اخوتي اللاجئ العراقي ليش تغير بسبب شنو؟؟؟؟؟؟؟؟ جهلنا بثقافة الغربة

[ابو انس]

بسم الله اكتب اليكم وباسم المحبة والشوق والاحترام اانظم كلماتي
في بداية كلامي عذرا على كل كلمة تجريح او اساءة
كلماتي تكتب بشكل عام وليس خاص
اخوتي اريد ان اتكلم  على شي اسمة ثقافة الغربة ثقافة تغير البلد تغير   الوطن
كلنا نعرف كثير من الشعب العراقي  منذ فتر 1980 الى فتر 2003  ما  اله حق يسافر بسبب الحروب  او ماكو امكانية السفر
عكس  بقية الشعوب
بعد ال2003   الشعب بداء يسافر ويطلع  للدول الي تجاور العراق  ب2005 الشعب كلة هرب بسبب الامن والامان
صار الي صار وتغربنة من بلدنا واول شي الشعوب العربية استلمتنا واخوتنا العراقيين اول شي  عملوة اجرو بيوتهم او اشترو باعلى سعر في هذا البلد ليش لانة عراقييييييييييييييييييييي
والشي الثاني  منحو الثقة لاخوتنا العرب في مصر او سوريا او الاردن وفتحو مشاريع وياهم وطبعا احتالو اخوتنا العرب في هاي الدول العربية  على ابناء شعبنا العراقي  وهذا من باب الكرم ورد الجميل والعرفان  والاهم انة ما يثقون العراقيين الا بابن البلد الي هاجرو الة  ومرت الايام والسنين اخوتنا العراقيين وشلو فلوسهم  وبقو على المساعدات وانتظرو السفر او اللجوء ما عدا الي رجعو للعراق واختفى مصيرهم  عموما صار السفر لامريكا وغير بلاد وهاجرو  العراقيين وصلو الي وصلو لامريكا او لكندا
الي  ما استوعبته  انة العراقيين   تعلمو من الدرس بس على منو  تعلمو على اخوتهم العراقيين   المصيبة والشي المحزن لما وصلنا وجدنا جاليات عربية من نفس البلدان صدكو اخوتي يتعاملون اخوتنا العراقيين وياهم بحب ومودة وهم دا ينصبون علينا باسم الحلال واللحم الحلال والكلاوات الي نعرفة  اخوتنا اللاجئين تعلمو براس اخوتنا العراقيين هنا واحد كام يصير براس  اخوة معلم واما الجاليات  الاخرى ومنها الباكستانية  كلهم ايد وحدة بكلشي بالسراء والضراء  واحنا متفرقين عن بعض بالسراء  والضراء
السبب شنو
السبب نقص بثقافة الغربة
ومثلما يقال السفر ميزان الرجال
اخوكم ابو انس

[الخالدي الاصيل]

ابو انس شنو السالفه يمعود اليوم مواضيعك كلها الام وحسرات فكها يمعود شويه وكول يالله واكيد كلامك مضبوط 100 بالميه والله يهدي ويسامح الجميع
ان شاء الله ربي يسعدك ويفرحك بالدنيا والاخره
دعائي للجميع بالموفقيه
اخوكم ابو عادل الخالدي

[ابو انس]

تحياتي لاخو اني  الغالين وشكرا على سرعة الرد
واخوية الغالي الخالدي  والله اعرف بس شنو الي بايدي لانة الي  الي ديصير مو بس بولايتي صدكني بغير ولايات نفس الشي
وادعو الله ان يصلح النفوس وينلم  شملنا  يارب

[صابرين]

ابن البلد الاصيل يبقى اصيل.... ونقبى ندعي ونقول ان شاء الله
الله يهديهم ويارب تصفى القلوب ويحنون على بعض

صابرين

[راهب الحب]

حبيبي الغالي أبو أنس ::
موضوعك يحوي على الحقائق وما انكر هذا الشيء لكن بنفس المقياس لازم تعرف أنه ( لو خُليت قُلبـِت ) وماكو أحد معصوم من الخطأ ...
على حد تجربتي وخصوصاً آني قبطـّت السنة الخامسة بسوريا أكاد أجزم بإنه كان البلد الأنسب للعراقيين وإن كان يتأخر في بعض الخدمات ولكنهُ الأقرب والأنسب لللاجيء العراقي ولا تنسى بسنة 2006 وإنته صاعد من سدت الحدود بكل البلدان ظلت سوريا تستوعب إلى أن وصل عدد العراقيين إلى أكثر من 3 ملايين عراقي وآني احجيلك إياها بصراحة :: يكفيني إنهُ فتحوا بابهم بوجهنـا في حين بأمر الظروف وأقساها أغلقت البلدان الأخرى أبوابها وحتى بشغلة الإقامات فإذا سدوا باب بوجهك يفتحون باب آخر وهكذا ... والشغلة الاهم إللي محترم نفسه محّد يگدر يگوله على عينك حاجب وعيونك بعد شهر مسافرين إحنـا بتسهيل من الله لكن تعال شوف جيراننـا وكلهم من السوريين حتى بجي ديبجون على فراقنــا ودا أضربلك مثل عن نفسي شخصياً ..
 ومو بس هذا السبب كذلك أعتبر سوريا الأرخص قياساً بالبلدان الاخرى مثل تركيا والأردن ولبنان
يا حبيبي الغالي مو كل أصابعك سوة وبالوگت إللي حجيت بي على الإخوة العرب تلگى العراقي من دمك ولحمك ينصب بإخوانه ويحتال عليهم والإخوة العرب يتعجبون من هذا الموقف ....
لا تعتبر كلامي دفاعاً عنهم لكنهُ هاي الحقيقة ومحد يگدر يتغاضاها وبالتالي الشغلة نسبية ....
تمنياتي إلك بالتوفيق ودُمت بألف الف خيـــر ... †





                             أخــوكــُم / وسـام بهنـام داؤد الخابــوري

[freeman2]

يبقى العراقي هو الصيد السهل من حكومته اولا ومن باقي الجنسيات وبمسميات مختلفة مرة بأسم العروبة ومرة بأسم الاديان ومرة مااعرف بشنو

ابوهدى

[ابو عبد الله التكساسي]

والله يا عمي مدري شاكلك
ابدي منين وانتهي منين
بس اكول
حسبي الله ونعم الوكيل
حسبي الله ونعم الوكيل

[ابو انس]

شكرا لاخوتي على تفهم الموضوع وسلام ومحبة انشاء الله يارب تعم قلوبنا
وانفسنا  الراحة والامان في كل بلد موجودين اخوتي  فيها  وشكرا على ردودكم
 اخوكم ابو انس

[ابو انس]

اخي العزيز  والغالي
راهب الحب  شكرا  لك على  الرد على موضوعي
عنوان الموضوع هو (اخوتي  اللاجئ العراقي ليش تغير بسبب شنو؟؟؟؟؟؟؟؟ جهلنا   بثقافة الغربة )
بس الي حبيت اوضحة لك اخي الحبيب انة موضوعي  يشرح ثقافة الغربة لاخوتنا العراقيين وكيف تعاملو في الغربة بعدم ادراك  والي صار معاهم في بلاد الغربة  وانا لا اطعن باي بلد عربي شكر الهم على الاستضافة ولكن هو رد  الجميل وليس الجميل لانة العراق  افضالة  لاتنسى وشفنا  اخوتنا العرب شلون يتكلمون عن العراق
فيا اخي كلامي على اخوتنا  والي صار معاهم وثقتهم بالغربة قبل  اولاد بلدهم  واظن انة  لنا اخوة  عاشو  في سوريا وانا شخصيا سافرت لثلاث بلدان عربية والحمدلله اقل ما نصب علي  في سوريا 1000 دولار ومن قبل سوريين وعراقي  والبقية  تاتي وفي المنتدى موجودين   اخو ان عراقيين  وكانو في بلاد عربية  وقصصهم  تشبة قصص الف ليلة وليلة  من عمليات النصب الي تنصب عليهم وضاعت فلوسهم
 
اما موضوعي هو عن اخوتنا العراقيين  لا عن  اي بلد عربي  لانة الكلام عن معاناة العراقيين في الدول العربية فلا يكفي كلام فية  لبقية العمر ا لانة العراقي لولا فلوسة لما استطاع ان يعيش في البلاد العربية
يوم واحد والله يخليكم خلي  نعيش الواقع وماكو دولة عربية اله فضل على عراقي لانة ماكو اي دولة انطتنا من جيبة بل العكس اخذت من جيوبنا
وفي الختام لا تزعل اخوية راهب الحب كلامي هو ليس على الدول العربية او اي شعب لانة عنوان الموضوع واضح
  ( من كان منكم بلا خطيئة فليرمها بحجر )
اخوك ابو انس  

[eng.a7med]

لا حول و لا قوة الا بالله

كلامك صحيح بس اكيد اصابعك مو كلها سوى

الله كريم

تحياتي

[عيني بغداد]

السلام عليكم
اخي ابو انس العزيز
خلي احجيلك موقف صار قبل اشهر بتكساس من قبل شخص عراقي ديريد يترزق من بيع السيارات المستعلمه. الحمد لله الرجال يريد يشتغل علمود يعيش بس المشكلة بهذا الشخص حاول ان ينصب على ناس كانت تساعده من كان بالاردن عايش في بيت من تنك وماعنده ولا باره, المهم ربك كشف للناس محاولة النصب مالته بالوقت المناسب.

الاخ ماجلان جاوب بشكل مختصر واني اتفق وياه بالجواب والمشكلة يا اخي تكمن في داخل الانسان وأصل التربية مالته.
يا اخي المثل يكول العضه بالجلال.

تقبل مروري
عيني بغداد

[نيولوك]

اخي العزيز ابو انس
كلامك صحيح والله يغير النفوس بلكي الايام الجايه يتغيرون يا اخي ذنبي طلعت عراقي بهاي الدنيا
والله انا عندي صديق الي يكول البارحه تعرفت على وحده بالانترنت بس عرفت عراقي بدلت علي
وبدون سبب
يا اخي بس لانوصل لهناك وننصدم بالواقع لان هسه اللي بالعراق نوعا ما معذور وبنفس الوقت متأقلمين
 
اتمنى من كل عراقي اصيل ما ينكر ابن ولايته وبالذات بالغربه

شكرا على المرور

[chaldian prince]

هذا الحجي صح وحيل صح

مع الاسف الغربه كشفت معدن كل واحد الردئ والزين وال اخو خيته والطيبين.

ثقافه الانسان هي الحكم وبالتاكيد الاخلاق التي تربى عليها.

هكذا اشباه الانسان لا يجب ان نعيرهم اهتمام .

تحياتي للطيبين .

[MAGGIC]

اخي العزيز لاتدوخ بس خقك الصدمه صعبه

ثق بالله كان لي صديق اغلى من نفسي قبل ليسافر او والله مقصرت وياة حتى يوم السفر من ساعه 4 الفجر ويا نزلت اله الجنط بيدي من الطابق الخامس وانا كان عندي الام ظهر بس من وصل حتى تلفون مخابر طلع الاخ يدور مصلحه بس كلت الله بصلح حاله يجي يوم ويحتاج الناس

بس لاتنسى لو خليت قلبت والله يهدي الناس لما بيه الخير

ولاحول ولا قوة الا بالله

تقبل مروري

[angie-dawood]

انتوا سوو الخير ولا تنتظرون المقابل  افعل ما بالخفاء ربك يراه بالسماء كل عمل خير ربي يجازيك به

[Alawi]

كلام اخونه ابو انس صحيح
وحسبي الله ونعم الوكيل ... بس كونه مؤمنين ويارب تتغير النفوس للاحسن لان اكو هواي نفسيات تعبانه مو كولهه بس للاسف هواي وهذا الدا اشوفه على عكس اقليات موجده هنا اخرى دنشوفهه اشلون متكافأه جدا ... يمي ابكولورادو الاقلية السودانية والنيجيرية والموريتانية ما شاء الله يعني مشفت هيجي تكاتف قوي بس احنه العراقيين للاسف .. لكن مو كلهه اكو منهم الطيبين امثالكم ويارب المحبة الابدية...

فالله محبة

اخوكم علاوي
كولورادو

[ابو عبد الله التكساسي]

انتوا سوو الخير ولا تنتظرون المقابل  افعل ما بالخفاء ربك يراه بالسماء كل عمل خير ربي يجازيك به

بارك الله بيج انجي وكلامج سليم
الي يسوي الخير لرب العالمين لا ينتضر اجر من بني ادم

[راهب الحب]

حبيبي الغالي وصلت فكرتك هسة وآسف إذا حجيت بشغلة ثانية وهسة جوابي إلك هو سطر واحد ::
((( لأنــنـا عراقـــيين  .... وآني أشبه العراقي بلعبة الورق (بالجوكـر) ؟؟؟ يعني يمشي ويا الكل وين ما تحطه يمشي  )))

[there is hope]

السلام عليكم ابو انس الورد
   
    لاتضوج والله اني مريت بنفس حالتك من كنت بسوريا بس والله اللي وقفوا اللي السوريين مو العراقيين واللي حصلي شغل هم السوريين مو العراقيين لان كان احد رجال الاعمال اللي ما اريد اذكر اسمه يرفض يشغل واحد عراقي الا سوري او اي جنسية اخرى, وحتى من رجعت للعراق تعرضت لازمات كلش هوايا ومن اقرب الناس اللي, للاسف البعض وااكد على كلمة البعض نسوا التربية اللي عشناها والعادات اللي اهلنا علموها النا اسف للاطالة بس الموضوع يذكر الكل بمأسي هواي صارت بينا بس ارجع واكول دائما اكو نور بنهاية النفق والانسان لازم يشوف  حتى يتعلم بس للاحسن مو للأسوء

    اخوك
there is hope

[ابو انس]

جزاكم الله  الف خير اخوتي الطيبين وشكرا على تفاعلكم حول الموضوع وفعلا انة موضوع واسع ويستحق انة ننظرلة بجدية تحية لكل ردودكم ولشخصكم الكريم
اخوكم ابو انس

[احمد عباس]

عااادي العراقين اثبتو جدارتهم باذيه بعض

يعني بالاردن تروح لشركه عراقية وكل شغلها بالعراق

الموضف الاردني راتبه 1500 والعراقي 300 لو 400 وهوه يشتغل احسن منه ب100 مره

ليش ؟ لان العراقي يشتغل بالختله ماعده عقد عمل الاردني عده عقد عمل فه ابو الشغل يخاف منه

وابو الشركه اذا بطله للموضف يضل يطي نص الراتب اعتقد لمده 3 اشهر يعني مو يذبه الموضف بالشارع


بس اذا جان الموضف العراقي لا يبطله وميهتم اله وهوه يدري هذا الموضف اعتماده على راتبه وعلى الله
اذا تبطله وين يطي وجهة شيوكل ولده بس ميهمه المهم بطل الشمبانيا الي بكذا 100 دينار يكون منصوب يوميه بليل



واحد من اصدقائي اشتغل بقناة عراقية معروفه تبث من الاردن كلوله سبوعين تدريب تشتغل بدون راتب كلهم زين

شغلو سبوعين كونترول فوتلهم مسجات بكذا الف دينار وكلوله شغلك موزين


اتضح لهذا الولد هاي القناة تستغل العراقين تشغلهم سبوعين تستفاد منهم وتبطلهم والشباب شيسون يكلك اجرب بلكي يشغلوني

[عراقي1995]

كلام سليم وواقعي

[مُغترب]

والله ماعرف شكلك يا اخي

هذه مشكلة الناس

تحب تتلون وتتنكر بسرعة

صدك مو دفاعا عن العراقيين بس هواية ناس من دول العالم بيها هيج نماذج

لا تضوج نفسك حبيبي

هيه صارت مصالح

ارحموا من في الارض يرحمكم من في السماء

وللاسف الاكثر لا يتراحمون فيما بينهم

بل العكس

نفاق وغيبة وخداع مصالح

الله كريم

السلام عليكم