اخواني واخواتي الاعضاء المحترمين نضرا لتصفحي جميع المواضيع داخل منتداكم المتالك ونضرا لاسئله بعض الاعضاء عن كل مايخص لبنان من من معلمومات مفيده عن كيفيه اللجوء والمقابلات والاقامات والمساعدات والمعيشه بصوره عامه كون لبنان تحتضن اكثر من نصف مليون لاجى عراقي
اولا : كيفيه السفر الى لبنان
تحجز تذكرى سفر ذهابا وايابا ونفضل ان تكون من الخطوط الجويه العراقيه لكي تستطيع ارجاع مبلغ بطاقه المرجع وان يكون معك مبلغ 2000 دولار وحجز فندق لمده يومين وفي داخل المطار تشتري اقامه اكو 15 يوم بمبلغ تقريبا 17 دولار واكو30 يوم بمبلغ تقريبا 33 دولار وتكدر اتجدد اقامتك لمده شهرين واني ما انصح التجديد بعدين نذكر الاسباب
كيفيه تقديم اللجوء داخل المفوضيه الساميه للاجئيين
يذهب طالب اللجوء ومعه الجواز ويقوم بطلب ويقوم الموظف المختص بعد التاكد من جوازه باعطائه استماره تقديم طلب تحتوي على الاسم الثلاثي واللقب والمواليد وعدد الاشخاص داخل الطلب وتاريخ دخول البلد وبعد ملى الاستماره تنتظر فتره لا تزيد عن نصف ساعه ويستلم استماره فيها شعار الامم والاسم وموعد المقابله والاكثر يكون بعد شهر او شهرين اكثر شي وفي يوم المقابله تحظر انته وجميع افراد العائله ومعك جميع المستمسكات وقبل المقبله يعطوك استماره تتكون من 8 صفحات او اكثر لا اتذكر بالظبط ومترجمه بالعربيه تكتب كل معلوماتك بعد المقابله سيتم التقاط صور لجميع افراد العائله وتستلم استماره لكل فرد من العائله تحتوي على صوره رب العائله وجميع افرادها وتكون استماره الاعتراف بكونك لاجى ومتدها سنه قابله للتجديد وتعتبر ورقه حمايه بحيث اي شي ايصيب اللاجى من مشاكل تتكفل بيها الامم المتحده وياها ينطوك موعد للمقابله الثانيه وهي ايضا تكون ما بين شهر او شهرين حسب موضوعك
وره المقابله الثانيه التي تكون نفس الاسئله التي كانت في المقايله الاولى راح ايكون ويه المقابله الثانيه ايضا التوطين الى ايحددولك الدوله فاذا كانت امريكيه راح ايكلولك انتظر منا اتصال واعتقد ايكون فتره شهرين يتصلون بيك ويحددولك موعد icm c وهاي اتكون كلش سهله مجرد ايعدلون قصتك ويقدموها للسفاره وبعدين مقابله السفير او المحلف وراها تستلم موافقه المبدئيه اذا وافق السفير عليك وراها الفحوصات وبعدين الدوره التثقيفيه وبعدين موعد السفر انشاء الله
المعيشه
اسعار الشقق في المناطق التي يسكنها العراقيين تكون مابين 150 الى 300 دولار المواد الغذائيه رخيصه مثل اسعار العراق واكو اشياء ارخص والعمل متوفر اقل عمل تقريبا 400 دولار بالشهروحسب العمل
الاقامات تكدر اتجدد اقامتك لمده شهرين بس اغلب العراقيين اهنا يمشون بورقه الامم ومحد ميسال على الاقامات لان الحكومه اللبنانيه تعرف ان جميع العراقيين همه خلسه يعني بدون اقامه وهاي تنسيق بين الامم والحكومه البنانيه لان بعد تحديد سفرك ايخابروك الامم وينطولك موعد اتراجع الامن العامه علمود تدفع الخلسه او الغرامه اتكون لكل شخص بالغ 400 دولار وكل قاصر 33 دولار من هيج محد يسال عليك لان الحكومه البنانيه مستفاده منك
ا لمساعدات المقدمه للاجى
بعد استلامك اول ورقه طلب اللجوء
تذهب الى المطرانيه ينطوك صك للتسوق لكل فرد من افراد العائله بمبلغ 30 دولار لكل شخص وبعدين اتروح لمجلس الكنائس ينطوك مساعده ايجار اول شهر واذا عندك اطفال دون السنتين راح ينطولهم حفاضات كل شهر واما بخصوص تعليم الابناء فراح يتكفلون بجميع مصاريف الدراسه واعطاء كل طفل مبلغ 70 دولار لشراء ملابس للمدرسه +جنطه تحتوي على قرطاسيه+مبلغ 100 دولار لشراء الكتب
اما الكرتاس ينطون كل نفر دوشك وبطانيه وللعائله صوبه غازيه
العلاج مجاناوجميع العمليات تتكفل بيه الكرتاس واكو منظمه دنماركيه اتزورك للبيت واي شي نقص همه ايوفرلك اياه من الحاجات الظروريه للبيت واكو في بعض الاشهر تستلم ارزاق
وبعض المساعدات تشمل جميع العراقيين باغتلاف اديانهم
واي سوال او استفسار او نقاش اني حاضر للرد
