معلومة جديدة حبيت اشاركم بيها

[أبن زيونة]

السلام عليكم شلونكم عيوني شخباركم ان شاء الله الكل بخير
البارحة جنا كاعدين كعده عراقية حلوة وأكو وحده مريه نعرفها ومحترمة مقدمه على المفوضيةUNوطلعتلها أمريكا طبعا رفضتها مو علمود متريد تروح بس لأن ولدها التلاثه بأوروبا فمتكدر تروح لهناك المهم مخابريها المفوضية وموقعيها على أوراق الرفض على أمريكا وكايليها وهاي راح تفرح الموجودين بالأردن الي رفضوا أمريكا او المرفوضين من أمريكا والمسجلين انه اكو جم دوله فاتحه هسه وهي أمريكا بالدرجة الأولى والمانيا طلبه 6000عائلة عراقية هالسنة والنرويج وبريطانيا وأستراليا وكندا وكايليها الج حق تختارين تلث دول تكتبيها هسه بدل أمريكا وتنطين الأسباب ليش أختاريتي هاي الدول وكتبت 3دول مع الأسباب لأختيارها ووقعت علي أوراق فهاي همين بشارة خير ان شاء الله وبلكي تفرج عالكل والمرية مثل مذكرت محترمة وصادقه يعني مو من النوع الي أيفيل ويهول لأن جان مكتب هذا الموضوع لوما أعرفها كلش زين فكول يارب الله يفتحها عالكل وادعولنه بالخير على هالخبر المفرح

[/b]

[حمودي ابن زيونه]

يصير ارفض امريكا .. والله لعبت نفسي

[ريم عبد]

عاشت ايدك اخونا ابن زيونه هذا خوش حجي وكلش حلووووو
يستفادون منه الرافضين والمرفوضين
وعجبا اجراءات باقي الدول الاوربيه هم هيجي طويله مثل امريكا
ياريت اتابعنا هالخبر
وان شاء الله الكل يستفادون منه
والله ايبارك بيك وايسهل امرك

زين مكتلنا انت راح تشتغل على هاي الصفحه مادامك من الرافضين

[angie-dawood]

عاشت ايدك اخي ابن زيونه على المعلومات المفيدة انشاءللة ربي يفرجها على الكل ويارب هل سنة تكون سنة الخير للجميع

[good sniper]

شكرا الك ابن زيونة على الخبر بس ياريت اذا تعرف بمصر هم اكو لاوربا لان اني هم اهلي كلهم بالمانيا والسويد  اذا يصير ارفض امريكا وعلما اصلا اني كنت بالسويد والمانيا  2002 - 2003 لاجئ ورجعت قبل الحرب 20 يوم  وهنا طلبت اوربا بالتوطين وكالت الموظفة ما عدنا بس امريكا وكندا بالوقت الحاضر  اخوية ابن زيونة اذا اكو شي جديد تعرفه ياريت تكتب واني ممنون منك جدا



اخوك ابو فهمي

[freeman2]

عيني ابو فهمي
شنو تريد ترفض امريكا هسة وبعد هذا التعب كله ؟؟
وراح تنتظر وتيعد مقابلات وغيرها بعدما قطعت شوط طويل ..اتعوذ من الشيطان عيني ابوفهمي وخليها على الله
وانشالله تستقر وترتاح بأمريكا

اخوك
ابوهدى

[ضـاع الوطن]

عاشت ايدك اخويه أبن زيونة ان شاء الله ميبقى احد والكل تسهل امورة يااااااااارب


                                             ___________________________




                                                         

[شجرة الدر]

عاشت ايدك اخونه على نقل الخبر والله يفرجها عالجميع

[أبن زيونة]

مشكورة أختي شجرة الدر مرورج وردج والله يفرجها عالكل
اخوية ظاع الوطن ممنون ياوردة على ردك والله يسمع دعائك ودعاء الجميع
استاذي العزيز أبو فهمي هذا الحجي بالأردن وان شاء الله اسألك وأشوفلك بمصر شنو الفلم أذا لكيتلي أحد شوية ثقة حتى أكون صادق وياك وأني ماأريد أشجع أحد على الرفض والقبول لأن هذا الشي خاص بيكم وحسب ظروف الناس طبعا بس أني أنطيك نصيحة مني على حالتي أنه انت اذا قابلت محلف واستلمت الموافقة وظليت على الأمنية أو أنطوك موعد سفر حاول لأترفض لأن توطينك يصير صعب جدا"مثل حالتي والباقي عندك والله يسهلها عليك ويفرجها عالكل
أختنا الجمبدة أنجي مشكورة على ردج الحلو وان شاء الله اي معلومة تفيد الناس منبخل بيها عليكم
ممنون يا اختي ياريم الوردة وان شاء الله اتابع هاي الشغلة واجراءات الدول الأوربية وكلشي يجيلي مباشرة الكم ينقل حتى الكل تستفاد وشغلتي والله شوية صعبة لأن أني رفضت موعدين سفر وهاي المريه ألي نعرفها من البداية رفضت أمريكا بدون مقابلات فأني طبعا لعبت نفسهم لجماعة الUN يوميه مخابرهم بحيث كالولي الله يخليك خابر مرة بالشهر بس توطيني صعب فيجوز اذا يأست على غير دولة أ{جع أفتح ملفي مال أمريكا ماعندي غير حل نجي لأمريكا اذا وافقولنه نرجع ونتباطح يمكم والله يسرها علينه وعالكل
أخوية حمودي الله يعينك ويفرجها عليك والله يساعدك لأن الشغلة صدك تلعب النفس بس والله أخوية أذا مقابل محلف ودتنتظر الموافقة الأمنية أنتظر والله يعينك عصفور باليد خير من عشرة عالشجر والقرار الأخير الك

[good sniper]

شكرا الك اخي الفاضل ابن زيونة الله يبارك بيك ويوفقك


شكرا الك اخي الكريم freeman2 على النصيحة الطيبة الله يبارك بيك وانشاالله تجيك الموافقة الامنية باسرع وقت



ابو فهمي

[أبن خير]

أبن زيونة ..

شكرا لهذه المعلومات المفرحة .. بس لحد الآن لا نعرف السبب بعدم وجود دول تقبل العراقيين
المسجلين كلاجئين في مصر غير فقط أمريكا وحتى كندا أصبحت لا تريد من مصر !!!!
دعائنا للجميع التوطين والأستقرار .. تحياتي

أخوك أبن خير

[احمد سلطان]

اخونة العزيز ابن زيونة بارك اللة فيك على هذا الخبر انى عندى موعد محلفين على اساس بشهر الثالث من يجون لمصر وناوى العب نفسهم حتى يرفضونى لانى ماريد امريكا اكدر من هسة اروح  الى منظمة الاى او ام وارفض قبل ميجون المحلفين لو انتظر المحلفين اخليهم همة يرفضونى  وانى متحول لهم من اليوان وبكلا الحالتين ينطونى دفرة لو يحولونى لغير بلد واشكرك

[مُغترب]

وعليكم السلام

شكرا لك اخي الكريم على هذه المعلومات

نسأل الله ان يقضي حوائج الجميع

[راميال]

عاشت ايدك

[starxb]

شكرا اخي على هاي المعلومات الجميلة وانشاءالله تكون بداية خير لكل الي منتظرين توطين والله يفرجهه على الجميع.


                                 اخوكم ابو مريم

[zain 2009]

شكرا لك اخي وبارك الله بيك
تمنياتي للجميع وانا واحد منهم ان تتسهل امورنه هاي السنة
والله كريم

[ام بكر]

شكرا اخي ابن زيونه عالخبر الله يفرحك ويفرجها عليك وعالجميع .

[Wingo]

مشكور عيني على هذا الخبر
بلكي الله يكتبلنا الخير بمكان غير أمريكا .
نسأل الله عز و جل أن يوفقنا للخير أين ما يكون.

[y.a.r.a]

بارك الله بيك اخي ابن زيونه وياربي ايوفقك خوش خبر وان شاء الله يستفاد منه الاخوان

[alazawi]

مشكور ابن زيونه

AL AZAWI

[alaakato]

lممنون اخويه على المعلومه الحلوى منك
بس هاي عالى كل الدول لو بس سوربا والادن

[الناسك]

شكراً اخي عالخبر
ويارب ينفرج هم العوائل العراقية في الغربة ويطلعون على اي دولة حتى لو موزامبيق هم احسن من العراق ودول الجوار .