سؤال حول اكمال دراسة الطب في الولايات المتحدة الامريكية

[DeMeNtiA]

صباحكم ورد

شونكم بصراحة اني فدت للمنتدى لسبب و هو نشر اشعاري


عموما الان لاحظت شيء قد تنفعوني فيه

و هو انا مقدم على لجوء لامريكا صار مدة طويلة و القضية دتتحرك ببطء بس وعدوني خيرا

المهم اني طالب طب سنة ثالثة و سؤالي اذا اجيت شون علدراستي لان سمعت اللي يجي يرجعوا اول و اني مستحيل ارجع اول يعني ابقى بالعراق احسلي و لا ارجع اول

اتمنى للي عندهم معلومات على هلموضوع يسولفولي

[/color][/font][/size]

[DeMeNtiA]

عجيب مبيكم طلاب؟

[الحمل]

اسمع يا ابني العزيز وزميلي لعزيز اتعيد 3 سنوات احسن من تعيد 5 سنوات او اكثر اذا كملت الكليه ورحت لامريكا وذاك الوكت تكون كبرت وتزوجت وما تكدر تقرا بعد وعيونك تعبت وما عندك واهس اما ان تروح لامريكا وتبدي من الاول او تختار غير فرع اصلا مثل صيدله او طب اسنان وتبدي من جديد او تبقى بالعراق وتكمل الطب بس ذاك الوكت مراح تحس نفسك طبيب لان محد راح يعترف بيك وتكعد تتحسف علتعب والعمر الي راح بلا فايده فاحسنلك روح لامريكا وابدي من الاول وانت شاب والمستقبل كدامك ولاتكرر الغلط الي وكعنا بي احنا ومبعد ما نكدر انصلحه لا تضوج من كلامي لان اني صاحب تجربه الطب بالعراق تعب بدون اي فايده ومحد يعترف بي هسه اني كاعد بدول الخليج وما ملكي شغل لان محد يعترف بشهادتي الا اذا رحت لليمن او ليبيا هناك يشغلوك كطبيب والله ايقدم الي بي الخير

[DeMeNtiA]

ما اعرف و الله بس عادي اذا كملت و رحت اكدر اسوي USMLE

[الحمل]

الله كريم بس الشغله راح تاخذ وياك 4 سنوات علما تعادل وكومه فلوس طبعا الله ايوفقك لان الامتحان 3 مراحل ومو سهل طبعا ولازم تمتحن التوفل ووووووووووووووووووو

[DeMeNtiA]

اي هيه مال صعبه فصعبة كولش بس اني عبالي اكدر اكمل هناك بلا ما ارجع لان صعب ارجع كولش صعب

[الحمل]

يا عزيزي ليش صعبه والي يخسر3 سنوات ويحصل طب من جامعات امريكه احسن من الي يحصل طب من العراق ومحد يعترف بي اعتبرها سنوات اقامه لو اعتبرها كننت بدراسه تمهيديه قبل السفر تره كل سنه قبل ال30 تعادل5 سنوات بعد ال30 وانت ما شاء الله شاب والمستقبل كدامك اني بالنسبه الي ما اقبل اي واحد من اولادي يدخلون طب حتى لو بامريكا والله يوفقك

[DeMeNtiA]

هو كلامك صحيح بس صعبة اولا منين اجيب فلوس ثانيا اذا كملت هنا اروح امتحن اليو اس ام ال اي تلث مراحل بسنة و نص احسن ما ارجع 3 سنوات

و بصراحة اني وياك الطب اذية و اني اهلي جبروني عليه

و تمنيت واحد من الربع هنا بامريكا يجاوبني بس شو تطنشت بس انت خلفله عليك

[DeMeNtiA]

و بصراحة اني ضد التحويل لغير اختصاص و اصلا اني الصيدلة و الانسان اكرهن كولش

[ريم عبد]

اخويه العزيز
الكلام الي كللكياه اخونا الحمل كلش واقعي ومنطقي
واذا بديت من شهادة الثانويه اتقدم على الجامعات الحكوميه مجانا
بينما اذا عندك شهادة كليه لازم تدرس على حسابك او تاخذ قرض من البنك
شي ثاني اذا اخذت مناك شهادة تمريض ام السنه او السنتين تشتغل بيها راتبك اعلى من راتب الطبيب الشهادته عراقيه
يعني اذا بديت من شهادة الثانويه عندك عدة مجالات ومجانيه اتاهلك لاي اختصاص حتى اذا غير اختصاصك
وخلفيتك من دراستك الطب 3 سنوات  راح اتساعدك تجتاز الامتحانات القادمه بسهوله اكثر
وياربي ايوفقك وايسهل امرك وتختار الي بصالحك ان شاء الله

[ســـرى]

اسمحلي اجاوبك اخونا (خرافة) انت من تكمل صف ثالث طبية من حقك تمتحن USMLE وبما انه انت شغلتك دتمشي ببطؤ فالافضل انت تمتحن USMLE في احدى الدول المجاورة يعني ممكن بالاردن او غيرها في خلال انتظارك للنتيجة مال اللجوء وهذا افضل واقصر طريق وانت من تمتحن الUSMLE STEP ONE واللي هو BASIC راح تشوفه سهل لأن انت هستوك خلصت الBASIC SCIENCES وانت تروح تسجل عالامتحان وقبلها تقرا زين وكتب الUSMLE موجودة كلها بالعراق بباب المعظم وتحصلها بكل سهولة احسنلك امتحن في خلال انتظار الموافقة عاللجوء وراح تشوف شكد تختصر من الزمن

[ســـرى]

بالمناسبة ما تحتاج ترجع كلية انت من تخلص الثالث طبية تكدر تمتحن الامتحانات بأي دولة الستيب ون وتو ويبقى بس ثري تمتحنه من توصل لامريكا ان شاء الله يعني مختصرا ماكو شي اسمه تعيد كلية من جديد الا اذا انت تريد هيج من توصل لامريكا ويسألوك تكوللهم اريد اكمل كلية وبهاي الشغلة ما عندي خبرة واي شي تحتاج احنا حاضرين للاجابة

[DeMeNtiA]

وردة

كلام الاخ الحمل علراسي بس بصراحة اني ممتصركع علطلعة يعني صارت صارت مصارت عادي كولش

ارجع و اكلج مثل مكلت للاخ شويه حرامات تعب 3 سنوات يروح هيج و ارجع من الثانوي مستحيل

اما عن شهادة التمريض فمع احترامي ما اكدر اشتغل او اصير ممرض

بس اذا اكو واحد منكم عنده باك راوند بالموضوع

او يكدر يسالي

[DeMeNtiA]

اخت سرى شكرا علتوضيح بس اذا امتحنت اليو اس ام الي من هسه شحستفاد؟

[ســـرى]

شوف هذا الرابط التالي بيه كل ما تحتاج ان تعرفه عن الUSMLE وحتى شغل الاطباء بأمريكا وحاول تقراه كله لأن كل واحد من الاعضاء الاطباء كاتب بيه معلومة مفيدة جدا وبالتفصيل الممل

http://www.ankawa.com/forum/index.php?topic=264742.0;wap2

اذا امتحنت الUSMLE من هسه راح تكسب وقت ومن توصل لامريكا تكمل امتحاناتك يعني ما كو شي تعيده بس تكمل اللي بقالك من الUSMLE STEPS

وبالتوفيق

[ســـرى]

بس ارجع واكوللك اقرا الموضوع بالكامل هو يمكن فد ؟؟؟؟؟؟ صفحة هواية بس كلها مفيدة

[Iraqibird]

اخو ية خرافة... بعدك بالبداية لاتزعل مني احسبهه زين وادرس واقرة حول الموضوع ولاتسعجل واسال اللي بامريكا احسن والتوفيق من الله عزوجل. تقبل مروري