عراقي اني وانتمي لاوطاني
الحزن دمي ويجري بشرياني
هاي الجنسية فسفورة ومثلث اصلي من الجذور اني
العجمي طبع الاسم فوك الصورة وكال عراقي اني
تحكم بالشريعة والقانون والامر من قم ايراني ايراني
الحكومة تكوول الامن زين !!! زين وهاي وين يمكن اطرش و اعمى اني ؟
صارت حتى النسوان تفجر نفسها وصاحبنا يكول الامن زين هذا وعد مني اني !!!
الحكومة تغازل المانيا واوربا وتريد المسيحي يرجع للاوطاني
تنكرون لا يمكن ما تذكرون؟ ..... ذبح وتشريد للعالم كل يوم ولو انتو ما تعرفون شكو بعد السيجاني ( اقصد بي المنطقة الخضراء )
ويكولون لا هذولا زبدة البلد وشهادات وخبرة وعلم وبياني
وين جنتو قبل ؟ها ؟ لمن صارت الناس تهاجر تدور الاماني؟
بس كالت اوربا نريد المسيحين!!! .. الحكومة صاحت لا نريدهم يبنون البنياني
ولك يا بنيان هو ضل حجر ما صاح منكم يا ويلي اني ؟؟
خلينا نروح يرحمكم الله ولو الدعوة هاي مو من قلبي اني
خليكم للكرسي وعوفونا ندور ارض تحترم الانساني
ما نريدكم ولا نريد خيركم الجذاب المخلوط بدمي وبدم اخواني
ولكم ما خليتم درب نندل بي على عنواني
لغوة بس وللخطابة انتو احسن من ابو فراس الحمداني
كالت الصولة وحجت الفرسان بس النتيجة شنو؟ ناس تـنذبح بالسنك والصدروالكرادة والخلاني
وزوار الكاظم ينذبحون بغدر لانه الحكومة كالت احنا مسيطرين بسواعد الفرساني
شغلة انتو موكدها ليش تضلكم تسولفون وتكولون الامن صارزين و احسن في زماني
والله حيرة شدة زلم كاملة تلف باوربا ويكولون احنا كاني وماني
وبينهم وبين نفسهم يكوولون (هو بالخضرا يادووب الامن اشوفا اني)!!!!
ما جنا هيج والله لا سني ولا شيعي ولا مسيحي واحد كلنا نكول عراقي اني
خليج عارفه يالحكومة ما ارجع مادام اجدامك تطبع للحزن عنواني
ومادام دجلة والفرات ينكروج ويكولون هذا مو ابني اني
ابني الي شال همي وكال هذا اني
ويكول الحق وما يخاف من امريكي لو عربي لو ايراني
ابن دجلة والفرات عراقي وينخا اخوه بزمن استسهل بي هواني
بس انتو للمنصة رفيج وللكرسي احسن صنواني
بلكي الله بالانتخابات الجديدة ينتخبون واحد يكول بس هذا هو الحد وكافي خذلاني
ياعراق صبرت وصبرنا وياك بس وين الحيل الي يصبرنا على شلة الكاني ماني
عذرا ياعراق مانكدر نجيك ما ظل احد هناك من اهلي وا خواني
لا بيت لا عشيرة لا جيران كلشي صار في ماضي ازماني
للاسف ما ضل حجي احجي خلي الضمير ايكول شبي اني
ليث الابيض _ كندا
