اذا اتتك مذمة من ناقص

[عاشـق الصمت]

السلام عليكم
الاخوه والاخوات من اداريين واعضاء
نلاحظ ان هذه هي ليست بالمره الاولى التي نلاحظ فيها بعض المحاولات البائسه للاساءه الى منتدانا الغالي عنكاوا وما تصرفات المدعو Prince of Persia  وغيره من وضع مواضيع لا تنم الا عن تربيتهم البيتيه واخلاقهم الوضيعه الا دليل على رقي منتدانا الرائع وان النخله دائما ترمى بصخر وتعطي اجمل الثمر ...
ما اريد ان اقوله هو ضرورة تواجد احد المشرفين باستمرار لمتابعة المواضيع المضافه دائما لكي لا نسمح لاي كان ان يحاول المساس بمنتدانا من خلال طرحه لمواضيع ساقطه واخيرا لا يحضرني الا مثل يقول " الاناء ينضح بما فيه " والحليم تكفيه الاشاره ...

تحياتي

[angie-dawood]

صح اخي واني هم ردت انزل نفس موضوعك مااعرف شنو هاي الاخلاق الفاسدة من هيجي نماذج اسلوب سخيف جدا واني اول مرة انزعج واتكلم بهيجي اسلوب لانه شي زاد عن حده لازم يكون رقابة مستمرة هنا احنا ما ناقصين الى هيجي نماذج سخيفة المنتدى صار لا يطاق من ورى هيجي نماذج

[ريم عبد]

اخي عاشق الصمت اكيد هذا ناتج من غيرتك على روح المنتدى
و ماكو مكان يخلى من هاي النماذج
بس هيجي حالات راسا تنرفض وتطوق وتنبذ الى الخارج بفضلكم وفضل كل الطيبين الموجودين في المنتدى
وراح اتضل هاي المحاولات بس متنجح هيه دخولها فتره قصيره لاثارة الغبار ومتكدر تتمادى اكثر لان هذا مو مكانها
وان شاء الله ايجنبنا اثارهم وايذائهم

[عماد الاشوتي]

  الاخ العزيز  عاشق الصمت

 صدكني ردت هم اكتب مثلك بس صراحة اني صرت مثل المصدوم والله حتى اصابيعي ما اتسوي بامري وحتى كان عندي كلام اقوى من كلامك لهذا (الفاسد الدخيل على منتدانا الرائع ) بس بعدين كلت لا لانه اكو عوائل تقراء هاي الاشياء وانا اكن كامل الاحترام والتقدير لهذا المنتدى باعضاءه ومشرفيه .....

  نعم اخي العزيز يجب ان يكون هناك تواجد مستمر لاحد اخواننا المشرفين للتصدي لمثل هاي الحالات (الناقصة التي تمثل بيته في الاول والاخير لهذا الفاسد )..........

  وكما قلت

 اذا اتتك مذمة من ناقص  فهذا اكبر دليل بان منتدانا يبقى رائعا ورفعة راس


  تحياتي

[angie-dawood]

والمشكلة عنوان الموضوع كان يلفت الانتباه وخصوصا احنا كلنا عدنا اهل دينتظرون يجون هنا وانتوا هم كلكم نفس الحالة دتنتظرون اي امل للسفر وهو عنوان موضوعه كان عن توقف الهجرة لهذا السبب دخلنا بس مع الاسف وجود هيجي نماذج بمنتدانا مع كل الاسف

[عاشـق الصمت]

اخواني واخواتي الاعزاء
غرضي من وراء كتابة موضوعي هذا هو ضرورة استمرار تواجد احد المشرفين والمراقبين لكي يتم حذف الموضوع مباشرة في حال تم طرحه من قبل احد المغرضين .... حيث من الطبيعي ان نتوقع تكرار مثل هذه الحالات في المستقبل وهذا اكبر دليل على نجاح هذا المنتدى الرائع والذي يعتبر بيت العراقيين الثاني ... تقبلو تحياتي

[Safaa Alkhrkhy]

اخواني اشاطركم الرأي بس هوة شنو الموضوع اصلا ؟؟؟
ترة كل شي مافتهمت من هذا الموضوع ؟؟!!
يعني شنو اللي صار ؟؟
ياريت اتكتبونة رابط الموضوع حتة نطلع علي لانه دورت بالمنتدى عن موضوع كاتبة هذا Prince of Persia اي شي مالكيت!!!

[عماد الاشوتي]

  الاخ صفاء الكرخي

 هذا الفاسد( امير الفساد في بيتة اكيد ) جان امنزل موضوع عنوانة (امريكا ترفض  لاجئين من 10 دول ومن ضمنها العراق كما بثته ال سي ان ان ) لهنا كلشي طبيعي لكن اتدخل على الموضوع امنزل صورة اباحية (عذرا للمشرفين والاعضاء)  لكن الحمد لله الموضوع انحذف ...........

 عذرا للاخ  عاشق الصمت لاني اجبت بالنيابة عنه...........

 تحياتي

[Safaa Alkhrkhy]

لاياناقص هذا اكيد دايعكس التربية التي تربى عليها....
هؤلاء طفيليات تريد ان توسخ منتدانا 
اشكركم على حسن انتباهكم اعزائي

وبارك الله بكم

[عاشـق الصمت]

الاخ عماد الاشوتي ... حبيب قلبي احنه كلنه واحد ماكو فرق بيناتنا ان شاء الله والحمد لله تم حذف الموضوع وشكرا للاخوه الاداريين والمشرفين للحذف
الاخ صفاء
اكيد اني كلت كلمن يعكس تربيته من خلال ما يكتبه لكن احنه نخاف من ان يتكرر الموضوع من غير مراقبه وهذا هو السبب اللي دفعني لان اكتب موضوعي هذا
تحياتي للجميع

[eng.a7med]

الاناء بما فيه ينضح

هذا ردي على الموضوع و يبقى عينكاوا راقي بادارتة و اعضائه الطيبين
و صاحب الموضوع عبر عن ما بداخله

تحياتي

[راهب الحب]

يا حبيبي الغالي شنسوي مثل ما ذكروا الإخوة كل واحد يعكس تربيته وأخلاقه وآني مع تواجد مشرف واحد على الأقل بإستمرار حتى يحذف كل المواضيع إللي ما إلها معنى او تسيء للمنتدى والأعضاء ...
تمنياتي إلك بالتوفيق ودُمت بألف الف خيــر .... †





                          أخــوكــُم /  وسـام بهنـام داؤد الخابــوري

[dark angel b13]

يابة ترة هذا فد واحد ناقص ما عندة لا اخلاق ولا غيرة ولا تربية جلببببببببببببببببببببببببببببببببببببببببببب

ويعكس تربيتة الفاسدة بس والله لو اكدر ارد علي الة العب بي شاطي باطي

والله ضوجني

[eboo]

السلام عليكم
والله يا اخوان اني اول واحد انصدمت بالموضوع لان اول منزل ركضت ودخلت عليه ضليت صافن ما اعرف شنو احجي واكول بسرعه دزيت للمراقب كتله يمعود الك وتحذف الموضوع يعني شي لا يصدق وهاي ناس مريضه نفسيآ واخلاق البيت تنعكس على المجتمع صارت مع الاسف لا دين ولا حيى ولا خجل بس ان شاء الله الكل هنا اخوه وما نقبل ابد ان انخلي هجيه ناس سافله حشه الطيبين ان ادنس هذا المكان واني صراحه الحد هاي اللحظه ما اعرف شنو احجي بس ما اصور ابن حلال يسوي هجيه شي ابد واسف على هاي الالفاظ لان كلبي يفور ولو كنه احنه بدون خواتنه مو مشكله نتلافاها وخلاص الله كريم ربي ينتقم من كل واحد حقير مثله هذا الادب سز ارجو ان لا اتواخذوني لان من فورت دمي داحجي

[الطموح]

عين كاوه  علامه داله    عين كاوه  موقع  منفرد   عين كاوه  الرقي في كل شى  عين كاوه الاخوه  والصداقه  والمحبه    نهاية الكلمات بعيده ولاتكفي كل الصفحات  للتعبير  ولاكن حسن  الاخلاق في جميع  الاعضاء  هو ماجعلنا نتحد في اعطاء الأراء نرجو نرجو وارجو من صميم قلبي ان يكون مشرف متواجد   دائما للحفاظ  على موقعنا وجماليته  والنجاح الدائم  كثير المتربصين لأفشاله  فتحيه  الى كل الاعضاء  والاصدقاء  ونرجو من الاداره متابعة الموضوع  وصداه  ورقي الانسان في عقله   وليس النجاح وحده يكفي بل الحفاض عليه هو مانريد(والاخلاق قطره في الانسان  اذا سقطت سقط الانسان  واصبح  حيوان) اعذروني  للكلمه الاخيره فهي قليله بحق الفايروس المتطفل علينا ولكم كل الحب والاحترام يااعزائي   

[عيني بغداد]

السلام عليكم

ولو اني مقريت الموضوع المكتوب قبل هذا الشخص السيء السيط ولكن كدرت افتهم الوضع من الكتابات الحالية للاخوان.

اني اتفق ويه رأي اخي بيرج فهذا مراح يكون حل ناجح.

اعتقد اهمال مثل هيجي اشخاص مسيئه للمنتدى وعدم الرد عليها رح يخليه يفهم بأن كتاباته ما الها صدى عند الموجودين وبالمحصلة رح يترك ويكون على مفترق طرق أما يكتب مثل الناس وينفع الباقين ولو بكلمة او ينسحب نهائيا من المنتدى لانه يعرف بأنه منبوذ.

تحياتي
عيني بغداد

[عراقي1995]

يعني هذا صدك واحد تعبان بكل معنى الكلمة
هذا المنتدى اتوقع الوحيد اللي بالانترنت اللي ايفيدك فائدة ملموسة وتحتاجها
يعني مو معلومات ثقافة عامة فقط مثل بقية المنتديات
مع الاسف على هيج نماذج
فعلا (((( ان لم تستحي فأعمل ماشئت))))

[ابو الحسن]

لا حول ولا قوة الا بالله العلي العظيم
الغيرة يا عمي نقطة مو بحر
سلامي للجميع
ابو الحسن - ماليزيا

[شجرة الدر]

بصراحه اني ماشفت بس سمعت من الاخت الغاليه انجي وكلش استغربت هيجي حاله اكيد هذا انسان دخيل وقصده التخريب لكن هيهات ان يهز شعره واحده من اعضاء المنتدى الطيبين وعذرا على اللفظ القافله تسير والكلاب تنبح ونشكر الاداره لتلافيها هذه الحاله