اذا وصلت المانيا بفيزة شنكن يونانيه على جوازي العراقي هل ينطوني لجوء؟؟؟؟

[waleedbatta]

الى الاخوه اني بحاجه الى معلومات اذا حصلت فيزه اليونان شنكن على جوازي العراقي واتيت مباشرة الى المانيا الى المطار  هل ينطوني لجوء او اقامه ... ان دخولي قانوني هل ذلك يجعل وضعي صعب او مستحيل بالحصول عل اللجوء؟ علما اني مسيحي وقد سمعت المانيا تنطي اقامات للمسيحيين. مع الشكر والتقدير

[baidaa11]

اخويه معلوماتي ان اللجوء بالمانيا  ينطو بفتره لاتتجاوز سته اشهر بالنسبه لاخوانا المسيحيين

والله اعلم

موفق ان شالله

[Tik Tak Tik Tak]

اخويه ...المانيا جدا جدا صعبه بالمعامله مع اللاجئين و خصوصاً العراقيين منهم ...نصيحتي اذا عندك فيزه روح للنروج او فلنندا أو بلجيكا لي هسه تقبل ...وانشالله التوفيق
ملاحظه "بلجيكا اذا عندك اوراق مضبوطه تقبلك" لكن الكامبات تعيسه جدا جدا

[Baghdady73]

اول شيء من غير المفضل الذهاب الى المانيا مباشرة وفيزتك يونانية لان السلطات في المطار سوف تسالك لماذا اتيت الى المانيا ولم تكن في اليونان..قانونيا بامكانهم قبولك او رفضك وحسب قناعة موظف المطار..المسالة الثانية يجب ان تقدم لجوء بعد دخولك الاراضي الالمانية بسلامة ويجب ان لا يتم العثور على الجواز والفيزا بحوزتك لان من الممكن جدا ان يتم ارجاعك ويسهولة..هناك فقرة في قانون اللجوء تنص على ان طالب اللجوء يستحق حق اللجوء السياسي عند تقديمه للجوء في المطار ولكن المسالة خطرة جدا خصوصا في حال اكتشاف الجواز معك وسيتم التحقيق معك مرتين مرة مع قسم بوليس المطار والثاني في مقالة اللجوء لهذا يجب دراسة الموضوع بشكل مفصل قبل القيام بهكذا خطوة..

بغدادي

[alugily]

اخويه العزيز ابوجهك عدل وگبل البلجيكا اظمن شي هسه هيه لانه ابن عمي قبل اقل من سنة راح الهولنده واكل تبن حشه السامع وهسه كلش متندم لانه قسم من اصدقاءا راحو البلجيكا وكلش مرتاحين اخويه اشلع البلجيكا تره المانيا من قبل 5 سنين انتهت سالفتها وصارت كلش صعبه

اخوك (العگيلي)

[matrix iraq]

شباب السلام عليكم

اسف ولو الموضوع هذا انتهى من زمان بس حين مدا اكلب بدفاتر العتك اكتشفته

شباب عندي سؤال في حالة حصلت على فيزا شنغن

وبصورة رسمية

هل عند وصولي اي مطار من المطارات الاوربية راح ياخذون بصماتي لو عادي بس ايشوفوه وامر

لانه اذا اخذو بصماتي احترك فلمي معناته

ارجو منكم الرد

[alen franso]

اخوية العزيز اذا توصل الالمانيا ماياخذون بصماتك بصفتك سائح بس من تقدم على اللجوء ياخذون بصماتك انت من توصل الالمانيا شك جوازك وحاول اسويلك جواز او اي شي يثبت غير اسم يعني من تقدم اللجوء لاتنطي اسمك الي جان بالفيزة لين ماتحصل لجوء لين تعتبر جاي بصورة قانونية فسويلك جواز بغير اسم ومن توصل عادي فوت بجوازك وبعد اسبوع روح قدم على اللجوء بغير اسم

[** يدكو **]

اخوية العزيز اذا توصل الالمانيا ماياخذون بصماتك بصفتك سائح بس من تقدم على اللجوء ياخذون بصماتك انت من توصل الالمانيا شك جوازك وحاول اسويلك جواز او اي شي يثبت غير اسم يعني من تقدم اللجوء لاتنطي اسمك الي جان بالفيزة لين ماتحصل لجوء لين تعتبر جاي بصورة قانونية فسويلك جواز بغير اسم ومن توصل عادي فوت بجوازك وبعد اسبوع روح قدم على اللجوء بغير اسم

مثل ماكال اخي بالضبط انت اول ماتنزل وتروح تستقر اما مزق الجواز الي بيه الفيزه او ضمه بمكان امن وبعدها من تروح على دائره الهجره وتسلم نفسك ينطوك موعد على المقابله وراح تقدم ملفك وانت بهالحاله ماعندك بصمات بس انتبه اذا عندك بصمات بيونان او احدى دول الاتجاد الاوربي فراح يرجعوك الها

وهسا المانيا داتقبل لاجئيين وداتنطي اقامات للاقليات كلام موكد

اما النرويج من احسن الدول الاوربيه من حيث الاقامات واغنى الدول الاوربيه لانها تمتلك مخزون عالي من النفط وعدد سكانها قليل جدا وهي اكيد بحاجه الى الايدي العامله ولهذا داتنطي اللجوء ولكن من توصل الى النرويج ان رغبت بالذهاب اليها لازم تنطي جواز سفر عراقي من تقدم على الاقامه في دائره الهجره ومايكون مختوم بفيز الاتحاد الاوربي

اما غير الدول بلجيكا وهولندا والدنمارك والسويد كبل كانو احسن بس هسا اكو صعوبه من ناحيه الاقامات بالتوفيق[/color]

[kunda]

أخوية انت من كل عقلك تحجي؟؟؟؟؟!!!! تريد اتفوت لدولة اوربية قانوني وتقدم لجوء وتريدهم يقبلوك ههههههه هاي وين صايرة أخي بدون تعلوم اخوانك العراقيين شيسوون ؟سوي مثلهم وهو انه يروحون قانوني لفد دولة ويعبرون لغيرها باي طريقة ثانية (قطار ,مشي ,سيارة)وهناك تروح تقدم لجوء ودير بالك تكول اجيت قانوني لليونان ترة يرجعوك بنفس اللحظة وكأنك يابو زيد ماغزيت

[nonakoko]

اخوية العزيز وليد اني فادي اخوك ساكن بالمانيا بس اني اجيت عن طريق اليو ان - المهم اني عندي شوية معلومات عن اللجوء بالمانيا اول شئ لازم يكون ماعندك بصمات باليونان وثاني شئ لازم تنزل باي دولة اوربية وبعدين تجي الى المانيا عن طريق القطار او السيارة لان اذا نزلت بالمطار بعدين من تقدم اللجوء راح يدكون اسمك بالمطارات مال المانيا ويشوفوك شون دخلت - بس خليني ابشرك المانيا اسهل دولة حاليا تنطي لجوء وخاصة للمسيحين والشغلة اذا قفلت بيدك متطول اكثر من ستة اشهر وتجيك الموافقة
والله اعلم
ادعو من الله انه يسهل امرك ويوفقك
اخوك فادي