صديقي عكعك
لو بس عابر الكوم ابروفال جان كتلك خابر show لو حيدور لو علاوي
بس ما طول السالفة على كد الابروفال مال السفير فهاي هينه
لان يمكن راح اخذ دكتوراه بهالابروفال
صديقي
1. اول ماقدمت بشهر السادس 2009 نزلت موضوع بيه تفاصيل ممله عن التقديم وشلون تسألهم وبالتفصيل الممل (هسه ادورلك اللنك مالته اذا يفيدك) وضليت مهتم بيه وكل عقلي شكم يوم واحصل الابروفال بس من عبرت الكم شهر والجماعة سووه جات وتحشيش بعد ما كتبت بيه وراح تزحلك لغير صفحات. وهم راح الخصلك رأيي بتساؤلك بالنقاط الجاية.
2. بالنسبة للجماعة بس تعطس يدزولك اوتو ريبلاي هذا ابو الشعار الملون الحلو
وهذا الاوتوريبلاي هو نهاية البروتوكول للتخاطب وياهم
وره فتره من التقديم راح اكيد يلكولك فد بلتيقة حتى يراسلوك...مثلا فلان شغلة ناقصة لو ما واضحة
وباول ايميل منهم من هالنوع راح ينطوك بعنوانه فد رقم يبدي ب NVC وهذا رقم الكيس نمبر مالتك للكوم ابروفال مو لبحر الظلمات (اللي هو الخطوة المزعجة القبل الاخيرة)
على هذا ايميلهم وكل ايميلاتهم اللاحقة تكدر تجاوب شكد ما تريد وتثبرهم ثبر بالاستفسار عن قضيتك ك REPLY على رسائلهم وليس على الاوتوريبلاي ابو الشعار مال الخارجية
وبنفس الوقت هم تكدر تدز ايميل مستقل يمته ما يعجبك عنوانه اسمك الكامل (بالضبط مثل عنوان ايميل التقديم) او لاحقا وياه هذا الرقم اللي كتلك عليه وهم على ال
IraqiSIVApplication@state.gov3. عموما ما انصح بكثرة السؤال (واني شخصيا ابد ما دازلهم سؤال او استعجال ابدا ولاحظ شكد محترميني ومسرعين قضيتي
) لان هو الاس اي في وانت سيد العرفين عبارة عن انتضار ومتعرف وية منو دتتعامل فاللي يحصل الابروفال يعني مقبول بنسبة فد 80% وهكذا
4. هاية سالفة الرقم مو قديمة....يعني كل جماعتنه السافروا ما جان عدهم هيجي شي وجان الكوم ميطول شهرين على اقصى تقدير بس هاية التعقيدات على حظي بدت بمنتصف ال 2009
5. اعتقد اختلطت عليك شغلتين باجوبة الاخوان اللي قبلي فراح اوضحلكياهه
اكو اوتو ربلاي مالة الشعار مال الخارجية هو هذا اللي ميصير تجاوب عليه لان مثل ما كلتلك هو نهاية البروتوكول بكل مخاطبة بينك وبينهم وهو يكون جواب على فد شي انت دازه الهم لكل مرة
بينما اكو ايميل يجي من يخلص لم اوراقك بالان في سي يكولولك اوراقك كملت وانتضر راي السفير لان دزيناهه لبغداد وهذا هو اخر ايميل منهم (اني اجاني قبل شهر ونص) وهذا اذا طولت سالفة السفير تكدر تدزلهم جواب عليه تكلهم تاي عاد مو موتونه بس على الاكثر راح يكولولك يابة ترة مو يمنه التاخير ترة من بغداد ولود قوي ومن هالسوالف فماكو داعي
وبالمناسبة بكل جواب الك على طلب الهم تدز بس اللي طالبه بذاك الطلب ومو كل مرة تدزهن كلهن (هذا رأيي) اللا اذا انت تشوف ان تدزهن كلهن كل مرة بعد بكيفك
لاحظت جواب اختي ريم من كالت نيو هامبشاير
الظاهر الاخت دتشبت خبنطو وتاهت عليهه الولايات من كد ما دتنزل ردود بموضوع علاوي مال اعرف جيرانك وما ملاحظة موضوع ابو عبود من كال اللي ميعرف بشغله فلا يجاوب بيهه لان هيه مو تسجيل حضور
وتعبتني حيل بس تستاهل
لو مخابرني على سكايب لو ياهو مسنجر مو جان اسهل
