تغير الطبائع المعتاد عليهة عن الوصول الى امريكا

[ethan texas]

السلام عليكم
اخواني الاعزاء اليوم احب افتح باب الحوار بموضوع كلش صار من المواضيع الشائعة بين العراقيين الي وصولو لا امريكا
بس حابب احجي بلغة العامية لسهولة التعبير
  من اكثر المواضيع الي اسمع عنهة بحياتي والمشاكل بين العراقيين وخاصة بين الاهل والزوج والزوجة انو عند وصولهم لا امريكا
تتغير الطبائع بنسبة 80 بالمية فة الابن يتعالى على اهلة والزوج يتعالى زوجتة وعائلتة
طبعا دائما اسمع  عن مشاكل واليوم انطرحت مشكلة من صديقة النة بغير ولاية  وهية اتصلت بينا وقالت اريد احل
طبعا احنى استغربنى لان همة كانو من اسعد العوائل الي نعرفهم ووطبعا كانو ويانة بمصر ونعرفهم حق المعرفة
اليوم اتفاجئنى انو الزوج من يوم مال وصل لا امركيا وكل ماتطلب الزوجة منة شي اصير مشكلة ويكتلهة ويعيرها
ايحاسبهة على عدد الجكاير الي شربتهة
مصرف ميعوفلها للبيت  ملابس مايشتري
يعني بين قوسيين ( شال ايدة من البيت كلة ) ومع العلم انو المساعدات كلهة با ايدة
وهوة يشتغل والحمدالله راتبة اكثر من 2100 دولار بالشهر  
حتى وصل لمرحلة انو مد ايده عليهة لسبب انو طلبت منة
شراء مجمدة للبيت لان محتاجيهة
فة سئوالي يبقى دائما شنو سبب تغير الاطباع والاخلاق عند الوصول لا امريكا وشنو عواقب هذة الاشياء
هل هوة تكبر او حب النفس والتفكير بالنفس
هل الوصول لا امريكا هوة شي كافي انو يتخلى مثل هيجي نوعية من الانسان عن عائلتة
وشنو حل هذة المشاكل  وشنو اسوي المراة بهيجي موقف وخاصة اذا كان بينهم اطفال
هل تتحمل وتبقى  على هذا الوضع البائس
ام تواجهة هذة المشكلة  
والمعترف عن امريكا بلد الحرية
يعني المفروض الرجل ايسوي مثل هذة الاشياء بالبلد العربي
مو ايسوي هذة المشاكل بدول الغرب
ابسط الاشياء ممكن تشتكي علية ويروح بيهة ويضيع مستقبلة  
طبعا الردود رح تكون من يقبل او يرفض
بس رجاء اخوي خلينا نتناقش بهدوء وبعيد عن التعصب

اخوكم جوزيف

[ابو عبد الله التكساسي]

جوزيف الله يخليك متكلي هاي اشلون راح انحلهه 
هي الحل الوحيد وانت رفضته ليكدام
ابسط الاشياء ممكن تشتكي علية ويروح بيهة ويضيع مستقبلة
وماكو غيرها
لو احد ياثر على الزوج ويحجي وياه

[أبوفاروق]

[size=18pt]تحية طيبة أخ جوزيف
طبعا متابع ردودك قبل أن تسافر وتوصل السلأمة شخص واقعي جدا ومتحب تزييف وقائع
وأحييك على هذا الشي
أما مسالة تغيير الأطباع بعد الوصول لأمريكا يعني
هناك صدمة ثقافية مثل منعرف تحصل لأغلب اللأجئين بسبب تغيير الثقافات والحياة الجديدة
يعني هذا شي نفسي أيضا
أما تعميم مشكلة صديقتك على أغلب الي ديوصولون هذا شي أتصور خاطى!!!
حيث بعد الأستقرار وتكيف مفروض يبدا التعاون والمودة تزيد بين اأفراد العائلة وخصوصا
قلق بسبب وضع بالعراق تسبب مشاكل نفسيه
لهذا هو موضوعك أجتماعي بحت
وأني برائي صديقتك تبطل جكاير
زلمتنا تعب من صرف على جكاير لين كلها غاليه جكاير بأمريكا ومن حقه يضوج
مينطوها وي فود ستامب  هاي مجامله أخي وتقبل مروري
أبو فاروق[/size]

[ethan texas]

 السلام عليكم
اخوية ووالدي العزيز ابو عبالله
بالعكس هذة من اكثر المشاكل الي دنواجهة ب مريكا

واذا الشخص ديفكر بهيجي شي اكيد مرح يكدر احد  ايئثر علية

واذا تشكي علية هذا مو حل هذا خراب بيوت 

وشكرا لمشاركتك  ومنور الصفحة

اخوية العزيز ابو فاروق مشكور وهذا شي اعتز بية من حضرتك ياوردة

بس المشكلة مو بالجكاير ولا بشي
يعني حتى هوة يطلع وميطلع  عائلتة حاسبهم بالبيت

طيب الملابس هم شي مو رئيسي

اخوكم جوزيف

[ريم عبد]

اخي العزيز ابو الزوز
تصور هذا الوضع بده لان همه راحوا لامريكا
لو هوه اكو حال جان مستور وهسه ضهر للعيان
واحتمال اذا ادكول الزوج ديشتغل ايجوز بسبب الارهاق علي
والتعب النفسي من شدة تازم الوضع هناك بين الشغل المستمر
ووجودهم وحدهم بعيدين عن اهلهم ايخليهم ايكونون متوترين
لان الضاهر هوه ديتعب بشكل كبير وديشوف الفلوس مدتجي بالساهل
ومعتبر الاشياء الي اتريدها زوجته كماليه نسبيا
ولذلك ضهرت هاي الازمه بشكل واضح
اما شتسوي هيه اداري وضعها ومراح يبقى هشكل
هاي فتره عصيبه ديمرون بيها اثنينهم وهيه فترة التاقلم
تصبر وتبتعد عن الشي الي ايثيره لحد ما يتعودون ويتقولبون بالحياة الجديده
وان شاء الله يهديهم وبعد سنه اتشوف وضعهم يبدي يتحسن

[أبوفاروق]

السلام عليكم
اخوية ووالدي العزيز ابو عبالله
بالعكس هذة من اكثر المشاكل الي دنواجهة ب مريكا

واذا الشخص ديفكر بهيجي شي اكيد مرح يكدر احد  ايئثر علية

واذا تشكي علية هذا مو حل هذا خراب بيوت 

وشكرا لمشاركتك  ومنور الصفحة

اخوية العزيز ابو فاروق مشكور وهذا شي اعتز بية من حضرتك ياوردة

بس المشكلة مو بالجكاير ولا بشي
يعني حتى هوة يطلع وميطلع  عائلتة حاسبهم بالبيت

طيب الملابس هم شي مو رئيسي

اخوكم جوزيف

تحية أخي جوزيف صارت ملأبس  المشكله يا اخي صدقني هذا شي نسبي
يعني أعتقد موضوع نسبي وشخصي صدقني اذا تصفن يعني مسالة تغيير الأطباع وتعامل الزوج مع زوجته

شي نسبي بالعكس الي أشوفه أني مسالة صغيره تاثر على العوائل مسالة الغربه

والتفكير بالحنين للوطن  بس مسالة صديقتك مسالة شخصية منقدر نكول مسالةعامة بين اللأجئين القادمين
تقبل مروري
أبو فاروق

[ethan texas]

 السلام عليكم خواني

اختي العزيزة ريم

الزوج كان يشتغل شغل اتعب من هذا اشغل كان يشتغل سائق مكروباص 

وصار بية امراض من ورة هذاالشغل وموصولو لهذة المرحلة

اما شغلة الغربة فة همة مو اول غربة ايصيرون بيهة
صارلهم 13 سنة متغربيين اذا كانو بمصر او غي دولة 

وشكرا لمرورج يا اختي العزيزة

اخوية ابو فاروق  انا ما اقصد انو انحل شغلة هذا صديقي او صديقتي ( صديقة العائة )

انا فقط فتحت باب الحوار كشي عام  ومشكلة من مشاكل الاجئ الي ديواجههة با امريكا 

بس  عمر البلد او القانون ميغير اخلاق الانسان

اخوكم جوزيف

[أبوفاروق]

ممنون خالي جوزيف وهذا شعورك الطيب دليل أخر على مسوؤليتك تجاه أخوانك اللأجئين
وتقبل مروري
أبو فاروق

[bigj]

الاخ جوزيف وجميع الطيبين

تحيه وسلام, لا اريد ان ابرر ما يفعله الزوج كما اسلفتم ولكن لكل قصه طرفان واعتقد لن نصل الى قرار سليم بدون سماع الطرف الاخر اولا.
ثانيا بالنسبه لموضوع التدخين فكلنا نعرف مضاره وغلاء السكائر في امريكا حيث معدل سعر الباكيت من 5 الى 8 دولار وحسب الولايه اقول هذاواعترف باني مدخن منذ 18 سنه تقريبا, مع العلم اني المسؤل عن الصرف المنزلي ولكني احاول الان واوجه صعوبات بترك التدخين حيث كنت ادخن باكيتين يوميا والان ادخن سكارتين باليوم ولست مقتنعا اريد تركها كليا والسبب هو خوفي على عائلتي الصغيره في الغربه من حيث مصرف الدخان الغالي واضراره الصحيه وكذلك صعوبه الحصول على مديك ايد او كير بعد فتره انتهاء المساعدات وراس مال الشخص هنا صحته وعدم وجود العائله الكبيره في حال مرض الشخص لكي يسندوه, قراري هذا مجبور عليه بسبب التفكير بمصلحه العائله.

ثالثا: بالنسبه لشراء الاغراض وكما تعرفون الصبر جميل لان الاستعجال بشراء اغراض غير ضروريه جدا خطأ وربما توافقني بالراي لان اعتقد كلنا مرت علينا الحاله الي نشتري بيها الحاجه وبعد يومين تلاثه احد المعارف يعرضها مجانيا عليك لو احد يتحول وينطيك الحاجه بلاش لو بسعر زهيد لان نقل الغراض بين الولايات مكلف والامريكان دائما يحاولون يجددون اغراضهم ويا مكثر الغراض المستعمله وبعضها اخو الجديد.

التدبير ببدايه مشوار الغربه ابدا مو خطا بس ابدا ما اويد بان الرجل يخرج ويتمتع ويترك عائلته محبوسه لان هاي انانيه وماممكن يستمر على هالحال وخصوصا انه ميكدر يجبر احد على شي لو يعيشهم بسجن.

نصيحتي لقريبتكم بالصبر قليلا وارجو ان ميكون رائي ما ازعجكم واسف لان طولت بالكلام.

[ethan texas]

مشكور اخوية العزيز علىكتك الطيفة  وبارك الله بيك 

بس هوة محور الكلام والمشكلة مو بالجكاير   بس يعني هذا شي من المشاكل وهوة شي بسيط


اخوكم جوزيف

[cricket]

الاخ الكريم جوزيف والله موضوعك حلو وانا اعتقد انك ضربت مثل بس الي تقصده هو اعمق واكثر شمولي وانا اييدك انهو القوانين والبلد ومتغيراتها  يجب ان لا توثر على اخلاق الانسان بارك الله بيك

تقبل مروري

[abomagid]

السلام عليكم

اشلونك اخويه جوزيف .... طبعا ذكرتني بواحد من اقاربي قبل مده راح ايفاد الى دوله اوربيه ظل حوالي قرابة الثلاثة اشهر من رجع انكلب راسا على عقب كام من الصبح الى الليل يشرب ( الكحول ) ويكظي يومه مو صاحي وهمين الاهانات والضرب لزوجته واخر شئ انفصل واحد عن الاخر ومتصورون همه اشكد جانو واحد احب ويحترم االاخر .. بالطبع هذا مو قياس لكل المغتربين بس اني أيد انو اصير فد تغير معين بسلوك الزوجين ... قد يكون بسبب تغير الثقافات او تغير الحضاره او الغربه وايضا ضغوط وصعوبة الحياة ومشاكلها اهناك ....
وهذا الشئ اني من الناس خايف منا بشكل غير طبيعي||||

اخوكم
ابو ماجد
تحياتي

[ghost rider]

الحل كلش بسيط وسهل وميحتاج دوخة راس
تشتكي عليه واذا عادهة تطلب الطلاق منة وتتزوج واحد غيره
بس اذا هية عاجبهة الكتل ..شتسويلهة

[اريد وطن]

الى اختنى صاحبه الموضوع

اولا واهم شيء الصبر من الطرفيين الزوج والزوجه اهم موضوع هو تحمل الطرف الاخر بسسب الغربه والمعانه التي لقوها من تغير الحياه تقريبا 180 درجه على الطرفيين

بحال وصول الامر الى شكاوي والشرطه لاسامح الله هذه العائله تدمر بمعنه الكلمه وبالاخير الطرفيين هم الخصرانيين وطبعن اذا اكو اطفال المشكله اكبر

ممكن من ضغط العمل وضغوط الحياه على الزرجه متعلمه في بلدها على امور تغيرت وياها مثل بعد اهلها عنها اتمنى وارجو من الطرفيين استغفار الرب والصبر من الطرفيين

مما نمر بيها نحن العراقيين من ظروف صعبه  مثل الزوج لازم يفكر بمستقبل عائلته وشلون يخلي حياتهم مستمره من ناحيه سكن واكل و.... والزوجه تريد كذالك ان تكون مثل ماجانت بيتها وطنها مع الاسف هذا كله راح بس بتعاوتهم وتحملهم وتسامح في المستقبل يكون سهل

وخلي ناس من اصدقائهم الي يعتبر كلامهم مقبول من الطرفيين يدخلون بالكلام الطيب والحسن وبدون تكبير الموضوع وتذكيرهم ان المعانت انتهت وبس الواحد شويه يصبر ويتحمل وكلها سهله

في الموضوع الطرفييين  نفسيتهم تعبانه وتغير الحياه عليهم بس يخلون بالهم بس توصل للشرطه او طرف ميعرف تقاليدنا يعني يريد يدمر العائله

يارب يهدي الطرفيين ونسم اخبارهم للاحسن واتمنى الدعاء لهم ان يهديهم ويسعدهم يارب

وطني كندا - اريد وطن سابقا  - انتظار اتصال لتسليم الجواز واكمال الاجراءات

[دنفش]

السلام عليكم
الاستقرار النفسي للانسان يجي من الاستقرار المادي واني رأي انة الزوجة تشتغل ولو ماكو شغل بس تحاول لان المورد المالي للزوجة رح ينطيها ثقة بنفسها وايضا تحس بقيمة الفلوس وتقل حاجتها المادية من زوجها والمرأة العاملة شخصيتها تصير اقوى ويصير عدها استقلالية طبعا هاي وجهة نظر اخوان   تحياتي             

[مُغترب]

وعليكم السلام

اسمح لي ان اكتب بالعامي ايضا

شوف حبيبي

كل واحد وطبعه وقابليته وتفكيره

يعني عندك مثلا اكو ناس تتغير من تحتاج

اكو ناس تتغير من يصير بديها فلوس

اكون ناس ما تتغير لو تسلب منهم عيونهم

اكو ناس ما تتغير لو يلزمون فلوس الدنيا وسلطتها

هيج يعني

وصاحبنه الله يهديه ويغير نفسيته ويصبر اهله

احنه ما نكدر نحكم لان عادة اتعودنه للاسف نحكم على كل القضايا من نسمع طرف واحد

اني ما اكلك هو ما غلطان

لا

بس يعني يجوز عنده مشكلة

يجوز رفض التدخين على سبيل المثال لسبب مو مادي

يجوز رفض الملابس لان شافها مو مناسبة

يجوز اكو تقصير بحق الاب وهو يعاقبهم بهذه الطريقة

يجوز يتحجج

ايجوز اتخبل الرجال من شاف هذه الدنيا والالوان وانبهر بيها واتعقد على عائلته

يعني منين ما تجيها بيها سبب

ومانكدر بس ندعي الهم ونكول الله يهدي النفوس ويقضي حوائج كل محتاج ومتضرر ومهموم

وهيه والله العظيم يعني مجرد السفرة والخلاص من هوسة العراق والظلم والدمار النفسي والعصبي هو بحد ذاته نعمة من الله ويحتاج الشكر والصلاة

بس شنسوي

نكول الله كريم

واللي مابيه حيل يصلي ويتشكر خل ينطيني خبر واني اصلي بمكانه

وتحياتي للكل

والف شكر

وعذرا اذا كان اسلوبي في غير مكانه

ختمت السطر الاخير بالفصيح

ها شلوني ؟

 

[أ.ج.ت]

السلام عليكم .
اخي العزيز خلي اناقش شغلة البنية اول مرة بعدين نحجي على العموميات.
اذا كان الزوج يعاني من امراض قد تؤثر حالتة الصحية على حالت النفسية وهذا موشرط يعني احنا العراقيين دنحمل امراض وهموم نفسية قبل الصحية ومع ذلك الرجل دائما الخيمة الي تلجأ الها كل العائلة المهم هذا الشي تقدره الزوجة فقط لان هي اكثر وحدة تعرف زوجها فاذا كان اكو ا مشكلة ممكن تقنعة انو يروحون لطلب الاستشارة الزوجية والمستشارين ناس متخصصين حيكدرون يقدمون المساعدة.اما موضوع الجكاير والمصرف والمشتريات المنزلية هاي كلهه حجج ديتحججون الطرفين بيه لخلق مشكلة بسبب تأزم الوضع بيناتهم .اغلب  العراقيين والرجال على وجه الخصوص دائما يتربون على مبدأ الي يضرب مرتة مو رجال فاذا الاخت دتشوف انو ماكو اي سبب نفسي ديخلي زوجهه يمد ايدة عليها فالاحسن انو تشتكي علية وحتة لو اتدمر مستقبلة فيستاهل لان هو مجاب بنت الناس من بيت اهلهه حتى يهينا وان كانت تحبة لان موضوع الحب مابي كرامة هذا شي مو واقعي الانسان بدون كرامة مو انسان الحب تنازل وتضحية بس ميوصل لدرجة انو ميخالف يضربني او يهين كرامتي لان احبة او مااريد ادمر الاسرة لان الاسرة الي الاب بيها ميحترم الام حينجبون مرضى نفسيين الابن يطلع على ابوة والبنت تطلع معقدة ومتربيه انو الرجال يضرب مرتة فيطلعون اشخاص مهزوزين.واني عجبني تعليق اللاخ كوست واكرر اذا ماكو سبب نفسي ومتخذت اي اجراء معناها عاجبهه الموضوع. بالمناسبة اخاف عبالكم دااكول هيج لان اخاف من مرتي فاني دااكتب وهي مو يمي هههههههههههههههههههههههه.
هسة نجي على موضوعك الرئيسي وهو تغيير العادات بالتأكيد لازم يصير تغيير ببعض العادات سواء اكتساب عادات وطباع سيئة او حسنة لان الانسان يتأثر بمحيطة واكيد الجو العام بالعراق يختلف عن الجو العام بامريكا وهنا الموضوع عائد للشخص وقابليته فمثلا اكو ناس جانت بالعراق يعتبرون الزوجة او المرأة ميجوز تشتغل في حين من يوصل لامريكا يغير نظرتة ويسمح لزوجتة او بنته بالعمل وهذا الشي جيد لان العمل يحسس الانسان بقيمتة بالحياة مثلا يكون رجل متعصب يرأية ويروح لامريكا ويشوف كلش طبيعي داخل الاسرة المناقشات والاستماع للاراء فيغير من طبعة وهذا الشي جيد واكو بالعكس يعني ميحسبه صح ويحب يقلد فتشوفة كام يشرب ويوصل حد الادمان والانسان المدمن هو سئ بكل صفاتة واكو هواية امثلة اخرى .
الخلاصة تغيير الطباع وارد وكلش طبيعي بس السؤال الي الشخص لازم يسأل نفسة هو هل سأحاول اكتساب عادات وطباع جيدة ومحاولة تجنب الاشياء السيئة ام سانجرف مع التيار  

[angie-dawood]

اخي العزيز جوزيف مو شرط كل الناس تتغير طباعهم اكو ناس صارلهم قرن بامريكا وهما نفس الطباع مال العراق واكو ناس اول ما وصلوا تغيرت طباعهم وبالنسبة لهاي العائلة مهما تعرف عن هاي العائلة بس ما راح تعرف شكو بين المراة والرجال شنو اساس المشاكل يجوز هو يريد يجمع هاي الفلوس يريد يفتح فد مشروع او يشتري بيت لو سيارة اشياء مهمة لحياتة العائلية وما ينطي الها فلوس بيديها يجوز هي ام بيت مبذرا ترى محد ما يكدر يعرف شنو اكو بيوت الناس مهما كانت صلتك بالشخص حتى الاهل الي اقرب المقربين ما يعرفون شنو اساس المشكلة بين الرجل والمراة وانشاءللة ربي يهديهم اثنينهم

[عراقي وافتخر 4]

ممنون اخي العزيز  جوزيف وهذا شعورك النبيل دليل أخر على مسوؤليتك تجاه أخوانك اللأجئين

[ethan texas]

مشكوريين اخواني الاعزاء  ومنور اخوية العزيز  ماجلان موضوعي 

وفعلا مثل مكلت الي مابية خير با اهلة مابية خير لنفسة 

وانشاء الله يارب ايحل السلام والمحبة بين العراقيين وين ماكانو يارب 

اخوية كوست مو اللحل الامثل انو تشتكي علية  او تطلب الطلاق لان الطلاق بحد ذاتة حرام
 
ا ج  ت   المراة هوة ونستهة بابيت ومن الرجال ايريد البيت مثالي وكلشي حلو ونضيف لازم ايوفرلهة ويكمللهة كلشي لان ماكو شي اسمة بس اخذ الدنيا اخذ وعطى 
ومن الرجل يوعد المراة لازم يوفي بوعدة 
اخوكم جوزيف

[عيني بغداد]

السلام عليكم
اخي العزيز جوزيف

مراح اعلق هوايه بس اكلك بأن "الأناء ينضح بما فيه"

تقبل مروري
عيني بغداد

[silver_d]

السلام عليكم
تحيه معطره منسماء بغداد الغاليه
طبعا احب ان اعلق على هذا الموضوع واني اايد صاحب الموضوع انو كلامه صح اكو هوايه ناس ونبسه الاجئين العراقين تقريبا 40% من مشاكل الطلاق والانفصال ومشاكل ما بين الازواج
اني راح اذكرلكوم قصه حقيقيه وهذا الشي صار كدامي
طبعا اعرف ولد جان يشتغل ويايه بأحدى القواعد الامريكيه سنه 2005
طبعا هوه كان يحب بنت خالته واتزوجها عن حب سنين وهذا الشخص بعد ما اتزوج اتفق ويا مرته انو يبطل ويطلع للسويد وحده  تهريب ومن ياخذ الاقماه راح يسحب مرته ويسويلها معامله لم  الشمل وهذا الشخص راح المهم بصم باليونان وادى هذا على عدم منحه الاقامه الدائميه بالسويد المهم بقه بالسويد بدون اوراق تقريبا سنتين الى 2007 المهم بعد فتره هذا الشخص طبعا كام يسوي تصرفات غريبه مع انو يطلع يوميه يسهر ويلعب قمار ويرووح ديسكوات (اسف على هذا التعبير ) وصديقات المهم وهاي زوجته تنتضره بالعراق تامل انو زوجها يوم من الايام يرجع الها وهيه طلبت منه انو يرجع كالت الله موفقك بهاي الشغله ارجع حته نبدي حياتنه من جديد المهم وره فتره كلب على زوجته وكاللها اني ما ارجع ودكي راسك بالحايط وانتي هم مره وهنا البنات مو انتي ماعرف شنو من هالسوالف المهم الولد رجع للعراق ومكاللها اني راجع  طبعا هيه بيت اهلها  ومتعرف هوه راجع للعراق وراجع الشغله وره فتره سمعت من الاقرباء انو زوجها راجع وره فتره  التقت بيه وكالتله ليش هشكل تسوي مو اني بنت خالتك كاللها اني ما اريدج طبعا من السويد خله فد بنيه انو تحجي وياها وتكوللها زوجج بع ميريدج واني ويا راح نتزوج والبنيه طلعت وحده حشاكم من الشوارع (اسف على هذا التعبير) المهم وراها قدمت الطلاق وههوه هم مدا يطلكها وهم مدا يرجعلها والمره خووش مره كالتله هاي حياتنه لازم اني وياك نبدي من جديد وما اريد الناس  يحجون علينه واني اي شي تطلبه مني اني اسويه لان انته زوجي واني مجبوره ونفس الوقت ابن خالتي
طبعا ما اطولها عليكم طلكها وره فتره سافر امريكا وحاليا هوه متبهذل لان انسان ميعرف يتصرف وصرف كل الي وداه وياه عالقمار والشغلات التعبانه والشرب

تحياتي
ومثل مكالو من ايده الله يزيده

[زيوس]

الله يهدي الزوج لزوجته ....

ويلم شمل العائلة ....

الاخ صاحب الموضوع بارك الله بك اخي الفاضل

تقبلوا مروري رجاء

اخوكم زيوس

[سامسونغ]

اخي جوزيف اشكرك على الموضوع وتره غلب الطبع التطبع والأنسان مهما يحاول ان يتاقلم مع المحيط فان ماتربى عليه يعكس شخصيته فلا المادة ولاالمحيط المتطور يصححوا من تربية الشخص وانمااصله الطيب وثقافته حتى وان لم يدخل مدرسه وانما اتقانه فن التعامل مع الآخرين وادارة بيته بصوره حضاريه وليس بصورة (سي السيد) تؤدي الى سعادة بيت وسعادة مجتمع فلو كانت المشاكل الأسريه تحل داخل المنزل لساد الحب كل اركانه اما اذا خرج سوء التفاهم من باب البيت دخلت البغضاء وانتشرت كالنار في الهشيم وبدل اطفاءها تسعرها تدخل المتطفلين.