ارجو المساعده ضروري (اللجوء في هولندا والحصول على بيان ولاده)

[ok_ok755]

السلام عليكم اخواني الاعزاء

طبعا اول شي اتمنى الكل بخير وصحه وسلامه.

عندي صديقي والده طلعله لجوء بهولندا وهسه راح يسحب اهله يعني يسوي لم شمل ولكن طلبوا منهم شهادة ميلاد (بيان ولاده لكل فرد بالعائله عدا الاب والام) ولكن المشكله لا يعرف اجراءات الحصول على بيان الولاده, فارجو من اخواننا الاعزاء ممن لديه معلومات عن هذا الموضوع ان يساعدنا في كيفية الحصول على شهادة الميلاد (بيان الولاده ) علما ان الشخص موجود في بغداد.

بارك الله بيكم ونشكر جهودكم.

[ok_ok755]

اخواني الاعزاء لا يوجد احد لديه معلومات بخصوص هذا الموضوع ؟

[ريم عبد]

اخي طريقة الحصول على بيان الولاده من صحة بغداد في ساحة عدن
ايروح المعني بنفسه او الاب واذا غير احد لازم عنده وكاله مصدقه
وايسوي طلب وطوابع من ام الاستعلامات
راح ايطلعواه البيان واتسويله تصديق بالخارجيه
اما اذا تقصد صحيفة 57 فهاي اتطلعها من دائرة النفوس مالت عائلته
واي سؤال احنا حاضرين
وممنونه

[ok_ok755]

اختي العزيزه ريم بارك الله بيج واشكرج على المعلومات, يعني مو من المستشفى ؟ من دائرة الشهادات بساحة عدن ؟

[الساعي]

اخي العزيز .السلام عليكم

الشغلة مو كلش صعبة على ما اظن .يعني يريد بيان ولادة .حسب معلوماتي المستشفى اللى ولد بيهة وتاخذ كتاب من دائرة الجنسية وراح يزودوك ببيان ولادة .واذا الولادة بغير المستشفى .المفروض الولادة عندهة ترخيص وترجع الى تاريخ الولادة وهي تكملك بقية الاجراءات .واذا بدون ترخيص فهاي ..... اتخذ طريق المريدى ....... وشكلك بعد

يعني احنة المشكلة مالتنة ابد منفكر اباجر ابهاتنة من ولدنة ما فكروا يسوون اللنة شهادات ولادة جانوا يكولون ماكوا داعي  ومن احتاجوهة  كالوا  اخ اخ  ليش  ما سوينة ؟؟؟؟؟ لماذا يا اباء .... اتمنى احنة الجيل اللي بعدهم  نفكر  بتعقل اكثر .....

عزيزى هذه اللي اعرفة وحبيت افيدك وشكرا ...

[ريم عبد]

اخويه دائرة صحة بغداد بيها شعبة الولادات والوفيات بيها كل عادة كل السجلات الرئيسيه حتى في حالة اذا ممسجل بالمستشفى تكدر مناك اتحصلها

[الساعي]

                                         الاخت ريم عبد 
 حتى في حالة اذا ممسجل بالمستشفى تكدر مناك اتحصلها .

؟؟؟؟؟.

[ok_ok755]

اخي العزيز الساعي

شكرا على هاي المعلومات القيمه وبارك الله بيك واحنه وكعنه بهاي الغلطه لانه اباءنا ما سوولنه هذا الشي على العموم راح اكله لصديقي على هذا الشي والله يسهل.

ريم عبد

شكرا اختي العزيزه على المعلومات وبارك الله بيج والله يكثر من امثالج.