جماعة اريزونا حياكم الله وينكم

[الليث الابيض11]

اخوان الله يساعدكم وانشاء الله زينين سؤالي هو الى اخواني في فينكس هل يوجد منظمة اسمها (IRCS) في فينكس وماهي طبيعة مساعداتها وهل صحيح ان المساعدات لشهر واحد فقط كما سمعت من الاخوان في المنتدى علما اننا عائله صغيرة من شخصين فقط وانا حاليا في بغداد انتظر مو عد السفر عن قريب انشاء الله ..... وارجو من الاخوة في فينكس بالتحديد ايضاح طبيعه المنظمه اعلاه ومدة المساعدات التي تقدمها المنظمه ولكم مني جزيل الشكر ..... ارجو الرد السريع

[/size]

[angie-dawood]

العنوان:    وصولي الى فينكس
إرسال بواسطة: salahlosr في ديسمبر  31، 2008
-------------------------------------------------------------------------------

اصدقائي الاعزاء .... بعد مرور شهر على وصولي الى امريكا وبالتحديد ولاية اريزونا - منطقة فينيكس
وبعد انتهاء الرحلة الطويلة التي امتدت لمدة يومين ونصف من ( بيروت - فرانكفورد - نيويروك - دنفر - فينيكس )
وفي مطار  فينيكس تسلمتني المنظمة وتدعى اللوثرين وقامت باعطائي بيت جميل  وصلت الى بيتي في حي هادئ وقامت المنظمة ايضا باعطائي مبلغ 25$ فور وثولي للبيت وبطافات للباص وفي اليوم التالي جاء المسؤل عني واخذني لاتمام معاملاتي وقبل قليل استلمت اخر بطاقة لي وهي التامين الصحي

الان سوف اشرح لكم البطاقات او الهويات التي سوف يتم تسليمها لكم:

1- بطاقة اسمها  I-94 وهي عبارة عن اقامة لمدة سنة
2- بطاقة اسمها الفود ستام وهي عبارة عن بطاقة تقوم الحكومة بوضع مبلغ معين لشراء الاكل فقط ومبلغ كاش تقوم المنظمة باخذ الكاش لدفع الايجار
3- بطاقة التامين الصحي الابتدائية التي تحتوي على صورة شخصية يتم العمل بها لمدة 8 اشهر وتغطي تكاليف  8000 $ فقط لكن انا اقول لكم تغطي كل التكليف  لاي عميلة ( لاني عملت عملية بقيمة 40,000 $ ولم ادفع حتى دولار واحد )
4- بطاقة التلقيحات بعد الوصل بفترةكل شخص يتم تلقيحه وهي البطاقة مهمة في الحصول على الكرين كارت
5- بطاقة التامين الصحي  الدائمية التي لا تحتوي على صورة وتغطي تكاليف 250,000 $ وهي تستمر لفترة خمس سنوات
6- بطاقة تدعة ID او هوية الولاية وهذه تساعدكم في السفر الداخلي اي داخل امريكا
7- بطاقة السوشيل سكيورتي لا اعرف الفائدة منه لاكن هو مهم اي معاملة تقدم عليها او شغل يكون هو اول الوثائق المطلوية
8- رخصة السياقة وهناك نوعين الولى لمدة سنة والاخرى لمدة خمس سنوات ولكل وحدة مميزات وعيوب

اخيرا انا الان ابحث عن عمل وان شاء الله في الايام القليلة القادمة اكون قد تسلمت عملي
انا حاصل على شهادة علوم الحاسبات من العراق وشهادة محاسبة عامة من لبنان وشهادة خبير الصيانة والدعم الفني من امريكا و شهاد و مهندس الصيانة والدعم الفني من امريكا ايضا ولم اترك عمل والا قدمت علية من شركات تنظيف الى حراسات الى شركات كومبيوتر الى شركات حسابات الى الى الى الى ...

الهدف من كلامي انه لا ترفض اي عمل يقدم لك فور وصولك بل اقبل به وقم بتحسين وضعك ومن خلال العمل تستطيع ايجاد عمل احسن بمرتب افضل او ساعات اقل واخيرا اتمنى التوفيق للجميع في حياتهم الجديدة سواء في امريكا او اي دولة اخرى.

[angie-dawood]

    رد: اكتب لكم من اريزونا مدينة فينكس
« رد #12 في: مايو 26, 2009, 08:34:15 pm »  

--------------------------------------------------------------------------------

شكرا جزيلا لكل الاخوان

بالنسبة لي انا مقدم على برنامج اللجوء من بغداد واستغرقت معاملتي من التقديم الى السفر تقريبا سنة

وبالنسبة لاريزونا ولاية جميلة وسهل العيش بها ولكن جوها حار جدا يعني احر من مدينتي البصرة ولاكن لايوجد فيها رطوبة وبالنسبة لسكانها خليط من جميع الجنسيات ويكثر بها المكسيكان لقربها من حدود المكسيك

وعاصمتها مدينة فينكس ومدنها الاخرى تيمبي و  سكسدل و ميسا و سدونا و فلاكستاف و... الخ

بالنسبة للمنظمات بيها اكثر من منظمة ومنظمتي هي IRC والمساعدات بالنسبة الي كعازب هي اربعة اشهر على برنامج الماتش كرانت من ايجار (بالنسبة لي اسكن بشقة صغيرة لوحدي يسموها ستوديو ايجارها 470 دولار) والفود ستامب ايظا بيه تقريبا 200 دولار شهريا للاعزب وكاش تقريبا 200 دولار شهريا ومن تشتغل هاي الامور كلها تروح وبالنسبة لهذا البرنامج الماتش الكرانت اربعة اشهر واذا مالكيت شغل خلال هاي الفترة شيسوي الواحد والله ماادري وربك الرزاق

وبالنسبة للدراسة بالجامعة ماعندي معلومات عنها لحد الان
 

[الليث الابيض11]

شكر خاص الى الاخت العزيزة انجي الطيبة على سرعت الرد والمعلومات المهمه جدا والمفيدة والله يوفقك ......


وشكر خاص الى الاخ ابو فاروق الوردة وعلى هديتك النركيله واني قبلتها مقدما وعاشت ايدك خوش معسل ابو التفاحتين وكلامك الجميل بل الرد وانشاء الله اشوفك بالمطار عن قريب العاجل ......

[queen777]

نعم اخي الكريم موجودة و هية احسن من المنظمة الثانية الي اسمها اللوثرن لان فلوسهم اكثر و ماكو شي اسمة مساعدة بس شهر بل تستمر ثمان اشهر و الله يسهل امرك

اخوك مصطفى

[mayada2009]

اخويه العزيز الليث اولا اكلك مرحبا بيك باريزونا وهاي المنظمه من احسن المنظمات الموجوده هنا والمساعدات تستمر لثمان اشهر واذا ملكيت شغل ممكن تستمراكثر وحته اذا خلوك عالماجكراند الي هيه اربعة اشهر من تخلص هم راح ترجع على البرنامج الحكومي ولتصدك بحجي اي واحد يكلك المساعدات لمدة شهر مع احترامي الابو فاروق والي ما اعرف منين جاب هذا الكلام والي هو (هوايه ناس حصلوا على مساعدات لشهر واحد فقط !!!!!!!!!!!!
بالنسبه لأريزونا اخويه العزيز مع احترامي الك ماكو هيجي حجي وبالنسبه لليث يجي هنا ويشوف بنفسه وراح ينور اريزونا

اختك ميادة / اريزونا فينيكس

[الليث الابيض11]

اولا اشكر الاخ مصطفى على الايضاح  والرد الجميل

ولو اتاخرت عليك شويه  ورحمة الله على والديك-----بس اريد اعرف شكد صارلك باريزونا وشكرا جزيلا[/color]                                                                                                               

[الليث الابيض11]

اشكرك جدا اختي العزيزه مياده على الرد وبيان المعلومات حول المنضمه  اي ار سي اس وممنون منك جدا   

وانشالله اريزونا منوره بيكم جميعا---------


ابو فاروق حبي علكيفك ويانه لاتزعل هو مجرد اخذ وعطه وبيان معلومات وكلكم متقصرون -----
 
تحياتي الك اشكرك
 









i

























































































































 

[أبوفاروق]

ماشي أخويه أبو علأوي تدلل
وأني أسف اذا أزعجتك وهاي ردودي حذفتهن علمود تستفاد من كل معلومات وتحياتي
أبو فاروق

[queen777]

حبيبي الليث الابيض اني هنا صارلي شهرين و الله يجيبكم بالسلامة

مصطفى

[عماد الاشوتي]

                          الاخ الليث الابيض العزيز 
بالنسبة لمنظمة  I R C
تقع في فينكس على (  STREET  7   ) وبين شارعي ( CAMELBACK  و  MISSOURI  ) 
المساعدات بالنسبة الي (احنة 4 اشخاص اني وزوجتي و2 اطفال ) خلوني على الولفير مباشرة ال(DES )يتضمن ( فودستام 655 $ وتامين صحي وكاش ينزل على الفودستام  335$ والكاش لمدة 8 اشهر وبعدها ينكطع ويستمر التامين الصحي والفود ستام )
 بالمناسبة اني عندي كفيل اختي وهي رفضت نكعد بالشقة اللي خصصت النة ولهذا استلمنة لكل نفر 450 $ احنة نروح اندور على شقة  (وما جنت اماجر وما قدمت عقد ايجار ) وهذا الشي باعتقادي من ورا ما خلونة على الماجيك كراند لان هذا البرنامج يدفع ايجار لمدة 3 او 4 اشهر مع مبلغ  تستلمة عن طريق المنظمة صك ما ادري شكد صراحة وبعد هاي المدة تكمل لمدة 8 اشهر مع ال DES  عن طريق ارسال استمارة وطبعا الى ان تلكة شغل يستمر الفود ستام والتامين الصحي 
 هذا اللي صار وياي وصارلي 8 اشهر في اريزونا كليندل واستلمت رسالة من ال DES  اتبلغني الكاش اتوقف اما الفودستام والتامين الصحي يستمر الى نهاية الشهر الرابع من هاي السنة وبعدها نجدد الى ان تنزل رحمة الله ونلكة شغل.........
بالمناسبة المنظمة بها موظفين عراقيين من ضمنهم منسق العمل ( وليد ) عراقي كلش خير وديحاول قدر الامكان يلكة اعمال ونكول الله كريم ........
اسف جدا جدا على الاطالة واتمنى ان اكون انطيتك فد معلومة بسيطة عن المنظمة واكرر اسفي اذا كانت هناك معلومة خطا (لانه كما ذكرت في البداية هاي المساعدات اتخصني وعسى ان تستفاد منها ).......
 ويوم اللي اتوصل بالسلامة انشاء الله 

                               تحياتي

[volca]

السلام عليكم
اخي العزيز ليث راح اسولفلك شنو سالفه الشهر
انته ان شاء الله من توصل الى امريكا المنظمه اتكلك اني ادفعلك ايجار اول شهر
طبعا هه مدافعيه من جيوبهم دافعيه من فلوس المخصصه الك
و بعدين تتحول الى الماج ركاند او الحكومي وانته احسن الك تاخذ الماج كراد لان انته عائلتك مكونه من شخصين يعني الحكومي ميكفيك تدفع ايجار

الاخت مياده مع احتراماتي تره انتي بعدج جديده باريزونا و ال اي ار سي زينه تدفع فلوس شوفي غير منظمات شلاعبين لعب اني اعرف جماعه رفعو عليهم قضايا وصارت بالمحاكم و خلو عليهم باد كردت وطلعوهم من الشقه بامر محكمه
هذه الحجي قبل 8 اشهر او اكثر

الصراحة تعليق الاخ ابو فاروق مشفته فما اكدر احكم

اخويه العزيز queen777 مصطفى اني هسه يله عرفت انته باريزونا فينكس عمي اذا تحتاج شي اني حاظر وبرسم الخدمه اذا اتريد تلفوني اكتبلي ع الخاص واني حاظر انته و جماعه اريزونا كلهم

تحياتي للكل
اخوكم علي 
شبعت من اريزونا فينكس

[شكسبير]

الاخ عماد الاشوتي طبعا الف شكر على هل المعلومات بس خويه الف رحمه لوالديك اني هم مسافر للاريزونا فينكس وطبعا اني بعدني بالعراق ونفس الحاله اني هم عندي عائله مكونه من طفلين  فسوالي هو  او اسالتي هي راح اسولكياها على شكل نقاط وعذرا للاطاله
1-انو شعجب ماكو نضام الولفر  بهاي الولايه الي يستمر مده خمس سنيني  الي مثل ما سمعت من بيقه الاخوه الي بالمنتدى  يعني الي عنده اطفال تستمر خمس سنين ؟
2- اذا انتقلت بعد ما انتهت المده الثمانيه اشهر من هذة الولايه  هل تستطيع تقدم عل الولفر ابو الخمس سنين ؟ لو مالك حق
3- اني دا اشوف مده الثمانيه اشهر هوايه يعني شعجب ملكيت شغل خويه تره اني هسه انهبطت معنوياتي حيل
4- ايجار  المنطقه الي كاعد بيها  شكد تترواح ؟  وهل اسعار الشقق اقل من البيوت وايهما افضل بالنسبه لكلندل
5-بالنسبه للاطفالك ويت تخليهم اذا رحتو للمدرسه من اجل تعليم اللغه الانكليزيه ؟ هل هناك حضانه قريبه او  جليسه اطفال قريبه عليك وشكد  التكاليف
6- سمعت انو اذا تدرس ينطوك مبلغ معين  للاجل الدراسه وفلوس بانزين للسياره هل صحيح هذا الكلام
7- خلصت  الاسئله بس بروح ابوك لتحقد عليه لان سالتك هوايه بس  اخوك حاير ومحتار بزمانه وماعرف شلون راح ادبرها
                                           شكرا جزيلا

                                        شكسبير
 

[queen777]

حبيبي الاخ volca العزيز اني هواي اشكر نبلك و موقفك الرائع و انشاء الله نتعارق و ارسلك رقمي على الحاص و الحمد لله دابرة بس معرفة الطيبين امثالك مهمة

اخوك مصطفى

[عماد الاشوتي]

الاخ العزيز شكسبير (ذكرتني برواية تاجر البندقية اموت عليهة رووووووعة هاي الرواية بالمناسبة  اخر رواياتك شنو اسمهة    
 نرجع على الاسئلة والظاهر ما بها ترك
ج 1 .. اذا اتقصد بالمساعدات المالية بعد ال 8 اشهر فتتوقف اما الفود ستام والتامين الصحي فيستمر الى ان تلكة شغل (كان عندي مقابلة مع ال DES  والمسوؤلة عني بلغتني انه الكاش اتوقف وراح يستمر وياك الفود ستام والتامين الصحي لمدة 4 اشهر اضافية وكل 3 اشهر اذا ماكو شغل اتجدد المساعدات هذا اللي صار وياي واني على منظمة  IRC  ) ها جماعة ال DES يبلغوك اذا بلشت تشتغل وكان المورد مالك اكثر من اللي همة مخلي الحد المالي كلشي ينكطع عنك المالية وغير المالية والعكس صحيح...
ج 2 .. تقصد تروح غير ولاية هاي صراحة ما اعرف بها ايجوز احد  الاخوان الاعضاء يكدر ايجاوبك بصورة افضل ( بس اعتقد يفضل تطلع قبل ما اتخلص ال 8 اشهر وتروح غير ولاية )....
ج 3 .. مو قصدي اهبط معنوياتك بالعكس انشاء الله توصل بالسلامة راح اتشوف معاملة الامريكان للبشر شلونهة وخاصة معاملتهم لللاطفال وهاي بالنسبة الي اهم شي الاطفال لان علمودهم واحد يستحمل كلشي المهم بخصوص الشغل قدمت الى ( ولت مارت - كي مارت - فرايس - روز - تاركت - 99 سنت - ومستشفيات ...الخ واروح اسال على الطلب مالتي يكولون انتظر
بصراحة اذا قدمت على مكان معين لازم ايكون عندك بها عرف بالعراقي ( واااااااااسطة ) لازم ولا بد لانه كلما اقدم استمارة لازم انتظر الى ان عرفت (واسطة امريكية في احد اسواق فرايس و راح اداوم وياهم ) والارزاق بيد الله وانشاء الله اتجي وكل الخير وياك (ايجوز المنظمة راح اتشوفلك شغلة معينة والله كريم )....
ج4 .. اني لحد الان كاعد ويا اختي كفيلي اما بالنسبة لحضرتك فاكيد راح اتكعد بالشقة اللي راح اتخصص الك من قبل المنظمة وهم يدفعون الايجار لانه اكيد راح ايخلوك على (الماجك كراند ) فصراحة ما معاني من شغلة الايجار اما بخصوص الايجارات اهنا كلندل شقة 2 غرفةنوم 650$ وانت صاعد اغلى من فينكس والبيت اغلى ....
ج 5 .. بالنسبة لاطفالك اذا كانو بسن الروضة او المدرسة همة يبقون بالمدرسة والمدرسين يهتمون بهم احسن من اهتمام الاباء بالاطفال صراحة وثانيا انت من تروح تتعلم اللغة هي يومين بالاسبوع لمدة ساعتين..
ج 6 .. اذا قدمت للدراسة مثلا في كلية كلندل او كلية شارع توماس وانت عندك صفة اللاجى راح اتقدم على المساعد المالية (Financial Aid ) والتي قيمتهة تقريبا 1300 $ تروح 600 $ اجور الدراسة وتبقى الك 700$ وهاي تشتري بها دفتر وقلم ومقطاطة ومساحة وهم بانزين والتقديم في هاي الكليات تقديم فصلي هسة راح يبدي الدوام يوم  20\1  وحضرتك من توصل بالسلامة مثلا بشهر الثاني او الثالث اتروح اتقدم وتبلش الدراسة بالخامس وهكذا وكلما اتقدم على فصل دراسي اتقدم على المساعدة المالية اذا ما عندك مورد مالي .....


                        تحياتي لك واتمنى لك الموفقية والنجاح

[mayada2009]

السلام عليكم اخويه العزيز عماد اني شفت كلامك وكله صح وعاشت الايادي بس ردت اصحح بالنسبه

(Financial Aid ) صح هيه 1300 الي يخصصوه الك بس انته راح تستلم منه 600 مو 700 لان همه ليكدام راح ياخذون منه 600 اجور الدراسه و100 اجور الكتب ولهذا انته راح تستلم منهم 600 فقط وشكرا الك اخويه العزيز


ميادة اريزونا / فينيكس