ماضل صبر بالروح واسود نضرها......لا من قهر لا ضيم حبك دمرها
الى سيده عمري الفاضله
اشكي بس روحي ابيه
واخفي دمعاتي بديه
شردت من عندك يالماحنيت عليه
جنه نرسم شوكنه فوك السوالف
وجنه نتوادع لمن تبجي الجفوف
وجنه من نظراتنه تسكت الوادم
ولو حجينه اثنينا اينام اليشوف
وجنه راضين بوضعنه وحالنا
رغم كلش قاسيه ويانه الظروف
وجان مو يوم اللي مانتلاكه بيه
ومن اشوفك نحمد الله اثنينا
شصار هسه شغيرك بيه السبب
لو دخل واحد غريب ابيناتنه
ماتدري بيه انا فصلت العمر كله على كدك
وانا عفت الدنيا كلهة وما ردتهة وردت ودك
دشوف قلبي من انام ايغافل عيوني ويجيك اينام عندك
ياثمر شتلة صباي و يا ثمر بالدنيا كلهة بلون خدك
شافتك روحي امس بالطيف اجيت ومني خافت ليك اجت لاذت بسدك
انا خلصت الحجي وواضح كلامي روح والله يسامحك ماريد ما محتاج ردك
بس جنت محتاج حنان وحب وحظن دافي ووردك
بس جنت محتاج حنان وحب وحظن دافي ووردك
تحياتي
ابو العيس الجريــــ؟؟؟؟ـــــح
شاعر الحزن وبالحزن شاعر
م؟م؟
الكاتب
