السلام عليكم اخي
اني اجاوبك بموضوع un لان صارت عندي خبرة بمواضيعهم ونشالله تستفاد من كلامي وطبقة مظبوط
اولا/اخي العزيز لكثرة مراجعات اخوانة العراقيين واسلوبهم مع موظفي الامم المتحدة حاليا اتبعوا غير اسلوب ويانا واني اخوك من ظمنهم/ لايفيد لاصياح ولاعياط كل ماهنالك لازم تضبط نفسك وتفكر زين وتكتب كل مايدور بذهنك بورقة على شكل مناشدة وتكدر ادزهة عن طريق الاميل الى الامم المتحدة وايضا تكدر ادز هاي المناشدة الى الامم المتحدة اكو موجود صندوق موجود الموضف يدلك عليه وتكدر تحط بيه المناشدة وصدكني صدكني راح يردون عليك واذا تكدر تعمل الحالتين يعني هم على شكل رسالة ودزهة على الاميل وايضا هم نفس المناشدة تروح هم للامم المتحدة تحطهة بالصندوق البريد مالتهم وراح اشرحلك بالتفصيل
تكتب المناشدة على شكل رسالة وتشرح بيهة كل موضوعك وكل ما استجد فيه واذا عندك اي مستمسكات او صور او اي شيء يعزز من كلامك يكون افضل وترفقهة بالرسالة سواء عن طريق الاميل او عن طريق الصندوق البريد الي بالمفوضية
ومشكورة الاخت ريم عبد على مساعدتها لك واستخدم نفس الاسلوب الي علمتك شلون تكتب الرسالة استخدمة واكتب معلوماتك بدون اغلاط اي اسمك الكامل (اسم صاحب الملف ورقمه الموجود على ورقة المفوضية وتكتب الرسالة كالاتي -
* المقدمة ( يعني الترحيب وتحية والسلام )
* اسمك او اسم صاحب القضية
* الكيس نبر الخاص بيكم
* تاريخ المقابلة مع اليو ان
* اسباب تقديمك للالتماس ( يعني شرح ظروفك بطريقة مختصرة واضحة يعني اذا عندج اضافة على كيس او حالة مرضية او اي سبب ) واذا عندك اثبات حاول استنساخه وارفاقه مع الرسالة
* الخاتمة ( الشكر مع ذكر الاسم وتوقيع )
اذا ترسل الرسالة عن طريق الاميل راح اكتبلك الاميل مالتهم وموجود على ورقة المفوضية un
joram@unhcr.orgهذا هوة اميل الامم المتحدة
ولاتنسة اهم شيء تكتب رقم تلفونك رقم تلفونك رقم تلفونك
لاتنساه لازم تكتبة حتى يتصلون بيك
وصدكني اذا دزيت المناشدة عن طريق الاميل يكون افضل وراح يردون عليك خلال 72ساعة
اكرر عن طريق الاميل يكون افضل من الصندوق
ونشالله الموفقية الك
