مقابلة السفارة الكندية

[dodo micheal]

احبائي اعضاء المنتدى الرائع

حبيت ابلغكم انه اليوم اتصلوا بيا من المفوضية وخبروني بموعد مقابلة السفارة الكندية بتاريخ 19-1 ويارب يوم لكل المنتظرين المقابلة بالسفارة الكندية

اختكم
دودو مايكل

[عبسي]

الففففففففففففف مبروووووووووووووووك اختي دودي وان شاء الله يخابروج على موعد السفر نصيحة حددي المقاطعة اللي ابالج حتى لو ماكاتبتها بالفورمات ممكن تغيريها بس تلكيلهم سبب بسيط


عبسي

[اريد وطن]

الف مبروك اختنى دودي

اختي المقابله جدا سهله ويارب تبلغينى اعطائج اوراق الفحص والتوقيع على القرض والسفر باذن الله
اختنى العزيزه اي شي تحتاجيه اني حاضر

اخوج اريد اوطن انتضار اتصال من السفاره الكنديه بسوريا لاكمال الاجراءات -من عمان

[dodo micheal]

شكرا اخي العزيز عبسي واخي اريد وطن يارب يوم يلي تسافر

بس اريد اسألكم اليوم رحت للمخابرات علمود اطلع حسن سير وسلوك وطلبه مني ورقة اليو ان وانطيتهم الكرت الازرق طبعا تعبوني هوايا لقبلوا ب الكرت الازرق يا ريت تساعدوني يعني راح ينطوني ورقة حسن سير وسلوك لو راح يأخروها علمود ماكو ورقة يو ان والكرت الازرق باقي على الانتهاءها اسبوع

وشكرا الكم هوايا

اختكم
دودو مايكل

[lenatelecom]

الف مبروك ان شاءالله الموفقية

[اينشتاين العراقي]

اختي العزيزه دودو اول شي احب اكلج مبروك على موعد المقابله
وانشالله تكون جدا سهله
واهم شي لتخافين وخلي ايمانج بالله جبير
وصدكيني المقابله اسهل مما تتصورين بس تأكدي من الأوراق الطالبيهه منج انه جاهزه يمج حتى لا تتأخرين مثلي 3 اشهر وبالنسبه للعدم محكوميه ماطول قبلوهه منج المخابرات لتخافين انشالله تكمل بالوقت المحدد قبل المقابله وحتى اذا مكملت لتشيلين هم تكدرين تدزيه الهم على صندوق البريد الي بسوريا مال السفاره الكنديه وبدون ما تتأخر معاملتج
بس بشرينه انشالله اول ما تطلعين من المقابله بأستلام اوراق الفحص الطبي والتوقيع على القرض
وانشالله وراها حسبي بالزايد 7 اشهر للسفر
وصدك فد ملاحضه حاولي تتصلين على عناوين الاطباء الي يطوجياهم السفاره واخذي موعد اول متطلعين من السفاره حتى لا تتاخرين لان اكو بعض الناس تضن انو الطبيب هو يتصل بيهم بس هذا الأعتقاد خاطيء لانه انت لازم تتصلين على عناوين الاطباء الي راح يطوجيها السفاره انشالله
واي استفسار اني جاهز
اخوج اينشتاين

[الفريدو]

الف الف مبررررررررررررررررررررررررررررررررررررررروك اختي العزيزه  ام دودو

شايفه كل الخير وربي يوفقك ولاتخافين من  المقابله لان كلش سهله وحاولي ان تكونين مرتاحه واختصار بالاجوبه ولاتدخلين بمواضيع بعيده عن السؤال   وانشالله التوفيق وتوصلين لكندا وتشوفين البرد والثلوج


التوفيق للجميع ياربي




اخوك : الفريدو