مِن تسافر..
مدري شيسافر مني،
مدري شيذّبل بروحي،
مدري شيجيب الحزن..
شيجيب الدمع والنوح؟
وك مجروح يبنادم،
مجروح من كل كتر..
وين التفت.. مجروح!
من تغيب..
مثل.. متغيب شمس الله
تاخذني نوبة برد
ويمتلي گليبي ظلام
احچي ويْ روحي بغيابك
لا روحي تسمع
ولا أنا حاچي كلام!
ردتك شوية دفو
لآخر ايامي
ردتك لبردي جمر!
ردتك تعاونّي مرة
تكسر الوحشه عليّ
وتشيل وياي الحِمل
كثرت الطعنات يبن الناس،
وگليبي طفل!
مر الشته
والروح جرَّحها البرد
وانتَ..دفو ينطر دفو
موسم يجي..
وموسم يرد!
[/size]
الكاتب
