ليطمئن قلبي و انا ابحر siv %تحديث%ابحرت فعلا

[show]

مساء\صباح الخير جميعا

الاخوه الاعزاء اعضاء عصابه siv
عندي استفسار صغير و لو اني تقريبا مفتهم الوضعيه بس فقط ليطئن قلبي

الحاله هي :
في يوم 8 هذا الشهر استلمت هذا الايميل من nvc
We have received the documents attached to your correspondence and your
case is currently under review.  Once the review is complete, you will
be notified with further instructions.
طبعا هذا مو اول ايميل منهم هذا هو الثاني بعد ان طلبوا مني باجات العمل السابق و جاوبتهم انه ما عندي باجات ولكن عندي recommendations  و رسلتهم و الايميل اعلاه جواب على ايميلي السابق

اليوم جاني ايميل من Siv@wrapsnet.org  يطلبون فيه نسخه من الفيزا عندما تصدر  وطبعا ذاكرين فيه انهم لاحظوا اني اني اريد اسكن في بنسلفينيا حسب العنوان الي اني دازه سابقا

سؤالي هو

هل انا فعليا في بحر الظلمات ؟
سؤالي اجا نتيجه  قصر المراسلات مع nvc  يعني بهلسرعه ذبوني في البحر بدون كتابنا و كتابكم و هذه الفورمه ناقصه و هذه مو واضحه ؟ ؟؟!!!


بالتوفيق للجميع


تحديث الموضوع: اليوم وصلت العباره الذهبيه Your case has been documentarily completed

[دنفش]

اخوية شبح احمد اللة واشكرة لان شغلتك وصلت لهاي المرحلة بدون جيب وودي بعد بقة يحددولك موعد مقابلة بس شوكت اللة العالم  انشاء كلها تسهل عليك      تحياتي

[silver_d]

تحيه طيبه من سماء بغداد الغاليه
اخويه العزيز شوا طبعا انته هسه مو ابحر الضلمات وابد لترضى اب كلمه
case is currently under review
ارضى اب هاي الرساله من تجيك انته راح تدخل فعليا في بحر الضلمات

Your Special Immigrant Visa petition has been documentarily completed
and is waiting for an appointment to be scheduled.  As soon as an
interview appointment is scheduled for you, you will be notified, via
email.
 الي هاي معناها انو انته تدخل في مرحله بحر الضلمات في مرحله الموافقه الامنيه وتحديد موعد المقابله

وبالنسبه للايميل الي وصلك هليوم مو فد شي مهم همه اول اخير هم راح يراسلوك وره متصدر الفيزا مالتك كش طبيعي
اني خلصت مرحله بحر الضلمات اب 8 ايام


تحياتي الك وانشالله يوم الي تحصل الفيزا

[Bobby]

YOUR CASE IS  DOCUMENTLY COMPLETED 
is the magic phrase

[show]

الاخوه
دنفش
silver_d
Bobby 
 
شكرا لكم على المشاركه هسه صار واضح عندي


بالتوفيق للجميع

[silver_d]

بالخدمه اخويه وتدلل اي وقت
تمنياتي الك بالموفقيه

اخووك سلفر

[show]

شكرا عزيزي ماجلان على التوضيح ,
اني عبالي شغلتي ستوت اشو طلعت نص ستاو !!!!!
انتظر العباره السحريه و الله كريم

بالتوفيق للجميع

[siv2007]

Yes you are in the same sea that we all were in! I'm sorry you have to have patience

[Abo Rami]

اخي شو
من واقع عملي اكلك بانه الوضع الان من ناحية المعاملات فد تعقيد غير طبيعي يعني احب اوضح الك ولبقية الاخوان الاتي
اني يوم 20 ديسمبر كانت عندي مقابلة وطلبوا عدم محكومية ودزيته الهم وابلغوني بايميل انه تم الاستلام وان نظرا للوضع الجديد دخلت مره ثانية معالجه ادارية علما انه في المعالجه الادارية عند NVCماطولت اكثر من 3 اسابيع لكن حاليا هذه المعالجه الادارية الثانية شكد راح تطول ما اعرف وشنو هذا الشي الجديد او النظام الجديد ما اعرف علما راح يصير معاملتي يمهم اكثر مناربعة اسابيع والحبل على الجرار وهذا اني ماعندي شي والامور طلها ماشية لانه بالقابلة كالولي بس دز عدم المحكومية واحنا نصدر لك الفيزا مباشرة والله يفرجه
ابو رامي

[alazawi]

مساء الخير
شباب عندي سؤال انا دزيت الاوراق الى nvc  واستلمت هذه الرسالهDear Sir/Madam:

 

We have received the documents attached to your correspondence and your case is currently under review.  Once the review is complete, you will be notified with further instructions.

 

Any questions regarding your Special Immigrant visa petition should be directed to NVCSIV@state.gov

 انا اوراقي كامله ومابيه نقص انا متاكد يعني اكدر افهم من ردودكم بان لازم ادزها مره اخرى لو شنو بالضبط ........؟
لو انتظر رساله ثانيه من جماعه nvc انا طولت بارسال هذه الرساله تقريبا اكثر من شهر حتى  بس اراجع واتاكد بان ماعندي نقص

[show]

مساء الخير
شباب عندي سؤال انا دزيت الاوراق الى nvc  واستلمت هذه الرسالهDear Sir/Madam:

 

We have received the documents attached to your correspondence and your case is currently under review.  Once the review is complete, you will be notified with further instructions.

 

Any questions regarding your Special Immigrant visa petition should be directed to NVCSIV@state.gov

 انا اوراقي كامله ومابيه نقص انا متاكد يعني اكدر افهم من ردودكم بان لازم ادزها مره اخرى لو شنو بالضبط ........؟
لو انتظر رساله ثانيه من جماعه nvc انا طولت بارسال هذه الرساله تقريبا اكثر من شهر حتى  بس اراجع واتاكد بان ماعندي نقص

لا حبيبي لا ترسل من جديد و لا هم يحزنون
كل ما عليك فعله هو اطبك على السرى الى ان الله يفرجها عليك و علي
اني مستلم هذا الايميل من يوم 8 بالشهر و قبل يومين رسلتلهم ايميل استفسار و لحد الان ماكو جواب منهم

بالتوفيق للجميع

[silver_d]

اخويه العزيز انته هاي  الرساله مالتك مجرد اوراقك قيد الدراسه   ومن يكتمل  هالشي  راح يبلغوك اذا عندك اخطاء  واذا  ماعندك اخطاء  راح يدزولك ايميل   يكلولك اوراقك كملت اداريا ووره هاي  الرساله مال الاداريه راح تدخل  رسميا بيمرحله بحر الضلمات  
واكو شي  ثاني  اذا  انته صارلك شهر مستلم هاي  الرساله ليش  متدزلهم ايميل  واتذكرهم بالشغله مالتك ؟؟ يكون الك احسن

تحياتي  الك

[ابو هبه]

أخواني الاعزاء
اني أرسلت المستندات المطلوبه الى مركز التأشيره القومي ال NVC بتاريخ 9-1-2010 ولا من رد لحد الان هل هذا طبيعي ام ارسل استفسار؟؟؟


أخوكم ابو هبه

[silver_d]

اخويه العزيز كلش  طبيعي  لتدير  بال قبل  جانت المراسلات من الا NVC كل  3  ايام هسه   صارت اطول  بسبب  الزخم الكبير  على المركز فلتدووخ
واما بالنسبه اي  مراسلات واسئله على مركز الفيزا يجب ان تكون على هذا الموقع
NVCSIV@state.gov

تحياتي  الكم شباب

[ROCK]

Your case has been documentarily completed

اني ضهري انكسر من السبح ببحر الظلمات.. استلمت العبارة الذهبية يوم 17-11-2009

يعني صارلي شهرين وسبع تيام... اخوان دا اشوف جزيرة قريبة راح شوية ارتاح بيها ...

سلفر .. بخصوص موضوع عدم المحكومية تره ما ناسيك بس صدفت وية نزلتي لأهلي .. باجر اخابرلك صاحبي ...وانتظر مني رد

روك

[alazawi]

السلام عليكم

طبعا احب اشكر  بالبدايه الاخوان

show
silver

على كوله اخ show اطبك بالسرى ولو المفروض اعبر بسرعه لان انا سابوح   بس الشغله  طويـــــــــــــــله

اخ silver  انا كنت متقصد في تاخير ردي لان  اول شيء حتى اراجع كل اموري حتى لاتبقه حجه عدهم وثاني شيء صارت عندي ظروف

اخ rock  اذا وصلت الجزيره  بخير وسلامه اشعل نار حتى اشوفك اخاف اوصل بالليل وماشوف الجزيره  

تحياتي الكم اخوكم
Al azawi

[show]

الاخوه الاعزاء
حبيت ان اعلمكم ان اليوم استلمت ايميل من  nvc  والعباره الذهبيه Your case has been documentarily completed

واحب ان اذكر ان تاريخ ارسال الارواق (اول ايميل) كان في يوم 26\12 وبدون اي مشاكل في الفورمات او المعلومات ولا اعاده تصحيح المعلومات قد تمت الموافقه على قضيتي اي ان القضيه تاخرت بحدود 26 يوم في nvc  و انا الان انتظر موعد المقابله

الله يسهل للجميع


بالتوفيق للجميع

[silver_d]

الف  الف  الف  مبرووك على استلام الرساله الذهبيه من ربعنه اهل ال NVC
طبعا فرحتلك هوايه اخويه العزيز يله اتحضر على موعد المقابله والفحوصات من تجيلك موعد المقابله دزلي رساله عالخاص  انطيلك معلومه اتفيدك

تحيه الك اخويه والف  مبرووك

وشغله ثانيه بلش اتسوي عدم المحكوميه من هسه لان انشالله ميطولون عليك بموعد المقابله

تحياتي  الك وفرحتلك هوايه

[angie-dawood]

انشاءللة ربي يوفقك بكل مراحل الحياة ويارب السفر القريب والتوفيق اخي الغالي شو

[vincenzo]

بالتوفيق ابن عمي
مشتاق لسوالفك الحلوة

[show]

الف  الف  الف  مبرووك على استلام الرساله الذهبيه من ربعنه اهل ال NVC
طبعا فرحتلك هوايه اخويه العزيز يله اتحضر على موعد المقابله والفحوصات من تجيلك موعد المقابله دزلي رساله عالخاص  انطيلك معلومه اتفيدك

تحيه الك اخويه والف  مبرووك

وشغله ثانيه بلش اتسوي عدم المحكوميه من هسه لان انشالله ميطولون عليك بموعد المقابله

تحياتي  الك وفرحتلك هوايه

شكرا اخي الغالي  سلفر على التهنئه
مساله عدم المحكوميه اني متردد فبها و منتظر مقابلتك حتى اتاكد مطلوبه لو لاء عسى ربي يوفقك بالمقابله


بالتوفيق للجميع

[show]

AnGie
vincenzo

شكرا لكم

[silver_d]

اخويه شوو اني  جني  مراح اقابل من وره هاي  المشكله مال اسكورت لان دخت والله من وراها 
يعني  هذولي  جماعه   السفاره صدك مخابيل  وبيهم حاله نفسيه   اني  سويت  موضوع   يمعود الي  عنده خبره اريد جواب 

اما بالنسبه العدم المحكوميه سويها  ولتدوخ نفسك لان دتطول  هسه اكثر من شهر  الحد ما تصدر  واكيد بهذا الشهر  الجاي  يجيلك موعد مقابله لان اني  اجتيلي  مثل هاي  الرساله   بعد 8 تيام  اجالي  موعد مقابله  فبلش  بيها  وخليها  يمك 

[Abo Rami]

والله يا عصابة الSIV
الشغلة الظاهر كامت تاخذ وقت كلش طويل يعني الي كان يخلص باسبوع كام يطول شهر اذا مو اكثر يعني اني دزيت اوراقي الى NVCمن تاريخ 22 سبتمبر 2009 وجيب ليف وودي ليف بتاريخ 20 نوفمبر يالله دزلولي موعد بتاريخ 20 ديسمبر بعد ان مخليت شي ما ارسلته الهم وكلكم تعرفون الباقي هسه اني دخلت بحر جديد بعد المقابلة شوكت راح اطلع منه هاي لا يعرفها الا الراسخون بالعلم
كلتلكم نسوي جمعية (وشالة الجدر) وربك يوفق الجميع
ابو رامي

[chaky44]

السلام عليكم
الى كل من فحص يوم 24-12-2009 اس اي في
او قابل في السفارة الامريكية في بغداد يوم 29-12-2009
ارجو الاتصال
rose.group@yahoo.com
ترى الاى الان انتضر الفيزوا صار شهرين

[engineermech]

السلام عليكم ورحمة الله وبركاته
انا ياخوان اشوفك افضل مني متقدمين هواي عليه لانه انا لهيسة مامكمل سنة وية جماعة وانتظر تكمل سنة حتى ابلش اقدم هههههههههههههههههه
اخوان حسب خبرتكم لانكم ولد عم بنفس عشيرة siv وبكس وجمع شكد طول معاملة هذا البرنامج من طئطئ الى السلام عليكم يعني من بداية تقديم الى يوم مقابلة شكد
انجنير ميك

[silver_d]

اخويه العزيز بالنسبه لموضوعك بالحالات الاعتياديه من ميصير عندك مشاكل اتطول في الوقت الحالي من ٦ شهور الى ٨ شهوور التقديم على الهجره الخاصه وهم مو شرط كل شخص وحالته
تحياتي الك