بغداد1975 ورحله الحجية من مصر الى المستشفى

[بغداد1975]

مساءالخير جميعا
اخواني واخواتي شكرا جزيلا على تواصلكم معي ومتابعه اخباري وشكري الى اختي درة لنقل الخبر السار لكم بوصول امي والعائلة الى اريزوناوالرحله كانت كالاتي
بعد اخذ الموافقه الامنية وموعد السفر ومرحله الانتظار والنظر الى الساعه والتاريخ حتى حانت ساعه الصفر وكانت ساعات ثقيله وطويله اذ كانت الرحله من مصر الى نيورك مباشرة لمده 12ساعه ومن ثم بعد اتمام الموافقات والاجراءات الروتينة انتقلو الى مطار اخر ومن ثم توجهو الى شيكاغو ومن ثم الى اريزونا وكان اللقاء السعيد جدا بحيث هم كانو بالطايق السفلي ونزلنا بالدرج الكهربائي فلم اصبر فقزت 4درجات حتى اوصل الهم ويارب محد يفرق بينه وبين اهله المهم وكانت معنا الكيس منجر الخاص بالعائله رافقتنا الى المنزل
مر اليوم الاول والحجية تعبانة واليوم الثاني اتت الكيس منجر اقترحت دخولها للطوارئ لتجيك الضغط والسكر وعند ذهابنا للطوارئ اسم الله عليكم جان يقولون لازم تبقى تحت الملاحظة طلبنا منهم اني ابات وياها بالمسشتفى واوفقو  طبعا شحجيلكم مو مستشفى فندق جراند حياة القاهرة الخدمة والاطباء والممرضات لم يتركو امي لحظة وحده تجيك كل 2ساعه الدم والسكر والضغط اشعات ملونة وغير ملونة وايكو يعني بالعراقي كلبو امي على البطانة والحمدالله مابيها شي بس تعب الطريق هالحجي اني اقوللهم ترة امي جاية من سفر وتعبانة هم مصرين على اتمام الفحوصات حتى يتاكدو من صحتها وقدرتها من المضحك ان الممرضه اتت باوراق مليانة اسئله عن الامور الصحية ومن ضمنها اسئله مثلا هل ابنائك يضربونك هل تتعرضين للاضطهاد داخل البيت بحيث اني وامي نخرب ضحك عليهم والحلو اهنا فد ققره جداجداجدا حلوة ان في حاله صعوبه فهم اللغه بالاخص المصطلحات الطبيه فيتصلون اسم الله عليكم على خدمه بالتلفون توفر ترجمه فوريه عن طريق شخص مثل البداله نسولف وياهاوهي تترجم النا ومايقارب ساعه ونص واسم الله عليكم اكتشفت ان هذا اللي يترجم الساعه مالته 40 دولار بالعافيه على الكل
المهم طلعت امي من المستشفى وكانت الرعايا الطبيه الها لحد اخر ثامنية بحيث المرضه وصلت ماما لحد السيارة وحضنتها وتتمنى الها الصحة والعافيه والحمد الله بصحه جيده بس اشوية تعب وارهاق
اما بالنسبة للمساعدات فصارت كالاتي تعرفون المثل اللي لو المرأ لا يلدغ من الجحر مرتين فاني هيجي تصرفت ويه المنظمة اصريت اني اكون كفيلتهم وان اهلي ياخذون الويلكم امريكا بيدهم وانا نتحول شقه اكبر ودففع فارق بسيط بالايجار بس احسن من ان يروح الجمل بما حمل
اشكركم ياخواني واخواتي على مشاركتكم فرحتي واعتذر شديد الاعتذار اني مقصرة وياكم واهنئ كل الاخوان والاخوات على الموفقات والسفر ويارب الفرج للكا وعلى فكرة اخ عكعك وصلي سلامي من اخوية علي ويارب الفرج القريييييييييييييييييييييب
اختكم بغداد عبير من اريزونا

[volca]

الحمد لله ع سلامه الحجيه والاهل
شنو من المستشفى للمنتدى 

باجر بالخمسه ونص اني يمكم ان شاء الله

سلامي للاهل

[بغداد1975]

هههههههههههههههههههههههههههههه
شكرا اخ فولكا (علي) على التهنئه وهاي ال5ونص تعقدت منهاااااااااااااااااااااااااااا
عبير من اريزونا

[Baghdady73]

الف الحمدلله على سلامة الوالدة والحمدلله هسة اطمئنيتوا عليهة اكثر بعد كل هالفحوصات وشايفين كل الخير في اريزونا..
تحياتي

بغدادي

[srecan58]

السلام عليكم

الف الف حمد لله على سلامه وصول الجزء الثاني من العائله وان شاء الله تكمل افراحكم وحمد لله على سلامه الوالده وسلامي الى الوالده والاخوه الكرام

[رهف00]

الف الف مبروك لوصو ل الحجية والحمدللة على سلامتة










رهف..... مصر

[mayada2009]

عبوره حياتي الف مره الحمد لله على سلامة الحجيه وانشاءالله متشوف غير كل راحه واني راح امرلج باجر واجيب الشغله الي ردتيه مني لان والله من يوم الجيت عليج الى هسه مفارغه سلامي الاحمد والعلاوي وللحجيه واختج الحلوة




ميادة اريزونا / فينيكس

[ام بكر]

عبورة الوردة الف الف الحمد لله على سلامه الحجيه واختج همين والله  يوفقكم  وانشالله ما تشوفون شر . سلميلي هوايه على الوالده

[ريم عبد]

حبيبتي عبوووووووووره
الف حمدلله على سلامة الوالده وياربي ينطيها الصحه والعافيه
 وتشبعين عينك وكلبج منها وهي باحسن حال
حمدلله على جمع شملكم وياربي ليبعدكم عنها وايخليها خيمه على راسكم
و يحفضكم ويرعاكم وايسهل امركم
وتسلمين على هذا الشرح الحلو ومقصرتي

[اريد وطن]

اختنى عبير

الف الف حمد لله على سلامه وصول الوالده ويارب ميفرقكم ابدا ويجمعكم بالخير وبارك الله بيج على وقوفج ومتابعتج لصحه الحجيه

اختي لاضحكين على موضوع اسئلتهم من ضرب او .... على الكبار او اطفال همه ماعدهم مثل عاداتنه العربيه من ترابط اسري وخوفنا على الاخر وذالك لوجود مخدرات ووجود حالات من ضرب وقسوه على الكبار او اطفال


مره اخرى واكول يارب الف الف حمد لله على سلامت الحجيه وكوليلها من ابنج اريد وطن يكلج الف عافيه حجيه وسلامتج

اريد وطن - سابقا /* حاليا وطني كندا وانتضار وضع الفيزه على الجواز  و الدوره والسفر الى كندا ولقاء اختي منذ 4 سنوات لم اراها كولي للوالده تدعيلنا دعاء الام  ماكو احسن منه

[ابو محمود]

مبروك بنتي عبير على وصول الحجية والاهل بالسلامة ولم شملكم بعد طول انتظار ...
الله لايفرق احد عن اهله وناسه يارب...

عمج ابو محمود

[جوني جاك]

يابة الف الحمد لله على سلامة الحجية ويارب العمر الطويل والصحة والسلامة وتنعمون بالحياة الهادئة يارب
بس احنة هنا بالعراق همين يوصلون الواحد للسيارة حتى يطمئنون بس مو على سلامة وصولة يطمئنون انو البخشيش اندفع للتالي 
واني اكرر سؤال الاخ ماجلان شلون عرفتي بالساعة المترجم ياخذ 40 دولار؟

جوني

[اهلي ياعراقين]

الحمد لله على سلامه وصول الوالده والعائلة ويارب ميفرقكم ابدا ويجمعكم بالخير ويجمع الجميع مع اهلهم واحبائهم واجر وعافية ان شاء الله سبحانه وتعالى ويحفظها الكم ويحفظكم الها

[angie-dawood]

الف حمداللة وصول الوالدة بالسلامة وحمداللة على سلامتها ربي يخليها الكم ويكون دائما جامع شملكم بالافراح الف مبروك وصولها بالسلامة انشاءللة تشوفون كل الخير بهذا الولاية

[بغداد1975]

مرحبا اخواني واخواتي
شكرا على الردود الجميلة والتعليقات الظريفه
اخواني ماجلان وجان جاك اني عرفت معلومة المترجم من صديقه اللي مترجمه بس مو نفس ولايتنا غير ولايه قالت اللي هاي المعلومة بالاخص اللي يشتغل بالمحاكم والقضايا بس الواحد اشون يحصل هاي الشغله ماعرف
ها نسيت اقولكم ان من اجوية اهلي سويتلهم مطبك دجاج على التمن بس  ::)اشونه يخبل والله والله محركته هههههههه
يارب الموفقيه للجميع والله يفرجها عليكم جيمعا والحجية تدعليكم بالفرج ولقاء الاحبه قريبا
واني جاهزة لاي استفسار
اختكم عبير من اريزونا

[عكعك التطوى]

الف مبروك اختي العزيزه عبير والف مبروك وقره عينكم على وصول الحجيه وعلاوي
واختك الصغييره وحمدالله على سلامه الحجيه وماعدها غير العافيه ان شاءالله والله يحفظه يحفظكم
ويجمعكم دائما على الحلوه ولا يفرقكم تمنياتي لكم بالخير والتوفيق وتحياتي للحجيه ولجميع الاهل
ونسمع اخباركم الحلوه دائما وبالنسبه للمطبك اكيد ممحروك ؟

اخوكم عكعك

[violin]

الف الف مبروك اختي العزيزة عبير . والحمدلله على سلامة الحجية واخوانج .
الله يحفظكم انشاءالله وشايفين كل الخير.

[good sniper]

الاخت عبير الحمدلله على سلامة الاهل  والحمدلله على سلامة الحجية والله ينطيها الصحة والعافية الحمدلله انجمعتم على الخير والبركة



اخوكم ابو فهمي

[ابو عبد الله التكساسي]

عيوني بغداد الف الحمد لله على سلامت الوالده وان شاء الله الصحه والعافيه
ملاحضه زغيرونه
تره هذا المترجم المكرود ما يستلم 40 دولار بالساعه
يستلم 11 فقط والباقي يروح للشركه مصاريف تلفون وخدمات اخرى ماكو مجال نسولف بيهه هنا

حبيت ااكدلج هاي المعلومه
لان اني واحد من هذولي المترجمين 

تحياتي ومره ثانيه
سلامه الوالده

[الخالدي الاصيل]

مليون سلامه للوالده وان شاء الله ترجع شباب وبصحه وعافيه سلامنا الحار لكل العائله الكريمه وربي يوفقكم ويوفق الجميع
اخوكم ابو عادل الخالدي

[القرش]

                                السلام عليكم

الف الف الحمد لله على سلامة الحاجه وعلى سلامة الوصول واتمنالها الصحه والعافية والموفقيه ببلدها الثاني وان شاء الله تشوفون كل الخير والتوفيق والحياة السعيده .

ابو انس
شيكاغو

[omaha2]

نشكر الرب على وصول الوالدة ويارب اتكونون دائما مع بعض

نتمى لكم كل الموفقيةةةةةةةةة والسعادة في اميركااااا
 نفس الشي صار وياي من ابني سوى عملية الاهتمام كان مو طبيعي وحتى طلبت مترجم كلت هذا ابني واني مو كلش زينة بالمصطلحات الطبية وجابولنا مترجم من لنكولن ساعة 5 صباحا
ومن طلعونا من المستشفى ب 12 ونص الظهر راح المترجم واكتشفت انه لم يترجم ولا كلمة
لانه اني الي جنت اترجملةةةةة  قوية مو


اختك اوماها

[أبن خير]

عبير الغالية

ألف ألف مُبارك وصول الوالدة لكم بالسلامة ويارب الصحة والعافية لكم ولها ..
تمنياتنا لكم بالتوفيق والحياة السعيدة .. ماأجمل لم الشمل ..
تقديري

أخوكم أبن خير

[شكسبير]

اختي عبير الحمد لله على سلامه وصول الحجية
بس اختي انتي كلتي  [color=blue]اما بالنسبة للمساعدات فصارت كالاتي تعرفون المثل اللي لو المرأ لا يلدغ من الجحر مرتين فاني هيجي تصرفت ويه المنظمة اصريت اني اكون كفيلتهم وان اهلي ياخذون الويلكم امريكا بيدهم وانا نتحول شقه اكبر ودففع فارق بسيط بالايجار بس احسن من ان يروح الجمل بما حمل[/color] ليش  اشسوت بيج المنضمه وعلى اي منضمه حضرتك ياريت لو تفهميني لان اني هم راح للاريزونا فينكس اذا الله راد 

[بغداد1975]

مرحبا جميعا  والشكر للجميع ويارب يكون الجميع باحسن حال
شكرا اخوية الشمري على التوضيح
واخوية شكسبير انت سالتني عن المنظمه اني ذكرت باحدى المرات ان المنظمة نوعا ما زينة يعني من نقارنها مع باقي المنظمات في ولايه اريزونا اني منظمتي اسمها اللوثريه وهي منظمة واكعه من السطح اسم عليك عندهم جم واحد لغاف وماريد اشيل ذمه احد بس كلما تمر الايام تكتشف امور بهاي المنظمة يعني اني اول ماجيت ويه اخوية صح كلشي جديد وبالباكيت واني كله فتفحته بيدي بس من طلعت للسوك اكتشفت هذا الجديد كله من الرخيص وبالاخص احنا اجينا بموسم الاعياد يعني كلشي نص القيمة فمومعقوله ال850$دولار يبقى بس منها 25$ زين قلت اني يمكن لان ايجارنا536$ويادوبك بقى 25$ لكل شخص اجوي ورانا عائله متكونه من 4اشخاص ومن نفس الاغراض جابوها الهم اشو هم انطوهم 25$لكل شخص قلت لالالالالالالالالالالالالالالالالالالالالالالالالا هاي بيها لغف فوقفتلهم وقفه الاسد هههههههههههه قلت الهم اني اكون الكفيله لاهلي واني استضيفهم واحنا نطلع نشوف شقه اكبر وبما ان اني واخوية على برنامج الماجن كرانت فدفعون ايجارنا واحنا نجمل عليه بفارق بسيط وبالنسبة للاثاث احنا عندنا ثاث وبالنسبة للفراش هم عدنا وبفضل اخواننا العراقين كدر يجيبولي فراش لاهلي بعد شكو انتو ماخذين الويلكم امريكا والصراحة الكيس منجر مالتي وقفت لجانبي وهي ساعدتني بان توصل رسالتي الهم والحمدالله صرت الكفيله والويلكم امريكا اهلي رح يستلموها بعد ايام بس بالضبط اشوكت منعرف بس المهم متروح ببطنهم وهذا اللي صار وطبعا يرجع الفضل الجبير لكل اخواني واخواتي اللي بالمنتدى اللي وضحولنا اهواية امور قبل منجي لامريكا وخلتنا نعرف قوانينها ونعرف اشون نواجه الامور اتمنى وضحت الامور لاخواني واخواتي مع جزيل الشكر لكل التهنئه والدعاء لكلم بالتوفيق اختكم دوووووووووم بغداد1975 عبير

[نهاد احمد]

الف الف مبروك لوصو ل الحجية والحمدللة على سلامتة
,والف شكر على التوضيح
والموفقيه للجميع


نهاد  ابو علي
منى مصر