موضوع قد يريح بعض الاخوان للاطلاع رجاءا

[MAGGIC]

اخواني اعضاء المنتدى

السلام عليكم

اليوم قناة العربيه قدمت شرح عن كيفيه الاجرائات الامنيه الجديدة وسوف اذكرها مختصرا

حيث قالت القناة منع السفارات الامريكيه من اعطاء تاشيرة الدخول مباشرة وسوف ترسل معامله التاشيرة الى الولايات المتحدة لغرض التدقيق من الشخص وكذلك لادخالها في الحاسبه المركزيه

بعد الحصول على التاشيرة والسفر سوف يقوم ضابط الهجرة في المطارات الامريكيه باجراء تحقيق ثانوي مع الشخص القادم وهو لديه الصلاحيه بارجاع المسافر حتى لو كانت لديه تاشيرة دخول

ولذلك من هذا الكلام ممكن ان نستنتج بان المهاجر او اللاجئ عن طريق iom , siv هو مقدما يمر باجرائات امنيه وهذا مانلاحظه في الامنيات وتاخيرها هذا اولا اما ثانيا فان اللاجئ القادم عن طريق الامم المتحدة وبعد مقابله الوفد الامريكي والموافقه ( اي موافقه الحكومه الامريكيه وهي التي قبلته )عليه من قبلهم لن يكون مشمول بتعقيدات كثيرة كطالبي السفر الاعتياديين من السواح والطلاب وبقيه طالبي التاشيرة


لذا يااخوان لاتعقدو الامور كثيرا وان شاء الله تفرج على الكل والله يسهل على الجميع


تحياتي

[ابو عبد الله التكساسي]

السلام عليكم
عندي سؤال زغيرون بما انه انت شفت البرنامج

هل كلام العضو جورج بوش صحيح لو لا

[MAGGIC]

اخي العزيز shawqi shumran

الصراحه انا مااطلعت على موضوع الاخ جورج

بس اذا كان اكو غلط في موضوعي فياريت يتصلح او ينضاف له معلومات

والموضوع كتبته لان الان سمعته في القناة التلفزيزنيه وحبيت اطمئن الاخوان الاعضاء


تسلم لمرورك

[ابو عماد]

شكرا اخي MAGGIC

والله كلامك على راسي
لاتعقدو الامور كثيرا لان اصلا ملفاتنا كان تمر ببيروقراطية معقدة وغير طبيعيا في الاجهزة الامنية الامريكية...
اخواني واخواتي الاعزاء والله القرارات والتوصيات الجديدة لا تشملنا... فقط يشمل التأشيرات العادية عن طريق السفارات واجرائات المطارات والتفتيش... ملفات IOM اللاجئيين والمترجمين يمر باكثر من 10 تدقيقات امنية في امريكا كان ولايزال نفس الاجرائات لم ولن يتغير شيء. بالعكس قبل شهر بعض اعضاء الكونكرس الامريكي سيناتور Patrick Leahy وسيناتور Jon Kyl طلبو تخفيف الاجرائات الامنية على اللاجئيين والهجرة.

وشكرا
ابو عماد 

[ابو عبد الله التكساسي]

اغاتي ماجك
اني مقدم معامله لجوء لاهلي
اذا الموضوع الي نقلته حضرتك صحيح فاكيد اكو تاخير بالامنيه وهذا اي كاله الاخ جورج بوش بتعليقه والعالم اندارت عليه وسوهه هوسه ضلمه

الموضوع ايهمني مثل ما يهم الباقين
هسه انت اكدت كلام الاخ بصوره غير مباشره بقولك ((ترسل معامله التاشيرة الى الولايات المتحدة لغرض التدقيق من الشخص وكذلك لادخالها في الحاسبه المركزيه
بعد الحصول على التاشيرة والسفر سوف يقوم ضابط الهجرة في المطارات الامريكيه باجراء تحقيق ثانوي مع الشخص القادم وهو لديه الصلاحيه بارجاع المسافر حتى لو كانت لديه تاشيرة دخول))

لذلك سالتك

[abo abo]

الف شكر اخويه وبارك الله فيك والله يسهل امرك وامرنه وامر الجميع


اخوك ابو علي عمان بنتظار الامنيه

[أ.ج.ت]

تحية للاخ ماجيك اني هم  شفت الموضوع على العربية  حتى كانت القناة مستضيفة  خبير مااذكر اسمة بس كان لقبة العاني .
الاخ ابو عبد الله الوردة اني اجاوبك لان اني اطلعت على موضوع جورج من البداية واحب اقول لك بالنسبة للخبر صحيح نقلة حول تشديد الاجراءات بس تبقى نقطة الموضوع اتكلم اليوم على طالبي تأشيرة الدخول والدراسة فهل هذا يشمل الناس الي مقدمة لجوء او هجرة لان هنا الموضوع يختلف اللاجئ او المهاجر رايح ديستقر هناك مو سنة او خمسة ويترك الولايات المتحدة ويرجع لبلدة .
هسة نجي للسؤال المهم وارجوا ممن عنده معلومات عن كيفية الحصول على الفيزا ان يساعدنا السؤال هو هل طالبي التاشيرة يمرون بنفس الاجراءات الي يمر بيها اللاجئ من يقدم يعني المقابلات وموافقة المحلف والامنية(نفس الوكت اتطول) لو تختلف الاجراءات فاذا هي نفس الاجراءات فاكيد حيكون الانتظار اطول للناس الي منتظرين السفر .
اني والله حاير مداافتهم زين اذا هذا كله صحيح شلون دينطون مواعيد سفر اتمنى لو نكدر نناقش هذا الموضوع بدون عصبية لان اني من الناس ومتاكد هواية مثلي ماعدهم اعصاب لمشادات  ونريد نعرف شراح يصير .
تحية لكل الاعضاء

[Safaa Alkhrkhy]

اخواني
بين حانة ومانة ضاعت ..................أمنياتنة!!!!
والله انسطرنة انصدك منو؟؟؟!!

[MAGGIC]

عزيزي shawqi shumran

تاشيرات الدخول تختلف بين اللاجئ وطالب الفيزا الاعتياديه

طالب الفيزة سابقا كان يستطيع ان يحصل على التاشيرة من قبل السفارة مباشرة ولكن الان يجب ان يحصل عليها من الدوائر الامريكيه بداخل الولايات

وردا على سؤال الاخ أ.ج.ت الوفد المريكي هم العاملون في وزارة الخارجيه الامريكيه فبمعنى اخر ان التاشيرة للاجئ اصلا ترسل من داخل الولايات المتحدة

وهنا الفرق بين الفيزا الدراسيه والسياحيه والهجرة

تحياتي

[أ.ج.ت]

رحمة الله والديك ماجك.
معنى كلامك انو مسالة التاشيرةلللاجئيين جانت من كاعها بيها تشدد وتطويل وتجيك اكثر من باقي انواع التأشيرات اذا كل الي راح نعاني منه هو نشديد التفتيش عند السفر.
زين عندي سؤال لاخ موضوع انو المسؤول من دائرة الهجرة بالمطار اله الحق بارجاع المسافر وعدم السماح له بالدخول زين هل هذا الشي يشمل اللاجئ زين وشنو الضوابط ال على اساسها يقوم بالمنع لو الموضوع عائد لنظرته الشخصية يعني اذا جان متعارك وية مرتة ذاك اليوم الله الي يستر منه. 

[MAGGIC]

اخي العزيز أ.ج.ت


تاشيرة المهاجر اصلا صادرة من دائرة الهجرة واذا شايفها تختلف عن التاشيرات الاعتياديه

اما بالنسبه لموضف الهجرة بالمطار يرجع اصحاب التاشيرة الاعتياديه وليس تاشيرة دائرة الهجرة عن طريق الامم المتحدة

ومعلومه اضافيه همه اصلا ديرجعون 15 % من التاشيرات الاعتياديه ولحد الان مرجعو اي تاشيرة للمهاجر


تحياتي الك

[أ.ج.ت]

ممنون اخي ماجيك والف شكر على توضيح هذا الموضوع لان اني مااعرف اي شي بموضوع الفيزا.
زين لحد الان المحصلة هي انو الموضوع مراح يأثر على اللاجئ. 

[eng_ammar]

السلام عليكم شباب
الافتهمته من البرنامج انو التأشيرات العاديه هيه اصلا تطلع قبل بفتره قصيره ومن السفاره مباشره يعني اني اعرف واحد اردني حصل الفيزا (زياره) باربعه ايام هذا الحجي صارله اربعه اشهر

هسه الرح يصير كل الدول المذكوره رح يمرون بمقابله مثل ما نمر احنه بمقابله المحلفين ورح يمرون بالمحروسه الامنيه مثل ما نمر بيها صارلنه سنين

يعني الدول ذوله صاروا مثلنه مو احنه صرنه مثلهم

[نهاد احمد]

الف شكر اخويه وبارك الله فيك والله يسهل امرك وامرنه وامر الجميع

والموفقيه للجميع




نهاد    ابو علي

[violin]

مشكور اخي على نقل الخبر. وانشاءالله ميكون اي تأخير على منتظرين السفر . ويارب يسهل علينة وعلى الجميع.

[النسيم المهاجر]

[hهيه مبينه راح تنلاص على الكل هو السلام عليكم يمهم يطول 6 اشهر لاتكولولي ولا اكللكم راح ناكل هوى وهاي سنه ونص وراح يمكن ابقه دانتضر سنه من وره هذا النيجيري الحقير بس ارجع واكول همة مدايعرفون على منو يجيكون والعاقل يفتهم القصد .




                    النسيم الجاثم بسبب الامنيه
r]

[vincenzo]

صديقي ماجك
انت عضو قديم ومتابع جيد وما معقولة ما اطلعت على الموضوع الاصلي على هالسالفة مالة اخونا جورج دبليو بوش اللي تعرض بيه للاهانة على يد فد واحد جديد والغريب الاداريين قفلوا الموضوع وبعدين مسحوه حتى يعاقبون المعتدى عليه 
واللا شنو سبب تسميتك للموضوع ".....قد يريح....."
غير انت شفت اللي انصدموا بالنتيجة اللي استنتجناهة؟؟

ولذلك برأيي اللي كتبته هناك هم انه اللي ميحب امريكا ولا شعبهه او حكومتهه او رؤسائها المفروض ميذبح روحه حتى يروحلهه وهو هذا اللي اتوقع راح يجيكوه زين...مو اي واحد....وحتى هذه النماذج اذا افلتوا من كل التجييكات الامنية فهم ينكشفون ان عاجلا او أجلا

كنت اتمنى ان تنورنا بردك ومعلوماتك الجميلة والمفيدة في ذاك الموضوع
والمسألة مسألة واقع مو تفاؤل وتشاؤم
حياك الله

[أ.ج.ت]

الاخ فنزو العزيز.
اني وياك 100% بموضوع الي يكره امريكا لازم نهائي ميفكر يروح هناك لان من المستحيل حيكدر يتأقلم وحتكون حياته جحيم لان ماكو انسان يكدر يعيش وي ناس يكرهم .
بالنسة للاستنتاجات لازم نخوض بيها حتى نوصل لنتيجة لسبب كلش مهم ان نهئ انفسنا للاسوء اذا كان هناك اسوء وكان ممكن نوصل لهاي النتيجة لولا التهجم الواضح على جورج بموضوعة والادارة غلقت الموضوع مع العلم اكثر الاعضاء طلبوا حذف الردود السئية وليس غلق الموضوع فالاخ ماجك مشكور من نزل موضوع حتى نكدر نستفاد ونتناقش بيه.
اكثر الناس المقبلة على خطوة السفر لامريكا تريد تترك بلدها او تركته بسبب الارهاب فأكيد الواحد ينقهر من يشوف نفس السبب حيخلي ينتظر اكثر ومن ورة شخص مريض يعيدون التجييك الامني.
هسة نجي لموضوع النقاش انت شخصيا تعتبر مسالة الامنية حتاخذ وكت اطول لو لا والاسباب.
تحية الك ولصاحب الموضوع ولكل الاعضاء . 

[vincenzo]

اخوية ا ج ت والله اني كلش معجب باختيارك للكلمات وردودك الراقية وانت واخوية ماجك على راسي بس ردي كان حتى اكللكم بطريقة غير مباشرة انه الموضوع ميسوة هالكد نقاشات والولد حصلله حجاية مو حلوة وهو اخونة من وراهه
وهو كل واحد عقلة براسة ويعرف خلاصة
وكالهه اخوية عكعك انه هم علساس مقصرين بتجييكاتنه هههههههه
يعني جان عندي يوم عيد بيوم اللي سمعت انه ابو دجلة لو شيبو لو يوجد امل لو حيدور مثلا يسافرون
اما اذا عكعك او صفاء الكرخي او حمودي ابن زيونة او شو او كل الناس اللي منتضرين سنين سافروا فلا هاية اتحزم واركصلهه
وسدو الموضوع رحمة لوالديكم لان الكل ديتابع الاخبار حسب مصادرة والله كريم

[أ.ج.ت]

حبيبي فنزو انت الارقى والفكرة وصلت .
تحياتي

[MAGGIC]

اخي العزيز وحبيبي الاستاذ  vincenzo
تحيه تقدير واعتزاز بك وبمشاركتك . القصد من طرحي للموضوع اولا هو كاي خبر سمعته ووجدت فيه نوع من التكثيف في التجييك الامني لطالبي تاشيرة الدخول اما بالنسبه لاصحاب الهجرة واللجوء فهيه من كاعها دتطول الامنيات لذلك حبيت ان لايدمج شخص ظرفه بظرف اخر
بالنسبه لموضوع الاخ جورج لم اقراءة او اطلع عليه ولكن اذا تلاحظ اكثر المواضيع التي يحدث فيها شد وكلام لايليق بالاعضاء نتيجه عدم طرح الموضوع او اسلوب الطرح يطريقه ممكن ان تكون مثيرة للبعض لذالك انا طرحت الموضوع بصيغه اسئله ممكن نقاشها ولكل الاذواق وحسب الاراء

شكرا جزيلا لمرورك اخي العزيز


اخي العزيز  أ.ج.ت  شكرا جزيلا لمرورك والنقاشات المفيدة


تحيتي للجميع

[George W. Bush]

الأخ ماجك الأخوة الاعضاء السلام عليكم

اخي ماجك موضوع الموافقة الامنية و تأخيرها موضوع معقد و شائك بالرغم من قناعتي انه التأخير حاصل لا محالة للجميع، و الرفض حاصل لا محالة(( للبعض)) بسبب ارتباطهم بانظمة دكتاتورية او راعية للأرهاب او جماعات ارهابية من هنا او هناك

استنتاجي هذا مبني على التقارير الاعلامية الي شاهدتهه و قريتهه

اما بالنسبة للبرنامج الي ظهر على قناة العربية فتقبل رأيي الشخصي بهذا الموضوع
يعني لو تخيرني ان اصدك كلام برنامج بقناة العربية لو كلام رئيس الولايات المتحدة و تحاليل قناة ال CNN فقطعا راح اصدك كلام اوباما و ال CNN لأن مثل ما يكولون هم اهل الشغلة

انا الأن بصدد اعداد موضوع عن ((من هو المتضرر الأكبر من الأجراءات الامنية الجديدة)) راح يكون موضوع للنقاش و يعتمد بتصنيف المهاجرين و اللاجئين العراقيين على انواعهم و مكانهم و وقت طلعتهم من العراق

يعني اكو ناس خرجت مباشرة بعد 2003 و اكو ناس خرجت السنة

اخوية فنجنزو
كلامك حيل صحيح و انا متفق وياك 100%
كثير من الناس الي كان الهم امل بالطلعة لأمريكا بصراحة بعد ميكدرون يطلعون تدري ليش؟
لأن اسماء هواية انضافت لقوائم الممنوعين من الدخول لأمريكا يعني حتى الناس الي ما كانت تشكل خطر كبير على امريكا راح ينضافون الى ال watch lists
بمختصر العبارة يعني اي واحد عنده اي شي بحياته مسويه غلط حتى لو شي بسيط راح يكون معرض لمنع اعطاء الفيزا

هذا الكلام الأخير استنتجته اعتمادا على الجملة الاخيرة الي كالهه اوباما بالملخص الامني و هي

 we must review .....,protocols of secondry screening, visa suspension ,visa revocation

تقبلوا مروري
اخوكم George W. Bush

[عكعك التطوى]

شكرا لك اخي ماجك على التوضيح  والله يبارك بيك



كثير من الناس الي كان الهم امل بالطلعة لأمريكا بصراحة بعد ميكدرون يطلعون تدري ليش؟
لأن اسماء هواية انضافت لقوائم الممنوعين من الدخول لأمريكا يعني حتى الناس الي ما كانت
تشكل خطر كبير على امريكا بالي راح ينضافون الى ال watch lists
بمختصر العبارة يعني اي واحد عنده اي شي بحياته مسويه غلط حتى لو شي بسيط راح
يكون معرض لمنع اعطاء الفيزا

اخي جورج
تره هذا الحجي معمول بي من زمان وشددو عليه بعد احداث سبتمبر يعني مو هسه راح يفكرون بي

وشنو علاقه الناس الي كان الهم امل بالطلعة لأمريكا بان ينضافون الى ال watch lists

بمختصر العبارة يعني اي واحد عنده اي شي بحياته مسويه غلط حتى لو شي بسيط راح يكون
معرض لمنع اعطاء الفيزا

اذا امكن ماهي نقاط الغلط الي تحرم الشخص من اعطائه الفيزه؟؟؟؟

هذا الكلام الأخير استنتجته اعتمادا على الجملة الاخيرة الي كالهه اوباما بالملخص الامني و هي
 we must review .....,protocols of secondry screening, visa suspension ,visa revocation

العباره الي ذكرتها واستنتجت منها دكول (مراجعه اساليب اصدار التاشيرات والغائها) بس شنو علاقتها ببرامج اللجوء iom , siv  الي اصلا معتمد على اساليب خاصه بالتجييك لان مثل متعرف العراق بؤره للارهاب وحاسبين حسابهم ميحتاج احد يوجهم

واحجيلك على كم سالفه واقعيه

عندي ولد اعرفه بمقابله المحلف كله انته بسنه 1979 محجوز 4 ايام بالامن العامه وهو جان مكايلها

واكو ولد انطو  موافقه امنيه وبعدها بكم يوم استدعوا لمقابله المحلف مره اخرى واثناء المقابله المحلف
كله انته كان عليك مذكره حجز عالمود جان عندك دش بالبيت ليش مكلتلنه

وغيرها ----------- ان شاء الله عرفت القصد من هاي الحالتين يعني بين قوسين هاي البرامج الي قدمنا بيها هي اصلا عليها تجيك امني صارم يختلف عن اي واحد يطلب فيزه من دول اخرى (سعودي اوربي وغيرهم

البارحه كتبتلك اخي العزيز في موضوعك الي انمسح انه الايام القادمه جديره باثبات الحقيقه
فالنترك الجدل جانبا ورأيك بالموضوع وصل ان شاء الله وشكرا لك

واسف اخويه ماجك وان شاء الله هذا اخر رد الي على هذا الموضوع

تحياتي للجميع

[George W. Bush]

الأخ عكعك المحترم

اعتقد انه انا رديت على صاحب الموضوع الي هو الأخ ماجك تمام؟

يعني ما راد عليك لا من قريب و لا من بعيد و هذا رأيي الشخصي ابديته بكل صراحه يعني هم تريدني ما ابدي رأيي الشخصي؟!!!!!

اخي هذا رأيي الشخصي و محد يكدر يمنعني ان اتكلم بما اراه صحيح اوكي؟

مع ذلك تبقى اخ عزيز و احترمك

شوفوا الموضوع الي نزلته قبل شوية اتمنى النقاش يكون بيه هاديء و راح انزل بيه كتاب موقع من اوباما شخصيا على الاجراءات الي راح تصير

[عكعك التطوى]

اخويه العزيز جورج

الكلام الي تفضلت بي حضرتك يهم كل الموجودين بالمنتدى والزوار والي ينوي الذهاب الى امريكا
يعني موضوع عام وانطرح على العام ومن حق اي فرد يرد على اي نقطه تطرح بالسلب او الايجاب
اذا كانت على العام واذا كنت تخص الاخ ماجك بالرد فيوجد خاص ممكن ان تكتب ما تشاء كي
لا تعطينا فرصه للرد

وقلت لك اخي العزيز في اخر كلامي ان رأيك وصل وشكرتك واني احترم رأيك مهما كان وتبقى
اخ عزيز ولكن النقاش او الاختلاف بالرأي لايعني اني اقيد رأيك

وانشاء الله اضطلع على موضوعكم بفتره اخرى

احترامي وودي لك

[vincenzo]

يابة استاذنا جورج  علكيفك ترة عكعك ديناقشك بوجهة نضرك ولحد الان والحمد لله ما دخل للموضوع اي واحد مسئ
واني عن نفسي اتصور انه اني فكر ولذلك صار اللي صار 
لان ماكو واحد انتضر موافقة رئيس البعثة 7 اشهر مثلي
والحلوة قبل شهر ونص كالولي اوراقك كملت وبالسفارة بانتضار اتخاذ قرار
واني منا ارهابي تارك جنت اطكطك ورة الدوام
يوم افجر نفسي
ويوم العب جقة شبر بالعبوات النافسة 
فيمكن راح اعم على العالم
والحلوة يعني لو يرفضوني وارتاح
بس يومية يراسلوني
وكلهم جماعة ال NVC اسمائهم مواد كيمياوية
واحد اسمه H2O
وواحد NH2
ويمكن هسه يطلع المدير مالتهم اسمه تيزاب هههههههههه