عمر من خشب

[Akeelos]

عُمر.. من خشب
دافنيّ العشگ.. بتراب هجرك
كل يوم.. ادگ مسمار لفراگك
صدّت العتبة وطلع صبار بثيابي
عُمر.. ماضاگ منك شي
فرهدوك محاضن مخابيل
واحنه بطرگ موعد
عود اسمنه نحب..
عساها بْبْخت اليكرهون
مثل عيد الله الچبير..
تمر على دروب الشماته
وآنه شايغ من حلاتك
لا لي حوبه ولا لي خاطر
ضاگت دروبي..
وتعب شباچ بيتي من المناطر
تگطر صواني عسل
وك وآنه حنظل حصتي؟
حنظل يالحبيب جزاتي؟
الله يسامحك..
كلشي بهواك يهون!

[/size]

[izab25]

يسلموو ياوردة عالموضوع

[MUNIR_QUTTA54]

                         الصبر طيب 00 وبيه توصل على الي تريده0000

[Akeelos]

شكرا على ردودكم سلام ومحبة للجميع

[/size]

[نادر البغـــدادي]

عاشت الأيادي على
هذا الشعر الشعبي .. بارك الله فيك
نتمنى لكم مزيدا من النجاح والتألق ...