا الشي هم صار بينا وربي يبعدكم عن هيجي نماذج

غير متصل Shebo

  • مبدع قسم الهجرة
  • عضو مميز جدا
  • *
  • مشاركة: 2466
  • الجنس: ذكر
  • خاشوكة خاشوكة تنترس البستوكة
    • مشاهدة الملف الشخصي
والله اخت انجي سالفتكم سالفه يعني صدك انقهرت وما اعرف شكلج عبالك لسالفه مصارلها سنين  الله ينتقم منه ومن امثاله ويارب يعوضج عن كل لخسرتي لان انتي انسانه روعه مشفنه منج غير كل خير وتستاهلي كل خير
غيمه الحزن وتعدي عنك سهام الغدر كلهن خطنك
عراقي الاسم وأبيض ضميرك ولدنيا كلها يفيض خيرك
جف الفتن لا مايديرك يلي أنت منا وأحنه منك
باجر ترد كل العصافير تمله السما لو رادت تطير

غير متصل ام عراقيه

  • عضو فعال
  • **
  • مشاركة: 41
    • مشاهدة الملف الشخصي
السلام عليكم ورحمة الله وبركاته


شلووووووووون اولادي وبناتي الغاليـــــــــــــــــــــن


يارب تكونون بأتم صحه وافضل حال ورضا من خالق الكون ....


حبيبتي الغاليـــــــــه وقرة عين امج انجـــي المـــــــــــــــــلاك

بصراحه تتوقف الكلمات ويعجز التعبيــــــــر بعد قراءة موضوعج


والله يا بعد عمري ما اعرف شلون اعبـــر عن الشعور اللي حسيته من قريت كلماتج


شعـــور غريب عباره عن خليط من الفخـــر والحـــزن بنفس الوقت


شعرت بفخر كبيـــر لأن صدك بنتي شيـــلة راس وتسوى عشيـــره


وبنفــس الوقت شعرت بالحزن لأن اعرف شخصيتج شكد رقيقه وشفافه وحساسه ومع ذلك تحملتي اللي ميتحمله الزلم اللي عليهم الاعتماد وصبرتي وجاهدتي ومع هذا كله .....


احتفظتي بنفس الشخصيه الرقيقه والشفافه والطيبة القلب واللي تحاول تساعد اخوانها واخواتها ان يوصلون بكل بأسهل ما يمكن للي هي وصلتله بأصعب مما نتصور


(لأن اليسمع مو مثل اللي يشوف ويعيش التجربه بنفسه)


تصدكين يا بعد روحي والله عيوني دمعت في بعض المواقف



من بعد هذا ما اكول غير اللهم ربي يبارك بيج ويباركلج بأهلج ويعوضج خير عن كل اللي شفتيه وعشتيه من صعوبات


اللهم ربي يبعد عنج الشر والاشرار ويسهل امورج ويحققلج كل ما تتمنيه بل وافضل مما تتمنيه


واكو ملاحظه زغيره اريد اكولها قبل ما اودعكم


المره صاحبة الشقه اللي بالاردن وبنتها وصاحبة البانزين خانه بأمريكا وغيرهم من الناس اللي صادفتيهم ووصفيتهم بأنهم طيبين لأبعد الحدود هذا يدل على انج انتي صاحبة الاخلاق الراقيه والقلب الطيب والتعامل الرفيع لأن الناس يبادلون الشخص بنفس الاسلوب اللي يتعامل بي وياهم وهذا الشي دليل على انج مثال بالاخلاق ورفعة راس لكل عراقيه
تحيـــــاتي لكل اولادي وبناتي وديربالكم على نفسكم وظلوا ايد وحده لخاطري



مع السلامه .........

اللهم ربي بجاه القرآن وبجاه محمد وكل الانبياء احفظ اولادي وبناتي وابعد عنكم الشر وارزقهم من رزقك الحلال واطل 11اعمارهم وعافهم انك سميع مجيب
اللهم ربي قر عيني بشفاء ابنتي ريم عبد وردها الينا سالمه معافاة آمي

angie-dawood

  • زائر
ياحي اللة من زارنا هلا وكل الهلا بامنا الغالية نورتي صفحتي ونورتي قلبي بدعائج النا يااحن واروع ام لنا

غير متصل الناسك

  • عضو مميز جدا
  • *****
  • مشاركة: 2231
  • الجنس: ذكر
  • الأخ من حزن لحزنك وفرح لفرحك
    • مشاهدة الملف الشخصي
    • البريد الالكتروني
شكراً على تخصيص الوقت والاهتمام في سرد القصة التي تعلم ان طريق الالف ميل يبدأ بخطوة واحدة وان الصبر والاجتهاد هما اللذان يصنعان الانسان الحقيقي لاسيما ان هنالك من يتقاعسعن الجد والمثابرة والتصدي للصعوبات والاتكال على الغير في اسهل الامور ...
مرة ثانية اعترف انك فتاة شجاعة بحق ودون منازع او متحدي ...
اخوكي الـنــــــــــاسك

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
هاي شنو انجي مسلسل مدبلج سويتي علينا كل شويه حلقه غير تسوي فلم  ;D

والله بصراحه انتي حرمه بستين راجل على كوله المصريين والي يزرع خير يحصد خير واكيد هاي التجارب تخلي الواحد يتعلم امور خافيه عنه وتعلمه الصبر والتحمل على البلاء وتقوي العزيمه واكيد انتي استفاديتي من هاي التجربه وقوتك بتحدي الحياه والامور الصعبه واحييك على هذا الموضوع وطريقه السرد السلسه وننتظر الجزء الرابع بفارغ الصبر

تحياتي

angie-dawood

  • زائر
واللة يااخي الغالي عكعك هذا مسلسل باب الحارة  ;D انتظروا كل الاجزاء

ابو لانا

  • زائر
والله يااخت انجي ماعرف شااكول بارك الله بيج وان شاء الله محروسة من مكروه....تجربتج درس النا لان اكيد تعرفين الحياة بيها الحلوة والمرة والغربة موسهلة بس الاصرار والعزيمة تقوي الانسان الله يكون بعونة وبعونك وبعون اهلنا العراقين الي دينتظرون الفرج وان شاء نسمع اخباركم الحلو ة يااهلي الغالين

غير متصل tanea iraq

  • عضو فعال جدا
  • ***
  • مشاركة: 165
    • مشاهدة الملف الشخصي
صحيح في بعض الاوقات امور صعبة ولكن الصبر والامل يهون الكثير ، كل التوفيق لكي انجي والسعادة لكل الطيبين

غير متصل الله...محبة

  • مبدع قسم الهجرة
  • عضو فعال جدا
  • *
  • مشاركة: 907
  • الجنس: ذكر
  • "الرب راعيّ فلا يعوزني شيء"
    • مشاهدة الملف الشخصي
اختنا الغالية انجي
الله يباركج على المسلسل المؤثر.... والله ينسيج اللي شفتيه وينور طريقج
والله ابطال شنو هالصبر والنضال
الله يعوضكم عن كل شي باضعاف اضعاف من محبته

موضوعج مشوق جدا

تقبلي مرور اخوج
الله محبة

غير متصل violin

  • عضو فعال جدا
  • ***
  • مشاركة: 372
    • مشاهدة الملف الشخصي
وينج اختنا الغالية انجي . ترة كاعدين ننتظر تكملة المسلسلة  ;D


             ترقبوا   ( باب الحارة )
           
            الجزء الرابع 

غير متصل AboDiana

  • مبدع قسم الهجرة
  • عضو مميز
  • *
  • مشاركة: 1406
    • مشاهدة الملف الشخصي
عاشة الايادي أيتها الاخت انجي الغالية وبالتوفيق والنجاح الدائم
اما انا فقد حاولت الخروج من العراق بعد التسريح من خدمة الاحتياط في الجيش بعد حرب غزو الخليج ولاكني تفاجأت من وجود منع السفر في ذلك الوقت , وحسافرت في سنة 1998 و سنة 2000 الى الدول العربية التعبانة ورجعت.
والان انا بانتضار الموافقة الامنية للجوء من بغداد منذ أكثر من ستة أشهر بعد أن اقدمت منذ تموز 2008 ؟؟

اخوكم ابو ديانا

غير متصل alnoor-النور

  • مبدع قسم الهجرة
  • عضو مميز جدا
  • *
  • مشاركة: 2331
  • الجنس: ذكر
  • الـــــنـــــو ر
    • مشاهدة الملف الشخصي
    • http://www.google.ae/
    • البريد الالكتروني
تحية طيبة وتقدير  واعتزاز نجمة في سماء منتدي انجي حفظك اللة برحمة الواسعة كنت اتابع موضوعك بهدوء واشتياق وفيه دورس وحكمة تصرف في بناء حياة محترمة بين ناس وبفعل انت محترمة وتستاهلين كل خير ومني لكي كل انواع دعاء الي الله سبحانة وتعالي ويحفظك ويسعد ايامك وشكرا === النور===

angie-dawood

  • زائر
تكملت الجزء الرابع والاخير من المعانات الي شفتها والتجارب الي تعلمتها هنا بامريكا في ولاية مشكن

وين وصلنا وصلنا سويت حادث وي البنات الي دعمتهم الي كان مو صوجي كان هما صوجهم لانه اذا تعبر من غير المكان المخصص للعبور من يصير اي حادث لا سامح اللة ما يحلق الك انه تسوي سوو واطالب شركة التامين بالتعويض هما شكد حاولوا يسون عليه سؤو بس ما حق الهم لانه الصوج كان منهم وكان عندي شهود على الحادث المهم الحوادث هواي اني امسوي مو بس وحده لا تستغربون عادي تصير بارقى العوائل  ;D السبب اغلب الاحيان هو الثلج لانه السيارة تزحلك بالثلج وهم من يكون مرات واحد يسبب الحادث لباقي السيارات مثلا مرة اني دارجع من الشغل باليل واحد امريكي كان ديسوق من جهة اليسار بجانب سيارتي هو شعل الاشارة انه يريد يروح على اليسار بالخط الاصفر اني غير عرفت هو راح يروح بطريقة اشو هو اجي وصار كدام سيارتي اني من خوفي لا يضرب سياراتي رحت يمين من رحت يمين وكان هواي ثلج ازحلكت سيارتي مني وردت اخلص نفسي من السيارات الي ديجون من الخلف لا يضربون سيارتي لانه مثل ما كلت ما يكون عدهم الوقت يلزمون البريك مال سيارة راح كلهم يضربون سيارتي كلت اخلص نفسي اشو صعدت على الرصيف وضربت الشجرة الي بالرصيف  ;D وانكلبت سيارتي صارت مائلة الة اليسار وطبعا اجت الاسعافات بسرعة البرق والشخص الي تسبب بالحادث انهزم وما لحكت اخذت الرقم مال سيارته لانه اني كنت بيا حال حتى اكدر الحك اخذ الرقم واللة سترني من هذا الحادث بس صار عندي كسر باليد اليسرى والحمداللة على كل شي بس هم التامين صلح سيارتي  يعني فد 11 حادث امسوية اختكم مو هواية  ;D مو بس بكل مرة ربي ينجيني  بس اللة يستر من الجايات المهم راح ارجع اسولف الكم من قدمت بالبداية لهاي الشركة الثاني والي كانت بواسطة صاحبة البانزين خانه لانه كان احد اقرباءها يشتغل بنفس الشركة وهو الي شغلني هناك جاب الي الاستمارة وهو ساعدني امليها وهو الي اخذها ووداها الى الشركة من طلبوا من عندي المقابلة رحت للمقابلة وكان معي عائلة هم كانوا دازين وراهم للمقابلة مال العمل كلنا كعدنا ننتظر يجي المدير يقابلنا العائلة الي كانت معي هي ام واولادها بنت وولد مقدمين على الشغل وكلنا سوو مقابلة ويانا نفس اليوم طبعا هما ما كان يعرفون ولا كطه لغة اني شوية كنت اهون منهم  باللغة المدير يشرح عن طبيعة الشغل وعن النظام بالشغل احنا بس نهز راسنا شكو شنو الموضوع ما نعرف بس بعض الكلمات جنت افتهم عليها مو كلها وجماله جان يكول الي انت اشرحي الهم فوك القهر ليش اني جنت مفتهم شي حتى اشرح الهم  ;D  المهم خلصت المقابلة على خير وكالوا بعد اسبوع تروحون للفحص الفحوصات الي نسويها قبل ما نشتغل ورحنا كملنا الفحوصات وداومنا بالشركة وانطونا كارت من ندخل للدوام اكو ماكنة ندخل الكارت بيها تسجل تاريخ الدوام الدخول والخروج من الدوام وبالبداية جابوا النا مدرب يدربنا على الشغل مدة اسبوعين مع الراتب وكان بوقتها 7 دولارات وخمسه وعشرين فلس لانه  بالشركات ما يزيدون بس 25 فلس كل سنة
اشكد بخلاء المهم اشتغلنا وكان الشغل كلش متعب كان الشغل عبارة عن قطع البلاستك الي كانت الماكنة تصنعها واحنا كنا ننظفها بالسكين من الزوائد البلاستك الي كان ينزل مع القطعة وكانت كلش كبيرة وكل ماكنة كان حجمها بحجم البيت وياما وياما اختهم كاصه ايديها بالسجينة كان اكوا ماكنة كلش كبيرة مكان الي كانت تذب القطع كان كلش ناصي ويه الارض مرات جنت اكعد بالارض واشتغل لانه ما اكدر كل مرة اجلس واكوم واخذ القطع كلش متعب واكره المكائن كانت هاي الماكنة واذا كان عدنا اي غلط كانوا ينقصون من ساعتنا دولار عقوبة حتى ننتبة على شغلنا مرة اخرى لا نغلط وكل ما كانت الماكنة تعطل يكولون النا اكنسوا المعمل لو البارك مال سيارات يعني هم عمال المكائن وهم عمال التنظيف بنفس الوقت فد يوم ماكنة مالتي عطلت المشرف علينا كال روحي كنسي البارك مال سيارات تابع للشركة والعمال كتله اني عاملة المكائن مو عاملة مال تنظيف البارك ماكنة مالتي مدتشتغل هاي مسؤليتكم مو مسؤليتي  كال لعد روحي للبيت لانه الماكنة ما تصلح هل يوم كتله واليومية مالتي شنو راح تقطعوها كال اي كتله ليش مو صوجي العطل مال ماكنة  كال بس احنا كلنا روحي كنسي البارك لو تريدين روحي للبيت صرت مجبورة ورحت كنست البارك كتله تريد اكنس الشارع هم  :'(
 كال لا ماكو داعي  يعني مخلص كلامي انه لازم شما كانوا يطلبون من عدنا لازم نشتغل وامرنا على اللة  جان اكو عمال ويانا امريكان ما كانوا يقبلون وكانوا يروحون للبيت واحنا العراقيين مجبورين نشتغل اي شغل يطلبون من عدنا مرات اللغة هي الي كانت تسيطر على حقوقنا لانه ما كنا نعرف ندافع عن حقنا واني مرة صارت ويايه مشكلة وي وحده سودة على مود الشغل وهي كامت تحجي عليه واني ما كدرت ادافع عن نفسي كمت ابجي اجه المدير وصاحنا اني وهي بالادارة وكال شنو المشكلة هي حجت كلشي واني بس ابجي وما اكدر ادافع عن نفسي كام المدير  جاب النا مدرس يعلمنا اللغة قبل الدوام ساعتين مع دفع الراتب وكان المدرس عربي يعني من جماعتنا واحنا كنا عشر عمال لغتنا ضعيفة بالانكليزي واستمر ويانا مدة اسبوعين بدون اي تقدم من الباقين ومن سوو ويانا اجتماع المدير كال لازم تتعلمون اللغة حتى  تكدرون تدافعون عن حقكم باي مكان كمت اني كتله ليش ما انتوا تتعلمون لغتنا وتفضوها كام ضحك وكال انتي ببلدي ولازم انتي تتعلمين مو اني لو اني ببلدك اني الي اتعلم لغتك طبعا جوابة كان معقول وكلت وي نفسي اتعلم اللغة لو ادري شما يصير على الاقل اكدر ادافعه  عن حقي احنا العراقيين مشكلتنا انه نشتغل من كل كلبنا مو مثل الامريكان يشتغلون على كد الراتب وبس احنا لا نذب روحنا على الشغل كانه هو الشغل ملكنا ولهذا السبب كان اغلب العمال عراقيين  الشغل حلو من يكون صاحب العمل يحترمك ويقدرك تشتغل اله بكل اخلاص واحنا كلنا العراقيين الي جنا امشين الشغل بهاي الشركة بس مع الاسف راحت وعزلت اكو هواي اشياء مرت بحياتي مواقف من الحلوه والمره بس حمداللة كلها مرت بسلام واحمدالة واشكر فضله على كل ما مر بحياتي واتمنى ان تكون دروس وعبر للذي يكون عنده قوة الصبر والتحمل على امور الحياة وربي يوفق الجميع

غير متصل Iraqi Christopher

  • عضو فعال جدا
  • ***
  • مشاركة: 509
  • الجنس: ذكر
  • كرستوفر العراقي
    • مشاهدة الملف الشخصي
    • البريد الالكتروني
حلو اخت انجي عاشت ايدج على القصة، حقيقة دفعتنا كثير جدا ورفعت المعنويات للسفر

كل بداية صعبة

ارجوا ان يتذكر الجميع هذا


اتمنى التوفيق للجميع


اخوكم

كريستوفر العراقي

غير متصل salah-eng

  • عضو فعال جدا
  • ***
  • مشاركة: 273
    • مشاهدة الملف الشخصي
    • البريد الالكتروني
ويوفقك اختي انجي ما قصرتي وما قصر وياك الوقت تعبك هواية وانشالله تنالين الخير كله والتوفيق يارب ولحمدلله على كل حال يااصيله




اخوك صلاح

غير متصل violin

  • عضو فعال جدا
  • ***
  • مشاركة: 372
    • مشاهدة الملف الشخصي
والله يااختي انجي حياتج كلهة عبر ونضال وكفاح .
الله يعوضج بالخير عن كل لحظة تعب وظيم مريتي بيهة .
واني واحد من الناس من قريت قصتج صار عندي روح التحدي والاصرار.

الله يوفقج بحياتج يااختنا الغالية والعزيزة على قلبنة  انجي

غير متصل سامسونغ

  • عضو فعال جدا
  • ***
  • مشاركة: 95
    • مشاهدة الملف الشخصي
شكرا اخت انجي على هذا السرد القصصي وماكو شي يجي بالساهل ومانيل المطالب بالتمني ولكن تؤخذ الدنيا غلابا .تسلمين على هالموضوع اللي يحمل كثير من العبر .

غير متصل السومري

  • عضو فعال جدا
  • ***
  • مشاركة: 214
  • الجنس: ذكر
  • حبي لكل اعضاء عنكاوا
    • ياهو مسنجر - kh6666kh@yahoo.com
    • مشاهدة الملف الشخصي
    • البريد الالكتروني
ربي يوفقك يا ملاك المنتدى انجي الصبورة والطيبة والمقدامة ..الله يساعدك على هاي المحن ...اريد اسالك انت الان شنو تشتغلين 
بالحب تفنى كل رموز الكراهية وتتسامى قيم الانسانية وترتقي عن حياة الغاب

غير متصل tanea iraq

  • عضو فعال جدا
  • ***
  • مشاركة: 165
    • مشاهدة الملف الشخصي
شكرا لسردك كامل القصة بحلوها ومرها ، كنت انتظر القصة يوميا واتابعها ، تستاهلين كل الخير  ، واكيد كل واحد حاليا عندة قصة بداخلة فيها الحلو وبيها المر ، كل التوفيق لكي انجي

غير متصل hopeforall

  • عضو فعال جدا
  • ***
  • مشاركة: 128
    • مشاهدة الملف الشخصي
الف الف تحيه الى الاخت العزيزه انجي على هذا الاصرار والصبر على تحمل الشدائد وان شاء الله يكون المستقبل عامر بالخير والسرور والنجاح .


غير متصل myiraq

  • عضو فعال جدا
  • ***
  • مشاركة: 125
    • مشاهدة الملف الشخصي
مرحبـــــــــــــــــــــــا اختي العزيزة انجي ...
فعلا" انت انسانة صبورة وهذه القصة جاءت بالوقت المناسب لانه اعتقد كلنا الي منتظرين الموافقة الامنية محتاجين جرعة صبر وانتي اعطيتينا ياها من خلال رحلتك ...
والشي الثاني انه كما قال احد الاخوة بالردود السابقة انه فعلا شي رائع انه شخص يمر بكل هذه الظروف الصعبة ويبقى محتفظ بهذا القلب الطيب وهذه الرقة ....


عندي طلب واتمنى مايكون تدخل بخصوصياتك بس اتمنى تكتبين مذكراتك لانه حياتك حافلة بمواقف كثيرة راح تفيد كل من يقرأ هذه المذكرات بعدك وسواء كانت تجارب نجاح او فشل فأنا متأكدة انت فخورة بهذه التجارب لانها صقلت شخصيتك.

اختك myiraq

angie-dawood

  • زائر
صار حبيبتي  بعيوني طلبك بس امهليني كم يوم واني بالخدمة لاغلى واروع اخوة واخوات

غير متصل عراقي وافتخر 4

  • مبدع قسم الهجرة
  • عضو مميز
  • *
  • مشاركة: 1369
  • اذا دعتك قدرتك على ظلم الناس فتذكر قدرة الله عليك
    • مشاهدة الملف الشخصي
    • البريد الالكتروني
وهكذا بدا بشار برحلة جديدة  ;D ;D ;D......اخت انجي قصتج صراحة درامية ومؤثرة وماادري ليش ذكرتني بكارتون بشار  ;D ;D ;Dاشكد اتعذب ;D ;D ;D بس بالنهاية التقى بامه ;D ;D ;D ...الشكر الجزيل لسرد قصتج واعتقد الكل اخذ الدرس والعبر منها والحمدالله الله وفقج لان تستاهلين كل خير والله ينطيج الصحة والعافية

غير متصل cricket

  • عضو فعال جدا
  • ***
  • مشاركة: 296
    • مشاهدة الملف الشخصي
    • البريد الالكتروني
الاخت الكريمه انجي
انا رايي لانك انسانه طيبه فالله سبحانه وتعالى كان دائما يسخر لك الطيبين في طريقك واتمنى لك الموفقيه اختي الكريمه ( اذا تكدرين انطيني اوصاف القجغجي  اذا الزمه اهنا بلاس فيغاس والله اشبعه كتل واجيبلج الالف دولار مالتج )

اخوكي كريكت

لاس فيغاس
حكمة اليوم ...
ياحافر البير لاتغمج مسا حيها ............. خاف الفلك يندار وانت تكع بيها

غير متصل y.a.r.a

  • مبدع قسم الهجرة
  • عضو مميز جدا
  • *
  • مشاركة: 4817
  • الجنس: أنثى
  • سالت غروب الشمس؟؟ هل سيكون هناك شروق جديد
    • مشاهدة الملف الشخصي
حبيبتي انجي الله ايساعد كلبج شكد متحمله
وان شاء الله النتيجه خير
ياربي ايعوضج عن كل خطوه نجاح وحسنه
[]
*النفوس بيوت أصحابها ;فإذا طرقتموها فاطرقوها برفق

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
اوووووووووووف انجي
الله يساااااااااااااااااعدج

غير متصل eboo

  • عضو فعال جدا
  • ***
  • مشاركة: 543
    • مشاهدة الملف الشخصي
والله يا اختي يا انجي ماكو كلمات اكدر اكوله الج غير شي انتي مثل للصبر والله يمكن هاي لو اني ما كان اتحملت ابد لكن بعد ما قريت هاي القصه اشجعت اكثر ربي يوفقك ويحميكي ويحرسك ويرزق يا رب امين

غير متصل Haider 67

  • عضو فعال جدا
  • ***
  • مشاركة: 339
  • الجنس: ذكر
    • مشاهدة الملف الشخصي
    • البريد الالكتروني
رائعة انجي مهما قلت لن ازيد عن ما قاله اخوتي اعضاء المنتدى والله ما ينسى تعبك ويوفقك ان شاء الله ويعوضك عن سنوات التعب والمعاناة وانت تستاهلي كل خير

غير متصل جوني جاك

  • عضو فعال جدا
  • ***
  • مشاركة: 658
  • الجنس: ذكر
  • مابقى عقل براسي ( هذا هو حالي )
    • مشاهدة الملف الشخصي
الاخت انجي
قصتك صعبة جدا ومو كل واحد يشوف هذا اللي شفتي والله يوضعة بميزان حسناتك ان شاء الله
وانت صدقيني رفعتي معنويات هواية ناس واني اولهم ويارب بعد متشوفين يوم مو زين بحياتج
جوني جاك
()

منتظر الموافقة الامنية منذ السادس 2009

غير متصل دنفش

  • عضو فعال جدا
  • ***
  • مشاركة: 204
    • مشاهدة الملف الشخصي
هاهي خلصت القصة واللة ما يعجبني تخلص  اخت انجي هل من مزيد  رجاءء
واللة مناضلة واللة يبارك بكل خطوة من خطواتج وخصوصا السياقة ههههههههههه

غير متصل ammar4_u

  • عضو فعال جدا
  • ***
  • مشاركة: 239
    • مشاهدة الملف الشخصي
الله يكون بعونج ويعوضج عن كل هذا التعب ويارب يرزقك اكثر واكثر ...
طلعتي ولا ب 100 رجال على الضروف الي مريتي بيه والي عشتيه والي كل ما احاول اخيل لنفسي انه اني امر بيه او اضع نفسي بمكانج صراحة ما اتخيل رح اتحمل ربع الي انتي شفتيه مو لانه اني بطران بالعكس الي مر علينه كعراقين مينوصف بس لان الي مريتي بيه معاناة بمعنى الكلمة

تقبلي مروري

عمار

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اختي الكبيرة انجي
ربنا يحميج من الحوادث المرورية وغير المرورية ويطولنا عمرج
اني قريت كل الاجزاء بدون الردود لان ما لاحظت اكو اسألة واجوبة ونقاشات بهالموضوع المهم جدا عدا كم مداخلة لبعض الاخوة والاخوات مشكورين
طبعا القصة روعة ولو اني والاعضاء اللي صارلهم سنة وفوك بالمنتدى يتذكرون معضم هالاحداث
بس عاشت ايدج لتذكير الاخوة والاخوات الجدد واتمنى ان يتعلمون ويستفادون من هالقصة الرائعة من الكفاح
وهنا اني عندي فد مداخلة واتمنى تنورينا اكثر بأجوبة تريحنا

بالنسبة للاعمال اللي مارستيها
انتي هذا العمر كلله تشتغلين عاملة على انواع واشكال المكاين وهذا شي غريب اني اشوفة
لان حسب ما اتفضلتي انه انتي وكل العراقيين كانوا من اكثر العمال انجازا وحرصا
زين جان اكو احتمال لو شركة الادوات الاحتياطية اللي تابعة لكرايزلر اللي اخر شي دتشتغلين بيهه ما معزلين بسبب الازمة الاقتصادية....جان اكو احتمال تصيرين انتي السوبرفايزر (يعني مشرف عالعمال مثل هذا الخوش ادمي اللي كان شاد وياج ووية العراقيين) بسبب خبرتج الطويلة بهالعمل؟؟؟؟
لو هم عدهم العامل يبقة عامل طول عمره
احنا نعرف انه قابلياتج بالحاسبة والانترنت كلش زينة
وسياقة وماشاء الله من الحوادث هسه اكيد صايرة اقوى سائقة بديترويت
هاية المؤهلات ما خلتكي تدورين شغل اقل تعبا جسديا ... يعني مثلا شغل مكتبي لو اي شي بعيد عن المكائن والعنف؟؟

هل السبب هو ضعف اللغة الانكليزية بعد كل هذه السنين؟؟ لو هو عدم توفر الشهادة الجامعية؟؟
بالمناسبة ما فكرتي تكملين كلية ودراسات عليا ومن هالسوالف ؟؟ لان اللي اعرفة انه وضعج المادي جيد ما شاء الله

ارجو ان تكون مداخلتي وجوابج عليها مفيدة للاعضاء وان ما تتعبج الاجابة لان فعلا ما قصرتي

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Shebo

  • مبدع قسم الهجرة
  • عضو مميز جدا
  • *
  • مشاركة: 2466
  • الجنس: ذكر
  • خاشوكة خاشوكة تنترس البستوكة
    • مشاهدة الملف الشخصي
طبعا اني هسه قريت الجزء الرابع اخت انجي مشكوره مقصرتي وربي يحفظج من كل مكروه وانشاء الله ماكو بعد حوادث هواي استفاديت من تجربتج بس اختي سعر لساعه 7 وربع هذا جان بياسنه لان هنا باوستن لمنيمم علساس 7 وربع
غيمه الحزن وتعدي عنك سهام الغدر كلهن خطنك
عراقي الاسم وأبيض ضميرك ولدنيا كلها يفيض خيرك
جف الفتن لا مايديرك يلي أنت منا وأحنه منك
باجر ترد كل العصافير تمله السما لو رادت تطير

غير متصل мαяyαи

  • عضو مميز جدا
  • *****
  • مشاركة: 2683
  • تميز بما شئت..لكن لا تتكبر ابداً
    • مشاهدة الملف الشخصي
الله يساعدج اختي العزيزة انجي على هالمعاناة والله صدك قصتك مؤثرة ومحزنة ونتمنى الي هسة دينقبل اي دولة وما يكون رايدها يتذكر هاية القصة المؤلمة حتى ما يتبطر عالنعمة الي الله دينطيها واليو ان ما مقصرة الحمد الله ، الف الحمد الله على وصولك لبر الامان ونتمنالك الموفقية يارب.


†يــارَبِّ اجْـــعَــــــلْ الْــــــــقَــــــــادِمْ أَجْـــــمَـــــلْ مِـــــنْ كُــــــلْ الــتَّــــوَقُّــعَـــــــــاتْ †

http://www.youtube.com/watch?v=7F4xs2DtyOQ        

http://www.youtube.com/watch?v=T_aDpp4oojs&feature=youtu.be

غير متصل احمد عباس

  • عضو مميز
  • ****
  • مشاركة: 1041
  • الجنس: ذكر
    • مشاهدة الملف الشخصي
انجل اني هسه ادرس فنون تلفزيون ومن ضمن دراستي اكو ماده السيناريو

واني هل ماده اموت عليها احسن ماده بيها

شنو رايج القصه مالتج اكتبها سيناريو سولفي القصه لحد اليوم


بس اولي قصتج طويله مو اقل من 150 ورقه من هاي الكبار


صراحه يعني قصتج تستاهل السيناريو والتعب
الله | الوطن | الامنيه


غير متصل chaldian prince

  • عضو فعال جدا
  • ***
  • مشاركة: 526
    • مشاهدة الملف الشخصي
    • البريد الالكتروني
والله انجي واني دا اقرا اضحك والدمع بعيني شلال ذكرتيني باسوء ايام مرت بي .


غير متصل Alawi

  • عضو فعال جدا
  • ***
  • مشاركة: 269
  • الجنس: ذكر
  • المحبة هدية الرب وهي شيء ثمين
    • مشاهدة الملف الشخصي
ايييييييية هذا هو العراقي...
اخت انجي قصتك ذكرت كل واحد وصل الهنا ابقصته .. لان اكيد كل واحد عنده قصه ما اعتقد اكو عراقي ماعنده قصه. قصتك من القصص الممتعه جدا واللي اتعلم الاصرار والنجاح ...
ومن صبر ظفر

يارب يحفضك ويعطيك ويرزقك ويحميك من كل مكروة ويحمي ويعطي كل عراقي لان شفنه الويل

جزيل الشكر على سرد هالمعاناة

وياريت الكل تكتب معاناتهه بالحياة لان مثل هالقصص اتزيدنه عبر واصرار وتحدي للحياة ويارب نسمع اخبارك الطيبة .. مشكورة يا ملاك المنتدى

تقبلي امنياتي
اخوكي علاوي
كولورادو

angie-dawood

  • زائر
شكرا لمروركم لموضوعي اخوتي الغالين بالنسبة الي دافكر بعد ما راح ادخل للموقع مال الهجرة والاجئيين انشاءللة عن قريب راح اكون بس بغير مواقع واي خدمة تريدوها مني اني اختكم دائما باي سؤال واي خدمة اعذروني خاف اختفيت من الموقع لا تستغربون واسفة لذكر السبب 

غير متصل Tik Tak Tik Tak

  • عضو فعال
  • **
  • مشاركة: 67
    • مشاهدة الملف الشخصي
أخت انجي انتي ما ستأذنين من اخوتج و خواتج الصغار ...انتي تأمرين و ماقصرتي و كفيتي و وفيتي ....انشالله موفقه بكل خطوه ..بس الشئ الاكيد انو راح نفتقدج و مكانج حيبقى خالي لكن مكانج بقلوبنا حيبقى هو هو .

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اختي العزيزة
بس لو تجاوبين على اسألتنا كل ما يصير عندج وقت
ومعذورة اذا مشغولة

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Baghdady73

  • عضو فعال جدا
  • ***
  • مشاركة: 671
  • الجنس: ذكر
    • مشاهدة الملف الشخصي
الاخت العزيزة انجي..الحقيقة قرات الموضوع اكثر من مرة وحقيقة ما اعرف شكتبلج بس اكول انو انتي مثال للبنت العراقية المكافحة اللي مع الاسف جبرتها الظروف مثل الاف غيرها الى تحمل مشاق الحياة واختيار البديل الاصعب من اجل حياة مستقرة وامنة..ذكرتيني برحلتي في نهاية التسعينات من ايطاليا الى المانيا..الحمدلله تنذكر وما تنعاد والحمدلله انك بخير وتحياتي وسلامي

بغدادي
عضو فرقة سان دييغو للحزب تنظيم ابراهام لنكولن


غير متصل Wingo

  • مبدع قسم الهجرة
  • عضو مميز جدا
  • *
  • مشاركة: 2853
  • الجنس: ذكر
  • UNHCR 2008 .........................عمّان IOM 2009
    • مشاهدة الملف الشخصي
و الله يا أختي الغالية قصة مؤثرة جداً
الحمد لله على سلامتك من كل الظروف اللي مريتي بيها
ربنا الكربم له حكمة في كل ما يجري في هذا الكون و يمكن هذه الظروف اللي مريتي بيها هي اللي جعلت منك هذا الملاك المكافح اللي يحب الخير و مساعدة الناس
و هذا اللي يخلينا كلنا ندعيلك بالليل و بالنهار لما قدمتيه من مساعدات لأخوتك و أخواتك داخل و خارج المنتدى

الله عز و جل يحميكي من كل مكروه و الله لا يحرمنا من إطلالتك البهية في هذا المنتدى
تحياتي

Wingo
"اللّهم رحمتك أرجو فلا تكلني إلى نفسي و لا إلى أحد من خلقك طرفة عين و أصلح لي شأني كله لا إله إلا أنت"


غير متصل الدوسرية

  • عضو
  • *
  • مشاركة: 25
    • مشاهدة الملف الشخصي
سؤال الله يحفظكم
« رد #127 في: 19:34 21/01/2010 »
أخت انجي والله انتي بطلة هاي الظروف المريتي بيها رجاجيل مايتحملوها بس الله يساعدج ويسعدج بحياتج  تحياتي الج.

angie-dawood

  • زائر
الف شكرا لكم اخوتي الغالين والي رجعه معكم لتكملت التجارب التي مرت بحياتي من كل انواع تجارب العمل وتجارب الغربة ارجو ان تكون ذات فائدة لكم انشاءللة بالمستقبل وربي يوفقك الكل   انتظروني قريباااااااااااا

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
زميلتي انجي
قريتي ردي الاول والاسالة اللي بيه ؟؟؟ ??? ??? ???
اذا تريدين اعيده واسويه على شكل نقاط حتى يكون اوضح

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

angie-dawood

  • زائر
اخي الغالي فنجنزوا راح اجاوب على اسئلتك من اكمل لنهاية وانت راح تعرف الجواب من ضمنها والف شكرا لمرورك صفحتي تامر اخي فنجنزوا

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
تسلمين وتعيشين اختي الغالية
و لو تتفقين وية زميلنه كاتب السيناريو يرتبهه بفلم او رواية لان العالم كلله يحتاج يسمع هالقصة ويتعلم

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
اختي انجي شنو نسيتيني ؟؟؟؟ اني بعدني بانتضار اجوبة

ومبروك على كل هالاشرافات بمنتديات همبولي
http://www.hamboly.com/vb/

بس ديري بالج من هاي المنتديات اللي تريدين تتفرغيلهه تره كلهه تحشيش وحشاشين واني اتذكر زعلتي من عندي وانمنعت 20 يوم ما انساهه لان بوكتهه كلتي على اساس متعرفين شنو يعني حشاشة من مرة اتشاقيت وياج بيهه (بوقتهه انتي واحلى بابلية ومظلومة وثنينهم ما اعترضوا بس انتي كلش زعلتي...تتذكرين ؟؟؟)

بالمناسبة هذا المعمل مال السيارات اللي تشتغلين بيه شنو غلسوا عليكم ؟؟؟ يعني ما راح يرجعوكم للشغل ؟؟؟ واذا رجعوكم شلون راح تلحكين على كل هاي المنتديات ؟؟؟

سؤال لاخ دايخ بيه من زمان
انتي محصله جنسية امريكية ورى كل هاي السنين لو لا؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل marhan

  • عضو فعال
  • **
  • مشاركة: 42
    • مشاهدة الملف الشخصي
هاي كل العراقيين خطيه الله يصبرنا ويعوضنا ان شاء الله 

غير متصل اياد عطران

  • عضو
  • *
  • مشاركة: 26
    • مشاهدة الملف الشخصي
    • البريد الالكتروني
الله الله يساعدج على هال الضيم واحنى نفتخر بيج لانه صدك الله وكفلج ونطالج هذه القوة والصبر على كل شي  وصدك انتي بنت مباركه والله يحميج وينطيج على كلبج باسم وقوه يسوع صديقتج شيماء

angie-dawood

  • زائر
الف شكر عمري شيماء للدعاء ربي يبارك بيكم والف شكر لكم احبتي لمروركم موضوعي ربي يبارك بيكم كلكم

غير متصل كمال الشاطيء

  • عضو مميز
  • ****
  • مشاركة: 1236
  • الجنس: ذكر
  • مادام الرب راعيني فلا شيء ينقصني
    • مشاهدة الملف الشخصي
    • http://office.microsoft.com/ar-sa/help/HA100398981025.aspx#20
    • البريد الالكتروني
الاخت العزيزه انجي الله يعينكم على الي شفتوه والله يعوظكم كل الخير والحمد لله صارت سوالف وصدقيني قصتك مشابها لما حصل معنا عام 1995 وهذا حال العراقيين ولكن انا رجعوني من تركيا للشمال والحمد لله الله عوض صبرنا خير ويارب تتسهل امور كل العراقيين

اخوك كمال




قوس المدخل في ولاية ميزوري Missouri St - Louis مدينة سانت لويس

angie-dawood

  • زائر
اختي انجي شنو نسيتيني ؟؟؟؟ اني بعدني بانتضار اجوبة

ومبروك على كل هالاشرافات بمنتديات همبولي
http://www.hamboly.com/vb/

بس ديري بالج من هاي المنتديات اللي تريدين تتفرغيلهه تره كلهه تحشيش وحشاشين واني اتذكر زعلتي من عندي وانمنعت 20 يوم ما انساهه لان بوكتهه كلتي على اساس متعرفين شنو يعني حشاشة من مرة اتشاقيت وياج بيهه (بوقتهه انتي واحلى بابلية ومظلومة وثنينهم ما اعترضوا بس انتي كلش زعلتي...تتذكرين ؟؟؟)

بالمناسبة هذا المعمل مال السيارات اللي تشتغلين بيه شنو غلسوا عليكم ؟؟؟ يعني ما راح يرجعوكم للشغل ؟؟؟ واذا رجعوكم شلون راح تلحكين على كل هاي المنتديات ؟؟؟

سؤال لاخ دايخ بيه من زمان
انتي محصله جنسية امريكية ورى كل هاي السنين لو لا؟؟






فنجنزوا راح اجاوب بس على اخر سؤال لانه احتمل يكون سؤال عادي
نعم اخي اني عندي الجنسية الامريكية من 12 سنة

وبنسبة لاشتراكي بغير منتدى اعتقد هاي شي خاص بيه ومو من حق اي شخص يحاسبني مثل ما اني ما املك الحق اتدخل بخصوصيات احد ورجاءءءءءءءءءءءءءءءء رجاءءءءءءءءءءءءء لا كل شوية تكتب شي وتريد ارد ارجوك اخي اني بلا شي روحي طالعة من الدنيا كلها هذا المكان الي كنت ارتاح بيه وهم هذا راح اتركه ارتاحيت هسى   اشكرك جدا 

angie-dawood

  • زائر
شكرا لك اخي كمال وشكرا لمرورك موضوعي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
ليش اكو سؤال عادي وسؤال ملون ؟؟؟

عمي اني اسف اذا طلعت روح احد بس ترة دا ابارك مو احاسب
اني شعلية عسى ما تفتحين عشرين منتدى

يعني لا راح تجاوبيني على اسالتي القديمة اللي بالموضوع اللي انتي وعدتيني تجاوبين عليهه
ولا عالجديدة!!!
هاية وحدة وياج

زين عندي طلب
بلكي فد موضوع زغير يمته ميصير عندج وقت على اجراءات التقديم عالجنسية

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

angie-dawood

  • زائر
المشكلة انو انت كلبك طيب الى درجة وكلامك مرات هو فعلا يجرح بس مو حقد وانما على نياتك بس رغم كل شي انت تبقى اخ غالي وعزيز عليه وطلبك بعيون تدلل اخي الغالي واني اسفة خاف كنت شوية عصبية لانه فعلا اني كلش ضايجة من حياتي ومن الدنيا كلها وفعلا اريد اترك هنا مو نهائي وانما اقل بهواية من قبل  وطلبك على العين والراس بس مو هسى الاسبوع الجاي انشاءللة وهنا راح اكتبة الك   تحياتي لك

غير متصل 3booda

  • عضو فعال جدا
  • ***
  • مشاركة: 146
    • مشاهدة الملف الشخصي
    • البريد الالكتروني
اي يا اخت انجي اشكد تشبه قصتي بس اني ما وصلت لليونان

غير متصل Mazen Al-Baghdadi

  • عضو مميز
  • ****
  • مشاركة: 1150
  • الجنس: ذكر
    • مشاهدة الملف الشخصي

الله يساعدك اخت انجي على هذا التعب والضيم الي شفتي بس الله ارحم الراحمين
يارب يعوضك على التعب الشفتي ..........واحنه العراقيين متعلمين على التعب والضيم
وهواي اعرف ناس مثل قصتك بس الله عوضهم ؟
وكافي محبه كل المنتدى الك واحنه كلنا اخوتك
طريقك مليئ بالاحجار....فلا تتعثر  بها بل اجمعها.......وابني بها سلما"تصعد به الى القمه

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
شكرا اختي الوردة عالكلمات الحلوة
اليوم واني دا اسوق رايح للشغل اجا ببالي سؤال صفنت بيه هم يخصج واذا محرج جاوبيني عالخاص (ولو دا ادوخج باسالتي بس انتي اقدم وحدة عدنا بامريكا)
ورى الحرب مباشرة صارت عدكم (يعني انتو الامريكان من اصل عراقي) شغله تخبل وبيهه كرف فلوس وراتبهه حوالي من 120 الى 200 الف دولار بالسنة ويكيفون بالذات عاللي اصلهم عراقي....شعجب ما فكرتي بيه؟؟؟؟

ها نسيت الشغله هي متعاقد وية الحكومة الامريكية ووزارة الدفاع كمترجم للجيش بالعراق CAT II (سامعة بيهه؟؟؟)

مو جانت احسن من شلج بهذا المعمل ؟؟؟
زين عندج كرايب لو اصدقاء قدموا عليهه وانقبلوا ؟؟؟

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل proph1

  • عضو فعال جدا
  • ***
  • مشاركة: 368
  • الجنس: ذكر
  • الرب راعي فلا يعوزني شيء
    • مشاهدة الملف الشخصي

شكرا اختي انجي عالموضوع ومشاركتج النا بتجربتكي
والله يساعدج على هذا التعب
والله يوفقج وين مارحتي

تحياتي وتقديري


خلق الله اذنين واحدة تسمع الرأي والاخرى تسمع الرأي الاخر وعقل الانسان كائن بين الاذنين يزن كلاً من الرأيين

غير متصل vaio

  • عضو فعال جدا
  • ***
  • مشاركة: 330
  • الجنس: ذكر
    • مشاهدة الملف الشخصي
تحية اعتزاز واحترام لاختنا العزيزة انجي كان الله في العون على الماضي والحاضر لكنها سنة الحياة فالاهداف الكبيرة تتطلب تضحيات كبيرة ايضا  وفوق هذا وذاك فان هذه التجارب هي التي تبني الشخصية  وتعطي الرصيد الذي لا يفنى  .... فهي بحق ليست قصة مؤثرة فقط بل هي مفخرة ووسام شرف يزين حياتك الى الابد ...... بارك الله بك وجعل حياتك مليئة بالخير والعطاء

واذكر اخونا العزيز  فنجينزو باحترام رأي واختيار اختنا انجي والابتعاد عن الاسئلة الشخصية وتمنياتنا لك بالتوفيق .


                                  اخوكم   فايـــــــو 

غير متصل bobon

  • عضو فعال جدا
  • ***
  • مشاركة: 78
    • مشاهدة الملف الشخصي
الى الاخت انجي صح اني ماعندي ميانة بس انتي اختي ولله اتأثرت بس المفروض بس لازعلين هوة ابأء رأئي المفروض يصير فلم بهوليود بما انتي بأمريكا حتى يصعد بشباك التذاكر ولله مو شقة واعذريني اذا اسئت بأدبي بس انتي بعشرة رجال ولله مع الاحترام للاخوان
احترم الام والعراقية لانه تولد شجعان ومحاربات ولله  سلامي الى انجي البطلة

غير متصل ال رداد

  • عضو فعال جدا
  • ***
  • مشاركة: 392
  • الجنس: ذكر
  • ابو علاء
    • مشاهدة الملف الشخصي
اذا تحتاجون شرطي للفلم  زوجتي بلخدمه ام علاء هههههههه   طبعا اني  ودي اسال بس انتي مرات ماجاوبيني  فاحسلي اتابع الموضوع  والكي اجوبه لاسالتي هههههه  يمته الفلم بلغوني وام علاء برسم الخدمه  تحياتي يابطله
لااله الا انت سبحانك______________ اني كنت من الضالمين

غير متصل ال رداد

  • عضو فعال جدا
  • ***
  • مشاركة: 392
  • الجنس: ذكر
  • ابو علاء
    • مشاهدة الملف الشخصي
وعندي مداخله بسيطه انجي احنه اتعودنه عليج  واني واحد من الناس الله شاهد  من اشوف اسمج بلمنتدا اكول ايييييي ليوم اخبار حلوه   واني اعرف ان اعضاء المنتدا بدون استثناء كولهم يحبوج  والج منزله خاصه عدهم  وماصور تروحين وتعوفينه بدون سبب مقنع  لانج اخت عزيزه وغاليه اما لبعض الردود والاسالا من الاخوا ترا يحبون يلاطفون  اختهم انجي لتروحين بغير راي وارجع واقول  مثل ماقال العرب الاولين الي اني منهم  انتي حبل من حبال المضيف   وماقول بعد اكثر لانج غنيه عن التعريف
لااله الا انت سبحانك______________ اني كنت من الضالمين

angie-dawood

  • زائر
اذا تحتاجون شرطي للفلم  زوجتي بلخدمه ام علاء هههههههه   طبعا اني  ودي اسال بس انتي مرات ماجاوبيني  فاحسلي اتابع الموضوع  والكي اجوبه لاسالتي هههههه  يمته الفلم بلغوني وام علاء برسم الخدمه  تحياتي يابطله


واللة ههههه ضحكتني رغم ما كان عندي نفس لاي شي بس ردك فعلا ضحكني اخي العزيز ام علاء تكون تاج على راسي مو شرطي اصلا هي تكون المخرجة مال فلمي واللة راح تخلوني اسوي فلم وما اشوف نفسي راجعه لجزر يونان وين ما كنت قبل  من ورى القصة والفلم
تسلم اخي الغالي للمرور وسلامي للغالية ام علاء ولك وعلاء

غير متصل ال رداد

  • عضو فعال جدا
  • ***
  • مشاركة: 392
  • الجنس: ذكر
  • ابو علاء
    • مشاهدة الملف الشخصي
الله يرضا عليج اختي انجي والله وجودج ويانه يشرفنه ومن اشوف طلتج الحلوا علينه نكون مسرورين تحياتي الج واتمنالج الخير والتوفيق
لااله الا انت سبحانك______________ اني كنت من الضالمين

غير متصل DeMeNtiA

  • عضو فعال جدا
  • ***
  • مشاركة: 327
  • Hurted
    • مشاهدة الملف الشخصي
شرفوا صفحتنا على الفيس بوك
http://www.facebook.com/MarYomTy
اعملوا لايك

غير متصل فداء الروح

  • مبدع قسم الهجرة
  • عضو فعال جدا
  • *
  • مشاركة: 797
  • الجنس: أنثى
  • القناعة كنز لا يفنى
    • مشاهدة الملف الشخصي
حبيبتي انجي الله يباركج هاي الرحلة مالتج الي بنيتيها على هالتضحيات رائعة بكل المقاييس صدكيني بكل ما تحمل من الآم وتعب وهاي روحج الحلوة الي تملكيها حتى في وصف معاناتك تهون عليج وعلينا صدكيني الي دنشوفه ونمر بيه .. الله يبارك تعب محبتك وحياتك اختنا الحبيبة الرائعة .
كل محبتي واحترامي .
فداء
VIVA IRAQ <3

غير متصل مظلومه سوادي

  • مبدع قسم الهجرة
  • عضو مميز جدا
  • *
  • مشاركة: 3860
    • مشاهدة الملف الشخصي
عيني انجي

خلي يشوفون المعاناة الي عانيتيهه
وانت بنيه ووحيدج سووووووووووده عليه
الله يعوضج صبرج خير امين يارب العالمين

غير متصل مظلومه سوادي

  • مبدع قسم الهجرة
  • عضو مميز جدا
  • *
  • مشاركة: 3860
    • مشاهدة الملف الشخصي
عيني الغاليه انجي
بس حبيت اسال سؤال
يش رحتوا لليونان تقدمون لجوء مناك وشمعنه اليونان موتركيا
وليش ماقدمتوا من الاردن


angie-dawood

  • زائر
حبيبتي مظلومة وقت خروجي من العراق كان اكو برنامج لجوء اخت لاختة اقرباء اصدقاء خطوبة هيجي جان مو مثل هسى القوانين تغيرت وباليوان كانت اسرع مكان للحصول لجوء وتكملت معاملتها وهم اني اليوان اكثر مكان عجبني اكون بيه بقيت بالاردن 6 اشهر بدون فائدة وبقيت بتركيا شهرين كلها معانات السجن والجو وحتى تمرضنا هناك بسبب الحشرات كانت مثل بق تكرس وكلنا صرنا مريضين بسبب هاي الحشرات فااليوان كانت احسن بلد النا للانتظار المعاملة والسفر وحمداللة كلشي

غير متصل مظلومه سوادي

  • مبدع قسم الهجرة
  • عضو مميز جدا
  • *
  • مشاركة: 3860
    • مشاهدة الملف الشخصي
عيني انجي
عاشت ايدج ياورده
وربي يعوضج خير امين

غير متصل BlindSniper

  • عضو فعال جدا
  • ***
  • مشاركة: 133
  • الجنس: ذكر
  • الامـــــل,,**,,ربمـا يتـلاشى .. لـكن لا ينعـــدم
    • مشاهدة الملف الشخصي
اختي انجي العظيمه الصراحه تعجز الكلمات عن التعبير والله اقرا القصه مره اضحك ومره ابجي ما اعرف شكول بس هذا العذاب والكفاح اللي مرتي بيه والله مايكدر عليه بس اللي عنده عزيزمه وصبر قوي
وطبعا احنا جدا نشكرك على وقتك والنصائح والعبر اللي قدمتيها  النا من خلال شرحك للقصه
 واسال الله يوفقج ويفحهاعليج ب1000000000 خير وادعو الله يسهل علينا وتخلص معاملاتنا على خير

غير متصل ali.cooom

  • عضو فعال جدا
  • ***
  • مشاركة: 129
    • مشاهدة الملف الشخصي
تحياتي انجي

بصراحة
 كنت اعتبر قصة مؤسس شركة هوندا هي اكثر قصة انسان كافح ليصنع لنفسه المستقبل

ولكن بعد ان قرأت قصتج
غيرت رايي فعلا

الله يوفقج و يرزقج كل الخير و تحققين كل احلامج
فعلا تستاهلين الخير كله


فعلا فلم و اتوقع لو شركة فوكس تنتج قصتج ابفلم
يحقق الفلم ارباح و شهرة تفوق الارباح و الشهرة الي حققها الفلم الجديد الي نزل قبل شهر و شوية والي صار اكثر فلم ارباحا في تاريخ السينما AVATAR
 ;D ;D ;D ;D

يصير التسلسل لاكثر الافلام ارباحا في التاريخ  حول العالم  هو

 THE AnGie story
AVATAR
TITANIC
..........
 ;D ;D ;D
فلم قصتج يسوي ضجة اكثر من الضجة الي سواها افاتار هلايام

تحياتي الج يا اميرة




غير متصل متوكل على الله

  • عضو فعال جدا
  • ***
  • مشاركة: 394
  • الجنس: ذكر
    • مشاهدة الملف الشخصي
تحياتي اختي الغالية انجي

يعني الاخوات والاخوان ما تركولي شي اقوله

بس اكول اكيد انتي انسانة قوية وجريئة وصبورة وذكية ... والاكيد انك انسانة خيرة ... لأن الله سبحانه وتعالى ابد ما يتخلى عن اي انسان طيب .....

قصتك درس غني وخصوصا للشباب .....

الله يبارك بيج .... بس هسه يللا عرفت سبب الانهيار الاقتصادي العالمي

تدرون شنو؟؟؟؟

السبب هو تعويضات شركة التامين لاختنا انجي لتغطية الحوادث سببت انهيار اقتصاد امريكا ... اعتقد بس مو متأكد

تحياتي للجميع
اللهم لا اله انت سبحانك عليك توكلت انت مولانا ورب العرش العظيم

غير متصل حيدر6

  • عضو فعال
  • **
  • مشاركة: 38
    • مشاهدة الملف الشخصي
والله  العظيم قصتج تبجي الميبجي

الله يسعدج ويفرحج بالايام القادمة

عجزت  كلماتي عن الرد

غير متصل raadshab

  • عضو فعال جدا
  • ***
  • مشاركة: 222
    • مشاهدة الملف الشخصي
    • البريد الالكتروني
الخت انجي الغالية
سبب فشلي في الدراسة هو لا احب القرائة
ولكن اقولها الان لو كل شيء كتب بهذا الطريقة الرائعة والصادقة لتغيرة نضرتي للقرائة
لم اكمل في قرائتي موضوع واحد وكنت اطفر في القرائة بين الاسطر وافرح عندما ينتهي الموضمع
فقط في الموضوع الذي قرئته الان قرئت كل كلمة ولم اطفر اي سطر وحزنت عندما انتها الموضوع
معجب بشجاعتك واصرارك وكتابتك وكل شيء
شكرا على الموضوع الجيد جدا
واحلى ما فيك انك محبة للخير للكل وتساعدين الكل حتى وان كانت اسئلة مكررة او بسيطة
اتمنى لك التوفيق من كل قلبي
اخوك رعد من بغداد الان ولا ادري في المستقبل اين

غير متصل اسيرالروح

  • عضو فعال جدا
  • ***
  • مشاركة: 135
    • مشاهدة الملف الشخصي
والله يااخت انجي اعجز عن التعبير الي اكتبه  اكتب بطله لو شجاعه لو مخلصه لو مجتهده لو حريصه لو صادقه لولولو ............ بس هاي الصفات كله بيش بس رح اكلج كلمه وحده التوفيق بحياتج


وشكرااااااااااااااااااااااااا


اخـــــــــــــــ اسير الروح ــــــــــــوج


بلادي وان جارت عليه عزيزة قومي وان شحو عليه كرام

angie-dawood

  • زائر
الف شكر لكم اخوتي على مروركم وكلامكم العطر صدكوني ماكو شي يجي بالساهل كلشي بالصبر

غير متصل ام الحلوة

  • عضو فعال جدا
  • ***
  • مشاركة: 130
    • مشاهدة الملف الشخصي
والله اختنا الغالية من قبل ان تكتبي المتاعب اللي مريتي بيها كلنا عرفنا انه انت انسانة طيبة ومنبتك طيب  يعني يكفي مساعدتج ويكفي اجوبتج على كل ما يدور في بالنا من اسئلة عدا التوضيحات يا رب يوفقج بحياتج وتحققين كل احلامج وتسلمين ملاك لهذا المنتدى الرائع

غير متصل ^Miss Violet ^

  • عضو مميز
  • ****
  • مشاركة: 1137
  • F.R.E.E.D.O.M
    • مشاهدة الملف الشخصي
    • البريد الالكتروني
انجي حبيبتي هاي شنو الكفاح اللي مريتي بيه.. والله احنا بطرانين و ربي على سهولة حياتنا و على هجرتنا بهالسهولة

المهم هسة انتي الحمدلله الله عوضج خير و راحت ايام التعب و هسة صرتي امريكية :)



I am here to EXPRESS, not to IMPRESS

غير متصل تايه

  • عضو فعال جدا
  • ***
  • مشاركة: 83
    • مشاهدة الملف الشخصي
السلام عليكم

اختي العزيزة طبعا اني ما اعرف شنو اكتب وسط الدهشة!!!! الحقيقة القصة مؤثر و مشوقة اتمنى الله يوفقج لان بين السطور كان اكو الكثير من الاصرار و العزيمة و روح التحدى

من قريتها كانت مثال للمثابرة من اجل الافضل اتمنالج الحياة السعيدة .
و انصح ان تنزلين كتاب عن (رحلتي الى امريكا ) و اتصور راح يلاقي اصداء واسعة( في امريكا ) على ان تغني بتفاصيل اكثر و ممكن يكون اشهر من كتاب بول بريمير سنة بالعراق و هذا ليس من باب المزاح ابدا.
تقبلي مني التحية
اخوج تايه

غير متصل لاتحزن ياعراق

  • عضو فعال جدا
  • ***
  • مشاركة: 206
    • مشاهدة الملف الشخصي
    • البريد الالكتروني
والله ياحبيبتي ياأخت انجي قصتج جدا ملهمة وممتعة وكلش استفاديت منهة وتعلمت منهة هواية امور منهة شلون اعتمد على نفسي واتعلم الصبر واكون قوي بأصعب الصروف والله اني اريد اطلع ودائما متردد لكن من اطلعت على قصتج  شفت شكد انت انسانة صبورة وربي يحفظج ويحميج ويسعدج ويرزقج على كد طيبتج ونيتج بس اخت انجيييييييييييييييييييييي شو مكتبتي بالقصة انتي اتزوجتي لو بعدج واذكري بيت الشعر الي يكول من هاب صعود الجبالي***بقي ابد الدهر تحت الحفري

غير متصل msamoh

  • عضو فعال جدا
  • ***
  • مشاركة: 98
    • مشاهدة الملف الشخصي
احييك اختي انجي وفعلا انت مدرسة بالكفاح والجهاد والصبر تقديري البالغ لك وحفظك الله
الصبر مفتاح الفرج

غير متصل swan_mo

  • عضو فعال جدا
  • ***
  • مشاركة: 689
    • مشاهدة الملف الشخصي
تحية طيبة اخت انجي

أقف لك وبكل احترام وتقدير لكل ماصبرتي عليه من مصاعب وأكيد راح تكونين قدوة رائعة للجميع
اتمنى تكون ايامك القادمة كلها خير وسعادة ..
تحياتي واحترامي



                                                                                                       ام محمد

غير متصل (niron)

  • عضو مميز
  • ****
  • مشاركة: 1310
  • الجنس: ذكر
  • ممنوع الدخول الى قلبي
    • مشاهدة الملف الشخصي
الاخوان ما شاء الله ما قوا شئ ما كالوه وما تركو النا المجال ولو بمصطلح صغير حتى ناديك بيه بس اكولك الله يوفقك انجي بس هذا الشئ واريد اضحكك بالمناسبة تحمليني ؟
بالبداية اول ما سجلت بالمنتدى وبقيت اقرا بمواضعيك ما كنت مصور انتي هيج كنت مصور 24 ساعه كاعده على النت كولت هاي البنيه غير شئ مو مثلنا يعني من جماعه المرتاحين فكنت  مااحاول انصدم وياك بموضوع  بس من قراءت اللام مالتك على الاثاث باليونان كولت ايباه صدك الصراحة وحق لا اله الا الله عجبتيني واتمنى الله يوفقني بانه ادعولك بالانسان الي يعوضك لى هاي السنين الي قاسيتي بيها وتعبتي واني البطران لان يوميه اشتغل 14 ساعه متندم على طلعتي من العراق المهم بس من شاف مصيبة غيره هانت علىه مصيبته واشكرك على هذا الموضوع الجميل ولا نستغرب لانوحك جميله وتبقى هيج يا ربي للدوم وارجو ان تعذريني على اطالي بالرد والله يوفقك
باي حبي

غير متصل hamada2

  • نجم منتدى الهجرة و اللاجئين
  • عضو مميز جدا
  • *
  • مشاركة: 2238
  • الجنس: ذكر
  • طلبت من الادارة حذف الاكونت الخاص بي ؟ وليس حظري ؟
    • مشاهدة الملف الشخصي
كان الله في عونك في تلك الايام

المهم والاهم ربك عوضك بالاحسن والافضل

ونشالله ماننسى ربنى ونحمدة ونشكرة في كل وقت مهما حيينا . وما مرينة به من ايام عصيبة في دول اللجوء

نستفيد من ماضينا لبناء جيل افضل واحسن في كل شيء والحمد لله على كل شيء

غير متصل ولاء علاء

  • عضو
  • *
  • مشاركة: 13
    • مشاهدة الملف الشخصي
    • البريد الالكتروني
شكرا لك اخي العزيز علي والف شكر لكم اخوتي واخواتي بكل الكلام الجميل وكل الردود الرائع ربي يحفضكم ويارب توصلون الى مبتغاكم بدون اي تعب ومشقة الطريق





طبعا الجزء الثاني من مرحلة تجربتي عن اليونان ومنها الى الولايات المتحدة ستكون هنا نفس الموضوع انشاءللة الليلة اكتب عن تجربتي في اليونان هاي دعاية للفلم والقصة  ;D
الله يساعدج  انجي شنو هاي انتي شصاير بيج حسيت بالقصة تمنيت بذيج اللحظة اني اتمنيت وياج يمكن اكص من جسمي ولحمي واسويلج طعام واخيط من ثوبي حته تدفين واضل ابجي حته تروين هاي الي اكدر يمكن عليه بذاك الوكت

غير متصل تعبان وماعرف

  • عضو مميز
  • ****
  • مشاركة: 1164
  • الجنس: ذكر
  • وكل الذي تلقاه يشكو دهره ياليت شعري هذاه الدنيالمن
    • مشاهدة الملف الشخصي
    • البريد الالكتروني
كل هاي انتي ماره بي !!!!!!
صدك قصتك شيء يستحق ان يكتب قصه(الظفر بعد االمعانات )قصه من الواقع العراقي

سيدتي انتي مثل لكل امراة عراقيه صابره تحية اعجاب وتقدير

بارك الله فيكي وعليكي بعثتي فينا روح المثابره وتحمل
متى استعبدتم الناس وقد ولدتهم امهاتهم احرارا (عمرالفاروق)


غير متصل 22laila

  • عضو فعال
  • **
  • مشاركة: 52
    • مشاهدة الملف الشخصي
حبيبتي انجي انتي فعلا تعبتي ولهذا السبب انتي هسه ناجحه
حياتج موثرة جدا وتنطي عزيمه للي يفهمها
بس ديري بالج بالسواقه

غير متصل ** يدكو **

  • اداري
  • عضو مميز متقدم
  • ***
  • مشاركة: 8842
  • الجنس: ذكر
  • ماذا ينفع الانسان لو ربح العالم كله وخسر نفسه
    • مشاهدة الملف الشخصي
شكرا لك انجي على السرد المتسلسل لقصتج الواقعيه واحيجي على هذا اوتمنالك التوفيق في القادمات
على فكره انتي كنتي تستحقي الوصول للقمر هههههههههه مو بس امريكا

غير متصل اسد ديالى

  • عضو جديد
  • *
  • مشاركة: 4
    • مشاهدة الملف الشخصي
    • البريد الالكتروني
السلام عليكم  الاخت انجي   قرات قصتج واني فخور بيج وانشا الله يعوضج بايام احسن اختي العزيزة كنت  قد عرضت مشكلتي  وقد قرائها الاخ ابو غيث ووعدني بالمساعدة وقال  اخذ رقم تلفوني من الاخت انجي واكون شاكر الج  مع تحيات اسد ديالئ

angie-dawood

  • زائر
اهلا اخي الغالي اسد شونك انشاءلله ربي دوم بخير

تقصد رقم اخي ابو غيث هو كال عندي رقمه مداتذكر عندي رقم اخي ابو غيث هو يتصل دائما هنا يعنكاوه لو وين حجيت وياه !

angie-dawood

  • زائر
نعم اخي بعد حرب الخليج واثناء حرب الخليج هواية ناس  طلعوا نفس الطريق وهواي الي غرقو  ببحر بين زاخو وتركيا ديعبرون حدود عن طريق بلم صغير  حتى تكدر تسال اي واحد عن هاي الحوادث الي  صارت المهم اخي قبل ما كانت الحياة مثل هسى الشغل جان هما يتوسلون بيك والمعيشة جانت ارخص بهواية من هسى ابسط شي جنت اخلي كاز بسيارتي لو عشر دولار لو عشرين دولار جان يكفي لكل الاسبوع من روحتي لشغلي الى مرات اروح للسوك يعني المعيشة هواي احسن من هسى والشغل هم نفس الحال المهم انشاءلله تتغير الاوضاع والكل يشوف شغل ويتوفق بحياته وانت هم ربي يوفقك ويرزقك من جميع النواحي

غير متصل Haidouri

  • عضو فعال جدا
  • ***
  • مشاركة: 123
  • الجنس: ذكر
  • بلادي وإن جارت علي عزيزة وأهلي وإن ضنوا علي كرام
    • مشاهدة الملف الشخصي
اولا احب ان احيي الاخت انجي الشجاعة على بطولتها وكفاحها وان شاء الله الن حياتتها تزدهر ومن نجاح الى نجاح


فقط ملاحظة صغيرة للاخ ابو الشباب
حضرتك ذكرتك ان اللاجئين الجدد قدمو لأمريكا في طيارة ببلاش, فأحب ان اقول لحضرتك ان انا احد اللاجئين الجدد الي حضرتك نازل عليهم كلام وتعليق وان انا قد وقعت على تعهد ان ارجع ثمن تذاكر الطائرة الي اجينا بيها ( آني وعائلتي) وهي بقيمة $ 5,600  على ان تسترجع خلال ستة اشهر من زمن الوصول الى امريكا

احب ان اقول لك يا اخي ان تتأنا وان تفكر قبل ان تهاجم على بقية اخوانك العراقيين

تحياتي
..
استعجلت الرحيل ورحلت في غير اوانك

غير متصل ابو غيث

  • عضو فعال جدا
  • ***
  • مشاركة: 149
    • مشاهدة الملف الشخصي
انجي الغالية العظيمة النبيلة المكافحة النظيفة الراقية الرائعة بكل ماتحويه المعاني وفي كل اللغات
صدقيني انتظرت ان تنتهي من قصتك واكتب لك وكلما اقرأ ابكي واحس ان هناك اناس  هم كتلة من الانسانية
ولشدة مااحسست به من هول مارايت انه لم يبقى انسان طيب احس به من كل قلبي ولكن الان احسست ان هناك 
ملائكة حول قضبان الحياةالقاسية بقدر ماحزنت لقصتك بقدر ماانتابني الحزن من خبر تركك المنتدى ولو بقليل احسست انني افتقدت احد من عائلتي واقول لكي ---- اللهم يجعل لكي من كل هما فرجا ومن كل ضيقا مخرجا ويرزقك من حيث لاتحتسبين
 اللهم يرزقك راحة البال ولاترين مكروه في حياتك امين يارب العالمين لي دعاء كثير ولكن لااريد ان اطيل عليكي ولكن لي طلب صغير اميلي اكيد موجود عندك بالمنتدى امنتى ان تخبريني باي مكان ستكونين وباي منتدى لاتواصل معك ولكي فائق احترامي وتقديريلشخصك الكريم
ابو غيث


angie-dawood

  • زائر
اخي الغالي ابو غيث ثق يوم اترك المنتدى ساخبرك اي مكان اكون واشكرك جزيل الشكر

غير متصل joshua1782

  • عضو
  • *
  • مشاركة: 18
    • مشاهدة الملف الشخصي
ربي يوفقج ويحفظح وصدكيني راح نشتاق لأطلاتج الرائعة بالمنتدى........ واكاد اجزم ان قصتج نطتني وبقية  الاعضاء دفعة للمضي قدماً وخصوصاً بهذي الايام الي وصل بيها الاحباط الى ابعد الحدود نتيجة مواضيع بعض الاخوة....... تحياتي وامنياتي بالتوفيق 


" وما أستعصى على قوم منال اذا الاقدام كان لهم ركابا"   
Anyone who calls others to guidance will have the same reward as those who follow him. without that decreasing their reward in any way    
prophet Mohammed(S.A.W.W)j

غير متصل مشلوع كلبي

  • مبدع قسم الهجرة
  • عضو مميز
  • *
  • مشاركة: 1065
    • مشاهدة الملف الشخصي
حبيبتى انجى انى قرات كل الاجزاء والله ينطيج الصحه والعافيه وانقهرت ومرة كنت ابجى ومرة اضحك وقصتك بيها كل العبر النا احنا الى وصلنا جديد واحنا كعراقين متعلمين على الصبر ويارب يبارك بيج اخت وعزيزة علينا وعلى كل المنتدى.... الله يحفظج

angie-dawood

  • زائر
ويحفضكم جميعا وانشاءلله التوفيق بحياتكم اشكركم من كل قلبي على مشاعركم وكلامك الرائع

غير متصل احلى مهندسة

  • عضو فعال جدا
  • ***
  • مشاركة: 320
  • الجنس: أنثى
    • مشاهدة الملف الشخصي
عزيزتي انجي
جدا اتاثرت بقصتج وكفاحج واكيد انتي هسة وصلتي للشي اللي تريدي يمكن مو مية بالمية بس على الاقل كلما تتذكرين الماي تكولين الحمدلله والشكر
اختي احب اهنيج على هالشجاعة والصبر والتحمل لانه انتي طلعتي في وقت كلشي مختلف عن هسة يعني ماكو احد يعلمج او يدليج الا بالصدفة... احنا هسة الحمدلله على التكنلوجيا اكو انترنيت و منتديات وكل واحد بينا يكتب تجربتة والبقية تتعلم منة بس انتي جنتي مكافحة واتعلمتي من نفسج لنفسج..اتمنى التقي بيج في يوم ما و لو صدفة
واحب اكول لكل خواتي واخواني بالمنتدى او خارج المنتدى انه ماكو شي يجي بسهولة لانه اللي يجي بسهولة يروح بسهولة والحياة في اميركا او اي دولة اخرى راح تكون بدايتها جدا صعبة ولازم نكافح ونوصل للهدف اللي نريدة واهم شي منخلي الياس يسيطر علينا
يمكن طولت بالرد بس انتي قوية وعجبتيني بتصرفاتج اتمنالج كل الخير والموفقية والله يفرج همج وهم كل عراقي
اذا اردت شيئا بشدة دعه... ان عاد فهو لك وان لم يعد.... فهو لم يكن ملكك منذ البداية

غير متصل comander

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي


والله اخت انجي انتي مجاهده من صدك وربي اني جنت متررد من امكانية ان اعيش هناك؟...... بس من قريت قصتج قررت اسوي شي والحياة لازم واحد يتوقع صعوبات واتمنى من بقية الاخوان القدماء يذكرولنه معاناتهم لان هاي تنطينه دفعة معنوية جبيـــــــــــــــــــرة,
لكي مني كــــــل الاحترام والتقدير يامجاهده
الله ثقتي ورجـــائي

angie-dawood

  • زائر
شكرا اخي صدكني ماكو شي يجي بالساهل كلشي بالتعب يكون اكثر اله قيمة وثانيا اذا ما تجرب الحياة بامريكا بنفسك ما تكدر تحكم زمن الي اني وصلت بيه لامريكا غير هذا الزمان قبل الناس غير شكل والحياة تختلف هسى اخوك ما يكول الك مرحبة كيف الغريب اذا مو انت تعتمد على نفسك مايفيدك لا اخ ولا صديق اخذها نصيحة من اختك ومن تجي راح تتذكرني المهم انشاءلله ربي يوفقك بداية وصولك 

angie-dawood

  • زائر


والله اخت انجي انتي مجاهده من صدك وربي اني جنت متررد من امكانية ان اعيش هناك؟...... بس من قريت قصتج قررت اسوي شي والحياة لازم واحد يتوقع صعوبات واتمنى من بقية الاخوان القدماء يذكرولنه معاناتهم لان هاي تنطينه دفعة معنوية جبيـــــــــــــــــــرة,
لكي مني كــــــل الاحترام والتقدير يامجاهده

نصيحة اخرى اقدمها الك اي شغل يجيك اشتغل لا تكول شهادتي  وما اعرف شنو اشتغل موقت الى ان تشوف شغل من تشوف شغل لا تبطل من الاول اخذ ايجازة روح جرب الي شفته اقتنعت بيه اترك الاول واشتغل بالي من شهاتك او تشوفه احسن من الاول المهم اضمن الشغل الثاني وبعيدن بطل من الاول  والاهم لا تبقى بدون شغل وتمد ايدك حشاك للي يسوى والي ما يسوى الشغل مو عيب العيب انه امد ايدي او اسوي شي حرام مادام الشغل بشرف ما يهمني اي شغل اشتغله مال انتظر اشتغل بشهاتي هيات اشوف شغل باسرع وقت اذا ان يكون ناس هي تتوسط تشغلك والي محد يعرف خلي ينتظر سنة 20020 هاي اذا تعدل الوضع الاقتصادية !

غير متصل امل الوصول

  • عضو فعال جدا
  • ***
  • مشاركة: 840
  • الجنس: أنثى
  • ياربي تحمي اولادي وعائلتي من كل شر
    • مشاهدة الملف الشخصي
حبيبتي انجي الغالية طبعا شكد شفت بحياتي ابد مشفت مثلج ابد ابد ابد والله يخليج النا ولكل عمل طيب وخير انتي تسوي وكلش اتشرفت بمعرفتج حبيبيتي انجي اختج  :-* :D ;) :o
ربي اشرح لي صدري ويسر لي امري