كولورادووووو COLORADO لمن يرغب

[ريم عبد]

كل الاخوان من جماعة كولورادو الي متواجدين حاليا بيها
والي يرغبون بالذهاب اليهااااااااااا
هذا جدول كولورادوا اذا عدكم اي اضافه او تصحيح
اتوافونا بيها
مع الشكر

untitled.man               دنفر                داخل امريكا
رشا                              دنفر                داخل امريكا  
 adelalobidi                دنفر               داخل امريكا
  Mory                        دنفر                داخل امريكا  
  tornadoss               دنفر                خارج امريكا  
دنفوري                        دنفر                 خارج امريكا                      
sami949                  دنفر                 داخل امريكا  
    ِAlawi                   دنفر                 داخل امريكا
 eng_ammar          دنفر                  داخل امريكا
doori                       دنفر                 داخل امريك
  salah-eng            دنفر                  خارج امريكا
comander             دنفر                  خارج امريكا
 عراقي في امريكا7     سبرنكس              داخل امريكا
                  

[eng_ammar]

اختنه اني هم كولورادو بس بعدي بانتظار موعد سفر

[salah-eng]

مرحبا اخت ريم
اني انشالله على كولورادو مدينة دنفر بس منتظر الامنية والسفر الله يسهل على الجميع انشالله


اخوك صلاح

[ريم عبد]

اهلا بيك اخي عمار في كولورادوا
وراح انزل اسمك بالجدول
وان شاء الله من اتسافر بالسلامه اتبلغنا

[ريم عبد]

يااهلا وسهلا بمهندس صلاح
راح انزلك على الجدول
شنو صار تجمع مهندسين بكولورادو
ياربي ان شاء الله موعد سفر قريب

[sami949]

وكذلك الاخ Alawi  وحاليا هو في كولورادو

[salah-eng]

اي اخت ريم مو هو هاذا سر المهنة 
وانشالله ننجمع على خير بفضل دعائكم

[ريم عبد]

واخ علاوي هم انخلي على الجدول وبداخل امريكا تدللون

اخ صلاح صار بيها سر المهنه لازم اكو مشروع ينتضركم
ان شاء الله خير ياربي وموفقين منااااااااا لهنااااااااااك
وبكل خطوه نجااااااااااح ان شاء الله

[adelalobidi]

ان اخوكم  ابو مهند هم من جماعة كلورادو دنفر 00000 تحياتي للجميع

[ريم عبد]

ياهلا وسهلا بيك اخونا الغالي ابو مهند
وراح انضيفك للجدول مال كولورادو دنفر
بس مكتلنا انت حاليا في كولورادو لو مستقبلا راح اتروح

[صقر البيدا]

خيتي ريم الله يوفقج كاعدة تشتغلين خوش شغل

[ريم عبد]

ياهلا بصقر البيدا
اشكرك اخويه العزيز
كلك ذوق
وياربي ايسهل اموركم

[adelalobidi]

انا بكولورادو منذ خمسة اشهر وكلي فخر ان اكون ضمن القائمه

[ريم عبد]

اهلا وسهلا بيك اخي ابو مهند واحنا الي يسعدنا ان تكون من اعضاء المنتدى ومن سكان كولورادو
ونحتاجك بمساعدة جيرانك الي ناوين ايروحون لهاي الولايه بالمعلومات الي تملكها
وياربي ايوفقكم وايسهل امركم

[م اكرم الحبيب]

اختي ريم اختي تسكن الزيونه العقاري هناك طرح علي فكره ان اشتري عقار لغرض الاستثمارفكان في فرع اختي ثلاث بيوت لثلاث عوائل مسيحيه زرناهم لانهم يعرضون بيوتهم للبيع  العائله الاولى الاب في كوالارادووهم ينتضرون الالتحاق به منذ اربع سنين والثايه والثالثه يقولون انهم مقدمين على برنامج الاي او ام منذ سنتين وهم في هذا الوضع الغير مستقريعرضون بيوتهم ويبيعون ممتلكلتهم على امل ان يخرجو ذات يوم  اخت ريم هذا الموضوع يستحق ان نطرحه للناس اللذين في مثل تلك الحاله   والسوال هو هل ان الناس اللذين يقدمون على تلك البرامج يضعون كامل ثقتهم بالبرنامج بحيث يصفون كل مالديهم ويضلون  بين هنا وهناك وانتي تعرفين كم الانتضار ممل وانتي كذالك اخت ريم اجدكل مافيك انتي وجميع حواسك بهذا الاتجاه يتصور لي كانه انسان في السجن بدون ان يعرف كم هي مده محكوميته فعلا هذا صعب جدا الانسان يوقف كل شيى وينضر الى شيى قد يكون وهم في ضل هذه الازمات التي نمر بهاقد بقرار واحد يهدد كل الاحلام وشكرا 

[ريم عبد]

اخي م اكرم الحبيب
يعني هي مو بالصوره السوداويه الي توصفها
بالنسبه لبغداد تقريبا الموافقه شبه مضمونه الا في حالات كشف تزوير
والعائله من اتقرر تطلع تبدي بالتهيئه النفسيه اولا و يبدون بقطع جذورهم بالتدريج
وبيع البيت هي جزء من هذا الانسلاخ والتهيئه للقادم
لان هي فكرة الهجره تبدي بالبدايه فكريا وبعدين تتحول للامور الماديه
فهمه اصلا هسه بدوا ايعيشون بامريكا بافكارهم قبل ميطلعون
ومن الاشياء الجيده انه عدهم بيت ايبيعوا يكدرون هناك ايعيشون عيشه زينه
وايضا من الجيدات انه لازالوا في بيتهم ومتهجروا منه ولا اتعرض للعبث
يعني الحالات الي دتتطرق الها هاي احلى حالات الهجره مو اسوئها
لان اذا اتقارن مع الي طالعين من دول الجوار فحالتهم اكيد اتعس لان طلعوا احتمال بله موارد واذا اخذوا موارد هم استنفذوها
واذا على الانتظار مثل ميكولون هالسته ويه هالستين الي راح  كله انتضار والجاي مجهول المستقبل
على الاقل هذا الانتظار احتمال ايكون من اجل مستقبل افضل

[م اكرم الحبيب]

كلش حلو قطع الجذور والانسلاخ والتهيئه النفسيه هسه شتتوقعين ريومه اني بعدني ابمرحله قطع الجذور واشبقه منهم؟؟؟؟

اكرم

[ريم عبد]

كلش حلو قطع الجذور والانسلاخ والتهيئه النفسيه هسه شتتوقعين ريومه اني بعدني ابمرحله قطع الجذور واشبقه منهم

حلو مو  ???خوش اتفلسف 
اخي انت هسه بمرحلة مد الجذور مو القلع بعده طريقك طويل

[eng_ammar]

السلام عليكم شباب
انشاءالله الحياه السعيده للموجودين بكولورادو
ومبروك للوصلو بالجديد وانشاءالله الحياه السعيده
وانشاءالله كل الدينتظرون يوصلون ويشوفون الخير

بس عندي طلب من الموجودين
انريد معلومات عن حياتكم والشغل والمعاملات واسماء المنظمات ومعلومات عن الحد الادنى للرواتب والدراسه والكليات والجامعات يعني كلشي
لان احنه بصراحه مدنعرف كلشي عن هذه الولايه واي طلب عن معلومات عنها ينطونه رابط بالانترنت معلومات عامه عن الولايه وهذا شي مابي فايده نريد نعرف من اخوانه شنو مر بيهم لان رح يمر بينه مانريد معلومه كولورادو بيها جبال الروكي شنسوي بهل معلومه مرح توكل خبز

واتمنه ان نكون اصدقاء ومعارف حتى انشاءالله من نوصل

وشكرا للجميع والى صاحبه الموضوع خاصه

[ريم عبد]

ان شاء الله الموجودين هناك ايساعدونا بهذا الطلب

[tornadoss]

سلام الى الجميع
اني انشا ء الله هم مستقبلا والله اعلم شوكت طالعلي كولارادو دنفر وبانتضار الامنية صارلي 7 اشهر ومن مصر والله يفرج على الجميع ان شاء الله مشكورة اخت ريم على هذه المبادرة

[ريم عبد]

اهلا وسهلا بيك اخي tornadoss في كولورادوووووو
وان شاء الله ياربي ايسهل امرك ومتشوف الا جايك موعد السفر
واحنا من هسه راح انخليك على الجدول وبس اتبلغنا من اتطير لولايتك الجديده
وان شاء الله بالقريب العاجل تجي البشاره
وياربي ايوفقك

[tornadoss]

اشكرج اختي ريم على هذه المشاعر النبيلة وان شاء الله نكون جار هناك ونتشرف بمعرفتكم الطيبة والله يفرجها على الجميع

[ريم عبد]

ممنونه اخي tornadoss ,وتدلل
واتشرف بهيج جيران ولو اني بغير ولايه راح اكون
بس اني فاتحتلكم كل الولايات حتى تستفادون من الاطلاع على جيرانكم بتلك الولايه
وياربي ايوفق الجميع ان شاء الله

[ريم عبد]

http://www.ankawa.com/forum/index.php/topic,352894.msg4213112.html#msg4213112

الشقة واختيار مكانها وتأثيثها لحظة الوصول الى امريكا...
لاخونا untitled.man

[ريم عبد]

http://www.ankawa.com/forum/index.php/topic,352536.msg4210729.html#msg4210729


تحية واعتذار وعودة للمشاركة
لاخونا untitled.man

[ريم عبد]

وهذا رابط للاخ المهندس عمار بعد اربعة اشهر من وصوله الى كولورادو
http://www.ankawa.com/forum/index.php/topic,436215.msg4773224.html#msg4773224

[Mory]

الاخت ريم

خلال الايام القليلة القادمة رح يكون سفري الى ولاية كولورادو مدينة دنفر ان شاء الله
ارجو الاضافة لطفاً


Mory

[ريم عبد]

اخ موري اهلا وسهلا بيك في ولاية كولورادو وان شاء الله توصل بالف سلامه


اتصور المهندس صلاح وصل لدنفر
الي يعرف خلي ايبلغنا حتى انغير حالته من الخارج للداخل

[ريم عبد]

فرص عمل متاحة مع Census2010
للاخ بغدادي
http://www.ankawa.com/forum/index.php/topic,375103.msg4471449.html#msg4471449

[موفق الو منار]

السلام عليكم

اخت ريم انا ايضا على كولورادو مدينة دنفر

انا ملفي مختوم ولكن الولاية لحد هسه موصلت صارلها 6اسابيع سجلونة وياكم وادعونة بسرعة السفر

[comander]

مرحبا اخت ريم شكرا لجهودج الطيبة
ولاية كولورادو........... بس منتظر الجدول

وياريت الاخوان الي بالولاية ينورونه بمعلومات عنها لان اني نزلت موضوع طلب معلومات عن الولاية ولاشااااااااااف النور
بس مرور ادري لازم اكص وصولات الكم ههههههههههههه
اختي ريم هاي اريدها منج انتي اهتمي بالمعلومات ونزلينا موضوع.

لكم مني كل الحـــــب

[ريم عبد]

اخي كوماندر
اني نزلت كل المواضيع الي تحجي عن كولورادو بروابط بهذا الموضوع وتكدر تطلع عليها لان مبقيت موضوع مجمعته بيها
وراح انزل اسمك بالجدول وان شاء الله يوم الي توصل واتبشرنا
ومناك انت راح تحجيلنا على كولورادو مثل ماانت اتشوفهااا
وبالتوفيق يارب

[عراقي في امريكا7]

ثانكس على الموضوع الحلو



انا بكولورادو من سنه ونصف تحديدا كولورادو سبرنكس



المدينه جميله واهلها بشكل عام طيبين وبالنسبه للجارات تتراوح بين 500 وال 750 غرفتين نوم



واقل راتب بالساعه 8 دولار بالنسبه للعمل بمحطة بانزين



اشغال رسميه صعب شويه الا بعد معادلة الشهاده


بالنسبه للمواد الغذائيه تقريبا احنه ارخص ولايه




الحمدلله مرتاحيين بس ادعولنا الله يبعد عنا الحسد لانه الي يجي لامريكا لازم تصير بيه مواقف تعيسه بسبب الحسد


والله اول ماوصلنا بشهرين احترقت الشقه والله سترنا



ووراها بشهرين ابني صارت بيه انفلاونزا الخنازير بس الحمدلله هسه نزلو اللقاح ولقحنا كلنا





المهم كلشي اوكي هنا بس الله يبعد الحسد عنا





وبالموفقيه لكل الاخوان

[sami949]

شكرا على جهودك اختنا العزيزه ريم
انا ايضا في كولورادو مدينه دنفر منذ ثلاثه شهور
علما انني ذكرت ذلك سابقا ولكن لم اجد اسمي
ارجو من الاخت الفاضله اصدار جدول للتحميل خاص
بهاي الولايه حتى نعرف جيرانا مع الشكر
اخوكم سامي من دنفر---كولورادو

[memoiraq]

مرحبا شباب وبنات اني اسمعت انه كولورادووو  زينة عندي ناس بيه وكللولي حلوة بعد ماعرف انتوا شنو رايكم 

[ريم عبد]

اخي عراقي في امريكا7
الف شكر الك على الاضافه المفيده
وتم اضافتك للجدول
وان شاء الله ترفدنا دائما بمايفيد الاخوان القادمين الجدد الى كولورادو
وبالتوفيق يارب

[ريم عبد]

اخي سامي اهلا وسهلا بيك في كولورادو
واكيد اسمك موجود في جدول الولايه وفي جدول الولايات العام
وموجود من الاول في مدينة دنفر داخل امريكا
وراح ارفقلك جدول الولايات العام حتى تتاكد من اسمك في ولاية كولورادو
وشكرا على مرورك العطر

[ريم عبد]

حبيبتي عبوووره
الج نفتح كل الولايات على مصراعيهااااا وانتي اختاري وادللي
وين متريدين بس اشري واني انزلج على الجدول
بس جيبي الجوكر وياج (الامنيه) واتشوفين كل الابواب مفتوحه وتستقبلج بالاحضان
وياربي اتجيبيها باسرع وقت

[doori]

مرحبا للجميع
بفضل الله البارحه وصلت كولورادو مدينة دنفر واتمنى اتعرف على الشباب الموجودين هنا وشكرا للاخت ريم عبد على الموضوع اتمنى اختي تسجلين اسم ويه الاخوان والاخوات الموجودين هنا لان بعمان جنا مسوين كروب والحمدلله كان من انجح الكروبات بالاردن واتمنى اعيد الكره هنا نفس الشي
تحياتي للجميع

اخوكم
doori

[ريم عبد]

اهلا وسهلا بيك اخي دوري في كولورادو
ونزلت اسمك على الجدول وفي جدول الولايات
وان شاء الله ولاية خير عليك ونتمنالك الموفقيه
وننتضر مشاركاتك بالموضوع حتى يستفيد الاخوان القادمين من تجربتك

[kunda]

كل معلوماتي عن هذه الولاية هي انها باردة اولا وهي ولاية المسلسل الكارتوني الكبير الشهير   المثير للجدل ساوث بارك

[ريم عبد]

يااهلالالالا باخ كونداااا
هاي شجابك يمنا بكولورادووووو
مدكولي ياولايه راح تطلع

[doori]

مرحبا
يمعودين وينكم اهل عينكاوه بدينفر مو طكت روحي اريد احد عينكاوي هنا قريب عليه هاي شلون بلشششششششششششه
ريمو فدوه متجون انتو هنا
تحياتي للجميع

اخوكم
doori

[jack black]

السلام عليكم  دوري اشلونك انشالله مرتاح بدنفر سولف امورك كلها ماشيه ماكو نقص باي شي والله الكل يسال عنك الله يوفقك وترتاح لاتقطع اخبارك تواصل واحجيلنه عن دنفر يكولون احلى عواصم الولايات الامريكيه ربي يكتبلك السلامه                  تحياتي اخوك jack blac;

[Mory]

اختي ريم اني وصلت والحمد لله من شهر التاسع الى مدينة دنفر ارجو تعديل اسمي ضمن الجدول
ولو مصارلي فترة طويلة في دنفر بس اي واحد من الاخوة يحتاج اي مساعدة خلي يراسلني على الخاص ويدلل.
طبعا اللي منعني من المشاركة بعد وصولي هو اني ردت ان اكتب تجربة كم شهر بشكل مفصل عسى ان تفيد الاخوة مع العلم القاعدة الذهبية هنا تتلخص بـ" لا تعتمد على احد وروح دور على شغل بنفسك" وشوف النتيجة ساعتهة. الشغل نوعا ما قليل مثل باقي امريكا بس موجود للي يدور.
ولنا عودة

Mory

[ريم عبد]

حمد لله على سلامة الوصول اخ موري
وياربي يوفقك بولايتك
وان شاء اله نسمع عن تجربتك باقرب وقت
وراح اصحح وضعك في الجدول
وننتضر مشاركاتكم

[doori]

اخويه جاك بلاك تسلم يا ورده اني دا اكتب بجمعيتنا والله اني هم مشتاقلكم خيرات الله
اختي ريم شلون
اخويه موري كتبتلك رساله على الخاص اتمنى تقراها
وينهم العراقيين العينكاويين بدينفر؟

اخوكم
doori

[om hamza]

مساء الخير للي راح يقراها بالليل وصباح الخيرللي راح يقراها الصبح وتصبحون علة خيرللي راح يقراها قبل ما ينام
اني ام حمزة وانشاء الله اروح لكولورادو دنفر بس هسة بعدني ابغداد ودا انتظر الموافقة الامنية ادعو لي انشاء الله تصير وانشاء الله للجميع بس احب اعرف شلونها فكرة انو واحد يبيع بيتة هنا ويشتري بيت بدنفر شلونها الاسعار اذا بيت مو كلش طاك يعني وسط والدراسة شلونها ؟ والاسعار شلونها؟؟وشكرا للجميع وخصوصا ريومة

[ريم عبد]

حبيبتي ام حمزه
ان شاء الله يوم الي تجيج الامنيه واتسافرين لولايتج الجديده واتشوفين كل الخير عليها
حبيبتي هذا السؤال الي سالتي محد يكدر ايجاوبج عليه بشكل دقيق
بس راح انطيج فكره بسيطه اتقربلج الموضوع
اولا انتي تعرفين فترة المساعدات متكدرين تشترين بيت
وبهاي الفتره انتي راح تتقصين وتاخذين فكره عن القوانين والانظمه بامريكا بشكل عام وبولايتج بشكل خاص
لان هناك مو مثلنا اتريدين تشترين بيت اتروحين تدفعين واتسجلين وانتهى الموضوع
اكو عدة طرق ولكل طريقه التعليمات الخاصه بيها ولكل طريقه سلبياتها وايجابياتها
مثلا مو من صالحج انه تشترين بيت بدفعه وحده
والشراء بالاقساط ايكون احسن للهستري مالتج
ثانيا البيت حتى لو ملك صرف هم راح تدفعين ضرايب سنويه عليه
ثالثا اكو هناك بيوت مرهونه للبنك والبنك يبيعها باسعار واطيه نسبيا
وعدنا موضوع للاخ سلاما للعراق شارح بي انه يكدر واحد يشتري بيت بالف دولار مقدما والباقي تقسط على عدة سنين
يعني هناك لكل ذوق مايشتهي بس اهم شي يكون عندج اطلاع كامل على كل التعليمات وقوانين الضرايب والملكيه خاصة في ولايتج حتى لتوكعين بمطبات انتي في غنى عنها
والشغله المهمه الاخرى انه شلون تكدرين اتدخلين كميه كبيره من الفلوس لامريكا بدون متتعرضين لمسائله
وان شاء الله من توصلين بالسلامه انتي الي راح تحجيلنا على تجربتج
وبالتوفيق

[om hamza]

شكرا اخت ريم عبد علة هاي الاجابة الحلوة بس اني مو ناوية اشتري بيت راسا بس حبيت شوية استفسر لان تعرفين احنة موعارفين راسنة من رجلينة يعني الواحد يجمع معلومات ولو بسيطة بس حتة يعرف شنو الاختيارات اللي متاحة الة وتسلمين حبي وتعبتج وياية شكرا.

[ريم عبد]

صح حبيبتي ام حمزه كلنا نسال هيجي اساله انريد ناخذ فد فكره حتى اتنورنا ونحسب حسابنا
لكن الحجي مو مثل الشوف
ومثل من واحد يسال البيت ابغداد وسط شكد سعره
هم راح ادكوليله باي منطقه وشكد مساحته وعلى الشارع لو جوه وبناء حديث لو مال 10 سنين وكم غرفه وحمام وموديل جديد لوكلاسيكي....والخ من المواصفات
بس اهم شي اتفكرين بطريقه شلون اتطلعين كمية فلوس مناسبه حتى تكدرين تبدين بيها مشروعج
وربي يوفقج

[سيف البصراوي2]

مرحبا شباب اخوكم سيف البصراوي يسلم عليكم وارجو ان تقبلوني ضيف عليكم بس ضيف مال نص ساعة مو يظل للعشة,هاهاها
اني اخوي بدنفر منطقة LAKE WOOD صارله 4 سنوات
واني انشاءالله رايحله بس عندي مقابلة SIV بشهر 3 2011
الولاية حلوة صيفا بس باردة شتاءا العمل متوفر بس اللي عنده شهادة يكون افضل
الاجارات بين 500 $-750 $ والبيوت من10000 الى100000 $ حسب المنطقة والحالة او وضع البيت
الجالية العربية وخصوصا العراقية موجودة بمعدل متوسط مو مثل ديترويت مليانه عرب وعراقيين
الخدمات ممتازة
الطرق والمواصلات اكثر من رائعة
المجتمع الامريكي بدنفر هادئ ومتعاون ليس لديهم تفرقة عنصرية
الشرطة تعاملها اكثر من رائع بحسب تجربة اخوي وياهم
موسم السياحة بدنفر و اسبن على طول السنة صيفا وشتاءا

شكرا

وكل عام وانتم بخير

[ريم عبد]

ياااهلا باخونااااا سيف
هاي وين راااايح يمعود الا تبقى على العشى
لا وضيافه مفتوحه بس تعاااالوااااا
الف شكر الك على المعلومات الجميله من ارض الحدث
وياريت دائما ترفدنا بما يتوفر لديكم من معلومات
والى ان اتخلص مقابلتك واتسافر الله وياك
عندك اقامه فري مع الافطار

[ريم عبد]

وهاي مشاركه من اخونا دوري الدنفوري يشرح بيها عن المساعدات في ولايته

doori
 من خلال تجربتي هنا بدينفر واني على منظمه اسمها ايكومنيكل وما شهرين اخويه بالنسبه لمنظمتي 8 شهور اكرر 8 شهور اول 4 شهور ميه بالميه ملتزمه معك براتب تكدر تدفع منه ايجار ويبقه شويه منه اذا كنت تسكن مع اشخاص لكن اذا بحدك لا متكدر هاي لكل شخص اذا عائله فكل واحد منهم من حقه راتب خاص بي
اما ال4 شهور المتبقيه هاي اذا ما اشتغلت نفس الراتب راح ينطوكيا لحد متخلص ال4 شهور الباقيه هذا كله غير الولكم كاش الي هو 900 دولار وهذا شي رسمي ماكو كل منظمه تشتغل بكيفها لان راح ينطوك ارقام تلفونات تكدر تشتكي على اي منظمه تحاول تلعب بذيلها اني الفضل لله اولا واخيرا مرتاح ويه منظمتي مع اني سمعت الكثير الكثير عنها من اخوانه العراقيين الي ما يعجبهم العجب ولحد يزعل مني صحيح ما يعجبهم العجب كل واحد يريدله  راتبه واكله يجي ليمه وما يتعب هو مع احترامي للبعض منهم الي فاهم الحياة صح بامريكا امريكا تتعب تلعب تنام متكون شي واكيد اخوانه الي هنا يفهمون هذا الشي ولحد يخاف الحكومه مراح تتركه للشخص

شكرا اخ دوري على التوضيح وياريت اتخلينا المعلومات هنا حتى متضيع واتفيد الاخوان الي محتاجيها
مو اتشمرها بين المواضيع واني افتر المها وراااااك

[dozy]

السلام عليكم:

اني صارلي 9 اشهر من وصلت لدنفر والحمد لله المدينة حلوة وبصورة عامة كولورادو من الولايات الممتازة من ناحية معدل دخل الفرد مقارنة بمعدل المعيشة لان الايجارات موغالية مثل بعض الولايات ككلفورنيا ودخل الفرد ايضا معتدل, الجو بالصيف اكثر من رائع ويبدي الجو يصير حلو بعد الشهر الثالث لحد الشهر العاشر, البرد 3 اشهر بس تقريبا ومع العلم ان تجي ايام كثيرة بالشتاء الشمس بيها قوية خلال النهار وممكن تطلع لابس بلوز بس لكن عموما بالليل يبرد الجو, يسمون دنفر مدينة الوان مايل لان مرتفعة عن سطح البحر ميل لهذا الجو نوعا ما جاف فلازم تشرب دائما ماء خلال اليوم ويجوز اول ايام من الوصول يصير عدكم وجع راس قليل بسبب الارتفاع لكن بعدها يروح..بالنسبة للمنظمات اكو 3 منظمات رئيسية هي (اكيومنكال, لوثرن, افيريكان كوميونتي سنتر) وكلها تحت قانون واحد لكن الاختلاف يكون بأداء الموضفين وبالنسبة الي كنت على افريكان كوميونتي سنتر,,احد اصدقائي من وصل قبل شهرين كان على منظمة لوثرن لكن الكيس مانجر مالته كان عراقي وتعبنا لهذا نقلته الى منظمتي..

[ريم عبد]

مقتبس من موضوع الاخ lyoo

Colorado
 يوجد فيها اجمل المدن الجبلية على الاطلاق وبنية السياحة فيها قوية جدا اي ان الجبال تصلها الطرق والخدمات لدرجة انك تقدر توصل لبعض القمم اللي ارتفاعها 14,000 قدم بسيارتك! لكن طبعا هذه المدن للسياحة فقط وسكانها قليلين... المدن السكنية في Colorado هي مدن ما يعرف بالFront Range مثل Fort Collins, Boulder, Golden, Denver, Colorado Springs. افضل هذه المدن في رايي هي Boulder لانها مدينة ليست بالكبيرة لكنها تقع على بعد 25 دقيقة فقط من مدينة Denver الكبيرة ويبعد عنها مطار Denver الدولي ساعة فقط واجمل مناطق السياحة في Colorado لا تبعد عن Boulder اكثر من ساعتين... غير كذا المدينة نفسها جدا آمنة وجميلة ورحبة (وسيعة صدر يعني) وجامعتها دائما تصنف ما بين TOP30 الى الTOP50 (حسب التخصص). Golden مدينة قريبة من Boulder لكنها جدا جدا عادية (لا تقارن بجمال Boulder) وغير كذا مستوى جامعتها لا يقارن بمستوى جامعة University of Coloardo--Boulder. على فكرة جامعة كولورادو بولدر تعطي قبول مشروط لطلبة البكالوريوس. السكن فيها غالي بعض الشئ يعني شقة بغرفتين في Boulder يتراوح ايجارها بين ال950 وال 1050 دولار شهري

[mr.sad]

مشكورة اخت ريم ..على المعلومات وبارك الله بيج

[ابن شط العرب]

شكرا ً ايها الاخت العزيزة على هذه المعلومات القيمة
اتمنى ان اسمع منك بشرى انجاز معاملتك وتحديد موعد سفرك ردا ً على جميلك في هذا المنتدى ومساعدتك للأخرين.
تمنياتي لك بالتوفيق والسفر القريب انشاء الله.

[ريم عبد]

مشكورة اخت ريم ..على المعلومات وبارك الله بيج

اخي العزيز لاشكر على واجب واني ممنونه الكم

[ريم عبد]

شكرا ً ايها الاخت العزيزة على هذه المعلومات القيمة
اتمنى ان اسمع منك بشرى انجاز معاملتك وتحديد موعد سفرك ردا ً على جميلك في هذا المنتدى ومساعدتك للأخرين.
تمنياتي لك بالتوفيق والسفر القريب انشاء الله.

اخي العزيز ابن شط العرب الغالي
يمكن دتتاخر امنيتي حتى ابقى اكبر وقت ممكن اساعد الاعضاء الي محتاجين مساعده
ولذلك مراح اطلع الا يسافر اخر واحد بالمنتدى
وان شاء الله انت اولهم
الف شكر لدعائك وياربي الك مثله واكثر

[Sarmad010]

 طبعا شكرا جزيلا لكل الاخوة والاخوات الي ساهموا باعطاء معلومات عن ولاية كولورادو ومعلومات حلوة وقيمة بس عندي طلب اخوان اكو احد عنده معلومات عن مدينة Greeley اني حاليا بانتظار السفر ومحتاج معلومات عامة عنها اذا امكن.


شكرا

[muradiphone]

اختي اني هم colorado ..وجاي انتظر موعد فحص الطبي